رواية ذكريات مفقوده الفصل الخامس 5 بقلم ام زيزو
حبايبي لطفاً التصويت والتفاعل وتعليقات بين الفقرات ❤️❤️
فقار ... وهو يسولف الحمزه
الي صار كله بمساعده الحجي
اتصلت بي وكتله بالسالفه كال تعالي للبيت وتتفاهم
نفس اليوم رحت بليل اله وحجيتله كلشي يخص خوالك وشنو الي سوه بامك وحجيتله حته على ابوك ومرض امك وعليك هم طبعاً الحجي امانه الله ميقبل بالضلم ابد
من عرف المنطقه الي ساكنين بيها خوالك اتصل بمعارفه هناك ناس ثقه سالهم عليهم طلعو يعرفونهم لان سمعتهم ماشاء الله عالي العال ويمكن اكو شغلات عد خوالك حته انت متعرف بيهن
حمزه ... عقد حاجبه مثل شنو الشغلات
فقار ... مثلاً تدري بخوالك شغلهم مو مطاعم مثل ما انت فاهم ع الاساس عدهم سلسله مطاعم بمنطقه ******
حمزه ... اي غير اني هذا الي اعرفه وحته ابوي ع لاساس يشتغل وياهم
فقار ... صفكت ايد بأيد وضحكت
لاااااا حبيبي يالغشيم خوالك عدهم سلسله صح بس سلسله ملاهي ودنبله وكو** و كح**
حمزه ... بقه فاتح عيونه على وسعهن
صدك تحجي
فقار ... ايي حبيبي وبس هيج ابوك شنو شغلته هااا
حمزه ... ع لاساس مسؤل على حسابات واحد من المطاعم
فقار ... هههههههه ابوك الكو*** مسؤل صحيح بــَس مسؤل على نادي الدنبله مالتهم
وخاف خوالك خيسه ترى ابوك اخيس منهم
حمزه ... ادري هسه انت جاي تسولفلي جاي تهيني
المهم ادري ادري خوالي خيسه وابويه اخيس منهم المهم كمل بـٍْْـٍعد شسويت
فقار ... اي من الحجي عرف كل هالسوالف عدهم طك اصبعتين الهم
اتصل على 2 اشخاص ثقه ومعرفه قويه بالحجي واحد منهم يعرف خالك الجبير منير يعرفه حق المعرفه بس علاقته بالحجي اقوه والحجي مسويله هواي شغل وصاحب فضل عليه المهم
دك صدره وكال الي تريده يجرالك
منو راس الحيه مالتهم الراس الجبير الحل والربط كله بيده خالك محمود
انرسمت الخطه عليه هو بالذات هو الي صار بالهدف
جماعتنه بقو يراقبونه يوم كامل وويانه على اتصال
طلع من بيته بليل واني والحجي وراه لحد ما كدرنه نكسر عليه نزل نافخ صدره وناتف ريشاته يريد يتعارك ويانه
الحجي ...
فقار اخذ هذا البخاخ
راح انزل اسوي نفسي اشوف التاير مال السياره ادنك واكيد هو راح ينزل من سيارته يجي باتجاهي انت افترله من وراه وراساً رش هذا البخاخ على وجهه هو راح يسلمها
فقار ... تمام بس تاكد من الشارع مابي احد قبل لاتنزل
الحجي ... معليك اني اعرف بيا مكان راح اكسر عليه سوي الي كتلك عليه وبس
...
