رواية في حجر الافعي الفصل السادس 6 بقلم شمس العراقيه

مساء الخيرات 🤍

هاجر

ـ واني اشوف حبيبي وأخوه يواجهون الموت ما كان عندي حل غير اني انهزم واخلص بروحي ركضت بكل ما املك من قوه من بعد ما شفتهم وشفت امجد أستقرت بجسمه ثلاث طلقات وكع طريح ؏ الارض ومناف بصفه

اركض وما اعرف مصيري شلون يكون وامشي والناس كلها ملتمه وتباوعلي بشك وشماته وطلعت سالفتي طاشه بكل العرب واسمعهن ترس أذاني يكولون.

ـ يا حيف والله هالوحده وما كدرلها نزلت روسنا بين العربان فضحتنا وخزتنا خلتنا مثل الطعم بيد ولد صكبان وهما يرندونها من الله

ـ كاسرها من زمان ومخلي رأس ابوها بالطين وهي ولا عبالك مستمره تشوفه الله يستر ؏ بناتنا شنشوف بعد

ـ ولج سكتن يكولون محبلها يعني الخاتون هسه حبله واللي بطنها ابن صكبان من عربهم اليوم عربنا تصير بحيره امشن خل نفلت بريشنا اروحن اجمع جهالي لاتجيهم طلقه طايشه يمه اسم الله امشن بسرعههه

هاجر ـ ما كدرت اجاوبهن بس لطمت ومخلت وجهي ششسويتي بروحج يا هاجر وبولد الناس ماتوا بسببج كلهن يحجن ويدعن وكل بيت يمه مجموعات نسوان وزلم يتفرجون اتهربت من نظراتهم ودخلت البيت شافتني امي كاعده بالحوش لكيتها مخله نفسها اجت اخذتني سريع يمه فدوة ابويه راح يذبحني يمه ماتوا كدام عيني وكعت يم رجليها نفضتني وتهز بيه وهي تكول

أمل ـ لازم نمشي ونشرد من العرب وهسه وبسرعه قبل لايجي أبوج وتصير مذبحه اليوم عربنا تنخل نخل حتى اني وانتِ ياخذونا صكبان ما يتخلى عن ثاره الله يعينه على ما بلاه الله ياخذج من بين البنات هالوحده وما كدرت احافظ عليج خليتي روسنا بالطين كلها اشمتت ويكولون كاسرها ومحبلها ولج ليش هيج ليشش

ًـ جذب جذذذذب ماكو شيء من هالحجي والله ما طخني واشرف من الشرف ابوس ايدج صدكيني ضربتني كف وهي تكول

ـ جمعي هدومي وهدموج وكم فلس عالسريع طياره هسه راجعتلج بسرعه

ـ نشرد يمه

ـ اي يالغمه ركض لاتبقين واكفه مو مال نحجي هسه تحركي من الله يصكع عمرج

ـ ونمااااارق

ـ شنسويلها ناقصين عاله علينا خل نفلت بريشنا نمارق عدها اهل ما يتخلون عدها بس انتي انطلبتي ودمج منثور ابوج وصكبان اليوم شيعمل بينا رررررركض ولج

ـ ابوس ايدج خل نكعدها خطيه هي منهزمه من ضيم اهلها دفعتني ودخلت جابت الفلوس والذهب كله وكم ملبس وجرتني واني اتوسل بيها ردت الباب عليها وهي نايمه واخذتني من باب الصغير وجان واحد ينتظرنا من عربنا عنده حمل امي خلت بيده كومه ذهب وفلوس وكالته

ـ داخلين عليك اطلع بينا وين ما جان هز راسه وصعدنا مثل المخابيل واسمع صوت طلقات والطيور تتطاير معقوله قتلوا ابويه شصارررر اكيد علكت صارت دم بينهم

" شغلها وطلعنا شاردين منهزمين واني ارجف وابجي جرتني امي لمتني بحضنها تحاول تهديني واني احس الموت محاصرني ريتني ميته وياهم وتذكرت شكله من انضرب اخوه وكع عليه ويصرخ ويبجي

مناف ـ امجددددد خويه حبيبي امجدددد لاتموت يا امجد انه السببب امجد ريت الطلقات صوبني يا خويه ليش حاميتني ليش صرت كدام الموت نهض من مكانه سابح بدمه موتنيييييييي هم موتنيييييييي ذبحت اخويه رغم جان متصوب بس جان بوعيه ورجع ابوي كمل عليه واطلق الرصاص ما كدرت اباوع اكثر وانتهى قصة عشكنا ملطخه بالدم والثارات والى هنا تنتهي حكايتنا ...

