رواية انتقامك وانتقامي رد الدين الفصل الخامس 5 بقلم تولين جراح
كـون الدنيا مثل امـي ، مـن اكـول اشا تشبكني
رهف
........................................................
واكف واني اشوف البطل الي بأحلامي تحقق وصار على الواقع ، اباوع عليه شلون يضرب بحذيفة
الي بدة يفقد الوعي
ادخل كم شخص مار من الطريق وخروه عن حذيفه
رفع انضاره وصار يدور بانحاء الشارع إلى أن استقرت
انضاره عليه
تقدم اتجاهي تارك حذيفه يصحون بي الناس
بدون اي كلام تقدم مسك ايدي والغضب محتل معالم وجها ، جنت مسيره تحت إمرة وين ما يمشي امشي ، احس برجليه يمشن بموازاته
دخلنه بفرع فارغ ترك ايدي واندار وهوه صار يفتر ويضرب ايد بأيد لو يفرك رأسه ويرجع شعره وره احتار شنو يسوي حتى يسيطر على اعصابه
احس على اي ساعه ينفجر ، جانت الوسيله الوحيده
الترجم خوفي هيه الدموع
اندار عليه وبحركه سريعه ومباغته ضرب الحايط الوراي حسيت اطرافي جمدن من الخوف
"حجى بعصبيه تطلع من نص روحه"
جراح: هذا شيريد منجج ، ليشش هيججج لازم ايدج
رهف : ءء ءوالله هو ووه ااا ن اني معليه
كملت كلامي واني انفجر بالبجي احس طلعت كل الكاتمته بكلبي ،
حجى حتى يطمني
جراح: هسه انه شكلت وانتي بجيتي ، بس كافي بعد ابوج بنيتي انتِ .
استمريت ابجي وصرت اناشغ مثل الأطفال
صرخ بنفاذ صبرر
جراح: كاااافييي بجييي
"شهكت بفزع وصدمه خلا كل الدموع البعيوني تجف جاوبته بعصبيه "
رهف: شبيك انتَ هاا شبيك بنيه جاي تبجي تعيط عليها حتى تسكت لو تطبطب على جتفها وتواسيها
جراح: شايفتني مصلح اجتماعي ، ساعه انه احجي وياج يا بنت الناس بسجج لعاوي وانتِ موش عيون تكولين بواري ونفتحن
رهف: وانتَ هيجج سكتني بدل ما تواسيني
جراح: جا موش واسيتج
رهف: شلون واسيتني بله ؟!!
"صرت اعدد بيدي واحجي براءه بدون ما افهم الاكوله"
لا جبتلي مي لا حضنتني لا واسيتني لا بستني
بس خرعتني واجيت تضربني اني شعليه هاا اني شعليه
بقى جامد بمكانه واني احجي بانفعال بدون ادراك للي جاي احجيه
جراح: يعني ترديني ابوسج؟!!
سكتت وصار عندي لحضه ادراك للحجيته
صرت امعمع
رهف : اااااءءء انيي باعع انيي موو قصدي هيج اني اني باي
ردت أفلت بروحي العزيزه على جفصتي بدي اختفي
وكفني صوته وهوه يكول بهدوء غريب
جراح: ما جاوبتني ترديني ابوسج ؟
رهف بفزع: لا لا لا لا لا عمووو والله بالغلط عموو حباب خليني اروح
جراح بضحكه: صار يا بعد عمج ، تعاي اكلج ليش ابوج ما وصلج اليوم ؟
رهف: موو بابا اليوم عنده شغل .
جراح : لهفه ما اريدج بعد طلعين وحدج خوش بوية
رهف : تمام
جراح: وهسه روحي لمدرستج
صرت امشي وهوه يتبعني بخطواته لحد ما وصلت لباب المدرسه
رجعت راسي للخلف واني اشوفه واكف بمكانه منتضرني ادخل
أشر اليه بمعنى دخلي للمدرسه لوحدت بيدي
ودخلت واني احس بالأمان
رجعت للبيت وهوه يمشي وراي
تأخر بابا وما رجع للبيت لوقت متأخر خفنه صاير بي شيء
ندك الباب واني وماما كاعدين بالصالة منتضرين رجوع بابا
كامت ماما واني وراها صاحت من ورة الباب بخوف
ام رهف: منووو
ابو رهف: اني زهرتي فتحي الباب
فتحت الباب ماما بلهفه وهيه تكله
ام رهف: صدك جذب يا رجال وينك ضل بالنه عليك
جاوبها وهوه يكعد
ابو رهف: سكتي وخليها سكته غير ابن سامي حذيفه متعرضيله بالطريق ومكسري تكسر
سنونه ٥ واكعات وحاجبه ٣ اخياطات وضلوعه مرضوضات
ام رهف: عزاا العزاهم ما عرفتوهم منو سوو بي هيج
ابو رهف: لا يكول ناس ملثمه
ام رهف: وهسه شلون صار
ابو رهف: والله ما اعرف بس الدكتور انطاه مسكنات ونام واني رجعت خفت تبقن لوحدجن
واكفه واني اسمع كلامهم واحس بفرحه تغمر كلبي عكس قبل جنت اذا احد اتأذه اضل ابجي وياه وما احقد بس حذيفه حيل حاقده عليه
راحو اهلي ينامون واني هم صعدت لغرفتي افكر بالي صار اليوم وبطلي الخارق نمت واني على محياي ابتسامه والراحه غامره روحي .