كسر عليه وصار كدامه نزل الحجي انطاه ضهره وكعد بمستوى التاير
بقه يدك هورن من شاف ماكو نتيجه نزل اجه يصيح يريد يتعارك واني التفيت من ضهر السياره وبخيتله عطر كلها ثوانـي وراح بغير عالم
صعدناه بالجنطه ومشينه
اتصل الحجي على جماعته انطون عنوان رحنه عليه مكان مهجور بنايه متروكه
نزلت خالك سحبته طوبته جوه سويت اللازم ربطت ايده ورجله وسديت حلكه وشديت عيونه
الحجي ... هذا المكان مايخطر ابال احد تبقه يمه وتسوي اللازم ونبقه على اتصال اني وياك هسه راح اتوكل
فقار ... هاي هي حجي روح ماقصرت عاشت ايدك
الحجي ... لايمعود هسه اني شسويت قابل كلب جربان بالشارع سايب واستضافيته يمك كم يوم ماريدك تقصر وياه بالضيافه
فقار ... ابتسمت بعيوني اخليه
راح الحجي بقيت وحدي يمه شلت الخط مالتي وخليت الثاني الي محد يعرفه بــَس شكم شخص ومن ضمنهم الحجي ماريد احد يتصل عليه فرغت راسي بس اله مركز بي اكثر من ما مركز بحياتي
شفته رجع الوعيه صحه ظل يرفس
فتحت اللاصق مال حلكه
محمود ... منوو انت شتريد مني احجي شتريد منو دازك عليه
فقار ... غيرت نبرة صوتي وخشنته
انه ابو غضب
محمود ... منو ابو غضب منو اني مااعرفك شمسويلك شتريد مني والله مااعرفك
فقار ... ادري ماتعرفني ولا راح تعرفني بس انه اعرفك حق المعرفه
محمود ... شتعرف عليه وشتريد مني
فقار ... اعرف عليك واحد كو** وسا** صاحب ملاهي ونوادي وشرب
اعرف عليك واحد خايس وقذر وحرامي
محمود ... لك كو** لتتجاوز
فقار ... ضربته دفره على بطنه ظل يرافس ويصيح نزلت لصقت حلكه
تمددت على كارتونه ادخن جكاير لليل اتصل بيه الحجي
رحت مسافه عنه واحجي بصوت ناصي حته ميسمعني اذا كاعد
الحجي... هاا فقار شنوو الاخبار
.... ماكو شي حجي هذاك مشمور بالكاع مثل الجلاب وانه يمه هسه شنو الخطوه الثانيه شراح نسوي
.... الخطوه الثانيه راح نتصل على اخوه منير ونطلب منه فديه مقابيل يرجعله اخوه والفديه هي 25 مليون
.... زين انت عرفتهم شكد يحبون الفلوس وواحد يبيع الثاني علمود الفلس همه اختهم شسوو بيها علمود الفلوس خاف منير مراح ينطينه ال25
.... شوف هذوله عدهم ال25 لاشي وقابل منير راح يدفعهن من جيبه هذا محمود الخايس جواه طن فلوس المهم باجر الصبح اتصل عليه ونشوف
.... زين حجي ورا مانستلم الفلوس شراح نسوي بمحمود
.... راح نشمره باقرب مزبله ويجون اخوانه ياخذونه
.... واذا عرفنه
.... فقار منين راح يعرفنه المهم انت لتخلي يشوف وجهك ولا يعرف اسمك دير بالك لان اذا عرف شي عليك راح يعرف انت من طارف حمزه واذا ميكدر عليك راح يكدر على حمزه
.... لا ماعرف شي ولا شافني بس ترى سالني منو انت وكتله انه ابو غضب
..... ههههههههه زين تسوي خلي ابو غضب يترك بصمة خوف بيهم
فقار ...
