رواية غيره قاتله الفصل السادس 6 بقلم جمانه السعيدي
فاطمه....قبل المهر بيومين واحد قررت اروح اصالح سما واعزمه على المهر هي وخالتي عيب اتصير هيج مناسبه
ومااعزمهن
وهذا كان أكبر خطئ خطئته بحق نفسي
دكيت الباب وسلمت على خالتي
فاطمه...شلونج خاله
خالتي.. الحمد لله
فاطمه....اجيت اعزمج اول وحده انتي باجر مهري العصر
خالتي....يااا مهرج بلعافيه يمته انخطبتي ماادري
فاطمه....شغله صارت بسرعه بنيه دخلت ابنه عندي دوره
وخطبتني الاخوها
خالتي.... بلعافيه ابن من احنا نعرفه لو لا شيشتغل
فاطمه....ماتعرفينه غريب مهندس بشركة نفط بلبصره يداوم
هذا الكلام كله كانت تسمعه سما من داخل غرفته وماطلعت
بس الفضول كتله تسمع اخر اخباري
لان صار فتره اني وياها مانحجي سوا
فاطمه...اريد اشوف سما واصالحه لان هي زعلانه عليه
كمت ودخلت غرفته لكيته كاعده على الجربايه
فاطمه....هلو سما شلونج
سما...شعندج اجيتي اني زعلانه
فاطمه....اجيت اصالحج واعزمج على مهري باجر
سما... وليش تعبتي نفسج جان خليتيه للعرس واجيتي تعزميني لو لمن يصير الطفل الاول حتى ادلعه
ولا تكولين بت خالتي واختي الي ماعندي غيره
جمانه السعيدي
فاطمه....جنت مشغوله وحقج عليه لازم تكونين اول الحاضرين حتى اكشخ بيج كدام عيالي
سما....ولو بعدني زعلانه انتي اخر مره طردتيني
فاطمه...لا يكون كلبج اسود وهاي بوسه
حضنته وبسته
سما....يله ميخالف بس ماعندي شي البس غير تكولين من وكت حتى احضر نفسي
فاطمه....ولا يهمج اني انطيج فستان عدني مالابسته
سما...يله خل اروح وياج اقيسه واشوف حلو عليه
خاف مو حلووو لو تردين اطلعين احلى مني
فاطمه....لا حلو يخبل يله تعاي وياي
سما....وباجر اروح وياج للصالون اعدل شعري والمكياج على حسابج
فاطمه....ميخالف
سما...اني الي يزعلني يصالحني بلغالي
فاطمه...تدللين كم سما عندي
رجعنا للبيت وطلع الفستان عليه يخبل
ثاني يوم طلعنا للصالون اني وياها وخالتي وامي بقن بلبيت يحضرن التوزيعات ويستقبلن الضيوف
جمانه السعيدي
اول مادخلنا اني طبعا حاجزه
سما....ابدي بيه وبعدين فاطمه
ام الصالون...بس انتي ماحاجزه اخلص العروس واذا بقا وقت ابلش بيج
سما...لا ولله اذا بقا وقت يعني اني شلون مجان تسويني
ولله اني الاول واريد اطلع احلى من العروس اني هم اريد اعرس قابل بس فاطمه
فاطمه....عادي ابدي بيه بلاول
بلشت ام الصالون تشتغل بسما وخبلته تخبل هذا مو حلوو غيري هذا اريد هيج
حتى بدكير ومنكير ام الصالون كل شويه ونفخت وضاجت منه حيل
جمانه السعيدي
اتصل بيا قيصر
فاطمه....هلو قيصر
قيصر...هلو فطوم ليش ماانتضرتي اني اوصلج لو بس متصله بيه جان اجيتج
فاطمه....مااريد اشغلك اكيد انت هم مخبوص اليوم
قيصر....اي هسه طلعت من الحلاق
فاطمه...بلعافيه
قيصر....من تخلصين اتصلي واني ارجعج للبيت
فاطمه....مايحتاج اني اجرت نكسي ترجعني
قيصر...تمام
من خلصت سما ام الصالون فدوه لا تجيبينه بعد وياج
شكد متعبه طبعا سما ماسمعته
بلشت تشتغل بيه سوتلي تسريحه كلش حلوه
ومكياج راقي
من كملت
سما...هااا شو فاطمه طلعت احلى مني
ام الصالون..... .فاطمه اسم الله عليه ماتلح مثلج انتي خبلتيني
فاطمه....ولله انتي طالعه تخبلين
كوه يله قنعته وسكتت ماخلت عطر مابخت على نفسه
ولا صبغ اضافر ولا شغله ماجربته عبالك ماشايفه
اتصلت على ابو التكسي واجا رجعنا للبيت