ومشت الايام على هذا النحو صار هوه يوصلني للمدرسه وبالرجعه هوه وياي
تعودت عليه صرت كل يوم اكعد بكل حماس بس حتى اشوفه
طلبت من بابا بعد ما يوصلني للمدرسه
حتى اشوفه
وعلى هذا الروتين صرت شهر كامل
شهر بدون كلام ولا اي شيء فقط يوصلني للمدرسه
كاعده والمدرسة تصيح بالاسماء حتى توزع النتائج
جنت خايفه وعارفه بنفسي راح ارسب
وتوقعي جان بمحله لان طلعت إكمال بدرسين
نهاريت واني اشوف درجاتي كلهن عاليات بس هذا الشهر نازل مستواي
طلعت من المدرسه واني منهاره وبس ابجي
شفته يباوع عليه بخوف اتبع خطواتي بس دخلنه بفرع ما بي ناس هواي
"حجه بخوف وصوت خافت"
جراح: شبيج ولج منهو المضوج طيره بغداد
رهف: هاك شوف هل مصيبه
جراح: وشنو يعني على هاي تبجين ، المره اول وتالي ببيت رجلها عليمن متعبه هل عيون الحلوات
رهف: بسس اني اريد اصير دكتوره ما ازوج ابد ابد
جراح : هسه بعدج صغيره على هذا الكلام ، والنتيجه تعوضيها على الشهر اليجي ،وهسه سمعي بويه انه اجيت اليوم حتى اودعنج لجن انه راد لديرتي
"فزيت بخوف "
رهف: شنوو راح تعوفني
جراح: لا بويه ما اعوفنج لجن انه صالي شهر ما رايح لهي ومشتاك لديرتي وامي ابوي اخوتي ولي...
سكت ما كدر يكمل كلامه .
رهف: يعني ما تعوفني ترجع ؟
جراح بهيام: وانه أكدر اعوفنج ، يله بويه اودعناج وديري بالج على نفسج وهذا الخنثه حذيفه موش تحجين وياه ولا تخلي يشوف خيالج خوش لهفه ؟
رهف: طول ما هوه يحجي اني اهز برأسي .
تمام ، بس عمو اني اسمي رهف مو لهفه !
جراح: اعرف بس انه احب اسميج لهفه
يله بويه اودعناج
رهف: بيباي ، دقيقه
ندار الها وبين وعلى وجها الاستغراب
جراح: ها بويه
رهف: ما كتلي شنو اسمك
جراح: انه اسمي جراح
تركني وراح رجعت احس بالخوف وعدم الأمان
كاعده مثل كل يوم على العشه ونسمع الباب ندك
كام بابه يشوف منو على الباب
خل وجان تدخل وراه نيفين حسيت جاي اشوف حذيفه من نيفين هيه اجت حضنتني صرت اتهرب منها بعد ما جانت صديقتي بسبب فعله اخوها بيه
حتى بالمدرسه اتهرب منها بس هسه جايه للبيت
"حجت بزعل واضح بصوتها "
نيفين: اجيت اشوف صديقتي الي ما تقبل تحجي وياي
ما اعرف شنو السبب
ابو رهف: لا لا لا بابه رهف ليش ما تحجين ويه صديقتج
رهف: هااا لا بابا ما بيه شيء ، هلو نيفين تعاي نصعد لغرفتي
صعدنه للغرفة واني اشوفها صافنه عليه بدون رد فعل ندك الباب ودخلت ماما جايبه عصير وعافتنه ونزلت
انداريت اقدم العصير الها
رهف: تفضلي نيفين.