سديت الخط ورحت تمددت على الكارتونه خليت ايدي جوه راسي وغفيت
كعدت على ضوه الشمس بوجهي احس جسمي كله متكسر
.... خرررب روحك حمزه شصار بيه من وراك
ملابسي كلها تراب وجسمي متكسر
باوعت عليه يرفس رحت يمه شلت الاصق من حلكه
محمود .... مي اريد مي
سحبت بطل مي يمي فتحت القبغ وخليته يم حلكه شرب
محمود.... ابو غضب شتريد انطيك بس لاتكتلني شكد تريد فلوس انطيك بس هدني افتح رجلي وايدي وعيوني خليني اروح
فقار .... اصبر راح تروح بس بعد مانستلم الي نريده والحق يرجع الاصحابه
محمود .... شنوو ياحق اني مماخذ حق واحد شتقصد
فقار ... راجع حساباتك وراح تعرف رجعت سديت حلكه
ورحت مسافه عنه اتصلت بالحجي
.... الوو حجي صباح الخير
.... حبيبي ابو غضب صباح النور
.... خويه هاا اتصلت بعدك
.... هااا اشوفك مستعجل لازم ضيفك ثقيل
.... هو مو ثقيل بــَس وعلي تبهذلت لانومه بيها حظ لا اكل لاشرب عبالك آٌنه المخطوف مو هو
.... هههههههههههه لعد شتريد احجزلك فندق خمس نجوم
يله سده وشويه واخابرك
بعد ساعتين
دك التليفون فتحت خط
.... الووو هلا بالحجي
.... فقار اتصلت بمنير وبلغته اخوه عدنه وطلبت منه الفديه بس اكلك هذا اخوه ولا مهتم
.... اكلناها وعلي خرب روح ابوك حمزه على هاي الدكه
.... اصبر اصبر شويه اني جايك بالطريق حاول لتخلي يشوفك ولا يعرفك دير بالك
.... ماشي يله منتضرك
سديت الخط رحت وكفت يمه وخرت الاصق من حلكه
محمود .... ولك عوفني عوفني شتريد مني
فقار .... اريد روحك
محمود .... وشتستفاد من تاخذ روحي
فقار .... هذا السؤال اساله العزائيل مو اليه
محمود .... وانت هم جنك عزائيل تفتر فوك راسي هسه لا انت الفاكني ومخليني اروح ولاانت الي كايلي شتريد مني ولا اموتني ومخلصني
فقار .... اصبر اصبر محمود دنبله
اكلك شكد تطلع فلوس من ورا هاي الملاهي والنوادي
محمود .... وانت شنوو جاي تحسب وراي
اطلع اطلع اذا تحب اشغلك وياي ويصير اسمك ابو غضب ملهى
فقار .... دفرته حيل على ضهره ورجعت لزكت حلكه
كوا** انت مو مال واحد يسولف وياك
بقيت ادخن واحس مصارين بطني تزقزق
خابرت الحجي
كتله بطريقك لفه مي ايي شي راح اخرب من الجوع
ورا ساعه وصل انطاني علاكه الاكل كعدت على الكارتونه اكل
وهو راح يم محمود يحقق وياه ظل وبين سؤال وسؤال تجي دفره على جلاق
محمود ..قصص وروايات عراقية كرار صلاح.. انت منين اجيتني ماتتفاهم بس تضرب لو باقي على هذاك ابو غضب ارحم منك
الحجي .... اسمع لك اني اتصلت بمنير اخوك وطلبت فديه مقابيل اتركك واخوك سد الخط وراح اختفى حته مااتصل ولا حاول يعرف انت وين
محمود... هز راسه زين اذا انت تريد فديه اني انطيك رقم ابني تخابر عليه وشكد تريد ينطيك بــَس شنوو الي يضمن راح تعوفني عايش
الحجي.... اعوفك اعوفك واليه لقاء وياك انـ شـاء الـلّه
بسرعه ردلي رقم ابنك خلي نشوف خاف يطلع مثل عمه يطفر
رد الرقم اتصل عليه مارد اتصل مره ثانيه جاوبه
بلغه بس ابنه رفض اله يتاكد ابوه عايش ويسمع صوته
الحجي ... كتم الصوت بالتليفون
اسمع لك راح تحجي وي ابنك غير هالكلمتين متنطقهن
انطي الي يريده
افتهمت
محمود .... اي صار صار افتهمت
فتح الكتم
محمود... الووو بابا انطيهم انطيهم شكد ميطلبون
الحجي
اتفق وياه على المكان والمبلغ شكد خلال ثلاث ايام مهله انطاه بــَس و يجيبهن ووحده و يجي واي اختلاف يكون مقابله حياة ابوه
.... ابو غضب اني رايح ونبقه على اتصال
بعد ثلاث ايام
الحجي ... يله جيبه صعده بالجنطه
وصلنه للمكان الي متفق عليه
اتصل بي ووصفله وين يخلي الفلوس ويروح
بعد مااتاكدنه المكان ممراقب نزلت اخذت الفلوس وصعدت راساً فتحتهن اتاكدت منهن
اتصل عليه كله بفلان مكان تلكه ابوك
فتحت الجنطه ونزلته فتحت بس لاصق حلكه وعفته
الحجي طلع السيم كارت كسره وذبه
فقار ......
