رواية سائق القصر الفصل الخامس 5 بقلم جمانه السعيدي
معتز....اجا استاذ طلال الساعه ١٢ الضهر
دخل عصبي وعيونه اطير شرار
بس شافني خنزر عليه
طلال....انت رحت وياها يكولون السايق جابه
معتز....استاذ اني من شتغلت هنا انت كلتي تكون بخدمة نرجس واني جاي انفذ الاوامر
طلال...انت ماتفتهم شلون تأخذه للمركز
معتز....طلعت نص.اليل وحالته حاله شلون اعوفه بلشارع وحدها كانت تريد تنتحر
كدرت اقنعه تهدء كالت همام ضربني واريد اروح اشتكي علي شلون اعوفه بهيج ساعه وحدها تروح للمركز
طلال....غبي كان لازم ترجعها للبيت
معتز....مااسمحلك تغلط عليه اني جاي احافظ على عائلتك
المفروض تشكرني
طلال...خل اروح اطلع همام من السجن وبعدين اتحاسب وياك
صعد بسيارته وشغله ونزلت ورا نرجس لا بسه بنطرون وبدي اسود
صعدت وياا بلسياره ومشو واني بقيت واكف باب البيت
تقريبا ساعتين ورجعو هم وهمام
همام زعلان ويغلط ويفشر وابو يهدي بي
نزل وطبك باب السياره بقوه
نزلت نرجس وطلال ودخلو للبيت
نرجس....دخلت للبيت
ام همام...الله لايوفقج شكد صلفه اكو وحده ادخل زوجه السجن
نرجس....هلمره طلعته علمود عمي مرت الاخ اخلي بلسجن
همام...انجبي حقيره مو زين متحملج انتي شايفه نفسج
نرجس....اني شايفه نفسي واعرفه زين بس انت شنو واحد سكير لا شغل ولا عمل عايش بفلوسي
لو بيك خير اشتغل حالك حال الزلم
طفر همام يريد يضربني وعمي لزمه
طلال....هااا توك كتبت تعهد ماتضربه هلمره مراح اكدر اطلعك
وانتي عمو نرجس ليش هيج تتصرفين ماجنتي هيج
نرجس...من حقي ادافع عن نفسي من تصرفاتكم الحلوه وياي
الله عليك لو عندك بنيه تقبل همام ياخذه لو لان اني يتيمه
ام همام...وانتي شلونج علساس اخر قطعه بهاي الدنيا موزين قبل بيج
نرجس...لا كلش زين اذا اني مو بمستوا حضرتج الرفيع
ليش عايشه بخيري
هاي سوالفكم مو عليه فهمتو لو لا
واني بعد مااسكت ابد واذا ماعاجبكم خل همام يطلكني
وزوجو وحده مثلكم لا خلقه ولا اخلاق
طلال...اه هيج صار الحجي
نرجس...كافي تحملت هواي ونفذ صبري بعد مااتحمل اكثر
عفتهم وصعدت فوك
جمانه السعيدي
همام....بسيطه اني اعلمج يانرجس الجلبه اني ادخليني
سجن اله اندمج على الساعه الي رحتي بيه للمركز وقررتي
تشتكين عليه
ام همام...اي عفيه همام هاي مو مال احترام لازم تتادب
تريد هذا الخير اله وحدها
معتز....بقيت طول النهار بلباب ومحد طلع بس طلال طلع
للشركه والبقيه محد طلع من البيت
بس رحنا اني وتالي جبنا مسواك
نرجس...صعدت الغرفتي احس اجتني قوه مو طبيعيه
كله بفضل معتز كان لازم افكر هيج من البدايه
واوكفلهم وكفه لكوني وحيده وضعيفه وستقوو عليه
بعد مااسكت ابد والخطوه الجايه الطلاك
مايستاهلون يعيشون بهذا الخير
قفلت الباب عليه
صعد همام...حاول يفتح الباب
نرجس... بعد مالك مكان بهاي الغرفه شوف مكان ثاني
ممنوع تدخل يمي فهمت لو لا
همام...بسيطه يا نرجس اني اعلمج
نرجس... كلت وين جنت يامعتز من قبل
طلعت الوحش الي بداخلي فعلا هاي الناس مو مال احترام
بقيت باقي النهار بغرفتي اقرا واحضر محاضراتي الجايه وتالي جابتلي الاكل فوك
اتصلت على معتز
نرجس.. هلو معتز
معتز...هلو نرجس هااا بشري شصار
نرجس...وكفت كلمن بمكانه الصحيح بعد مااخاف
معتز...عفيه
نرجس....كله بفضلك انت الي قويتني وخليتني على الطريق الصحيح
معتز.. انتي قويه بس جنتي ماتندلين الطريق
خاف اطلع من الشغل اذا تحتاجين شي اني بلخدمه
نرجس...ليش تطلع من الشغل
معتز....عمج يكول شلون تروح وياها للمركز
نرجس...مالك شغل بعمي انت تشتغل وياي ومحد يكدر يطلعك من هاي الشغله
معتز...تمام خاف احد يضوجج بس اتصلي عليه
افلش القصر عليهم
نرجس...هااا سوبر مان
معتز...شنو سوبر مان اني معتز
نرجس...اطمن محد يكدر يندك بيه يخافون خاف اسحب منهم البساط السحري
واخذ فلوسي منهم
معتز... الله يستر وتخلصين منهم
نرجس...لا تخاف بأقرب وقت ممكن
معتز...انشاء الله اي هاي الاخبار الحلوه مو رايحه تنتحرين
نرجس...كل الفضل الك جان اني هسه يترحمون عليه
معتز....الي فات صفحه ونطوت واحنا ولد اليوم
اقوياء ومحد يكدر علينا
نرجس...انت وين جنت لو متعرفه عليك من زمان محد كدر
يضوجني لو يستغلني
معتز...اني هسه موجود ومراح اتخلى عنج ابد
جمانه السعيدي
معتز..... رجع طلال بليل لكاني واكف برا يم السياره
طلال...انت بعدك هنا
معتز...اني اشتغل عد نرجس وهي الي كالت ابقى هنا بهذا العمل
طلال.. هاا تشتغل عد نرجس عندي كلام ثاني وياا والدك
معتز...من رخصتك اني متعجب انت ليش زعلان
يعني نرجس عرضك وكانت منهاره
وطالعه تنتحر المفروض انت تشكرني نقذت بت اخوك
من الموت
وحتى من راحت للمركز كان لازم اكون وياها
انت ماتخاف على سمعتك شلون تقبل بت اخوك تدخل للمركز وحدها
طلال...بمكان ماتاخذه للمركز جان قنعته ترجع للبيت
معتز...اكثر من ساعه وهي تركض بلشارع حافيه وحاله حال
وابنك ماكلف نفسه يطلع وراها
لو يشوف وين راحت بنيه تركض بلشارع بليل
هي هاي الغيره
اني ماخايف اترك العمل عدكم لان الرزق بيد رب العالمين
عادي شلون كنت عايش قبل لا اشتغل عدكم اعيش هسه
راسا عافني ودخل وماحجه اي كلمه
يعرف كلامي كله صحيح ويعرف ابنه غلطان
بس جاي يكابر
وماواكعه بهاي المشكله غير نرجس المسكينه
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
