رواية غيره قاتله الفصل الخامس 5 بقلم جمانه السعيدي
فاطمه.....ثاني يوم اجت ام سيف بموعد الدرس
ووجه يضحك
ام سيف....هلو فطوم شلونج
فاطمه ...الحمد لله هلو سيوفي حبيبي حضنته وبسته
هااا محضر الدرس
...اشرلي براسه اي
ام سيف... البارحه حجيت الأخوي عنج وعن اخلاقج
ويكول اشوفه واذا عجبتني وعجبته نتفق على كلشي
فاطمه....خل اكول الامي واشوف رائيه
ام سيف...من حقج
فاطمه...بس نريد معلومات كامله عنه حتى نسئل عنك
بس فدوه لا ازعلين اذا ماصارت القسمه
ام سيف....ليش ازعل كلشي قسمه ونصيب
واخوي مايتعيب ابد كامل والكمال لله والف وحده تتمنى
وانتي هم ماناقصج شي
فاطمه...اتفقنا
جمانه السعيدي
الاسم.... قيصر
العمر... ٢٨
الطول ... ١٨٢
المهنه...مهندس بلنفط والراتب محترم ماعندا بس ام سيف اخته الوحيده ابو متوفي وامه موجوده
عدهم بيت ملك ٣٠٠ متر ومنطقه راقيه
اخذت كل المعلومات وبدينا نسئل عنه
هلمره خلينا كلشي سري حتى خالتي ماتعرف منا لمن نتفق وتصير القسمه
الناس كله تحمد بيهم وبااخلاقهم عائله محترمه جدا
يوميه ام سيف تسئلني هااا شنو قررتي
واني ارد عليه بعدني مامقرره
بعد اسبوع قررنا تكون الشوفه الشرعيه
بيومه سرحت شعري وعدلت حواجبي ونضفت وجهي بلبيت ومكياج خفيف
ولبست فستان أخضر داكن مخصر وطويل بي شويه تطريز بلردن طلع شكلي كلش حلووو
هااا هاي المقابله سريه حتى خالتي ماتعرف بيه
اجا الموعد واني حضرت كيكه وجبنا عصير حبيبات وراني
وتشكيلة حلويات لزوم الضيافه
اندكت الباب
طلعت امي واخوي اسلام
دخلت ام سيف بلبدايه وأمها طبعا اني اباوع من الشباك
وبعدين دخل هووووو
شفته دخل
و بقيت مصدومه حلووو فوك مستوى الحلى كله
طويل وابيض وعيونه عسلي والشوارب واللحيه اشقر داكن
لابس بنطرون جينز وقميص ابيض وستره اسود مقفله ناعم باابيض
اني شفته وماصدكت نفسي يخبل يعني يخبل بمعنى الكلمه
ياربي واحد هيج حلووو وجاي يخطبني اني
اني صحيح حلوه بس هو شخصيه
جمانه السعيدي
خفت خاف مااعجبه يمكن توترت حيل بلحظته
بعدين كلت خل اطلع والي قاسمه رب العالمين يصير
ليش اني ماعندي ثقه بنفسي اني هم حلوه وخريجه وماناقصني شي
جمعت قوتي ودخلت سلمت عليهم
اول سلمت على امه وكان اسلوبه حلو بلسلام حيل
وبعدين ام سيف
سلمت علي حسيت اكو ابتسامه بوجه وعيونه لمعن من شافني
قدمتلهم العصير
كلهم كاعدين امي واخوي اسلام واجا علي كعد وأم سيف
وسيوفي وامه
كعدت كباله طبعا مايحتاج اباوع علي لان اني تفحصت كل التفاصيل من دخل من برا
بلبدايه حجو بتفاصيل وأمور عامه
بعدين هو سئلني على دراستي وليش تخصصت بالانكليزي
فاطمه....اني احب الإنكليزي
قيصر.....واني اكثر درس جنت اعاني منه الإنكليزي مااحبه
فاطمه...بلعكس الإنكليزي درس حلووو
قيصر... شكد حاولت احبه حتى دخلت دورات بس بدون فايده كلما اذكر اكول شلون تخرجت وطلعت من الإنكليزي
كنت احل بطريقه اضحك اغمض عيني وااشر واكتب الخيار
لو اغش على الولد الي بصفي
