رواية كشف المستور الفصل السادس 6 بقلم جمانه السعيدي
ابو هبه باعي بابا اني ما اعرف اهلج ابد بس اعرف شي واحد انتي بنتي الي افديها بروحي ومستعد اقتل اي انسان ياذيه
مره جنت بلمحل وامج جانت بلدوام خابرتني كالت ارجع للبيت عندي شغله مهمه وياك
اني هم قفلت المحل ورجعت للبيت لكيتها واصله قبلي وانتي بحضنها نايمه ورديه وناعمه وزغيرونه
هبه هنا اني كامن دموعي ينزلن تلقائيا ودي اصرخ بس خفت بابا يبطل كلام وما اعرف اني منو كل شويه امسح ادموعي واحاول اركز بكلامه لكن دموعي مستمره مانكطعت ابد عبالك حنفيه ونفتحتت
ويه كل كلمه يكولها احس شي بصدري ينكسر
جمانه السعيدي
ام هبه....شوف هاي الملاك اهلها اليوم رادو يشمرونها واني جبتها اربيها واكسب بيها ثواب وهم اتصير ابنيتي تفيدني من اكبر شكلت
ابو هبه....خاف وراها مشاكل
ام هبه....هي وجوده بحياتهم اكبر مشكله لو باقيه جان ذبحو امها
ابو هبه شلون
ام هبه.....امس اجانا رجال جبير معكل ويه زوجته مبينه مره فقيره لابسه فوطه وعبايه
وياهم ابنيه عمرها ١٧ تقريبا البنيه بطنها منفوخه وطلبو من الدكتوره تفحصها
الاب بقا برا والام والبنت دخلن جوه
مجرد مافحصته الدكتوره كالت
الدكتوره....عيني هاي على وجه ولاده
الام....شلون دكتوره شتكولين بتي مامزوجه
البنيه كعدت ولمت نفسها وكامت تبجي
الدكتوره مثل ما اكلج هاي البنيه على وجه ولاده بس محتاجه عمليه لان الطفل جاي على مقعده
الام دكتوره فدوه كولي غيرها
...مثل ما اكلج
والمره وكعت ونغمى عليها
ام هبه اني طلعت للرجال بره وكتله حجي اذا عندك شغل روح خلصه وارجع بين مانسوي شوية تحاليل
الرجال كال اي عمي اروح اسوك وارجع
كوه كعدنا الام ونهارت بجي وصريخ وتكول شسوي وين اروح ابوها يذبحني كبلها وين انطي وجهي شكول
وكعدت وكامت تبجي وهي تبجي وبتها تبجي
بعدين طفرت على بتها موتتها كتل انريد انفرغها من ايدها ما نكدر
بعدين الدكتوره كالتلها حجيه هذا الحجي ميفيد جيبيها باجر اسويلها عمليه واجيبه لان بعد ماتتحمل اكثر
خل نجيبها بلسكته احسن ماتطلك عدكم وينكشف سرها
امها طفرت عليه اني اذبحج ويامن سودتي وجوهنا ولج ابوج مو بعينج اخوانج ماخفتي منهم ولله ذبحج حلال
الدكتوره....اهدي حجيه هذا الكلام مايجيب فايده
روحي للبيت وافتهمي منها بينج وبينها
الام...بس هسه شراح اكول الابوها
الدكتوره من يجي اني احجي ويا واقنعه مالج شغل
ام هبه طلعت برا لكيت الحجي جاي دخلته للدكتوره تحجي ويا
الدكتوره.....حجي انشاء الله ماكو شي بسيط بنتك عدها ورمه بلرحم وهي سبب هذا الانتفاخ ابطنها
الحجي....شني ورمه موزينه
الدكتوره....لاحجي لاتخاف نص نسوان العراق اتصير بيهن تعرف الجو ملوث والماي ملوث والأمراض كثرت
اريدك باجر تجيبها اسويلها عمليه واطلعها
الحجي....جا مايصير اله عمليه مايصير تاخذ دوه وتنزل
الدكتوره....حجي شما نسرع احسن هاي الورمه مزينه تبقى اكثر برحمها اذا تريد تتلاحك بتك جيبها باجر
بس احجز هسه ودفع الرسومات
واكو علاج جيبه من برا ضروري حتى اطيب بسرعه
جمانه السعيدي
اقتنع الحجي وحجز للعمليه وثاني يوم جابها من الصبح واجا وعافهن وراح وكال ارجع الهن الضهر
الدكتوره جانت حيل انسانيه رادت تنقذ روحين روح الام والطفل
وفعلا سوت العمليه واجت هبه للدنيا
بس رادن يتخلصن منها خوفا من الفضيحه
بس ام هبه كالت اني اريدها ولفلفتها وجابته
والحجي اجا الضهر اخذهن وطلع وبعد من ساعتها مانعرف اي شي عنها
هنا امج اقترحت اتسميج هبه كالت هاي هبه من رب العالمين
يا بابا مو من حق اي انسان يحاسبج انتي مالج ذنب بهذا الخطء
هنا اني نهاريت بلبجي
ابو هبه لاتضوجين حبيبتي يردون يتقبلوج بهذا وضعج اهلا وسهلا مايردون بكيفهم ابنهم مو اخر رجل بلعالم
جمانه السعيدي
