رواية جريمة قتل الفصل السادس 6 بقلم جمانه السعيدي
حسام..... رحنا يم امي وامي حيل فرحت بينا
ومنى مهتمه بيها اخر اهتمام وكاعده يم رجليه
واني كلش فرحان بعلاقة امي ومنى
بليل كلت المنى جيبي فراش هنا بلكاع خل انام يم امي
وامي ما قبلت
تكول بعدكم عرسان شني تنامون يمي
رحو بغرفة صادق ونامو
قابل اني شعليه
اذا احتاجيتكم اني اصيح عليكم
الصبح كعدنا ولكينا امي على الكرسي المتحرك وجاي تسويلنا ريوك
تريكنا واني طلعت للشغل
وصلت للشغل ورا ساعه ووصلت حواله من اخوي من الخارج
٤٠ورقه
استلمتهن والضهر من رجعت لكيت امي ومنى كاعدات بلمطبخ مكملات الغدا وكاعدات يسولفن
جمانه السعيدي
حسام ... السلام عليكم
امي .... هله يمه الله يساعدك
منى.... هلو حبيبي
حسام ... الله شني هاي ريحة الاكل الطيبه
منى ... مطبك سمج وباميه
حسام.... اي ولله كلش جوعان خل ابدل واجي
هااا قبل لا انسى
هاي حواله دزها عمار ٤٠ ورقه
امي .... ولله ما اريد الفلوس اريد شوفته خاف اموت ومآ اشوف عرسه
حسام ..... حجيه اسم الله عليج عمرج طويل انشاء الله تزوجين احفادج
امي .... هاج يمه منى خليهن بلكنتور المفتاح بلمجر الي يم الجربايه بي مداليه خضره
افتحي الخانه تلكين صندوك جبير خليهن بي
منى..... صار يمه تدللين
منى..... دخلت للغرفه وأخذت المفتاح وفتحت الكنتور لكيت صناديك اثنيين واحد جبير تقريبا بكد مجر الكنتور وشويه اعلى متروس دولارات
والثاني شويه ازغر بي ذهب هواي
خليت الفلوس وسديت الكنتور وطلعت
حضرت الغدا وتغدينا ورتبت المطبخ حسام نام ساعه وطلع وبقينا اني والحجيه بلبيت
العصر خابرت اهلي واطمنت عليهم
الحجيه... شلونهم اهلج
منى .... شلونهم شكلج
الحجيه.... شبيهم
منى..... قبل معتمدين عليه لان مرتضى مايستمر بلشغل هواي
مزاجي كل يوم يبطل
واني مو بس على الراتب هم اسوي جلسات وهاي تحتاج مغذي وهاي ابره واجمع واصرف عليهم
بس هسه ولله ضروفهم موشي حجيه
وتعرفين السلعه شلون غاليه بغداد كلشي غالي وهمه ماعدهم مصدر معيشي يعتمدون علي
الحجيه .... روحي جيبي جزاني
تلكينه على الميز
منى رحت جبته هاج حجيه
الحجيه.... فتحته وطلعت ١٠٠ الف وكالت هاج انطيهم خل يسوكون واني كلما تجينا انتي وحسام انطيج فلوس اللهم
منى... دنكت وبست ايدها وكتلها رحمله والديج حجيه
انشاء الله عمرج طويل
الله ينطيج الصحه والعافيه
منى كلت بكلبي نمونه ١٠٠ هاي الفلوس نايمه عليه المن
شكد بخيله مكيفه ١٠٠
ماتدري اني يوميه ابوك ١٠٠ من حسام وانطيهم غير الراتب
غير المسواك
خلصنا عشر ايام يم الحجيه ورجعنا البيتنا
حسام..... اول يومين رجعنا للبيت رجعو اهله مثل قبل
اني بينتله اني حيل ضايج بس بعدين قللو جياتهم
يعني يجون ساعه مرات ساعتين ويرحون واني كيفت كلت يالله خلصنا منهم
