رواية همسة وجع الجزء الثاني الفصل الخامس بقلم اسماء العذب
5
#همسه_وجع
#الجزء_الثاني
صلوا علي الحبيب الغالي
♡_______________♡
همسه بردح :نععععععععم انتي بتقولي ايه
ولاء بيأس :زي ما بقولك كده ...ناوي أنه يلعب لعبه كبيره اوي اوي ...عاوز يطلع وعد ووليد مش عيالك ...عشان يخلص منهم وهشام ياخدهم وهيقول انك لمة سافرتي لقيتيهم هناك واتبنيتيهم وكده كده مشعل مش ابوهم عشان كده مطمن وعارف أن مفيش حد هيدعبس وراه ...واللي مقوي قلبه اكتر انه متأكد انك مش هتفتكري حاجه ابدا
همسه بصراخ وجنون:هم عاوزين مني ايه ...مش مكفيهم اللي عملوه فيى لسه عاوزين مني ايه تاني
ولاء بسرعه وخوف:يا همسه وطي صوتك اهلك بره لو دخلو دلوقتي عشان يسألو بتصرخي ليه هنقول ايه
همسه وكأنها مسمعتش حاجه وكلمت كلامها: يعني اتغرب واسيب بلدي وأهلي وبيتي واهرب عشان ابعد عن الكل ...وكنت عايشه كافيه خيري شري ..وكل ده عشان اربي عيالي اللي ملهمش ذنب في اي حاجه من اللي حصلت وهم برضو مصرين اذاهم يطولني.... ومش انا بس لا كمان عاوزينه يطول عيالي ...عيالي اللي لسه مكملوش الخمس سنين ...هي الناس اييييه ...طينتها ايه ... مخلوقين من ايييييييه
سمر بزعل: هدي نفسك بقي ...لازم بدل ما نبكي ونزعل نفكر ازاي نبوظ اللي بيخططوا ليه
همسه بتوهان وسخريه:قال واتي اللي بتقولي خلاص والتدي حياه جديده...حتي بعد اللي حصلي ده كله وهم مش سيبني في حالي ...طب دول ادعي عليهم اقول ايه أنا تعبت منهم ومن شرهم اللي مبيخلصش..والله تعبت تعبت
بعدها انهارت في البكاء
قربت عليها ولاء وحضنتها من كتفها وهي بتتكلم بدعم:انا الاول كنت عوزاكي تسيبيهم في حالهم وتبعدي عن المشاكل ..لكن الظاهر إن هم اللي طلبوا المشاكل عشان كده احنا هنلبي طلبهم
همسه بعدت عنها واتكلمت بتحفز:قصدك ايه
ولاء ببسمه شيطانيه: ارادوها حربا ...فليكن
♡_______________♡
عمر :هااا قولتي ايه هتيجي
سمر سكتت شويه وهي بتفكر في كلامه ..بعدها رفعت عيونها ليه واتكلمت بأستهزاء: وانت بقي فاكر اني بعد اللي شوفته منك واللي عرفته هصدقك واقولك شور يلى بينا حدد المكان والساعه انت بس ..انت يا بني غبي مبتفهمش...انا مش طيقاك ولا طايقه شوفتك عاوزني اخرج عشان اقابلك بره البيت كمان ...اهو ده اللي ناقص ...هو اخرك معايا الشهر ده كمان وبعدها مش عاوزه اشوف وشك العكر ده تاني ...هو أنت نسيت احنا مخطوبين ليه وهتسوق فيها ...يابني انت واحد مريض ...مريض عمري ما هبص له....وهيكون يوم المني يوم ما اقلع دخلتك اللي حاسه انها خنقاني دي ...اوف ايه المصايب دي بس ياربي
عمر بالمعنى الحرفي حس بخنا.جر بتق.طع في قلبه من كلامها اللي قالته واتكلم بوجع باين في صوته :حقك عليا...انا اسف وصدقيني انا مش وحش زي ما انتي فاكره..ولا كنت قاصد أضايقك ...انا ماشي واحتمال تكون دي اخر مره ادخل فيها بيتكم ...