هاجر ـ مناف

_____________.

إشهاب

ـ رجعنا من الكاع اني ومصلح وحناش ورانا ضل وملابسنا كلها تراب وطين جنا نحاول نسد معبر الماي وصرنا عباره عن طين حالتنا يرثى لها بس اوصل كبل اغطس بالحوض باوع شصار بحالنا

مصلح ـ يمعود صوج امجد الفاهي كم مره اكوله راقب الماي والمعابر اذا انفتحت ما نتلاحك الها بس يدودي ويركض ورى الصيد ادزه يسكي الزرع يكظها يصيد ويركض ورى الارانب هالولد ما اعرف شوكت يجني عقل

ـ عوفه شتريد منه خلي يتونس بحياته الدنيا هسه اله هو شنو شايف يمعود كاظيها سراحه بالحلال وسكي خل يكظي وكته بالصيد هو روحه بالصيد مونسنا خرب بيومه ضحكني الصبح يكول الا اصيد ضب واخلي بحضن حناش بدال سعاد بلكي يكوم يخاف ما يدري حناش كلبه ميت من زمان من يوم ما خلق هاي أطباعه

ـ ههههه سعاد محد يجي بمكانها كواد شكد يحبها كاظيها معارك ويانا من وراها صدك طولت يمتى ترد البيت خطيه جهالها دائما يسألون عنها

ـ هاليوم بالليل ابويه كالي نروح نجيبها يكولون ابوها صاير زين

ـ خير ان شاءلله، ميت جوع انسكلت سلك هسه من اروح اطلع هبيط واحمس على الجمر وخبز تنور طين اويلاه الا بشده

ـ خل نمشي شهيتني يمعود، واحنه نمشي سمعنا صوت رصاص وضرب اكثر من مره وكع السلاح من ايدي بس لا مناف وامجد واجه حناش يركض وجه مخطوف ويلهث

حناش ـ سمعتوا الصوووووت امشوااا كلبي ما مرتاح من امس روحي تتغايث بالشر امشوااا ركض

أشهاب ـ مشينا وصلنا البيت الاوضاع طبيعيه وطلع ابوي شايل سجادته ها بويه

صكبان ـ شنو هالصوت بويه جن جاي من عربهم واخوانك لحد هسه ما ردوا واحد منكم يشوفهم ليش ما عاودوا

حناش ـ لحد الان بالسراحه ما ردوا مصلح امشي اخاف تعاركوا هما والمغضوب ابو هاجررر شغل السياره شغلها

إشهاب ـ صعدوا توني اريد اصعد وياهم بابنا جبير ومفتوح اجت الغنم كله والحلال دخل من باب الحوش ترس البيت وكلها تغايث وطلعت امي عسله والجنايين

عسله ـ شو حدرن هين اخذوهن المراح وسخهن البيت ولك مناف ابو روح الطويله تعال اخذهن امجد الفاهي عال كلبي بفهاوته متشوفونه وين وله عايفهن ويدودي

اشهاب ـ تحجي بعصبيه ومصلح وحناش نزلوا قبل لانتوجه الباب دخل مناف يتطوطح يسحل بروحه بالكوه يمشي والدم يخر ويه طوله وشايل بحضنه امجد وايديه نازلات بقينا مصدومين ونباوع الهم وصل النا وكع من طوله وامجد بالكاع مضروب ثلاث طلقات ومغمض العيون الحلوة ومناف باقي توالي روح