بس هي بين يوم ويوم تروح الهم العصر واني من اخلص من الشغل امر عليه واجيبه وياي
مرات نروح مطعم لو نروح المولات نتونس
حسام ... حبيبتي صار هواي على زواجنا اريد طفل يملي علينا البيت
منى.... بعد وكت خل نتونس هسه متوازين على الحمل والولاده وشلعان الكلب
حسام .... حبيبتي خل انروح انشوف دكتور دكتوره ونشوف شنو المشكله
اني اريد اطفال
هذا الحب مايقوي غير الاطفال
واذا صار حمل وتعبتي اني اجيبلج خدامه
انتي بس اكعدي ووامري
منى.... خل افكر ولله اني هسه ما اريد احبل اريد اشبع منك
اريدالبس واتونس واطلع ولاحكه على الحمل والولاده
حسام .... ولله اني كلبي طاك على طفل احس البيت خالي
منى.... لاتشغل بالك حبيبي إذا الله قاسمه هسه ماتحس غير صاير
حسام .... انشاء الله
إلى أن اجا اليوم الي صارت بي المصيبه الي دمرتني
وغيرت حياتي
بيوم خابر صادق وكال بلكت اتمر على امي الضهر لان بقت بلبيت وحدها
اني طلعت للبصره عندي شغل وبليل ارجع وزوجتي امها مريضه وطلبت اجازه صار يومين وراحت يمها
حسام.... صار تدلل
منى..... شكوووو
حسام..... امي بلبيت وحدها باقيه صادق عندا شغل وطالع وما يرجع اله بليل وزوجته بيت اهلها
امها مريضه
ماتخليني اوصلج وتبقين يمها اليوم واني امر عليكم الضهر
منى.... لا ما اكدر اليوم توجعني بطني يمكن الدوره
راح انام هسه بس تطلع
قابل هي شعليه تقفل بابها وتكعد
حسام .... براحتج اني راح اخابرها تقفل الباب ولاتفتح الاي احد
منى.... زين تسوي
حسام... هلو امي
...هله وليدي
...اليوم وحدج اجي يمج
...لا ماكو داعي شعليه
...زين اقفلي بابا زين ولاتفتح الباب لاي احد
واذا اندكت الباب اتاكدي بلكامره منو الي بلباب يله تفتحين
...يايمه لاتخاف عليه كلشي مايصير واني هم ما افتح الباب
لاي احد اطمن
حسام .... يله اني هم كل ساعه اخابرج اطمن عليج
....الله وياج
بيومها اجونا زبائن هواي وكلش التهيت ونسيت اخابرها
الحد مادك التليفون الساعه ١٢ اله ثلث
رفعته وجان ابو حازم جيرانه
....اللوووو حسام
...هلووو ابو حازم شلونك
...حسام بيتكم منو بي
.. يابيت
..بيت اهلك
...امي بي ليش
..بيتكم احترك واني اتصلت بلاطفاء وجاي اطفي بي
...يابووويه شمرت التليفون وركضت صعدت بلسياره وطرت
اسوق واصيح سترك ربي
سترك يالاهي امي ياربي امي امانتك
دخيلك ياربي امي ما اكدر اعيش اذا هي صار اله شي
ياربي امي امانتك يالاهي سترك ياحافظ احفظ امي
ما اعرف الطريق ليش صار طويل
احس نفسي ما اعرف اسوق
لا يمكن تيهة الطريق من الخوف والقلق
يارب لاتفجعني بامي
وصلت لكيت النار واصله للسما والناس ملتمه
والأطفاء واكفه طفي النار
جمانه السعيدي
ركضت واني اصيح امي امي طلعت امي وين
الجوارين التمو عليه ومنعوني ادخل
كمت اضرب بيهم واصرخ عوفوني مالكم دخل بيه