اني كلت هيج وهيه نفجرت تبجي وتشهك اريد اسكتها ما اعرف حضنتها واني اكول
رهف: نيفين شبيجج منوو وياج كولي تره كلبي وكف ، احد مأذيج
نيفين: اي انتي ليش هيج وياي واني الجنت اضنج صديقتي
رهف: نيفين والله جنت تعبانه
نيفين: وتعوفيني ؟!!
رهف: لاااا اني احبج انتي اول صديقه اليه اكيد ما اعوفج
نيفين: انتِ اختي رهف لا تفكرين تعوفيني
رهف: اصلاً ما اجرأ اعوفج
حضنه بعض واني احمد الله واشكره على هيج صديقه
ما لازم اخذها بذنب مو ذنبها اخوها الحقير سوه هيج مو هيه
بقت بايته يمي وكعده سهرنه ونضحك ونسولف
حجت نيفين
نيفين: رهف اريد اكولج شيء بس اخاف تضوجين
جاوبتها بعد ما أخذت رشفه من العصير
رهف: لا كولي شنوو
نيفين: شنو الشيء الوصلج لهل حاله ودخلتي مستشفى بسببه ؟
رجفت ايدي واني اذكر الموقف الصار وياي
رهف: ما ما صاير شيء بس جنت ءء مريضه
نيفين: رهف سولفيلي بلكي نكدر نحلها سوه
تدرين امج وابوج ميتين عليج خوف ويردون يعرفون شنو الصار وياج بس ما يردون حالتج تتازم
رهف برجفه: تذكرين من ما كدرت اداوم بسبب الصخونه وكلتي راح اجي بعد المدرسه الج
نيفين حجت بهدوء : اي اذكر
رهف : اجه اخوج
نيفين: اخوي اني منو منهم حذيفه لو حُر؟
رهف: ح حذيفه جانت تصرفاته غريبه وو.......
صرت اروي الها الصار ويايه واني اشهك
صارت تبجي وتلوم بنفسها
نيفين: كله بسببي اني الحجيت كدامه وكلت اريد اروح لرهف
رهف: وانتِ شعليج اخوج نذل وسوه هل سوايه
كافي فيفي لا تبجين
صرت اضحك بيها على أمل تسكت
ثاني يوم جان عطله نهايه الاسبوع بقت للعصر وراحت
خلصت العطله وبده الدوام صار بابا ياخذني ويرجعني
صار على فراق جراح خمس ايام
مثل كل يوم راجعه من المدرسه واشوف سياره عمو سامي بالباب
استغربت وبنفس الوقت توترت
دخلت للبيت لكيت عمو سامي وزوجته ونيفين و حذيفه!!
دخلت سلمت بسرعه وطلعت لحكتني نيفين وحجت بتوتر
نيفين: الله يخيلج رهف سامحيني
رهف: شكوو شبيج فيفي
نيفين: بابا سمعني اتعارك ويه حذيفه على السواه وياج
وعرف كلشي واليوم اجه حتى يطلبج من ابوج
رهف: شش شنوووو انتي شجاي تحجين اني ازوج حل حقير مستحيل
نيفين الله يخليج حاجي ابوج خلي يسكت وما يفتح الموضوع
نيفين: حجيت هواي والله بس ما يسمعون مني وحذيفه فرحان
صرت ارجف وفكره اصير لحذيفه ما داخله عقلي
دخلت كعدت يمهم وحجى
العم سامي: يا ابو رهف اليوم اني جايك وان شاء الله ما ترجعني خايب
ابو رهف: كول اخوي انتَ شلون ارجعك خايب
العم سامي: اني اليوم جاي وطالب ايد رهف لابني حذيفه
عم السكوت بالصالة حجى بابا بعد ما تدارك الموقف
ابو رهف: والله يا ابو حذيفه ما اعرف شكلك بس رهف بعدها صغيره مو مال زواج
العم سامي: هيه بنتي اكيد راح ادللها واذا على الدراسه حالها حال نيفين
ابو رهف: ان شاء الله خير نسأل البنيه ونرد خبر
حجايه بابا احسها هزتني معقول يوافق
طلعو كلهم واني صعدت لغرفتي ابجي وره فتره صعد بابا وفتح الموضوع
ابو رهف: باباتي صايره مره ويجون عليها خطاطيب
بابا رهف اكيد سمعتي عمج شنو حجى اني اجيت اخذ رأيج شتكولين ؟
"رفعت راسي ونزلن دموعي "
رهف : بابا اني ما اريد ابعد عنكم ما أريد ازوج حباب أرفض
ابو رهف: يا بابا يعني ما تردين تزوجين لهل سبب
رهف: لااا بي اني بعدني صغيره حباب ما أريد ازوج