وهاي جبتلك حقك كامل بعد ما حسبتهم وتاكدت منهم
حمزه... ولك والله انت كفووو واني جان عبالي تروحلهم للبيت وتكلهم تنطون حق حمزه ورث امه ابد مااجه ابالي بهاي الطريقه تطلعهن
فقار .... وانه فاهي مثلك اروح ادك الباب واكلهم فدووه عيوني بلكت تنطينه 25 مليون مال حمزاوي خطيه
حمزه ..... هههههههههه ولك وعلي ماادري شكلك بس لازم اطلع حصه للحجي والك
فقار .... دنجب حصه شنوو شبيك انت
حمزه ... فقار لااوالله اليه نص والكم نص حلال عليكم
فقار .... حبيبي هذاك حقك وحق اختك دينار مااخذ منك ولا الحجي يقبل ياخذ وهاي مو اول مره نسويها خصوصاً الحجي هواي ناس يجونه علمود حقهم ضايع عد ناس متخاف الله وهو يطلعها منهم وانت واحد منهم
اييي هــًـًســًه سولفلي شمفكر تسوي بيهن
حمزه .... ماادري اريدك انت تنصحني بمشروع يضمن مستقبلي ومستقبل اختي بي لان احنه بس هذا الي نملكه ابوي كلشي منحصل من وراه بيته وسجله باسم مرته
فقار .... خلي نرجع للبيت وانه اريد اسبح واشوف اهلي هسه الكه امي تلطم وتنوح عليه وباجر نلتقي ونتفاهم انشالله
حمزه .... خوش وهذني اخذهن وياك ضمهن يمك هــًـًســًه
.... وصلني للبيت واخذ الدراجه وروح
طبيت للبيت تلكاني ابوي دك رزايل وين جنت مختفي وشنو هذا حالك وبعد ممنوع تلتقي بهاي الجماعه وممنوع تروح وياهم. ومن هالحجي
عفته وطبيت للغرفه ضميت الفلوس بالكنتور وطبيت سبحت
بعدها استلمتني امي حجي ورزايل وبين سطر وسطر تكول اله ازوجك
فقار .... يمه فدووووه هاي رجعتلج عرج ما صايبني خليني انام ميت نعس وعود من اكعد نحجي ونتفاهم
طبيت للغرفه سديت الباب ومن التعب نمت راساً
الثاني يوم ياله كعدت شبعان نوم بس جسمي متكسر طبيت سبحت وتريكت
امي ... قبل يومين مرت عليه ام حسين وكالت شو اجيتي حجيتي بلابنيه واختفيتي واني كلت لبيت اخوي ومنتضرينكم تجون الهم
فقار ..... رجعت راسي على تجوه القنفه ورفعته امممممم
والمطلوب شنوو هسه
امي .... المطلوب العصر اني رايحه لبيت اهل لابنيه ولباجر اخذك تشوفها والجمعه التجي تخطب غير هالحجي ماكووو بعد
فقار ... زين واذا شفتها وماعجبتني شلون ويجوز انتي متعجبج
امي.... على سوالفك هاي ويوميه مهبطني عليك حته لو جلبه بالشارع هم ازوجها الك واربطك بيها
فقار .... ضحكت ولج سوسو چا انه شنهي زايد عندج حته لو جلبه تزوجيها اليه والله من هسه اگـلج اروح اشوفها واذا ماعجبتني مااخطبها
امي. .... هسه الله كريم عود اتحضر العصر تاخذنه اني وام حسين لاهل لابنيه بسياره ابوك
فقار .... الله كريم
اتصل حمزه بيه
..... الوووو هاا حمزاوي شلونك
..... هلا خويه بخير انت شلونك
..... شلوني انه امي اكلت راسي اخطبلك واخطبلك.
