رواية حب بعد الطلاق الفصل الخامس 5 بقلم جمانه السعيدي
ماعرفنا سجاد بلسجن لان ماندري بي من طلع لليل وماكو لابابا اجا ولا اخواني
اني غسلت وبدلت وتمددت بلغرفه شويه واسمع امي تخابر
امي...لا شلون بلسجن فوك شينهم كوات عينهم فوك ما كاتلين سما انوب سجاد صدك ناس ماتستحي ولاتخاف من الله
وهسه هااا الحمد لله سدت التليفون واني اجيت
سما...هااا ماما شكو
امي...سجاد متعارك ويه مصطفى وثنيينهم بلسجن
سما...وهسه شلون
امي....ابوج يكول كل واحد تنازل عن الثاني وطلعو
اخوج كوه مطلعينه لان هو الي رايح البيتهم ومتعارك ويا
يمكن ابوج دافع كفاله يله مطلعي
ياربي شني هاي المصايب
شكد جنا مغشوشين بمصطفى واهله
همزين ماصار عدكم اطفال
جمانه السعيدي
ساعه ورجع بابا واخواني وسجاد سوده عليه وجهه مورم
وشفته مجروحه
بابا جان يحجي على سجاد واني اغلط على مصطفى
مصطفى تعاركنا اني وسجاد ونسجنا
بعدين كل شويه جايني واحد يقنعني اتنازل وهو يتنازل حتى اطلع
طبعا اجاني ابوي و اخوي وولد عمي وولد عمتي
المركز صار هوسه
اتنازلت عنه وهو هم اتنازل وطلعت طلعت مقهور والعن الساعه الي عرفتهم بيها
رجعت للبيت لكيت امي كاعده ونسرين وعمتي وتغريد وزوجة عمي
وهي عمتي انهدت مدري منيين مامنيين جبتوها ا
اجيبون بنات الشارع وتعتبرونهن
مصطفى مهندس ميت وحده تتمنى وانتم هاي عمت عيونكم
مصطفى...اني تعبان ماتحملت كلامها صعدت الغرفتي
اخذت ملابسي ودخلت اسبح طلعت اباوع على المرايه وجهي صاير ازرك واكو جرح زغير بكصتي
وكفت على الدرج وصحت نسرين تعاي
اجت نسرين
....باعي جيبيلي كريم عصاره وجهي يحركني
...اي هسه دقيقه
...جيبيلي حبايه مهدء وياج
...صار
... اكو عدنا احد لو راحن
...لاكاعدات يزيدن النار حطب
...يله جيبي الي كلتلج علي بسرعه
شويه وصعدت اخذت حبايه ودهنت وجهي ودزيت رساله الصديقي حيدر يطلبلي اجازه لان ما اكدر اداوم ووجهي هيج
عمتي...عيني ام مصطفى طلكوها شني قحط نسوان
...ما ادري بكيف مصطفى هو زوجها ووهو يقرر
...شني بكيفه ليكون يريد يبقيه على ذمته ولله المره الي
ادخل السجن من وراها ورا اهلها بعد ماتدخل بيتي
....همزين عدت على خير وما واحد منهم مات الحمد لله
الله سترنا
...هو هذا الي يدور ناس مايعرفها كلشي يتوقع
تغريد...نسرين تعاي اريد احجي وياج
نسرين...شكو
تغريد...اريد اصعد اطمن على مصطفى
نسرين...مصطفى اخذ حبايه مهدء ونام وكال لحد يزعجني
الساعه ١١ بليل يله بيتنا فض من الناس
ما حاول اي واحد من الطرفين يصلح الموقف بقينا اسبوعين على هذا الوضع
سما...بابا اريد اطلك اني مصطفى
بابا...ومنو كالج اخليح ترجعين بعد الي سوا مصطفى يحلم اله زوجه عندي
لوما اخوج رايحله للبيت جان عرفت اتصرف ويااا
اله اطيح حظه وابهذله بلمحاكم
سما..اريدك ترفع علي قضيه طلاك
وفعلا رفعت علي قضية طلاك المحامي كال اذا تتنازلين عن حقوقج يتم الطلاك بسرعه
سما...كتله ما اريد اي شي بس يطلكني وما اشوف وجه بعد
جمانه السعيدي
مصطفى...اجاني بلاغ محكمه سما رافعه عليه قضية طلاك
والمحامي اجا يفاوضني
طلكها وهي متنازله عن كل حقوقها
اني هم جنت ضايج منها ومن المشاكل الي ماتخلص ابد اريد بس اطلكها واخلص منها
وفعلا تم الطلاك بينا بعد سنه وشهرين زواج ماعشنا بيهن سعاده بس اربع اشهر
مصطفى...حتى من طلكت سما ماحسيت براحه ابد من ادخل للبيت احس البيت ياكلني
ودائما اشوف كوابيس واحلام مزعجه غرفتي مااكدر انام بيها ابد انام بلصاله
تغريد استغلت الفرصه كاعد عدنا لليل نهار ولبس مغري ومكياج وبس ادخل للبيت
اجيبلك غدا
...لاشكرا
...جيب ملابسك اعلكهن عندك ملابس وصخه
لمن لعبت نفسي فد مره
مصطفى...ماما تعاي احجي وياج
...شكو