مناف ـ أمجد مات

أشهاب ـ وكعت يمه وشلته بحضني واضرب على خده واكعد بي امجد ولك امجد لاتمووووت يبعد عيني وهدبها بويه امجد جسمه ثلج بويه امجد ميت، اجه أبويه ولازم رجليه حيله بهتت اخذه من حضني وحاضنه ويبوس بي وكعنا عليه نحاول وياه وحناش ينفض عليه ويضرب بي راشديات نحاول نكعده بس امجد ميت

حناش ـ ولك عال كلبي بسوالفك اكعد وعل كلبي بالزايد ولك خويييييييه حاجيني لاتموت يبعد عيني ولك دومك تكول حناش عمره طويل ريته يكصر عمري وانت تعيششش ولك الموت اليه بويه امجددددد يا روح اخيك امجد يالفاهي اكعد واضمك بكلبي امجد لاتموت ولك ما شبعنا من سوالفك الحلوه وانه دومي ارزل بيك لك امجد

إشهاب ـ نفضه نفضه أخيره وكتها عرفنا خلاص أمجد فارق الحياة وفارقنا وجهه اصفر وجسمه ذبل ودمه اخذ مجراه وانه تسبحت بدمه وكلنا غطانا بسته من عيونه الحلوة وحناش اخذه من حضني وضمه قوي ويبوس بكصته وصرخ بصووت عاااااالي وغضب عارم يحرك الاخضر واليابس

حناش ـ أمجددددددددددددددددددددد

أشهاب ـ خلاه بحضن أبوي ومسح دموعه تخالطت بالدم والشر ينضح من بين عيونه باوع بغضب للكل وأولهم مناف رفعه من الكاع وينفض بي وهو باقي توالي روح وينزف من أجتافه

حناش ـ حاجينييييي منو صاوب أمجد شلون هو يموت وأنت عايش شلون هسه تكولي منو كتاله وياهو ذبل عيونه الحلوة وخلاه منجطل بكاعه منو جتاله منووو

مناف ـ ابو هاجر كظني احاجي بنته وصار اللي صار

حناش ـ سمعتوا شيكول أبوها كاظها ويرجع يموت ابننه الظاهر ما يعرف الاصول والعار ينغسل من عنده مو عدنا ورب العزه انه جتالهم هو وبنته وكل عربهم والله رضيعهم ما يشفعلهم الا اسويهم جمر واتحمى عليهم ودم أمجد الغالي ما يروح هدر وجتالك اجيبه وامطله بصفك وما تندفن بترابك يبعد عيوني الاثنين الا اخذ ثارك يا اخوي وانه اخوك الجبيررررر يلةةةةة زلمي يلة اخواني كلنا ناخذ الثار حتى ولدي يلة بويه تأخذون ثأر عمكم من هاالانذال يلة أسباعييييييي

إشهاب ـ جاب السلاح ومصلح وراه ولد حناش صعدوا السياره والزلم كلها تسلحت وقبل لايمشي تقرب رفع مناف من الكاع وضربه بوكس خلاه يصحه ؏ زمانه

حناش ـ أنت السبب بموتت أمجد وحسابي وياك بعدين وهسه تمشي ويانا لو اعرف باقي بيك توالي روح لو اعرفك بالطريق تموت تمشي ورجليك فوك رأسك يلةةة انهض لا اخلص عليك تحركككك

صكبان ـ ولك بويه عوفوا ما تشوفه جرحه ينزف مات واحد ما اريدن اخسر الثاني عوفوا بويه ونار كلبي ما تطفى والثأر بلش وانه وياهم تحركوا وجييبوا هو وبنته وكلمن يشد ؏ إيده امطلهم بصف اخوكم يلة بويه.

حناش ـ تامر بويه يلة زلمي

أشهاب ـ هذا الجنت خايف منه ومحسبله حساب بس شيفيد بعد الندم فات الاوان وراح تعلك بين العربين وراح اصير مذابح والله يستر من تاليها شغلوا سيارتهم وانه كمت وعفتهم بوسطهم امجد والصراخ شايل المكان اخواتي وامي عسله والجناين وابوي مخلي بحضنه ويبجي متكابلين عليه هو وامي.

