رواية فصيله لاخو حبيبي الفصل الخامس 5 بقلم ارسلان الجاف
مساء الخير داده شونكم اخباركم الصحه والعافيه شونها
لا تنسون لايك وكومنت تحياتي لكم
وجان اجي وياي البارت 5....
استمتعو بالبارت.....
ملاك تبجي بكل جوارحها وتقاوم...
ملاك بدموع:احلفك بكل عزيز عندك اتركني
فهد بغضب:لا تتوسلين ماينفعج..ومزق باقي ملابسها بقت بس بالداخليات..هو فقد عليها وكأنه يريد ينتقم بيها وفقد رحمته وياها وهي لا حول ولا قوة وتقاوم و حتى ظلت تصرخ عليه حتى صوتها راح وقوتها بدت تخلص...هو مايهمه وكل لمساته وحشية ويضرب بيها كلما تقاوم...
مابيدها شي ماتكدر توخره عنها لزمت ايده وعضتها بكل قوتها حتى ومن القهر البيها طلع دم من عضتها...وهالشي اغضبه..كام عنها وجاب العكال وضل يضربها بيه وهي ماصرخت وتحملت...وهو من الغضب طاحلها ضرب بكل وحشية وبدون رحمة ويه كل ضربت عكاله روحها تطلع وترجع لجسمها من الالم...وماكفاه ابدا ربط ايديها بشماغه وطاح الها ضرب بوجها بطراكات ومن حس انها راح تموت بيده..وخر عنها وهو يلهث من التعب وتنفسه عالي...وهي صارت بلا حركة ومتألمة حيل وبس تشهك وتناشق ودمها على طول جسمها من نزف خشمها وشفتها...كام فتح الكنتور بغضب حتى راد ينكسر الباب وطلع شي من ملابس اخوه وشكاه بالنص وراح حطاه على وجهه بعصبية ولطخه دم وشمره يمها...
فهد بغضب:هذا بياضج وان سمعت احد عرف ماصار شي والله ورب الخلقج اخليج تصيرين عبرة للي تطلع سر زوجها فهمتي
ملاك ماردت وبس تشهك وتناشق وتمسح بيدها المربطة الدم من خشمها وقوة مابيها حتى تطلع صوت...
فهد لزم شعرها:فهمتي لو اعيد..واني ماعيد كلامي
ملاك ماردت ابدا وتدفع بيه بيديها المربطة...
فهد:الظاهر انتي ماتفهمين بالكلام.. وشكلج ترديني اغتصبج..مو مشكلة
ملاك وهي تشهك وبألم وصوت بالكوة يطلع:فهمت
فهد بعصبية:ماسمعج
ملاك بدموع وألم:فهمت والله العظيم فهمت
فهد كام عنها: اي خليج مطيعة..كومي غسلي جهرتج..ودفعها برجله...ملاك حاولت تكوم ماتكدر من ألم جسمها ورجلها توجعها وماتكدر تكوم وايديها مربطة باللشماغ...وألم كلبها اكبر...
فهد باستهزاء:اي نسيت ايديج مربطة..وراح فتح ايديها..ودفعها بعنف واخذ فانيلته ولبسها واخذ المفتاح من الارض وطلع وراح لغرفته..دخل واتجه لخزينة الفلوس وطلع ربطة فلوس وسهر 5 آلاف سؤال سألته وهو متجاهلها...ونزل جوه...
امينة كاعدة بالصالة وميته قهر لأن سمعت صريخ ملاك ترس ذانها...والباقين بغرفهم والي جانو عدهم كلهم مشو لبيوتهم قبل لا يروح فهد لملاك...كيان داخل البيت رايد يروح غرفته يرتاح بس من سامع صريخ ملاك ماكدر يتحمل وطالع من البيت وهو متألم ونفسه بالكوه يصعد وينزل...
فهد راح لأمينة....
امينة كامت اله:فهد شسويت الها والله حرام ياخوي ماعهدتك ظالم
فهد تجاهل حجيها شمر ربطة الفلوس على الطاولة الكزاز الي بنص الصالة...
فهد:ترحين وتاخذين للفصلية ملابس بس ماتطلع شبر بره البيت فهمتي..تاخذيلها انتي كلشي
امينة بقهر:خل اشوفها اول ماتت لو عدله البنية صوت ماظل عليها من الصريخ..حتى اخوك سمعها تصرخ وطلع من البيت
فهد بعصبية:عوفيها ولحد يكرب صوبها خليها تداوي نفسها بنفسها..ان سمعت خالفتي امري..وروحي هسة اخذيلها ملابس
امينة سكتت...فهد راح بدل ملابسه وطلع للديوان...
