رواية فراق توم الفصل الخامس 5 بقلم جمانه السعيدي
رهف...بس اني اخاف اصعد وياك
علي...بكيفج ابقي هنا
عفته ومشيت صعدت على الدراجه
رهف...لا اوكف اوكف دقيقه ليش عصبي
علي...حيرتيني وياج اوصلج وارجع اخذ السياره اصلحه
واجيبه البيتكم
رهف....يكولون العراق مو امان والناس بي حراميه
علي...خنزرت عليه العراق مو امان انتي من وين
مو عراقيه
رهف...اي عراقيه بس كنت عايشه بأمريكا قبل تسع اشهر رجعنا
علي...انتي اذا تبقين واكفه هنا والدنيا ليل
راح تتاكدبن كل الكلام الي سمعتي صحيح
رهف...خلاص راح اصعد وياك لان ماعندي خيار ثاني
علي...لا ولله حضرتج مسويه فضل عليه
رهف...هاي شبيك عصبي ماتتحمل كلمه
علي...اصعدي صوجي هو أبو المثل يكول لا تسوي خير شر ماتلكه
رهف...شنو يعني
علي...لا ماكو هيج
جمانه السعيدي
رهف...اريد شي اكعد علي دراجه وصخه
علي.. فوكاها تتشرطين عليه
طلعت خاولي وخليته صعدت كعدت وراي على الدراجه
علي..الزميني زين بس شغلت هي خافت وحضنتني
رهف...على كيفك يمعود راح اوكع
علي...كمت اضحك عليه هسه تخاف وقبل شويه لسانه شطوله
انطتني عنوان بيتهم
طول مانمشي هي
على تواصل ويااا امه بلتليفون
لان هي فعلا خايفه مني
على اساس تحسسني اني اهلي وياي على التليفون
خاف تفكر تأذيني
الحد مادخلنا بلفرع مالتهم
راسا كالت امي واكفه بلباب
باوعت اكو وحده واكفه بلباب وتاشر اله
وصلت ونزلت وامه قربت عليه تشكرني
جمانه السعيدي
...خاله انت مو علي
.علي...اهلا وسهلا خاله شلونج
رهف...وين تعرفي ماما
ام رهف....هذا علي الي تبرعلج بلدم ذاك اليوم
رسا رهف التفتت على علي
رهف...مستحيل هو هذا الي تبرعلي بلدم
ام رهف...ولله مااعرف شلون اجازيك هاي ثاني مره تساعدنا انت فعلا انسان محترم وتستحق التقدير
علي.. لا تشكريني خاله هذا واجبي اني بلخدمه
والسياره لا تخافون عليه اني اصلحه واجيبه
ام رهف....رحمه على هل الاصل الطيب فعلا الدنيا لسه بخير مادام بيه امثالك
ادخل تعشى ويانه
لو ابو رهف هنا جان خليته قام وياك بالواجب واكثر
علي...شكرا اترخص منكم
علي...رجعت على الدراجه واني متعجب من هاي الصدفه العجيبه شمعنا هاي العائله ثاني مره التقي ببهم
ايجوز رب العالمين يحبني وخلاهم بطريقي
رجعت للبيت وجبت الشغلات الي محتاجهن للسياره
وجبت وياي محمد ورجعنا عليه صلحناها
محمد....هاي السياره حديثه
علي...لو شايف صاحبته عبالك نستله
محمد...اكيد تدفع زين
علي...اشتغل معليك بلفلوس
الساعه ١٢ بليل يله كملنا تصليح اخذناها للبيت
علمود باجر نسلمه اله
الصبح الساعه بلسبعه اتصلت على امه
علي...صباح الخير
...صباح الخيرات هله علي شلونك
علي..الحمد لله السياره كملت اكو احد يجي ياخذها
...لا ولله ماعدنا اي احد يجي ياخذها
علي...هسه اجيبه واجي
...تمام
علي شغلته واخذته ورحت على العنوان
بس وصلت ام رهف صممت ادخل اتريك وياهم
الموجودين بلبيت رهف وامه وبيبيته ام ابوها
صممت ادخل اتريك وياهم
طلعت رهف لابسه تراك اسود وابيض يمكن مكعديه من النوم علمودي لان اليوم جمعه ماكو دوام
جمانه السعيدي
علي...اني متريك بس اشرب جاي
قدمتلي جاي
ام رهف...شكد التصليح
علي...مايصير تحجين هيج حجي
رهف...لا ولله مايصير انت كلت محتاجه شغلات واكيد اشتريلته الشغلات النقص
علي...واذا اعتبري عربون تعارف
رهف... أخذنا دمك المره السابقه وهسه أدوات احتياطيه
علي...شغلات بسيطه ماله قيمه
رهف...مايصير ماتطلع اذا ماتاخذ تعبك
علي.. اني كلت كلمتي
اي وحده بمكانج راح اتصرف وياها نفس هذا التصرف واكثر