" صعدت السياره وياهم والسائق مصلح تريد اطير من كاعها والتراب يهفي، ورانا سيارة ثانيه مليانه زلوم جهزهم حناشش، وبوصلونا طلع رأسه من السياره وكام يضرب بالجو بكل سرعته والرصاص يتطاشر يفرغ غضبه والناراللي سكنت كلوبنا وما تركد

" وصلنا بيته وعربهم فارغه وتصفر من البشر ونزلنا كلنا ومناف نزل رأسه بحزن وايديه يترجفون حناااااش رفع رأسه وجهه ناحية البيت تقدم دفروا الباب وكع للكاع وبلش الرمي على البيت كله وتطاشر الجام ومخله شيء ما كسره

" هدأت الاجواء واحد يباوع الثاني وقبل لانتقدم سمعنا صوت حرمه من الداخل تصرخ بعلوا صوتها اكو احد داخل تسمعون .!!!

___________________

نمارق

ـ بين نايمه وبين كاعده أسمع صوت هوسه ونسوان يحجون وصوت اطلاق رصاص بعدت الغطا بملل ونهضت افتريت بالبيت ماكو احد وين راحوا عمه أمل هاجر وينكم، رجعت الغرفه ادور ؏ تلفون اشوفهم وين بالعاده هيج وكت موجودين يرجعون وين راحوا وشنو هالصوت مال طلق ياربي أستر اني شجابني لهل العرب

اريد اطلع اشوفهم وين قبل لأ اوصل الباب صار صوت الرصاص واجت طلقات بالباب زرفته يمةةةةة ياربي شنو هاي ركضت احمي روحي والصوت اقرب وكلشي بالغرفه صار رماد وتكسر وانثر من حلاة روحي لكيت نفسي دفعت الكنتور وصرت وراه احتمييي وانييييي اصرررررخ بابااااااا باااااااابا عمووو صبااااااح هاجرررررر وينكم شجاييييي يصيرررر شنو صارت حررررررب بابااااااا لا ياربي بابااااااا

" خفت الأصوات من بعد معركه داميه واطلاق رصاص فضيع ونفس الوقت متفاجئه شلون ما اجت بيه طلقه طايشه بعدين تداركت نفسي اني ورى الكنتور مو من جانب الضرب بقيت ورى الكنتور خاتله وصحت بعلوواااا صوتييييي عموووو صباح هاجرررر وينكم ساعدونييييي، سمعت صوت الباب بقيت خاتله وكل جسمي يرجف احس دخلوا ويحجون وكع الكنتور بدفره ززلم هواي بيدهم سلاح منوو انتواااا يمااااااااااا لحكيلي بابااااا تخبلت من شفت واحد ضخم كلش تقدم لزمني من شعري وضربني كف ويشليني ويركعني بالكاع عوفونييييي منووو انتوااااا يضرب بدون رحمه عوفونيييييييي بابااااااا عموووووو ياربي منو انتوا شتردون من عدنا

حناش ـ هاي العايقه اللي جان عاشكها مناف مو هاي هيه احد منكم يحجيلي هي مو اي هي هو ما عنده بس هالبنت

مصلح ـ ما اعرف ما شايفها خل اشوف اشهاب اشهاب تعال جيب مناف وتعال

حناش ـ هي نفسها والله لا اذبحج واتغسل بدمج شنووو نسيتي احنه ولد صكبان بيمن مندكه ولج كاظيتها عشك وتمعشك ويه ابنا وتالي ابوج يذبح اخوي بدم بارد والله اذبحكم كلكم واتغسل بيكم

نمارق ـ ما خلاني احجي حرف بس يضرب بيه ملخ شعري اخر شيء وكعت بالكاع ويدفر بطني بقوة وبدون رحمه واسمع واحد منهم يكوول

مناف ـ حناااااش مو هي اظن هاي بنت اخوه بنت استاذ صائب جاية زياره عدهم عوف البنت راح تموتها يمعود

