رواية فصيله لاخو حبيبي الفصل السادس 6 بقلم ارسلان الجاف
(فصليتي محد اله حق يدخل)
مساكم الله بلخير داده جاي اتاخر عليكم مو بس من وره تفاعل اذا تفاعلكم يرجع طبيعي انزله بين يوم ويوم تحياتي الكم باجيات لا تنسون لايك وتعليق
اجت امينة وجايبة هواي شغلات لملاك وملابس كومة...راحت لغرفة صلاح شافتها مقفولة دكت الباب وملاك ماجاوبت خافت واصلا شتكول مقفول الباب عليه...
امينة شافت فاتن نزلت:فاتن وين فهد
فاتن:ماعرف اجاني وشمر ملابس الي اخذتيهن للفصلية..وحذرني اروح الها
امينة:استغفر الله اكول الباب مقفول عليها
فاتن:والله كسرت خاطري مساع شفتها بعد العقد وشكلها بعمري والله كلش ضجت فهد يقبل عليه اصير فصلية ليش قبل بالفصلية وماقبل بالفصل الفلوس وتنتهي السالفة
امينة:سكتي لو شفتيها بعد ما اخذها اخوج مدممها ومكسرها تكسير
فاتن:خطية وامي ليش مامنعته والله حرام
امينة:امي لحكتها هم تريد تضربها المسكينة شذنبها هي ليش مايفهمون ماعرف..اني لازم اروح
فاتن:اي زوجج اتصل عليه يكول مغلق تلفونج
امينة:اي اتصل عليه مرة ثانية وحاجيته وهسة راح يجي الجهال شالعين كلبه اليوم...اخذي هاي الملابس والاغراض وديهن لملاك..اني رايحة اجهز ملابسي...وراحت وجهزت ملابسها واجه رجلها واخذها...
...هسة دنيا مغرب...
كيان توه رجع البيت ودخل امه وسهر وبناتها وفاتن كاعدين بالصالة...بس زين العابدين بغرفته...
كيان بهدوء:سلام عليكم...
ركضن عليه بنات اخوه وشال الصغيرونة وباسها...
الكل:وعليكم السلام.. حط الصغيرونة ويريد يصعد غرفته..
ام فهد : كيان يمه تعال يمي مشتاقلك اليوم كله ماشفتك
كيان : صار تددلين..وكعد يمها..شلون صحتج اليوم
ام فهد : الحمدلله احسن..اكول سهر اشو بعد ماشفنه الفصلية
فاتن:فهد قافل عليها الباب
كيان عقد حواجبه:وليش حيوان هي
سهر:تستاهل هذا قدرها
كيان كام وبعصبية:هي بشر مثلج وتره الله مايرضه بالظلم
سهر:واني شكو هو قافل الباب عليها اني شعليه تعصب عليه
كيان بعصبية:اني من باجر ارجع للحشد ولا تكولين يمه لا ماكدر اشوف ظلم واسكت
فهد توه طالع من الديوان ويريد يدخل وسمع حجي كيان ...
فهد دخل:ومنو الظالم هسة
كيان :انته..ليش تعامل بت العالم هيج
فهد كعد وحط رجل على رجل:ومنو عينك محامي للمظلومين..
بناته اجن يمه وحدة بحضنه والثانية لازمة ايده والصغيرة يم جدتها..
فهد :لا تنسه اخوها جان اخوي مو بس صديقي ومجان متقصد
كيان :صديقك هذا مات اخوك بسببه وبمزحة قذرة
كيان :فهد حرام عليك ياخوي هيج تسوي وانته عندك بنات ترضه تنذل وحدة منهم بيوم هيج
فهد:وهسة شل المطلوب ياخوي
كيان بهدوء:عاملها بالحسنى مثل ماتعامل سهر زوجتك..وتنازل عن القضية كافي الولد بالسجن
فهد : رحت وتنازلت وجم اجراء ويطلع..شنو سمعتك تكول راجع للحشد
كيان :اي باجر طالع
فهد :واذا اكلك بعد ماتروح
كيان :اعتقد هاي شي يخصني فهد مايحقلك تمنعني
فهدز:كيان لا تناقشني بهل الموضوع وكتلك ماتروح يعني ماتروح..وكام..ماعيد الحجي اني فهمت..وراح لغرفته..سهر وامهم سكتو وفاتن هم...كيان هم راح لغرفته وكعد يدخن بشراهة...وصافن بحياته..بالاول فقد امه وماشافها بحياته..وبعدها ابوه..وهسة اخذ منه الموت ثنين اعز صديق عنده واخوه الي يحبه بكد الكون والدنيا اخذت ثنين غالين عليه..حبيبته وصديقه سلام...
