رواية حب بعد الطلاق الفصل السادس 6 بقلم جمانه السعيدي
بقيت ادور شغل لان مليت من كعدت البيت
بقيت هواي ادور يله لكيت شغل يناسبني
جنت اريد اي شغل بس اطلع من البيت
كعدت البيت والتفكير الزايد تعبني حيل
سما...ورا تسع اشهر من طلاقي لكيت شغل كاتبه بمدرسه اهليه
هاي الفتره الي كعدت بيها بلبيت صرت احلى من قبل بهواي
وكنما رب العباد زادني جمال على جمالي
من اطلع كله تتحرش بيه
شويه عودي ترس وبشرتي صارت تخبل
كل الي يشوفني يكول سبحانه الله شني هذا الجمال
لدرجه كمت ما اصعد تكسي اخاف وحدي
رحت اني وماما جهزت ملابس جديده للدوام وغيرت كصت شعري وصبغته احمر تمري كلش لايك عليه
وبديت اداوم ما اسولفلكم شكد فرحانه رغم الراتب كلش قليل ٢٥٠ الف بلشهر
بس اني ولايهمني اريد اطلع واغير جو واثبت نفسي
اصعد خط وبعدين انزل امشي شويه واوصل للمدرسه
المدرسه مختلطه بنات وولد
ومعلمين ومعلمات لان ابتدائيه
يوميه اكعد من الصبح كلي نشاط وفرحانه بلدوام كلوش
مصطفى....رجعت الحياتي الطبيعيه اداوم عادي بس مازاعجني غير تغريد
لازكه بحياتي لزكه
لكن رب العالمين التفت عليه واجوها ناس يخطبوها
واجتني تسمعني كلام
منتضره اكله اريدج
تغريد...مصطفى اجوني ناس خطابه
...بلعافيه
...يعني اوافق
...اذا الولد زين ليش لا
...بس اني احبك ومو هسه من زمان
...شوفي طريقج اني ما افيدج ابد
...ليش اني احبك ومستعده الكل طلباتك
...اني ما ناوي ازوج صارت عندي عقده من الزواج
...اني اختلف عن سما اخليك بعيوني
...عجيب ما اريد ازوج تفتهمين الكلام لو لا اصلا اريد اطلع للخارج شعندي بلعراق
وافقي وعيشي حياتج انتي مو زغيره عمرج ٢٧سنه
وافقي وكوني اسره وحافضي على بيتج
طلعت وهي ما مقتنعه بكلامي ابد
لكن سمعت من امي موافقه على العريس
الولد يشتغل بلتحليل بلمستشفى وابن ناس
واني حضرت يوم المهر وكفت ويه ولد عمتي
جنت مفكر اطلع التركيا لان العراق مابي فرص هواي
الى ان اجا اليوم الي غير كلشي
رجعت احب رجعت مراهق
جمانه السعيدي
سما بعد شهرين دوام
بيوم رجعت من الدوام ومريت على سوبر ماركت قريب محتاجه كم شغله اريد اشتري
دخلت وشتريت معجون اسنان وكلنس ومعطر جسم
طلعت الفلوس ٥٠ الف ورقه وحده انطيتها للولد
كال ماعندي اصرف الخمسين
ما اسمع اله واحد واكف بصفي يكول اني عندي اصرفلك
الصوت مو غريب عليه التفتت جان اشوفه مصطفى
مصطفى...دخلت سوبر ماركت اريد اشتري شويه شغلات
بس الصدمه الي ابد مامتوقعه اشوف سما كبالي واكفه تشتري
بس شني مو سما صايره كارثه الجمال العليها مو طبيعي
ماصدكت رجليه اخذني الها وهي ما منتبه اليه ابد
مدنكه اطلع فلوس من الجنطه وكفت بصفها اي ولله هاي سما
خرب هبل صايره تكتل
اباوع واكول اني شلون فرطت بهذا الجمال
انطت فلوس للكاشير وكال ماعندي صرف
مالكيت نفسي غير اكول عندي صرف واني ما متاكد ردتها بس تلتفت عليه
جمانه السعيدي
التفتت وعرفتني بس ماحجت اي شي دارت وجها بسرعه
سما..التفتت هذا مصطفى عرفته بس درت وجهي ماحجيت ويا اي شي
قرب وكال خليهن على حسابي
سما...باوعت على الكاشير وكلت من رخصتك اذا ماعندك صرف رجعهن واجي اخذهن غير وكت
الكاشير...كال لا لكيت صرف دقيقه وارجع
مصطفى...شلونج سما
سما...بدون ما اباوع علي كلت الحمد لله
اجا الولد رجعلي وطلعت من المحل