حناش ـ حتى لو مو هي وبنت اخوه المهم من عدهم وثاري اخذه اخذه حتى لو رضيعهم ميهمني اخذوهاااا لسياره واحد منكم يجي يشيلهااا سدوا حلكها لن مبين عرمه

مصلح ـ إشهاب وين ليش ما يجي وين راااااح اشهاب

أشهاب ـ كاعد برى وصاحوني هااا اجيت دخلت والبنت قطعه من الدم من يمتى نأخذ الثأر من الحريم حنااااش شنو هالعمل

حناش ـ من اليوم عاجبك ما عاجبك راويني عرض أكتافك مصلح يلة ششيلها

نمارق ـ تقدم واحد من بينهم رفعني من كاع وايده لامست جسمي صرختتتت بعلوا صوتي عوفونييييي يا نااااس يا عااااالم احد يساعدنييييي باباااااا بابااااااا ابوس ايدك عوفنييييي اروح بيتنا والله اني ما مدخلني اني مو هاجر ما اعرف السالفه وعن منو ادورون عوفيني اترجاكم داخله عليكم اني ما اعرف شيء اني جايه زياره عدهم، ضربني كف مو كف سوالي اغماء راسي ارتج ورجع عصر وجهي والدم ينزف من كل مكان بوجهي حتى اذاني عيونيييي خوشت بالكوه اشوفهم كال بغضب عارم

مصلح ـ بنت عمج المصونه الشريفه طيحت الدم بين العربين وذبحوا اخويه وعمج لو يروح ورى الشمس نجيبه نجيبه وهسه امشيي ويانا

نمارق ـ رفعني وشالني واني اكمز وادفر بي واصرخ بعلوا صوتي وناسيه نفسي رجليه طالعات كدامهم لن ثوبي أنرفع من شالني عوفونيييي اترجاكم بابااااا وينك يا عالم ساعدونييييي

إشهاب ـ تستروا البنيه يمعودين

نمارق ـ شمرني بالسياره قديمه ومكسره صعدوني بالبدي ليورا بقوة وحقد وجابوا شماغ كله دم سدوا حلكي طعم الدم صار بلحكي واختلط بدموعي وصوتي انبح حالتي يرثى لها اجه واحد من ظهر السياره ربط ايديه بدون ما اشوف شكله خله شماغ على شعري واجه واحد كعد كبالي مضروب بجتفه بيده طلقتين ورابط ايده بالشماغ وينزف وملابسه كلهن دم

مناف ـ بنت عمج وينها عمج وين وله

نمارق ـ هزيت رأسي ما اعرف كام وخلاني واجتمعوا كلهم متلاغين بينهم واني احاول افتح الجتاف

إشهاب ـ حناااش كافي لاترمي بعد العرب مليانه اروح وكلمن رويحته عزيزه عليه العالم ما الها دخل ثارنا مو وياهم والدنيا مو تايهه يلة امشينا

حناش ـ مو قبل ما اصفيهم واحد واحد

مصلح ـ حناااش كلام اشهاب عين العقل الدنيا مو تايهه اذا هربوا من عدنا ما يهربون من القانون والعشائر اكيد تكعد ونتوصل لحل وثأرنا نأخذه يلة امشينااا

حنااااش ـ مااااشي بس ثاري ما يخلص اخذه اخذه واذبح بنتهم بصف اخوي مثل ما ذبحوا بدم بارد وهو بعده بعز شبابه امشووا حركوا السيارات

نمارق ـ صعدوا كلهم بيهم ليكدام والباقين كلهم ليورا هذا اللي ينزف صعد ليكدام اجه بمكانه واحد والسياره انترست زلم والم بروحي ورجليه والدم ينزل من خشمي ينزف واذاني حارات يمكن ينزفن من كثر الضرب راح اموت ومحد سأل عني

قبل لا تمشي السياره اجه هذا الضخم الضربني لزمني من شعري بقوه وعاصر وجهي بيده بكل قوه وهو يكول