..... اي شّــْْكو بيها موزين خلي تطبلك وتزوج وتكون عائله وتستقر شي حلووو
..... وانت شبيك من يمك خططت وفرحان بسرعه زوجتني وسويتلي عائله هو انه مال عائله ومره ودوخة راس شبيك
..... شبيك فقار والله حلوو من تصير عندك عائله وترجع للبيت تلكه المره منتضرتك وتتلكاك ويصير عندك جهال ويركضون وراك بابا بابا
هههههههه عود سمي غضب مااوصيك
..... ٱڱڵك اذا هلكد عاجبتك السالفه متجي نزوج انه وياك بنفس اليوم حته مااحس متأنيب الضمير من اثنينه نتورط سويه
..... والله اني اتمنه هالشي ازوج واستقر وارتاح بس اني مااكدر
..... ليش ماتكدر مادام عندك فلوس مو ردت مشروع بيهن ناجح الزواج هم مشروع ويطلب فلوس بس مشروع فاشل لان تذب عليه فلوس ومتحصل من وراه شي
..... فقار اني ما مستقر لا عندي بيت خاص بيه مستقر بي ولا راتب ثابت وبعدين لاتنسه عندي ملاك
اتخايل اتزوج ومرتي تأذي ملاك لو تضوج او تغار من علاقتي بيها
لاا لاا اني والزواج بعيدين كل البعد اله ملاك تكبر وتتخرج وتزوج واطمئن عليها هذاك الوكت ياله اتزوج واستقر وارتاح
..... ولهذاك الوكت تزوج وتموت وترتاح بكبرك ولك تصير شايب تكون حته مابيك حيل تشتغل اله على الحبايه ولنك متحمس وتضربلك حبايتين وعدل وكبل للنجف
......
العصر. اخذت امي رحنه لبيت ام حسين اخذناها وتوجهنه لبيت اهل لابنيه جان بيتهم بغير منطقه مْْـو يمنه نزلن وانه بقيت بالسياره بركن بيتهم ورا ساعه اجتي بــَس امي كالت ام حسين بقت اخوها كلها بليل اوصلج
امي.... يمه شفتها خوش ابنيه واهلها خوش ناس وسالو عليك شتشتغل كلتلهم عنده محل مال ملابس بالسوك بــَس ماجبت طاري الشغلك الثاني وروحاتك وجياتك لان انشالله بس تزوج تترك هالطريق
فقار .. ابتسمت ايي عود لموت يبعدني المهم شنوو مواصفات لابنيه يا مواليد شلون شكلها شمخلصه دراسه
امي.... لابنيه طويله وتارسه وحليوه شكلها زين اسمها غصون مواليد 88 اصغر منك بسنه يـعـنـي صف ثالث متوسط ومبطله وكلتلهم باجر نجي اني وابني هم تشوفونه وتتعرفون عليه ويشوف لابنيه ابوها وافق كال هلا بيكم
فقار.... جريت نفس وهزيت راسي موافق
وصلت امي ورحت للمحل الحمزه
يمه شباب مشاهم واجه. يمي سحب كرسي وكعد طك قوطية ببسي قدمها اليه
.... شوو اليوم مدللني شعجب
..... غير عريس وادللك
..... يمعود اسكت والله مالي نفس امي اكلت راسي ماريد اتزوج هي كوه شهالورطه هاي شوف انه ماعندي اعتراض على الزواج بس انه ماضامن حٍيآتي الباجر انه مطلوب للامريكان يـعـنـي نهايتي لو شهيد وسجين
زين شنو ذنبها بنت الناس اخذها وانه حياتي مهدده للخطر
شوف من جانت ملاك يمنه بالفاتحه كلش عجبني اتزوج ويصير عندي طفل وهيج كون ابنيه بس يوم على يوم جاي اشوف حٍيآتي بخطر اكثر زين افرض تزوجت وصار عندي طفل لنوب اترك زوجتي وابني لااا حمزه انه مو مال زواج والله بــَس شيقنع امي
..... يمعود دكول يالله الاعمار بيد الله شكم مره بمره تروح وترجع عرج مايصيبك تدفن بهالشهداء وانت كلشي مابيك
..... امشي كو** شو انت كيفت أّمُِوت