بعدها بص في عنيها جامد وعيونه كانت بتتكلم قبل لسانه وقال:بس لازم تعرفي حاجه قبل ما امشي ...انا لما دخلت البيت ده كنت اسعد انسان في الدنيا كلها ...كنت حاسس اني طاير من كتر الفرحه اللي كنت فيها ...ولو تعرفي كلامك ده عمل فية ايه كنت صعبت عليكي ...بس مش مهم ..المهم انك تكوني مبسوطه ولو هتنبسطي وانا بعيد عنك صدقيني هعمل كده
بعدها لملم الباقي من كرامته واستأذن بصوت واطي: عن إذنك
راقبته وهو بيمشي كتافه متهدله وبان علي وشه حزن عظيم وهم كبير وكأنه كبر عمر علي عمره
متعرفش ليه خست انها زودتها معاه وقلبها وجعها علي شكله المكسو.ر قدامها
:انتي ايه الي هببتيه ده يا متخلفه
زعقت الحاجه فاطمه فيها وتقريبا شافت وسمعت معظم كلامهم
سمر بخفوت:ياتيته حضرتك فاهمه غلط
الحاجه فاطمه بغضب وزعيق:غلط ايه وصح ايه ..بقي في واحده فيها ذره عقل واحده تقول كلام زي ده لراجل...لا ومش اي راجل ده الراجل اللي مفروض هيبقي جوزها في يوم من الأيام
سمر بضيق: ايه جوزها دي بس يا تيته... انتي عارفه ان الخطوبه كانت اي كلام عشان الناس تسكت ولا انا بحبه ولا هو كمان بيحبني
الحاجه فاطمه :يابت انتي عاوزه تجلطيني..ده الواد عينه بتطلع قلوب او لما بيشوفك...دهمنك من سنين وانتي جاموسه ولا انتي هنا ..يقوم اول ما يخطبك حتي ولو اي كلام زي ما بتقولي تسمعيه الكلام اللي يسم البدن ده
بعدها زعقت بصوت اعلي وهي بتنادي:نبيله ...يا نبيله تعالي شوفي المحروسه بنتك هببت ايه تعااااالي
نبيله جات جري وهي بتسأل بفزع:في ايه يا حماتي مال صوتك عالي كده ليه
الحاجه فاطمه بحسره:شوفي بنتك الموكوسه...شتمت عمر خطيبها ومسحت بكرامته الارض بعد ما سمعته كلام سم بدنه والراجل يا عيني لسه مبلش بقه بشويه مايه ...قامت المحروسه مشرباااه كلامها اللي زي البلسم لدرجه انه مشي مش شايف قدامه
نبيله بزهول :انيت بتقولي ايه بس يا حماتي ...انا كنت سيباهم كويسين..ايه اللي حصل
الحاجه فاطمه بغيظ: انتي بتسألني انا ما تسألي الموكوسه اللي مخلفاها
نبيله :ايه اللي حصل يا سمر..ايه الي قولتيه لخطيبك خلاه مشي زعلان
سمر بعصبيه:ده بدل ما تسألوني عملت كده ليه ولا ايه السبب
شهد بغضب:مهما كان مكنش ينفع تخليه يمشي زعلان من عندنا
الحاجه فاطمه: وبعدين هيكون زعلك بأيه...ده الواد عامل زي البلسم مفيش في أخلاقه ولا تربيته ...مش حرام عليكي تكسري بخاطره بالشكل المهين ده ...وهو عشان ابن أصول ومتربي مردش عليكي مع أنه كان يقدر..لكن معملش كده
الحاجه فاطمه خلصت كلامها ومش من قدامهم ودخلت اوضتها من غدير كلمه زياده
نبيله بحده: ليه كده يا سمر..ليه يا بنتي ..عمل ايه الولد المسكين عشان تعملي فيه كده
شهد بغضب :سيبيها يا ماما دي واحده ربنا يصلح حالها دايما بتبوظ واحنا نصلح وراها ...عامله نفسها واثقة من نفسها وبتختار صح لكن علي مين
سمر بعصبيه وصراخ:انتو برضو مصرين تطلعوني انا الغلطانه...ده انتو حتي مكلفتوش نفسكم تسألو انا عملت كده ليه ..انا مش عاوزه زفت عمر ده مش عاوزاااااه صعبه دي
بعدها محستش بنفسها غير وهي بتجري علي اوضه شهد لان اوضتها موجوده فيها جدتها وهي مش مستعده لأي مواجهه معاها حاليا
وشهد ونبيله بصو لبعض بقله حيله ونبيله قررت انها تقول لجوزها يمكن يلاقي حل
♡_______________♡
همسه :هنعمل ايه دلوقتي في المصيبه دي
ولاء بثقة وشر:متخافيش انا هعرف ازاي اخليه يغير رأيه ويرجع عن قراره وبالمؤه اعمله مصيبه يتلهي فيها لحد ما نفوق له
همسه: هنعمل اي يعني
ولاء بلا مبالاه: ولا حاجه هلبسه تهمه علي قده كده ولما نفوق له نطلعه منها زي الشعره
همسه ببسمه مختله: تعجبني وانت مجرم يا حب
ولاء بنفس البسمه :من بعض ما عندكم يا ساسو
بعدها الاتنين ضحكوا بطريقه غريبه وكأنهم بضحاتهم دي بيتكلموا بلغه خاصه بينهم هم الاتنين بس
♡_______________♡
عمر رجع البيت وهو حاسس انه شايل جبل بالمعنى الحرفي.....