رحت الغرفتي تمددت ومستمره بلبجي منين الكاها من يوسف الي تعلقت روحي بي من الماضي الي الناس كاعده تحاسبني علي
بليلته ابد ماغمضت عيني ولابطلت بجي وبابا كاعد يمي للصبح لا اكل ولانام
كاعد يقرا قراءن جان خايف اذا نام اسوي بروحي شي
للصبح كاعد يمي
الصراحه ابد ماتغير احساسي اتجاهه
هو بابا الاول التالي
حتى بعد ماسمعت هاي السالفه بلنسبه اليه هو ابوي الي فتحت عيني علي
هذا حالي اسبوع كامل اني اكل وجبه وحده بليوم وما انام اله اخذ مهدء
وبابا صار اسبوع معزل المحل ومكابلني وكاعد
ماجان ابالي غير يوسف
من كل عقلي منتضره يجيني واكول هسه يحن كلبه ويجي
هسه يشتاق ويجي
مامعقوله نساني بهل بساطه
يمكن لو يرجعلي اطيب وانسا كلشي صار وياي
بس جنت احلم حلم يرجعلي
مر اسبوع واني حيل تغيرت ضعفت ووجهي شاحب وماليه خلك لاي شي
بس مكابله التليفون ومنتضرته يتصل او يوديلي رساله يكول انتضري بس تمر هاي الازمه نرجع
حتلو سنه انتضره لو عشره انتضره
احبه وما اكدر انسا هذا الحب الاول انطبع بكلبي
وبيوم اندكت الباب وبابا طلع بس من رجع كال ناس متيهين ويسىلون على عنوان
بس هي جانت ورقة طلاكي دازها يوسف
يريد يكطع اخر خيط بيني وبينه
ضمها بابا وما كال ابد
وعايفني عايشه بحلم مادام ما دز ورقتي اكيد يريد يرجعني
اكيد تندم
جمانه السعيدي
لليل دزيتله مسج اشتاقيتلك بس مارد
رجعت كتبت احبك وكتلني الشوق مارد
كتبت....منتضره
وبعد انتضر العمر كله يااول حب بحياتي
وستمريت بلكتابه والاتصال وهو مامعبرني
الشي العجيب
معقوله نسى بهاي السرعه كلشي بينا نسى وماعاد يذكرني
يعني ينام بلغرفه وماتجي صورتي كباله
خليت التليفون بصفي وغمضت عيوني سمعت رساله اجتني كلبي طار من الفرحه كلت اكيد هو رد عليه
فتحته لكيت كاتبلي
اني طلكتج ودزيتلج الورقه بعد لاتتصلين ولا ادزين رساله
صحت بابا بابا يوسف يكول دزيت ورقتج صحيح هذا الكلام
ابو هبه ولله العظيم مايستاهلج انتي تستاهلين واحد احسن منه
همزين كشفتي حقيقته قبل لايصير بينكم اطفال
جمانه السعيدي
تحسرت حسره شكبرها وتمددت ودموعي كلعاده بدن يجرن بدون توقف
بقيت اردد حسبي الله ونعم الوكيل على كل ضالم ضلمني
ادهورت حالتي الصحيه حيل
النهار كله نايمه بالفراش وبابا ضايج عليه
وحتى للشغل مايطلع يخاف عليه خاف اسوي بنفسي شي
حتى الكلام كطعته حسيت الحياة حيل ضلمه بعيني
مر سنه واني اعالج بجروحي الي ينجرح بمكان بجسمه
سهله يعالجه
بس الي تنجرح روحه شلون يطيب
وشكد وقت يحتاج حتى يتعافه هذا الجرح راح يبقى
بروحي للابد
بعد ماتركت الدوام سنتين قررت ارجع اريد ارجع الحياتي
الطبيعيه اريد اطلع من حالة الضوجه والكئابه
بدا الدوام وكنت احس نفسي مختلفه احس نفسي غير كل البنات احس عمري ٨٠ سنه
ما اكدر اضحك مثل البنات الاشياء المهمه عدهن
عندي كلش تافه وماله معنى
ماعندي صديقات وقليلة الكلام كلش
اروح بطريقي وارجع بطريقي
اهم شي اقرا واحضر واجباتي
اكثر واحد جان حاس بيه بابا
نجحت من الثالث متوسط ودرجات كلش زينه
بديت احضر نفسي للاعداديه
بس ماكو فرحه حقيقيه بكلبي
وكان باب الفرح انسد وضاع المفتاح
بديت اداوم صحيح مدرسه جديده وعالم جديد
بس اني روحي هي روحي ماتغيرت ابد
ماتعرف تفرح ابد
وبيوم رجعت من المدرسه لكيت عدنا رجال بلبيت
عمرا تقريبا ٣٨ سنه
بس دخلت بابا كال تعاي سلمي على ثامر
هبه ثامر منو
...تعاي واني اكلج منو
...دخلت سلمت واكلني اكل بعيونه
...بابا كال اكعدي
هبه اريد ابدل
....اكعدي شويه لاحكه على التبديل
كعدت وبدا ثامر يسئل اسئله تافه وتقليديه
شكد عمرج انتي يامرحله
وين مدرستج
ضجت كلش كلما اريد اكوم اطلع بابا ياشرلي اكعدي
ما اعرف ليش ما ارتاحيتله
وضجت منه ومن نضراته
حسيت نضراته اليه تفحصني فحص
مو نضرات بريئه ابد