....هاي ماعدها اهل ليش كاعده عدنا
...يمه شلون اطردها
...اي اطرديها ترا طوختها حيل
...عيب مايصير اطردها
جمانه السعيدي
شهرين على الطلاك واني حالي ماتحسن ابد دائما احس نفسي تعبان ومن انام احلام مزعجه تجيني
الحد مافديوم اجاني صديقي حيدر
حيدر...شبيك الخاطر الله قبل تكول مشاكل اني وزوجتي هسه زوجتك طلكتها شبيك بعد
...ما اعرف شبيه مامرتاح ابد ليش ما ادري
شو لامريض ولابيه شي بس احس نفسي تعبان حيل
وماليه خلك ابد
....اكللك شنو رائيك اخذك الولد سيد صديقي ياخذلك خيره بلقران
...يمعود ما اصدك بهاي السوالف ابد
...ترا هو مايسوي شي ياخذلك بلقران واذا عندك شي يكلك
...لا ما اروح يجوز حاله نفسيه بسبب الضروف الي مريت بيها
سما رجعت الاهلي وصرت مطلقه مع الاسف ضيعت اكثر من سنه على زواج فاشل
بس ضجت من كعدت البيت بديت ادور شغل حتى الهي نفسي بي بدال كعدت البيت
مصطفى فات ست اشهر بعد الطلاق واني حالتي ماتحسنت ابد وحيدر يلح عليه خل اخذك للسيد ونشوف مراح نخسر شي
قررت اروح وياااا حتى اسكته لان مللني
يوم جمعه وكاعد بلبيت خابرت حيدر كتله تعال نروح اني وياك ونشوف شيكول
وفعلا رحنا السيد بيته جان باطراف بغداد
وصلنا ورحب بينا كان اكو ثنيين كاعدين انتضرته يخلص
طلعو من يمه
بقينا اني وحيدر اشرلي كال تعال هنا يمي
كمت كعدت يما وبديت احجيله على وضعي
فتح القران صفن شويه
بعدين كال انت مزوج
...منفصل صار ست اشهر
....ابني انت معمولك عمل والعمل تفرقه بينك وبين زوجتك
...شلون سيد
...اكو واحد او وحده يدخل البيتك بميانه وياكل ويشرب عدكم هذا مسويلكم تفرقه
...تفاجئت من كلامه واذكرت شلون من ادخل للبيت اتخبل على زوجتي
....سيد بعدا موجود العمل بيتنا
...اي موجود وهسه كلب عليك ما ذيك حيل احلام وضيق
وحسره
...اي سيد اني ابد ما مرتاح عبالك واحد لابس ملابس كلش ضيكه ومايكدر يتنفس لو يتحرك
اول شي تروح تتخلص من كل شي بلغرفه مثل جراجف
مناشف عطور مكياج
حتى البطانيه الي تتغطى بيه تشمرها وتغيرها
العمل بغرفتك مو برا
واريدك تفتح الشبابيك على طول
حتى ملابسك كلهى غيرها
هاي تعويذه تشيلها وهاي الثانيه تخليها بمي وتسبح بي
واريدك تشغل سورة البقره على طول بغرفتك
بعد شي مهم تجيني لمدة اتلث ايام اقرا عليك
العمل من انسان مقرب عليك حيل
ممنوع تقبل اي هديه من اي احد وتستعملها
كعدت يمه وبدا يقرأ عليه بس بلش يقرأ آيات قرائانيه
حسيت نفسي كمت اتنفس احسن
شلون جنت لابس ثوب ضيك عليه وخانكني
ونزعته
حسيت نفسي هواي احسن
رجعت للبيت طلعت كلشي بلغرفه وشمرته
كلشي ما خليت
لا جراجف ولامناشف والمكياج والعطور
بس شفت العطر الي جابته تغريد تذكرت كل المشاكل بدت من دخل هذا العطر الغرفتي جمعت كل الغراض
حتى ملابسي كلهن
طلعتهن
اخذتهن شمرتهن
واشتريت ملابس جديده
رحت مرتين للشيخ يقرأ عليه حسيت بتحسن مو طبيعي
مثل احساس واحد مولود من جديد
شلون جنت امشي بضلمه وطلعت للنور
جمانه السعيدي
تغريد بعد طلاكنا اني وسما كل النهار عدنا وكاشخه
وحايره شتسوي بنفسها
بس اني كلش كرهته اكثر من قبل
دائما اجيبلي كاكو لو علج
اخذه منها واشمرا
حارت شلون تخليني احبها
بس اني كلش قفلت عليها
رجعت جابتلي عطر مره ثانيه
اخذته منها وشمرته بلزباله
تغريد ليش هذا العطر ماركه
...كلشي ما اريد منج ابتعدي عن طريقي
انتي ضيعتيني قبل
وهسه ناويه على شنو اطلعي من حياتي
انتي شنو بلا احساس
تغريد شدعوه هلكد عصبي قابل نمونه زوجتك اصلا ما تستاهلك ابد
...وانتي شكوووو اني طلبت رائيج على الاقل انسانه عدها احساس مو مثل بعض ناس
كل كرامه ماعدهم
....احبك انت تعرف شنو احبك
...واني ما احبج تعرفين شنو ما احبج لو عندج ذرة مشاعر ما دخلين هذا البيت بعد