بالليل...
فاتن راحت لفهد كاعد بالصالة الي فوك وجاي يدخن...
فاتن:فهد عمري اكدر اطلب منك طلب
فهد:تدرين كلشي اطلبينه يتنفذ ليش اسأليني
فاتن:هل مرة طلب مختلف..اريد اروح يم الفصلية فدوة اخوي خطية وهم امينة جابتلها اغراض وملابس اريد انطيهن الها
فهد:مو اليوم خليها باجر..جيبي الملابس كلهن هنا
فاتن:اوك موافقة باجر باجر المهم اروح يمها خطية..وراحت جابتله الأغراض الي جايبتهن امينة...كللها شيلي قسم من الاغراض وتعالي وراي وشال قسم منهن...ودتهن وكف يم باب غرفة صلاح...
فهد:تكدرين ترحين تنامين
فاتن:بس فهد البنية محبوسة من زمان وماكلت شي اليوم
فهد:لا تفكرين هسة اخليها تاكل
فاتن:اوك تصبح على خير ياخوي...وراحت لغرفتها...فتح الباب ودخل...شافها متغطية ومتكورة على نفسها ونايمة...مبينه انها بردانة...دخل الاغراض بهدوء...وراح وكف كبالها...ماينكر انها حلوة وبريئة...بس بكلبه نار على اخوه مات هيج ببساطة وماعاد عنده غير كيان وزين العابدين...باوع للغرفة بحسرة وألم واخوه ماموجود بيها وبقه كلشي بعده..بقه مجرد ذكرى..يذكر من جان يدخل عليه ويكله دراستك اهم من المبايل وساعات يحرمه من دراجته لأن مايدرس...جان مايحب يسوق الا دراجة...باوع لدشتاشته من مساع بالارض ودم خشم ملاك على الفرشة...راح جاب كرسي من بره وحطاه كبال الجورباية وكعد عليه...باوع لوجها اثار الضرب بيه وخشمها احمر وشفتها 3 جروح بيها وحتى ذانها مخدوشة...خدها ازرك...شعرها مفتوح وشكله حلو..ورغم اثار الضرب حلو وجها...تذكر اخوه وبده دمه يغلي...رفع الغطى عنها وجوى الغطى انوثة طاغية بس اثار الضرب بكل جسمها...
ملاك حست انشال الغطى عنها وفزت مرعوبة وكامت كعدت وغطت نفسها بيدها وتكورت على نفسها وتخاف تباوعله حتى...
فهد:منو سمحلج تنامين ها..وضرب ايده بالحايط..وهي جفلت وغمضت عيونها وفتحتهن بخوف وماردت...
فهد:انتي خرسة..احاجيج
ملاك دموعها نزلت:الله يخليك ليش هيج تسوي بيه اني...
كاطعها:بس بس كافي بطلت ماريد اسمع صوتج...وبأمر...خلعي ذني الي عليج
ملاك ببجي:لا لا
فهد راح جاب حزام من ملابس اخوه:تخلعينهن لو اخليج ماتكدرين تمشين بعد ابدا
ملاك ببجي:ماكدر..وتشهك بصوت..
فهد ضربها بالحزام ضربه قوية ملاك ماكدرت تصرخ من الالم وحطت ايدها على حلكها..اصلا صوت ماعدها ولا حيل...
فهد : خلعيهن
ملاك هزت راسها بلا...وفهد ضربها مرة ثانية يمكن روحها رادت تطلع من هالضربة وهم ماصرخت وظلت تجر نفس قوي وتناشق بصوت عالي وكل جسمها يرجف...
فهد :انتي ماتفهمين بالكلام لازم ماحجي واخلي الحزام يحجي..اخر مرة اعيد..خلعيهن...
ملاك بعدها تحاول تجر نفس من الم ضربة الحزام وماجاوبت...
فهد ضربها بالحزام واجه على خاصرتها وفقدت توازنها من الالم وغمضت عيونها فجأة..اغمى عليها...فهد ماهتم وراح جاب ماي وذباه عليها بس ماتحركت...راح الها وضرب وجها بقوة بس ماتحركت...
فهد :متي.. يكون احسن..وراح طلع من يمها وقفل الباب...
كيان جان نازل وشاف فهد طلع من غرفة صلاح وقفل الباب...
كيان وكف وتألم على ملاك:فهد ليش تقفل الباب عليها حرام والله حرام مو حيوان هي
فهد : كيان لا تدخل هالشي يخصني هي فصليتي اسوي الي اريده بيها...
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