حناش ـ بنت عمج إنهزمت هي وأمها بس لو تروح اخر الدنيا اجيبها هي واهلها وأنتِ الا اعلكج بالسكف واخلي الحيايا تنهش لحمج اسويج طعم الهن ما تبرد نار كلبي اذا ما اذبحكم كلكم محد يطفيلي نار كلبي يا بنت الانذال

نمارق ـ دفعني وكعت يم رجلين واحد منهم رفعني والدم طبع بكصتي صار مثل الختم بقيت هادئه خفت يموتوني ولو فعلا راح اموت وموته كلها عذاب

" تمشي بينا السياره ما توكف على كاع من سرعته كل شوي انضرب برأسي شبعت ضرب ابجي واتوسل بيهم من ورى اللثام اجه واحد ضربني بحافة السلاح اذاني حيل صرخت بوجع مكتوم وقهررر اخ باباااااا وينك

" كمت ما أشوف من كمية التراب اللي ترست عيوني لن السياره تمشي بكل سرعتها وكفوا سيارتهم وهما متفاجئين يمكن صاير شيء نزلوا ويحجون بينهم

إشهاب ـ نزلنا كلنا ماكو احد يم باب بيتنا البيت مرمي بالرصاص الحياطين والباب مزرف كلبي قبضني البيت مليان اروح باوعت على حناش صاير شيء

حناش ـ هادين علينا الانذال ومليان نسوان واطفااااال يابه اذا احد متأذي اعاود عربهم انخلهم نخل.

مصلح ـ اوكفوا اكو جثه مغطينها لحظه بس لا ابويه لا يالله

إشهاب ـ ركض حناش ورفعه الغطا وضحك وكام يرمي طلق تقدمت وشفته مضروب اكثر من طلقه عافنا حناش يضحك ومصلح يضرب طلق، عفتهم توجهت البيت اطمئن عليهم وع كعدتهم وبنصهم أمجد عمت عيني عليك يا خويه ونهض ابوي بتعب واختي رحمه ساندته

صكبان ـ اجيتوا بويه خوما احد منكم تأذى

أشهاب ـ لا بويه سلامات ما بينا شيء بس انتوا طمنونا عنكم خوما اذاكم

أسماعيل ـ عمي الزلمه ابو هاجر هد علينا وكام يضرب عامي شامي والحمدلله تلاحكنا ارواحنا ودخلنا الجهال والنسوان البيت ومحد تضرر وواحد من الزلم صوبه ومات بكاعه لن اذا ما صابه جان صاوب اهل البيت كلهم وكتل الاطفال بس الحمدالله عدت سلامات

حناش ـ وياهووو الزلمه السبع اللي صاوبه

منعم ـ انه عمي لن هد على أهل البيت وخفت يموت هالاطفال ما جان عندي حل ثاني غير اني اصاوبه

حناش ـ لك تعال ابوسك من بين عيونك يا سبعي يا زلمتي أنت منا وهيج زلمتي وايدي اليمنى تعيش يا بطل حلالات عليك كتلت كتال اخوي بويه جبنها بنت اخوه نزلوها وجيبوهااا يلةةة وامطلوها بصف الغالي

نمارق ـ واجه نزلني بكل قوة يسحل بيه ملخ إيديه رفعت راسي عددهم هواي ونسوان زلم وجهال ما ينعدون شفت واحد مغطينه عرفته ميت وكعوني بصفه ورفعوا الغطا عن وجهه وصرخت وضربوني بخاصرتي ولحظات انشمر بصفي عمي مكتول بديت اصرخ احاول اتلمسه وهما يضربون بيه عميييييييييييي لاتموووووت عمييي

حناش ـ وهسه اجه الوقت نمطلها بصفه ماكو فرق بنات العم ونكمل ثأرك يبعد عيني وندفنك بترابك وهما بصفك

عسله ـ عفيه بيك يمه مو حرامات بيك التعب جبتلي جتال اخوك بساعه اجتلوها وبردوا نار كلبي وخلوني اهلهل وادفنهم بصفه اجتلها يمه وخليني اتحنى بدمها