مصطفى...بقيت صافن وعقلي وكلبي راحن وياها
طلعت وراها شفتها صعدت بلخط وراحت
نار شتعلت بيه مثل الي جان يملك جوهره وخسرها
ما ادري شسوي ووين اروح
ضليت واكف بمكاني
طلعت التليفون وخابرت حيدر
مصطفى...الو حيدر وينك الحك عليه
...شبيك شصار
...الحك لو تلحك لو لا
...خوفتني يمعود سويت حادث
...اي صار حادث الكلبي الحكلي
...انت وين جايك
...اني واكف اباب سوبر ماركت البركه قريب التقاطع
...هسه جايك
بقيت بمكاني اروح وارجع بعدين اذكرت سيارتي ليش خابرت حيدر لو اني رايح علي بعد شيصبرني
جمانه السعيدي
رجعت خابرت حيدر
...انت وين
...جايك شويه واوصل
وصل حيدر ونزل مفزوع شبيك احجي شصار يمعود
...شفتها ولله شفتها مو بنيه كارثه
...منووو تقصد
....تعال اصعد خل نروح مكان ونحجي
صعدنا بلسياره ومشينا
حيدر...احجي يمعود راح تجيني جلطه من وراك
...شفت سما
...سما منو طليقتك
...اي وللك صايره ضيم مو مره
..وشنو الجديد انت تكول من زمان سما حلوه
...ولك صايره تخبل اريدها اريد ارجعها
...انت تخبلت منو يقبل يجوز اهلها مايقبلون
...ما اعرف اني المن خابرتك اريد حل
....زين خاف مزوجه
...لا انتبهت على ايدها مابيها حلقه
...يجوز ما لابسه حلقه
...ما اعرف شلون دبرني
...ماكو غير تراقبها وتشوف تحركاتها وانت تعرف مرتبطه لو لا
زين باجر جمعه راح اراقب بيتهم بلكت تطلع واحجي وياها
سما...رجعت للبيت واني مصدومه هذا منيين طلع
صار ١١ شهر ما شايفته
بعدين ما حجيت اي شي اعتبرتها صدفه
ليش ادوخ نفسي بيها
مصطفى بقيت اراقب بيتهم من بعيد بس ماطلعت ابد
ثاني يوم السبت هم كعدت بلسياره اراقب بيتهم
شفتها طلعت
لابسه بنطرون.اسود وبلوز ابيض وجاكيت حياكه اسود واحمر وشعرها رافعه نص ومنزله نص طالعه تخبل
صعدت بلخط ومشيت وراها شفتها نزلت ومشت شويه ودخلت مدرسه ابتدائيه اهليه
جمانه السعيدي
قررت ادخل وراها واشوف شنو اتسوي بلمدرسه
مصطفى...وكفت اباب المدرسه وكلت للحارس اريد اقابل المدير
الحارس...ليش عندك طفل تريد تسجله
مصطفى...ساعته اجتني فكره
اي اريد اسجل ابن اخوي عدكم
الحارس...تفضل
دخلت ورحت للاداره لكيت المدير كاعد
سلمت علي وكعدت وبديت االف عدنا طفل ونريد نسجله وشنو اجرائاتكم
بدا المدير يسئلني على العمر كتله ست سنوات
كال لا بلضبط خاف ناقص شهر شهرين
...اني اجيب جنسيته واجي
شويه ودخلت سما جايبه اوراق للمدير يوقعهن
شافتني وتبسمرت بمكانها
بعدين مشت وانطت الاوراق للمدير
المدير وقعهن وهي كلساع تباوع صفح وكانها تسئل شكو جاي
...المدير..ست سما انطي ورقه معلومات للاستاذ حتى ياخذها يمليه عدهم طفل يريدون يسجلو بلمدرسه
سما...حاضر استاذ
راحت جابت الورقه ورجعت انطتنياها
المدير اتأكد من الشهر والسنه من تمليها
مصطفى انشاء الله اسف اخذت من وقتك أستاذ
...لا بلعكس اتشرفت بيك اهلا وسهلا بيك بكل وقت
طلعت سما واني هم طلعت من المدرسه
عرفت هي تشتغل كاتبه بلمدرسه
سما هذا شجابه هنا معقوله جاي يسجل ابن علي
بس ابن علي بعده زغير
ايجوز واحد من اصدقائه يريد يسجل ابنه وهو تبرع يسئل
بسلا جاي يلاحقني لا لا ما معقوله ليش يلاحقني مثلا
احنا الي بينا ما ضي وانتهى
اوي عليمن شاغله بالي
خل اروح اكمل شغلي احسن
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