..... متموت متموت ولك بعمرك سمعت عار مات
..... اي هم ڝٍُـدك لو اكو عار يموت چا انت من زمان ميت
...... هو اليصادقك شيطلع مثلاً
المهم سولفلي شنوو ابالك من مشروع ممكن يفيدني ومااخسر بي اني فكرت ادخل وياك شريك بالمحل ونكبره شتكول
...... ولك هو محل شنكبره مثلاً ندفع بالحيطان بس انت اذا حاب تدخل بهالمجال انه اهل الجمله كلهم جماعتي صارو يـعـنـي اكدر احجي وياهم وهمه ينصحونه ونشوف شكد ينرايدلنه راس مال كبدايه ومنين نستورد حته اذا فلوس المحل تكفي وي العندي ندخل سويه
.... حلووو يـعـنـي نصير اصحاب جمله
.... انـ شـاء الـلّه
..... شوكت تروحلهم
...... انطيني مجال افض سالفة الخطوبه واتفرغ لهاي السالفه
ثاني يوم
امي ... يله يمه تخلصت راح نتاخر على الناس
فقار ... اي يمه هسه جاي
بدلت واخذت سويج سياره ابوي وطلعنه
اخذنه ام حسين ورحنه وصلنه للناس ابوها وامها رحبو بينه ودخلنه للاستقبال
ابوها ياخذ وينطي وياي بالحجي ويسالني على السوك والشغل ومن هاي السوالف شويه وطبت لابنيه
لابسه جبه سوده وحجب بيدها صينيه عصير قدمت لابوها ولنوب اليه مدنكه راسها ما انتبهت الملامحها
لحد ما كعدت بصف امها شويه ترفع راسها وشويه تنزله
شكلها زين بس جان ابالي وحده ناعمه وقصيره هيج كون جنها فرخة دجاج اخليها جوه ايدي
اما غصون طويله توصل الكتفي وشويه جسمها مليان
نص ساعه قصص وروايات عراقية كرار صلاح واشرت لامي كمت استأذنت منهم سلمت على ابوها وطلعنه امي كالت لامها اسالو علينه بالمنطقه اذا تحبون هالشي من حقكم وننتضر جوابكم من ام حسين ماحجينه شي بالطريق لحد ما وصلنه ام حسين
وصلنه للبيت بليل الكل موجود جان وامي فتحت الموضوع وتسولف لابوي ولاخواني على اهلها وابوها وشلون استقبلنه
الناس عادين حسيت امي متحمسه وتبالغ شويه
كلت خطيه فرحانه عفتها بهواها
ابويه ... اي بويه وانت شنو رأيك هاي هي انشالله مقتنع
فقار ... يابه اهم شي لابنيه تطلع مثل ما وصفتها النه عمتها فقيره وبنت اوادم وتصوني وتصون بيتها. شرايد انه غير شي
مخلد ... عوفك من الاخلاق كلي الشكل عجبك وغمزلي
فقار ... المواصفات الي ابالي يمكن بــَس بالجنه الكاها
مخلد ... چا څــِوش شكد حيلك واستشهد والتقي بيها بالجنه
امي ...
شمرت النعال عليه وهي تصيح
طايح الحظ اسم الله عليه من عٍـﻤري على عمره
مخلد ... هسه اني شكلت وركعتيني بالنعال كلت يروح للجنه چا لو كايل الجهنم جان شسويتي
هز راسه بأسف وهو يكول ايي الام المفرقه
امي.. ولك اني شوكت فرقت بينكم بس اخليك عادي تحجي بالموت
مخلد ... كام وهو يباوع لامي صفح عود من أّمُِـوت تذكر شكم نعال انركعت منج وهذاك الوكت نوحي والطمي عليه مااسامحج وبيوم القيامه من توكفين كدامي والله يكلي هاي امك سامحها اكله خلي تحسبلي كم نعال نركعت بي وتعتذر مني على العدد ياله اسامحج ياام اخواني المفرقه رايح اني ادور على امي الحقيقيه
مشه من كدامها وهو طاك ضحك واجاه واحد طياري على ضهره صعد لغرفته يركض ويصيح سوسو المفرقه
ورا يومين .......