نمارق ـ خله السلاح برأسي غمضت عيوني وتشاهدت

وقبل لا يطلق واحد منعه وهو يكول

صكبان ـ لا بويه عوفوا البنت ثأرنا وخلص اللي جتل أمجد انمطل بصفه عوفوا البنت واخذوا عمها وسلموا لاهله وامشوا ندفن اخوكم

حناش ـ شتحجيييي بويه تريد مني ما اكتلها ليش هي مو منهم وبيهم خلني اكتلها وابرد نار كلبي هو وحده ما يبرد نار الشاعله بصدررررري بويه هذا امجد عزيز الدار

صكبان ـ بصياح امجد صغيركم وعزيز گلبي كتلك عوف البنت ولاتعاندني وانه ابوك ما اريدن مشاكل بعد والحق يتركب عليه وبرأسي من يومي احاميكم ومو راعي طلايب بس الناس هي سمتني ابو الطلايب وانه خوفي عليكم متجنب هواي مشاكل عوفها وامشي ندفن اخوك

إشهاب ـ شمر السلاح ودفرها بخاصرتها ورفعها من شعرها وشمرها على امي عسله وتفلت بوجهه غمضت عيني ورجع ابوي كال

صكبان ـ أشهاب مصلح اخذوا البنت وقفلوا عليها وما اريدن احد يكرب صوبها ويا ويلها اللي توصلها ما تلومن الا نفسجن انه اعرف شغلي كلش زين ندفن امجد وبعدين نحل سالفتها يلة بويه اسماعيل اجمع العرب يتجهزون لدفن والزلمه اخذوا سلموا لاهله وكولوهم يخلص الدفن والفاتحه ونحجي ونتكابل بكعدة عشائر يلة بويه

نمارق ـ رفعوني من الكاع وصورة عمي ما تفارق خيالي نزلت دموعي وانه اشوفه ميت والنسوان كامن يهلهلن والزلم شالوا اخوهم ويكولون

ـ لا اله الا الله ، لا اله الا الله

ـ دخلوني مخزن مال علف للحلال اللي دخلني جان عديم رحمه بس يضرب بيه ملخ شعري عوفنييي احسبني اختك شنو ما عندك اخوات ضربني بالحايط وكال

مصلح ـ عندي وخير من الله بس نار أخوي بعده شباب منو يطفيها، اشهاب ناوشني السنجيل اربطها زين

أشهاب ـ شتسوي بي ما يحتاج مو راح تقفل الباب بعد شكوو عوف البنت كافي يلة نمشي الزلم تتنظرنا

مصلح ـ ما أمن بيها خاف تشرد اوكف انه اجيب

نمارق ـ طلع العديم رحمه واحد ضل يم الباب صاد وجهه وصرخت عوفونيييييي عوفونييييي

أشهاب ـ صوووووووتج ترى الصوت العالي مو حل ركدي بكاعج ترة تشبعين تكفخ حسج يا بنت النااااس كصري يلة مصلح فضننااا عاد.

نمارق ـ اجه ربطني بالسنجيل وقيد حركتي

مصلح ـ شرسه حيل

نمارق ـ حقيررررر كلتها وضربني على رأسي بقوة واجه الجان واكف يم الباب سحبه ومنعه وطلعه برى وقفلوا الباب عليه خلوني بوسط خوف فضيع وبس اسمع صوت صراخ النسوان ويعن ويونن واني وياهم ابجي على حالي لو على عمي المات بجيت بقهررر وصوتهم يكعد الميت من كبره يبجن دم وكلامهن عن ابنهم يزرف الكلب واني اصرخخ بصوت مكتوم عميييييي عمييييي بابااا وينك تعالوا ساعدونييييي بنتك بين ايدهم ساعدونيييي فدوة باباا لا تعوفني لاتتخلى عني اني بنيتك نمارق بابا بابا ماماااا تعالي شوفي بنتج نمارق شصار بحالها ياريتج اخذتيني وياج حالي من حال نجوى ولا هالحال اللي وصلت الها ماماااا وينج لاتخلونييييي يا اهليييييييي

الفصل السابع من هنا

لمتابعة باقي الرواية زوروا قناتنا على التليجرام من هنا