خل اطلع امي
سبع زلم لازميني واني ارفس واصرخ عوفوني خل اطلع امي
اضرب بيهم كل قوتي اريدهم يعوفوني محد يعوفني
كمت اصرخ والج يمه وللج يمه لاتعوفيني
يمه اطلعي الخاطري
اموت اذا صار بيج شي
يمه تسمعيني اني عزيزج حسام
يمه فدوه الوجهج الحلووو لاتخلين النار تخرب وجهج
يمه فدوه الاسمج الحلوووو لاتخلين النار تخرب وجهج
يمه فدوه الاسمج الحلوووو لاتعوفيني
يمه اني السبب ليش ما اجيت يمج
يمج النار وجعتج
يمه التفتي وكلتي حسام تعالي واني مويمج
عمت عيني ليش عفتج وحدج
بقيت اصرخ لمن تعبت كلش وهمه مايقبلون يعوفوني
اكثر من ساعه يله طفت النار
وكالو ممنوع احد يدخل خاف شي يوكع علي بسبب الحريق
اني كتلهم عوفوني عوفوني النار وطفت بعد ليش لازميني
همه عافوني واني ركضت دخلت واصيح يمه يمه
يمه وينج حاجيني
ما كدرت ادخل ضلمه والبيبان مسدوده
لكيت جامة المطبخ مكسوره دفعته وانجرحت
جان الدخان مالي المكان
بس كدرت اشوف باوعت زين مسحت دموعي وركزت
وشفت المصيبه شفت شي عمري مراح انسا
شفت روحي محتركه
امي كاعده على كرسيها بلمطبخ ومحتركه كلش
واني كمت اصرخ
يمه وللج يمه يمه احتركتي يمه حاجيني
يمه الحنينه
هنا رجال الاطفاء كسرو باب المطبخ ودخلوووو
واني ماهمني الدخان والحراره دخلت كبل اركض لزمته محتركه من كل مكان
من اي مكان الزمها يطلع دم
واني كعدت يمها بلكاع وكمت اللطم على راسي
واصرخ اني السبب
اني السبب اني مابقيت يمه
اني عفتها يمه فدوه حاجيني
بعدين الجوارين التمو عليه وطلعوني واجت الشرطه
كعدت بلكاع وكمت ابجي مثل الطفل الزغير
امي ماتت امي احتركت
امي راحت من ايدي ومآ كدرت اسويلها اي شي
نقلوها للمستشفى واني صعدت وياها بسيارة الاسعاف
وصلنا وهي دخلوها جوه بغرفه حتى يعرفون اسباب الوفا
محتركه لو غير شي
واني الجوارين دخلوني للطوارء
اديه محتركات ومجرحات ويجرن دم
ماهمني كلشي صار بيه
هاي الجروح اطيب
بس جرح روحي شنو الي يطيبه
فوك مصيبة الحركه راح يشرحون جثته
امي الحلوووه هيج يصير بيها
طلع الدكتور وكال باجر يطلع التقرير ونعرف الحقيقه
بقيت كاعد يم باب الغرفه الي خلو بيها امي
وكل شويه اصيح يمه يمه اني حسام حاجيني
يمه صاحبتي وحبيبتي وينج
اني كاعد هنا يمج ما اعوفج يلحنينه
اجت منى واهله ويسألوني واني ما اسمع بس صوت امي وهي تصرخ من النار
يمه شكلتي من احتركتي كلتي حسام الحكلي
يمه ليش عفتيني
اني كاعد هنا بلكت تصيحين باسمي
بلكت يطلع حلم وترجعين اليه اله اخليج فوك راسي وافتر بيج
اعوف الدنيا كلها واكعد جوه رجليج
اجا صادق يصرخ من برا
حسام شبيها امي
حضنته وكمت ابجي
صادق امنا احتركت واحنا مو يمه
امنا ماتت وعافتنا ثنينه
الحنينه راحت من ادينا
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