رجعت بليل من المحل واستقبلتني امي الابتسامه على وجهه
هلا يمه هلا بنظر عيوني هلا برفعة راسي
اني صافن عليها وساكت
مخلد مد راسه على امي ويهز راسه بأسف
امي باوعت عليه ورجعت باوعت عليه
هلا بحبيبي بوليدي يروحلك فدوه الي يغار منك يروحلك فِـدوه الي لابس ازرك يروحلك فدوه الي شعره مكفش جنه منتول يروحلك فِـﺪوه الكاعد والسامع واليباوع بحقد المتروس سم
مخلد ....
ضل يتلفت منا ومنا ماكو واحد غيره كاعد باوع على ملابسه لابس ازرك
صفك ايد بأيد وهو يصيح عليمن هالمسامير خو كولي يروحلك فدوه مخلد وفضيها ظاله تصرفين فدوات
عليمن طبعاً هو ابنج عزيز كلبج واني ابن البطه السوده
يله رايح اني دار وجهه وطلع
امي... تعال وين رايح اريد احجي وياكم بموضوع
مخلد ... هو وطالع وناطينه ضهره رفع ايده رايح رايح ادور على امي الحقيقيه
امي ... خوووش مو تتاخر ومن تلكاها عود عرفني عليها حته تاخذ وتخلصني منك
فقار .... هزيت راسي واني اضحك
يمه مخلد راح ينجلط من وراج
امي .. هسه عوفك من هذا الهتلي تعال يمه اسولفلك
سحبتني من ايدي وكعدتني بصفها على القنفه
ام حسين اجتي وكالت اهل غصون موافقين وشوكت ماتجيبون الزلم وتجون كل الهلا بيكم
فقار ... الله كريم يمه شوفي ابويه شيكول ويايوم يحدده وانطيهم خبر
بليل .........
الكل موجود كاعدين بالاستقبال نتفرج تلفزيون
امي .... عيني ابو فقار اهل الابنيه ردولنه خبر موافقين ومنتضرين ناخذ الزلم ونروح وهم نعقد فد نوب شتكول انت
ابويه .... هاي هي اخابر عمامه وخاله على يوم الجمعه انـ شـاء الـلّه
الخميس .......
فقار .. حمزاوي انه باجر خطوبتي بس وعلي مستحي منك مصابك جديد وانه رايح اخطب
حمزه ... خويي الف مبرووك وعلي فرحتلك
فقار .. حمزه تعال باجر
حمزه .. على العرس انشالله اعوضك
بليل ..........
فقار ..
رجعت من المحل
اشوف امي مخبوصه والمطبخ اشكال روائح الاكل تطلع. منه
هزيت راسي هااا يمه شني عازمه المنطقه اليوم
امي ... خالك راح يوصل هو وولده
مخلد ... متشوفها مخبوصه عزيز كلبها راح يجي اليوم
چا شبي حظي الله ماانطانه اخت هيج تنخبص علينه عفيه جبار بكلشي مجنص حته بهاي
امي... تروحله فدووه ولك هتلي لاتجيب طاري خالك
يمه وراح يجي ابو علاوي واكحل عيوني بشوفته
مخلد ... هو وياخذ خياره ياكلها ويحجي
ادري هو جبار لو كحل عرب
امي... ضربته على ايده
امشي ولي من كدامي انت بالذات ماريدك تخرب فرحتي
فقار ....