ابو رهف: هاي هيه بابا عليش البجي موو اول بنيه يجوها ناس وترفض
وهسه سكتي يله عليمن هل بجي
طلع بابا من الغرفه واني طمنت نوعاً ما
وبيوم بابا انطه الرفض الهم
ونسد الموضوع من جهتنا بس ما نسد الموضوع عند عمو سامي
وهاي مر شهر على غياب جراح احسه بعد ما يرجع
بيوم بابا اجه شايط من الأعصاب ما نفهم منه بس الصياح
تقدم باتجاهي وكال بعصبيه
ابو رهف: صحيح هل كلام حذيفه حاول يعتدي عليج هذاك اليوم ؟
احس دكات كلبي سارعت واطرافي ثلجن
وشيء اسود صار على عيوني
بعد فتره صحيت واني نايمه بالمستشفى
ام رهف: يمه بنتي شلون صرتي
رهف: ماما مي
ام رهف: اي ماما هاج شربي
شربت بهدوء سئلتني ماما
ام رهف: شتحسين هسه بيج شيء موجوعه ؟
رهف: لا ، بابا وين؟
ام رهف بتوتر: هوه هوه ابوج راح يجيبلج علاج كتبو الح من بره
رهف بدموع: ماما بابا بعد ما يحبني والله اني مالي دخل هذا حذيفه اجه للبيت وهيج سوه بيه
ام رهف: ماما ولو مو وكته هذا الكلام بس فدوه طمنيني وكولي اليه شنو سوه حذيفه بالضبط
رهف: ماما حذيفه فات للبيت غصب وبعدها راد عصير من رحت للمطبخ هوه اجه حضني من وره و من هربت منه على الدرج وضربني وصار يسوي شغلات احسهن عيب
واني ضربته على رأسه بالمطرقه
وهربت من البيت .
ام رهف: يعني ما سوه غير شيء
رهف: لا ماما
ام رهف: الف الحمد والشكر الك يا الله ، الحمد لله
وره مده طلعت من المستشفى اباوع على بابا ما يباوع ناحيتي ابد حسيته ما يريد يشوفني
وصلنه للبيت ماما صعدتني للغرفة طرحتني على السريد وعدلت المخدة
صرت ابجي بصراخ على صوتي صعد بابا مفزوع
ابو رهف: شكوو شبيها رهف بابا موجوعه بيج شي
احجي لا تهبطيني
رهف: ل ليي ليش ما ت تححجي وياي
والله اني معليه
ابو رهف: على مود هاي تبجين لان ما اباوع عليج؟
رهف: اي
ابو رهف: وهوه يحضن رهف ، ههههه ولج بابا اني أخجل اباوع عليج احس اني اب مو كفو حاربتي المرض والصدمه وكلشي لوحدج وجنتي تبتسمين
رهف: إنتَ احسن اب بالدنيا بابا ، احبك لا تزعل مني
مرت الايام وضنيت خلص الموضوع وانسد
بس خاب توقعي من رجع عمو سامي ودز شيوخ وناس معروفه حتى يخطبوني لحذيفه
وبابا رد الجواب بعد ما حرجو انو نفكر
نهاريت واني اسمع جواب بابا وهناه صار بابا بين نارين
إلى أن بيوم فقدت الأمل برجوع جراح
رجعت من الأسواق الي براس الشارع واشوف جراح كبالي
متكي على عامود الكهرباء وبيده چكاره
بقيت اباوع عليه بارتياح وشوق
لحضه ومرت على بالي اني خلص راح اكون لحذيفه
نهاريت بالبجي من شوقي اله وموضوع خطبتي
وهوه تبدلت نضراته من الهفه إلى الخوف
جراح: لهفه شبيججج منوو وياجج
رهف: جراح اني راح ازوج حذيفه
جراح : شنوووو.........
.
.
.
.
. يتــبـ؏
مرحبا جميلاتي اعتذر على التأخير بس جنت مريضة
جنت اريد اختم البارت بحدث مهم بس ما حبيت اطولها عليكم أن شاء الله البارت الجاي بي انتقاله بالقصه كلش جبير
.
.
.
لا تنسون التصويت +التعليق بين الفقرات جميلاتي
قراءة ممتعة، دمتم برعاية الرحمن وحفظة
في ميزان حسناتكم
﴿إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
«اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ»🍃
بدل ماتدور وتبحث علي الروايات خليها علي تليفونك وحمل تطبيقنا