امينة ماكدرت تخلي ملاك هيج وراحت دخلت عليها وانفجعت بمنظرها على الارض وبس ملابسها الداخليه عليها وعلى طولها دم وحتى الفرشة غركانة بدمها...راحت بسرعة الها...وملاك محاولة تكوم بس مو كادرة من الالم وباقية مكانها وتبجي...
ملاك من شافتها زاد بجيها وبنحيب:امينة فدوة نقذيني خليني اروح لأمي وابوي
امينة انكسر خاطرها على حالها:اسفة ياريت اكدر ارجعج بس شبيدي عليج..كومي ادخلج الحمام..انتي رفضتيه وهيج سوه بيج مو
ملاك ببجي وألم:هذا وحش مو بشر ابدا
امينة شافت اثار ركبتها:هو مايصير هيج الا اذا رفضتيه..هو اخذج مو..لو لا
ملاك خافت تكول لا وهزت راسها بأي...
امينة مافهمت:شنو مافهمت
ملاك بشهكات:تتوقعين وحش مثله يتركني بدون ما ياخذ حقه
امينة فهمت:يالله كومي..وكومتها...ملاك صرخت من رجلها توجعها ماتكدر تمشي عليها وخذتها امينة بالكوة للحمام وغسلتها وراحت جابتلها ملابس من فاتن حتى ملابس داخلية اجت وانطتها اياهن وبدلتها قبل مايرجع فهد ويصيح عليها...
امينة حطتها على السرير:اني راح اطلع للسوك اجيبلج ملابس وجم شغلة انتي حجمج بحجم فاتن اختي شتحبين اجيبلج...
ملاك تمسح الدموع وينزلن غيرهن...(عفرين دموع ماتوكف مثلي لو شغلت ماطور عيوني مايطفه بعد)...سكتت وماجاوبت وامينة احترمت سكوتها...وطلعت...لازم تروح بسرعة وترجع لازم ترجع لبيتها اليوم...صارلها هواي بيت اهلها...وبيت ابوها اليوم يالله فرغ من الناس...
كيان كاعد بالبستان مالتهم وحاس بقهر الدنيا...امجد صديقه وهنوب خسر سلام و والاشد خسر اخوه و خسر ملاك..كلهم اباله..يريد يرجع للحشد هذا المكان الوحيد ينسه كلشي بيه...ويكول ماكدر اشوفها كبال عيوني وتصير زوجة اخوي...حس بحقد على امه جانو راح ينطوها اله بس رفضت..يعني لو ما امه جان هسة ملاك زوجته..وهو ماكدر يكول اريدها..مو قصة جبن او خوف بس مايعرف شجاه وسكت..يمكن هذا اسمه النصيب...بقه كاعد بالبستان وصديقه حزنه وهمومه.....
اما فهد دمه فاير من ملاك ومابردت ناره عليها ابد...طلع من الديوان ودخل البيت...
سهر شافته:فهد
فهد:خير شتردين
سهر بقهر:الفصلية وينها..مو بغرفة صلاح
فهد:وين تروح يعني
سهر بقهر:انته اخذتها صح
فهد:سهر تره شياطين الدنيا كلها تفتر فوك راسي ومو رايق الج..وعافها وراح دخل غرفة صلاح سمع صوت الماي بالحمام..راح فتح الباب..ملاك جانت تحاول تتوضه وجفلت بس سمعت باب الحمام ينفتح وشافته عاقد حواجبه...
فهد بعصبية لزم ايدها:منو لبسج هالملابس امينة مو
ملاك بخوف:اي هي جابتهن
فهد:نزعيهن
ملاك بلعت ريجها بخوف:ل .. لي..ش
فهد بغضب:نزعيهن ولا تناقشين
ملاك خايفة بس عاندت:مانزعهن شراح تسوي
فهد لزم شعرها حيل وهي تألمت...
فهد :انتي شكلج ابد ماتفهمين بالكلام وماتمشين الا بالضرب
ملاك مابيها حيل بجسمها للضرب بس ماتكدر تتنازل عن موقفها:موتني خليني ارتاح من الدنيا..
فهد سحبها بقوة وهي بالكوة تمشي من رجلها وشمرها على السرير ويحاول ينزعها ملابس اخته وهي رفضت واخذتلها جم كف ونزعها غصبن...
فهد :فصلية مثلج ما تلبس ملابس اختي..اذا شفت عليج ملابس احد اقتلج فهمتي ماعيد الحجي..وأخذ ملابس فاتن وطلع وقفل الباب عليها..وهي باقية بس بالملابس الداخلية وظلت تبجي ماكو غير الدموع وجهت وجها لله وماتكدر تصلي هيج...غطت نفسها بالجرجف...
اجت امينة وجايبة هواي شغلات لملاك وملابس كومة...
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