طبعا بس هاي الماده بس باقي المواد مستواي زين بيهن
فاطمه...لا بلعكس الإنكليزي ماده سهله بس تحتاج تركيز
قيصر....عود ادخل عندج دوره وعلميني
فاطمه....كان الحديث حلوووه ومريح ماحسيت نفسي خايفه لو متوتره بلعكس حسيت نفسي اعرفه من زمان
وتمنيت بهاي اللحظه يكون من قسمتي ونصيبي
لان حسيته دخل كلبي
قيصر.....اني حاب اتقدم واطلب ايد فاطمه واتمنى تقبلون واي شي اطلبو اني حاضر
امي....فرصه سعيده تعرفنا عليكم وإنشاء الله يصير خير
كم يوم ونرجعلكم خبر
ترخصو منا وطلعو وأم سيف من طلعت كالت لا تتأخرون علينا رجعونا خبر بسرعه
فاطمه....ماصدكت نفسي ابد معقوله قيصر يكون زوجي
حسيته هواي عليه
حضنت امي وبسته من الفرحه
امي....هااا اقتنعتي
فاطمه....كلش اقتنعت ماتتخيلين شلون دخل كلبي بسيط وهادء وحلوه ومثقف ياربي الحمد والشكر
امي....خلاص يومين ونرجعلهم خبر موافقين
فاطمه....لا تحجين اي شي الخالتي
امي...ليش
فاطمه....لمن تكمل الشغله يله سما تغار واذا شافت قيصر راح تسويلي مشاكل اعرفه زين
امي...بس عيب من خالتج شتكول
فاطمه...مراح تكول شي ترا انتي انطيتهم مجال هواي يدخلون بحياتنه بيتنا مابي خصوصيه ابد بسبب خالتي وسما
من نحدد موعد المهر نعزمهم
امي....ميخالف
بعد يومين امي اتصلت باام سيف ونطته الموافقه
بهذني اليومين الفاتن ام سيف مااجت لان زوجها نزل مجاز
ثاني يوم اجت ام سيف وامه واتفقنا على الحاضر والغايب
وكل التفاصيل
ونطوني فلوس اشتري ذهب على ذوقي وفستان واحجز صالون علمود حفلة المهر
هاي الفتره كله سما زعلانه ولاتدخل بيتنا بس خالتي تجينا مره بليوم وتروح
مرات ودي اروح واسولفله واكله انخطبت
وارجع واكول اني ليش فطيره وانسى كلشي صار وياي بسرعه
بس تعرف راح تخرب كلشي
وارجع اسكت بس ولله محتاجه وحده بعمري احجي وياها كل التفاصيل حالي حال البنات
هسه اني ليش ماعندي خوات ياربي
رحت اني وامي اشتريت ذهب واشتريت فستان يخبل
وحجزت بلصالون
قبل المهر بيومين اتصلت ام سيف وكالت قيصر يريد يحجي وياج
فاطمه...تمام
قيصر....شلونج فاطمه
فاطمه...الحمد لله
قيصر... كملتي كلشي خومامحتاجه شي
فاطمه....لا الحمد لله كلشي تمام
قيصر....اني جبتلج تليفون هديه ادزه اللج بيد ام سيف لو من اجي بيوم المهر
فاطمه....لا عوفه اليوم المهر
قيصر...تمام اذا تحتاجين شي اتصلي عليه ترا مايرد غير السانج
فاطمه....ماتقصر تسلم
قيصر....اجي بيوم المهر اخذج للصالون
فاطمه....براحتك إذا مشغول ماكو داعي
قيصر....انشغل عن كل الدنيا وعنج ماانشغل انتي ماتعرفين
اني شكد حبيتج وحبيت اسلوبج
انتي الشخصيه الي كنت ادور عليه من زمان
فاطمه....احرجتني ومااعرف شكول
قيصر....لا تحجين خلي الكلام بعيدين اني اعتبر نفسي محضوظ اتعرفت عليج
للحكايه بقيه......ممكن اعرف ليش التفاعل قليل
رغم عدد الكروب جاي يزيد والتفاعل يقل القصه حلوه والاحداث ليكدام احلى
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