وصل خالي جبار هو وولده 3 استقبلناهم سلمت عليهم وتعشينه وكاعدين يسولفون على اهل غصون هو وامي وابويه
عفتهم وطبيت للغرفه
اخذت ملابس سبحت
وتمددت على السرير اكلب بالتليفون صارت صوره ملاك كدامي مال عيد ميلادها عجبني احولها فوتو غراف وانطيها الحمزه لان بوقتها ماصوروها العيد ميلادها بس هالصوره
ثاني يوم صباحاً ....
كعدت على هوسه البيت وصوت هلهوله شكت اذني عرفت اجني خالاتي
غسلت وبدلت ملابسي وطلعت يمهم
البيت خبصه صاير عبالك عرس مو بس خطوبه
خالاتي هاي الي تهلهل وهاي الي تطشر الجكليت
وراها اجوي عمامي اثنين وعمتي
ورا الغده....
رحت للحلاق رابت شعري ولحيتي
بدلت وتحضرنه
راح ازهر جاب سيد حته ناخذه ويانه يعقدلنه
وصلنه البيت اهل غصون استقبلونه وطبينه نص الزلم بقت بالكراج لان هواي وياي ناس ماخذ
قرو الفاتحه واتفقو على الحاضر والغايب عن طلب ابوها وافق ابوي بده السيد يعقدلنه
اول مره عقد الغصون من ورا الباب
وراها اجه يمي كعد وعقد
طلعو الزلم بقينه بس انه وابويه
دخلن النسوان للاستقبال طبت غصون
جانت لابسه بدله منفوشه لونها احمر وتسريحه ومكياج
ومغطيه جسمها بحجاب ابيض ابويه سلم عليها وباسها من راسها خله بيده فلوس نسمي بياض للعروسه
وطلع
بقيت انه وحدي والنسوان هوسه ترسن الاستقبال كاعدين تقربت يمي كعدت وخرت الحجاب من كتفها
رفعت راسي ولاول مره اركز عليها
ركزت على ملامحها وجسمهه وكلشي بيها
امي وكفت بصفي وهمست بصوت ناصي
بوسها من راسها شبيك بس تصفن
تقربت عليها لزمت راسها بين ايدي وبستها من راسها
.... الف مبرووك
هي ابتسمت ودنكت
... مبروك علينه اثنينه
...... طلعت روحي من خبصه النسوان اريد بس اطلع وامي مجلبه بيه جابو كيك وعصير ويله وصلنه للفقره المحرجه وكلها وتوكلك وانه مااحب هالسوالف ابد خصوصاً كدام الناس
اخذت شويه قطعه كيك واكلتها انه وشربت عصير
هي بقت تباوع عليه عبالها اوكلها
همست
غصون انه مااحب هاي السوالف كدام الناس اكلي انتي عود من نصير وحدنه اوكلج تدللين
هي ابتسمت وهزت راسها موافقه
دك تليفوني شفت حمزه المتصل
.... الووو هاا حمزاوي
.... فقار حبيبي ادري مو وقتها بس والله مضطر اعوف المحل اتصل على مخلد ميرد
..... حمزه شبيك صاير شي وياك
..... خابروني من البيت ملاك شاربه نفط بالغلط ومتخربطه
..... صحت بي صدك تحجي انعل ابو المحل سده وروح بسرعه وانه هــًـًســًه جاي وراك
..... فقار وين جاي اليوم خطوبتك واسمع هوسه يمك يعدك بيت اهل لابنيه لاا تجي خويه هسه اخذها للمستشفى
..... سديت الخط واشرت لامي
اجتي يمي
يمه انه رايح
امي.... وين يمه عيب من لابنيه شوفها شلون تباوعلك ومقهوره هستوني بدت الحفله
فقار ..... درت وجهي على غصون تباوعلي وهزت راسها
.... ليش مستعجل عيب من اقاربي شكلك حته مافرحان
.... تنهدت وسحبت نفس لاا والله بالعكس فرحان وانشالله كدامنه هوايه ايام ونتشاوف ونتعرف على بعض بس صديقي صارت عنده شغله ولازم اوكف وياه اعذريني باجر انشالله اجي اشوفج
غصون ... هزت راسها ماشي براحتك
فقار ....
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
