رواية فراق توم الفصل السادس 6 بقلم جمانه السعيدي
علي..دخلت واني بعدني مستغرب من الطريقه الي عزموني بيه
طلع ابوها من جوا
رهف...بابا اقدملك علي الي حجيتلك عنه
علي...السلام عليكم
ابو رهف...عليكم السلام
علي ..بقيت اباوع علي وكانما شايفه بمكان او شايف احد يشبه مااعرف
رهف...ووين صفنت الهلدرجه بابا عجبك شكله
علي...اشرف بمعرفته
ابو رهف ...اليه الشرف عزبزي تفضل استريح
علي...شكرا بس كعدت شلونك
علي...الحمد لله
ابو رهف.. اي انت شنو مكمل دراسه
علي...حسيته يحجي وياي بتعالي كلت بكلبي اكيد رهف حجتلك كلشي عني ليش هلسئوال وكانما يحقق وياي
رهف...هي علي بابا يحجي وياك
علي....اني مخلص عدادية صناعه قسم كهرباء
ابو رهف...وليش ماكملت دراستك يعني هذا كد طموحك
علي...لا انشاء الله ناوي اكمل
بس منتضر ضروفنا شويه تتحسن ونشتري ببت جبير
ابو رهف...تمام
جمانه السعيدي
علي...كعدنا ناكل واني ماحجيت اي كلمه
بس حسيت ابو رهف بعاملني وكانما اني اقل منهم
بس خلصنا ترخصت منهم وطلعت
ابد ماعجبني اللقاء بابو رهف
علي ودعتهم ورجعت للبيت
ابو رهف... اني مااريد هذا يتردد على البيت فهمتو لولا
رهف...ليش هيج تحجي بابا ترا علي انسان محترم
يكفي تبرعلي بلدم وماقبل ياخذ مقابل
ورجع ساعدني
ابو رهف...اني اعرف هيج شكووول يبقى يتمسكن لو تنطونه فلوس مقابل خدماته لو بعد مااريد اشوف وجه
ناقصني واحد مثل هذا بدخل بيتنا وحياتنا
ام رهف...ليش هبج نكووول خطيه علي مايستاهل منك هذا الكلام
ابو رهف ...شوفي مستوا شوفي وضعه ووين ساكن
مااريد يدخل بيتي ابد
واذا تقطعون التعامل وياااا يكون افضل
رهف...ضجت من كلام بابا حيل اني ارتاحيتله وكلبي انفتحله من يمتا الناس تنقاس بلفلوس لو بلوضيفه
الساعه ١٢ دزيتله رساله
رهف..هلو علي
علي ..تعبت اليوم واريد انزل التليفون وانام لان اني متعود اكعد من الصبح
سمعت اجتني رساله فتحته من رهف
علي...هلو رهف
...بعدك كاعد
...اريد انام
...لاتضوج من طريقة بابا بلكلام هو متعود هيج يحجي ويااا الناس
ماعنده مرونه بلكلام ومايحب التجمعات والكلام الهواي
عملي جدا
علي...لا ماضجت بس تعرفين شي كاني شايفه قبل
او حاجي وياااا او يشبه سخص اعرفه
رهف...مستحيل نكون شايفه قبل اوحاجي ويااا
بس اكيد شايف سخص يشبه
علي...تعرفين شخصية ابوج عكس شخصية ابوي بلضبط
ابوي اجتماعي ومتعاطف ويااا كل الناس ويحب الفقير قبل الغني ويساعد الناس كله
ياسبحان الله عكس ابوج تمام هااا اذكرت ابوج شوبه يشبه ابوي بلشكل شويه يشبه
بس ابوج مترف وعايش وضع ممتاز ومخلص تعليم
وابوي لا يقرا ولا بكتب وعاش العذاب والضيم بكل انواعه
رهف...لا تحجي على بابا بابا كلبه طيب وحنيبن
بس مو اجتماعي
جمانه السعيدي
علي...الله بحفظه الكم
رهف...هسه مازعلان
علي...على شنو ازعل روحي نامي تصبحين على خير
صديقتي الامربكيه
رهف...شكرا صديقي العراقي
ثاني يوم مااتصلت رهف مااعرف ليش افكر بيه
وحسيته تركت اثر بنفسي
بيه اشياء مميزه تبقى بنفس ماتروح
بليل دزيتله رساله هلووووو
راسا اجاني الرد
رهف...هلوووو طبعا هسه اريد اراسلك بس خفت اكون مزعجه اعرف انت وقتك كله للعمل ومافارغ الوحده مثلي
علي....لا بلعكس اذا وحده مثلج كل وقتي اله
رهف...يعني مااضوج اذا اتصل بيك لو اراسلك
علي...ليش اضوج وين لاكي وحده امريكيه تحجي وياي
رهف...اوكي تمام
علي...شلون السياره خوماعطلت
رهف...تعطل وانت منضمه ومرتبه مستحيل بعد تعطل
علي...تمام
رهف....ممكن من يكون عندك وقت نطلع فد مكان نغير جووو ونحجي نتعرف على بعض
علي...يمته ماتحبين اني حاضر بس بشرط نطلع بلدارجه
مو بسيارتج
اذا نطلع بلسياره ويه هاي الازدحامات بغداد اقل شي ساعتين
يله نوصل
بس بلدراجه بسرعه نوصل
رهف....الله حبيت المغامره عبالك ممثلين هنود
جمانه السعيدي
فعلا اختارينا يوم الجمعه وطلعنا العصر وبقينا نفتر
لليل رحنا مطعم ومول وحدايق
مااعرف ليش نفسيتي مرتاحه اله واحس عبالك اعرفه من زمان
علي ....استمرت لقائاتنا والمكالمات بينا لمدت اربع اشهر
بحيث تعلقت بيه بشكل مو طبيعي
وهي هم تحبني من احسب الوقت الي عرفته بي
بس اربع اشهر احس قليل
عبالك صار اربع سنوات اعرفه
جمعت فلوسي بهذا الوقت واشتريت قطعة ارض قريبه على اهلي
علي...باركيلي
رهف...شكووو
علي..اليوم اشتريت قطعة ارض حتى نبني عليه بيتنا
رهف...مبروك الف مبروك
علي...انتي اختاري الخارطه الي تعجبج
رهف...عادي حبيبي الي يعجبني يعجبك
علي...لا هذا بيتج وانتي لازم تقررين
رهف...اي شي المهم نكون سوا
علي...راح اسحب قرض وابني بيتنا شنو رائيج
رهف...تمام
علي...بس خايف ابوج يرفضني
رهف...وليش يرفضك هاي حياتي واني حره اختار الشريك
الي يناسبني
علي...ماسئلتج تعرفين طبخين
رهف...بسلا تريدني اطبخ
علي....لعد شناكل
رهف...ترا الحياة موبس طبخ بعدين اني اعرف اطبخ
معكرونه وباسته واعرف اسوي بيض
علي.. بيض لا لا همزين عرفتج على حقيقتج شنو بيض
رهف...ولله هذا الموجود
علي...شنو هذا الموجود وين التشريب والدولمه والبرياني
والتبسي
رهف.. اي ولله اني احب ذني الطبخات ولو يسمنن بس الصراحه مااعرف اطبخهن
علي...يله ميخالف امي تعلمج
قبل لا اتقدمله ابوها جابله عريس
ابن صديقه وولد مهندس مدني وأموره توب وعند بيت
خاص بي حتى يسكنون بعد الزواج
بس هي رفضته رفضته حتى قبل اني لا اعرف
وابوها كان شاك بموضوع الرفض
وبدا يراقبه يريد يعرف ليش رفضته
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
