رواية جحيم اهلي الفصل السادس 6 بقلم جمانه السعيدي
دهورت حالتي حيل حتى اخذني سويت مفراز وما وكعو على علتي ابد
كمت ابجي واتسول بي يوديني الاهلي
ماقبل قفل فد مره
بقيت اتسول بي وابجي
وحالتي حيل تعبانه مبينه
كال راح اخذج البيت عمج تغيرين جو بس ممنوع ترحين الاهلج
اذا كسرتي كلامي ورحتي الاهلج اطلكج
فرحت كلش وكتله ابد ما اطلع وكلامك انفذه بلحرف الواحد
وفعلا اخذني البيت عمي
وصلني ودخل وصه عمي عليه
هو طلع رجع للقريه
وعمي كام يحجي عليه
انتي جبيره وتفتهمين ورجلج خوش ولد المثلج تاكله اكل
وانتي شوفي شصاير بحالج
من يجي روحي وياااا وغيري اسلوبج
ترا اهلج مايفيدونج رجلج يفيدج تمسكي بي وصيري سباعيه
هو يحجي واني بس اهز براسي
اريد فرصه حتى اشرد البيت اهلي
طلعت للحديقه سويت نفسي اتمشى بلحديقه
باوعت محد اكو لفيت عباتي وطكيته ركضه
اركض بلشارع واتلفت خاف واحد يشوفني
احس كلبي راح يوكف من التعب
حسيت الدنيا تفتر بيه وكفت اشويه
لا اكل ولا شرب ومرض وقهر شصاير بحالي
طبعا ابتعدت عنهم مسافه هواي
وكفت واني الهث
اجت مره يمي
...ها خاله شبيج
..خاله فدوه اريد مي
راحت المره جابتلي مي
شربت الدولكه كلها
كالت اتفضلي عدنا استراحي امبين عليج تعبانه
..لاخاله اريد اروح الاهلي
استمريت بلمشي على السريع
وصلت للشط شفت ولد يسبحون
فكرت اشمر نفسي واتخلص من هاي الحياة التعيسه
وكفت وكمت ابجي
بعدين ترددت
جمانه السعيدي
رجعت امشي على السريع شافني سايق سياره
وكفت لان فحطت واحس كلبي راح يطلع من صدري
كال سلامتج خيتي اوصلج
خفت بلزايد ورجعت امشي على السريع
كمت احس رجليه ماتشيلني
الخوف مسيطر عليه خاف احد يشوفني واني تعبانه كلش
ما اعرف ليش خطرت على بالي صديقه من ايام المتوسطه
حبابه واهلها خوش ناس
رحت عليه ودكيت الباب
طلعت شافتني وتخبلت
ولج شبيج شصاير بيج
دخلتني وكعدت يمي هي وامه جابلي ماي
بدت احجي وابجي تهسترت بلبجي
هي وامه كامن يبجن وياي اثنيينهن
كالن ابقي يمنه
بس خفت لا اسببلهم مشكله
طلعت منهن وكمت امشي سريع
الحد ماوصلت البيتنا
دفعت الباب ودخلت على السريع
ما لكيت احد بلبيت
جمانه السعيدي
ذبيت العبايه وكعدت بلكاع ابجي واملخ بروحي
اجه اخوي ركضت فتحت المجر وطلعت سجينه
وكمت اصيح ولله اذا رجعتوني اله اذبح نفسي
كال اهدي اهدي مانرجعج بس عوفي السجينه من ايدج
راسا خابر ماما اجت واجه بابا واخواني
اخذو السجينه مني وامي كالت بعد ما ارجعج اله
اطمنت شويه وكعدت
بابا خابر علي وكاله تعال مرتك عدنا
اجه هو وامه وعمي
كعدو بلصاله يحجون هو وبابا واخواني وامي
واني كاعده بلغرفه خايفه لايرجعوني اله
شويه وطلعو كالو يله البسي عباتج ورجعي ويه زوجج
كمت اصرخ ما اريده تفتهمون ما اريده
وكمت احجيلهم شلون يعاملني
جنت احسهم مامصدكيني
لكن كلهم التمو عليه وقررو يرجعوني
ليش ترجعوني اني ما اريده
امي كالت انتي مريضه وزوجج تكفل يعالجج
ولمن اتصيرين زينه نجي ناخذج
جمانه السعيدي
حسبي الله ونعم الوكيل عليكم
دمرتو حياتي الله ينتقم منكم كلكم
لبست العبايه وطلعت وياهم
الطريق كله يحجي عليه ولاسكت ولادقيقه
بس اني من الصدمه والخوف والوجع الي بروحي
ماحجيت ولاكلمه
ضليت ساكته طول الطريق
وصلنا ودخلت غرفتي وكعدت
اجه كعد يمي وكال
ولله العضيم اني احبج وعمري ما حاب احد بكد حبج
لا اهلي ولا امي ولازوجتي
بس انتي تعاندين وماتسمعين كلامي
اسمعي كلامي وكوني مطيعه
ادللج دلال موطبيعي
كلت بكلبي ما احبك ولا راح احبك طول عمري بس انت انسان بلا احساس شسويلك قابل اشتريلك احساس
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