اني اهلي معلمين اساعد الناس وماانتضر اي مقابل
رهف...مايصير واني اهلي معلمين اي شخص يقدملي خدمه
لازم ياخذ تعبه
علي.. مرت الاخ اذا اجيتي للورشة راح اخذ منج اتعابي مضاعه
جمانه السعيدي
من رخصتكم فرصه سعيده
رهف...احنا الاسعد
علي.. مع السلامه
رهف...بااااي
ام رهف...مع السلامه
طلعت اريد تكسي ترجعني للورشه
راسا طلعت وراي رهف
رهف...اكيد اجيت بسيارتي وماجبت دراجتك
اسمحلي اوصلك
علي...لا عادي اخذ تكسي ماكو داعي اتعبج
رهف...اتعبني وانت من البارحه لليوم مخبوص وياي خبص
يله اصعد حتى اندل الورشه واصير زبونه دائمه
جمانه السعيدي
علي...صعدت بالسياره وطبكت الباب
اول مره اشوف وحده تريد تصير زبونه دائمه الورشة تصليح
رهف ..شغلت السياره ونطلقت
انت شمخلص دراسه
علي...صناعه ميكانيك قسم سيارات
رهف...هااا يعني الشغله احترافيه بلنسبه الك
علي...اكيد احترافيه
رهف...تمام اي شغله تنتج عن دراسه مسبقه تكون كله احتراف
علي...بس اكو سوال محيرني اذا جنتو عايشين بأمريكا ليش رجعتي للعراق
رهف...جدي كان استاذ وعالم فيزيا عايش بأمريكا من زمان
هو وبيبتي
طبعا ماعدهم اولاد ولا بنات بس بابا
قبل سنتين جدي مات ومن اللحظه الي مات بيه جدي
بيبتي صممت نرجع للعراق
قبل الوضع مامستقر ويخافون يرجعون
بس هسه بعد وفاة جدي واستقرار الوضع بلعراق
بيبي صممت نرجع تكول اريد اموت بلعراق اريد ادفنوني ابلدي الي انحرمت منه العمر كله
صار ثمن اشهر من رجعنا للعراق اخوي بقه بأمريكا يكمل دراسته
وبابا كل فتره يسافر الامربكا ويرجع يريد يصفي اعماله
هناك رغم هو مامقتنع بلعيشه بلعراق
بس مايكدر يكسر كلمة بيبي
واني اول ماوصلت سويت حادث وكنت محتاجه دم
وانت كنت المنقذ اليه
صحيح اني ماشكرتك بساعته لان ماشفتك
بس هسه اشكرك من كل كلبي
علي....ليش هواي تشكريني ترا مجرد عمل انساني
واني ماقمت غير بواجبي لا اكثر
اهل العراق معروفين بغيرتهم ويساعدون كل واحد محتاج بدون مقابل
رهف...تعرف بأمريكا ماكو واحد يساعد واحد الناس عمليه بشكل فضيع ومايقدمون اي خدمه بدون مقابل
حتلو تسئلهم على عنوان شخص اومحل
ياخذ منك اجور مقابل هذا الشي
بس المسلمين هناك يختلفون
لذالك اهلي كانو حريصين يعلمونه الدين الإسلامي
علي...هنا نزلني وهاي ورشتي واسمي مكتوب عليه
اخذت من وقتج بيوم عطلتج
رهف. سعيده بمعرفتك
علي...اني الاسعد
جمانه السعيدي
بعدها بيومين بلضبط اجاني اتصال من رقم مجهول
علي. الووو تفضلو
رهف.. هلو علي شلونك
علي... منو اهلا وسهلا
رهف...اني رهف
علي...هااا الامربكيه
رهف...لا اني عراقيه
علي. امريني
رهف...سيارتي عطلت الصبح كعدت شغلته ما اشتغلت
ممكن تجي تشوفه
علي يعني شلون عطلت
رهف.. ممكن اذا عندك وقت تجي تشوفه
علي.. عندي شغل هسه خلاص المغرب من اخلص شغل امر عليكم
رهف...تمام ننتضرك
علي خلصت شغل بعد أذان المغرب صليت وصعدت دراجتي
ابو علي.. وين بابا
علي...شغله بسيطه شويه وارجع
ابو علي.. دير بالك على نفسك ولا تسوق سريع
علي..انشاء الله
وصلت دكيت الباب طلعت ام رهف
ام رهف...اهلا وسهلا
علي...اهلا بيج
...تفضل
...اعتقد الوقت مو مناسب ممكن مفتاح السياره اشوفه
طلعت رهف
رهف....احنا محضريلك مفاجئه عازمينك على العشه
السياره ماعاطله
علي...اني نزلت حواجبي لان الطريق بعيد من بيتهم للورشه
رهف...قربت علي وسحبته من ايده
الله عليك لاتزعل مني اعرف اذا اعزمك مراح تقبل
قررت أدبر خطه حتى تجي
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