وصلنا لكيت اقاربنا واصلين والجوارين بس أهل العريس بعدهم
اتصلت ام سيف تسئل اذا رجعنا اوبعد
شويه واجوووو بلبدابه الرجال وحدهم
واجا الشيخ يعقدلي
وبعدين عقد القيصر
شويه ودخل قيصر لابس قاط كحلي وقميص بيجي فاتح
ورباط احمر شطالع عبالك كلوب وضاوي بلضلمه
شكد شكله انيق وحلو
الصراحه اني خفت علي من عيون النسوان
جمانه السعيدي
اما سما من شافته عبالك طلقه وصابته بقت واكفه وفاتحه حلكه ماتوقعت هلكد حلوووو
اجا كعد بصفي باسني بخدي وكال مبروك
بعدين اخذ ايدي باسه والبسني الحلقه
قرب عليه وكال طالعه تخبلين
رفع معنوياتي احس نفسي اريد اطير من الفرح
كلت بكلبي الله يحلي ايامك هلكد ماانت حلوووو
مااحس اله سما كامت تركص وكل شويه اطخ قيصر
بس هو مامهتم اله
بدو ياخذون صور جان تجي وتكعد يم قيصر وتكمشه من
زنده بحجة الصوره المكان ضيك يعني انحصرنا بلكعده
بس اني ماشكيت ابد عادي صوره كلش طبيعيه
مع ان المفروض هي تكعد من جهتي وتأخذ صوره
اجت امي وخالتي وهي كاعده بمكانه ماتحركت
بعدين هو وكف وكال تعاي نغير من الصور
وكف وحضني واني منطيته وجهي واديه على صدره
وهي تحوس تروح وترجع عود تعدل الوكفه كل شويه مقربه علي
بعدين حضني من ضهري وهمس باذني اخطفج
اني ضحكت
وسما تخبلت بس شافتنا
سما....عوفه هاي اللقطه قديمه غيره محد بعد يصور هيج
قيصر....اني عاجبتني ورجع حضني حيل وباسني بخدي
أخذنا الصوره وانطاني الموبايل الجايبه اليه
واشر على خده عود بوسيني
اني ضحكت وقربت بسته كل البنات الحاضرات كامن يصفكن وأم سيف تهلهل
وهي..رجعت ليوره وشالت كلاص وكسرته
وكامت تبجي عساس خافت ونجرحت حتى تخرب الحفله
خالتي راحت يمه وامي
وهي كامت تبجي بصوت عالي
وتتنفس بصوت
على اساس خايفه
كله تمثيل لان ماكدرت تتحمل الموقف
اني اخذ واحد مثل قيصر لازم هي الي تأخذه مو اني
وهاي الشغله الي خططتله سما بذيج اللحظه واني مامنتبه
وبعمري مااجت هيج فكره ابالي ابد
بهاي اللحظه قررت سما لازم يكون قيصر من نصيبه
ولازم تأخذه مني
طفينا الاغاني وقصير كال اني اترخص ضاج حيل من موقف سما
فاطمه...من توصل اتصل علمود نتفق على عقد المحكمه
قيصر....تمام
جمانه السعيدي
طلع هو وأهله والمعازيم كلمن راح البيته
وسما ماكدرت تكتم غيرته
سما....فاطمه هذا شلون حصلتي
فاطمه....شنووو
سما....العريس شنو يعني
فاطمه....قسمه
سما....ولله عليج حظ المثل هذا ياخذ ممثله عارضة أزياء على الاقل بت تاجر بت برلماني مو ياخذج انتي
امي.....وشبيه فاطمه شناقصه قابل ذني الي عديتيهن احسن منه
سما....لا بس هيج حظ ماشايفه ابد
فاطمه....شبيج سمااا
سما.....تردين نصيحتي عوفي مايفيدج هذا تلكين مصاحب ١٠٠ مو عشره وانتي غشيمه وماتعيشين ويااا
فاطمه....اني ماغصبته شافني وقتنع
سما....يضحك عليج عوفي
فاطمه....صار زوجي شلون يضحك عليه قابل هي علاقه ويضحك عليه
سما....اخاف عليج منه مبين مو راحه
كل واحد حلو مو راحه
فاطمه....اني قابله بي وهو مقتنع بيه وكلشي تم على خير لا تخافين اني اعرف اتصرف
سما....زين راح نشوف شلون مقتنع بيج
فاطمه....مااعرف ليش كلبي خاف من كلامه
خفت منه ومن طريقته بلكلام
رغم كلشي تمام واحنا باعتبار ازوجنا بس سما
ماله امان ابد
واي شي يعجبه حتلو بايد غيره لازم تاخذه
الفصل السابع من هنا
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