ماشي يجر في رجليه جر وشكله بيبين انه حاصله معاه مشكله وكبيره كمان
اول ما فتح الباب كانوا اولاد همسه بيلعبوا في الصالون وصوت ضحكهم مالي البيت ومازن بيلعب معاهم
لكن اول ما شافو عمر الضحكه اختفت من علي وشهم وتحولت لخوف منه وبسرعه راحو ناحيه مازن..مع أنه الشهر الفات كان بيتحاشي تماما اي كللم او اختلاط بيهم لكنهم منسيوش كلامه الاخير وليه بيرن في وكأنهم
مازن بص علي نظراتهم الموجهه علي عمر بخوف وعرف ان في حاجه كبيره حاصله بينهم
هو اساسا ملاحظ كده من فتره ...لكنه مهتمش...لكن حاليا الوضع بقي مريب ولازم يعرف في ايه
مازن بيسمه :اخيرا جيت اتأخرت النهارده
عمر ببسمه موجوعه:اصلي عديت علي سمر وهلها في البيت
مازن بفرحه :بجد ...والعه معاك يا برنس محدش قدك ....
سكت شويه وراقب ملامحه: اومال شكلك مش فرحان ليه ...في حاجه حصلت ولا ايه
عمر بنظرات موجوعه وتعب: لا ابدا ..انا بس حاسس اني تعبان شويه وعايز انام
مازن:طيب بص روح غير هدومك وتعال كل معانا وبعدها ادخل ريح شويه
عمر بتعب: ملييش نفس بجد يا مازن...كلو انتو وانا هدخل اريح شويه
مازن هز راسه بمعني ماشي وقبل ما يوصل عمر للاوضه نادي عليه
مازن :عمر
عمر التفت ليه بأنكسار: ايوه
مازن بقلقمن شكله:كل حاجه كوبايه مش كده
عمر ببسمة متألمه: متخفش..انا هكون كويس بعد ما انام
مازن :طيب روح ارتاح انت
من بعدها دخل عمر وتقريبا عقله مش فيه لدرجه انه نسي شنو الفاكهه والعصاير اللي جابها لأهله في العربيه ونساها تماما
اما مازن وقف يبص علي باب الاوضه بقلق وهو متأكد ان عمر مش كويس
لكن مفيش حاجه بيده يعملها لان عمر من النوع الكتوم جدا لزعله ..مبيحبش يشارك حد همه وبيقول علي نفسه لحد ما يرجع زي الاول
لكن الواضح أن الموضوع المره دي كبير اوي
تقريبا مازن مشفش عمر بالحاله دي إلا يوم ما همسه اختفت
مازن بقلق: ياتري فيك ياه ياعمر
وليد:يلا يا خالو نكمل لعب
مازن بلع ريقه واتكلم ببسمه صغيره:خلينا ناكل الاول يا ليدو بعدين نكمل لعب ...ماشي؟
وليد ببسمن :ماشي
وعد:ايوه خلينا بعد الأكل انا جوعت اوي
مازن بحنان: خلاص انى هقول لماما تحضر الاكل وناكل كلما مع بعض
♡_______________♡
بعد حوالي نص ساعه كان الكل متجمع علي السفره
سعيد:اومال فين عمر يا مازن ..انت مش قوت انه جه
مازن بقلق:اصله قال انه ملوش نفس يابابا وعاوز ينام
وفاء برفض:لا طبعا ..ازاي ينام جعان ..ده اكيد ما اكلش حاجه من الصبح ...روح نادي اخوك يا مازن
مان بتبرير:يا ماما هو قالي مش جعان
همسه بأصرار: وهو لما يقول حاجه لازم تبقي هي الصح ...لازم ياكل الاول وخليه يرتاح ...لكن مينمش جعان كده غلط
وفاء بتأييد: كلام اختك صح
سعيد:يلا بقي روح نادي عليه خليه يجي ياكل معانا ...الاكل في اللمه بيبقي احلي
مازن بأستسلام: حاضر ...حاضر اللي تشوفوه
بعدها غاب لمده دقايق ورجع ووشه مخطوف وبيتكلم بخوف وارتعاش
مازن :بابا ...ماما ااا..الحقوني
سعيد بقلق:في ايه يا مازن وفين اخوك
مازن ببحه بكاء:عمال اصحي فيه مش راضي يصحي وجسمه ساقع
بدل ماتدور وتبحث علي الروايات خليها علي تليفونك وحمل تطبيقنا
