رواية جريمة قتل الفصل الخامس 5 بقلم جمانه السعيدي
بعد اسبوع جهزت كلشي وصادق كال اني اتكفل بترتيب البيت اخذتها وسافرنا الا ربيل
عشت احلى ايام حياتي
احسه مفصله اليه ماجنت اشوف بيه اي عيب
عبالك ربحت جائزت حياتي
بقينا عشر ايام ورجعنا
اسقبلونا الاهل بحفله تخبل وكانو عازمين هواي ناس
وأهل منى كلهم موجودين
كلشي جان تمام بلنسبه اليه
زواجي حلووو ورزجتي على مرامي وعتقدت الدنيا هاي هي انطتني كلشي احبه
بس فلوس المهر مابينن على منى
لا اشترت ذهب ولا ملابس جديده
من سئلته كالت اني ضميتهن للعازه عندي ملابس
مااريد
حسام...بس احنا مامحتاجين عدنا خير من الله اشتري اي شي يعجبج
منى....اي ميخالف بعدين عود
ورا زواجي كمت كلما ارجع للبيت الكه اهل منى عدنا
بلبدايه ماشكيت بلموضوع ابد
عادي بتهم يحبونها ومايتحملون فراكها ابد
بس بالاستمرار الموضوع زاد على حده
كل يوم ارجع الكاهم كلهم بيتي امها واخوها واخته
ووضعهم مو مال خطار
لا وضع ناس كاعدين بيتهم يعني يتحركون بكل حريه
ويستخدمون كلشي وكانه الهم
يعني اجي اسبح الكا واحد بلحمام
اجي اتغدا تكول خل ننتضر مرتضى ونتغدا سويه
نجي نسد الباب ونام يدكون الباب يردون شغله منه
ومرات تكون شغله تافه
بلبدايه سكتت لان اني احبها ومآ اريد اكسر خاطرها ابد
وجنت اعتقد فتره وتعدي
بس الموضوع زاد على حده
جمانه السعيدي
بلاضافه امها توكفلي كل شهر وتكول اريد راتب بتي
رغم همه ياكلون ويشربون على حسابي
وشبه مقيمين بيتي
لا شني شبه مقيمين همه مقيمين
وسيارتي كلما اريد اطلع الكا مرتضى ماخذها
وبيوم جابه اليه وهي صفحتها كايمه ضربتها سياره
وتصليح كلفني مبلغ محترم
وبس صلحتها رجع يطلبها مره ثانيه
بس اني ماقبلت انطيه اله
زعل يومين وفرحت كلت خلاص
بس رجع اسؤء من كبل
المسواك اجيبه ويخلص بسرعه عليهم
واذا همه ابيتهم ياخذونه وياهم
وارجع الكاها ما طابخه لان ماكو مسواك
ضجت وطك صبري وتحملي خلص وياها
عزمته نتعشى برا بس ماكتلها من وقت خاف اهلها يسمعون ويجون وياها
لا تصورون اني عيني ضيكه اوبخيل بس اريد اخذ راحتي بيتي
اريد امشي بلشورت اريد احضنها واتشاقه وياها
اريد اتابع فلم وهي كاعده يمي ونحجي اني وياها
مو اكعد وكلهم فوك راسي
خابرتها كتلها اطلعي اني منتضرج برا
بس البسي شي حلو محضرلج مفاجئه
بقيت انتضر ربع ساعه وطلعت كاشخه وطالعه تخبل
شويه وطلعت امها واختها
صعدت يمي هلو حبيبي
حسام مارديت سكتت ونفخت بصوت عالي
منى حبيبي امي واختي يرحن ويانه لان مرتضى خابر
طالع ويه اصدقائه
شلون يبقن بلبيت وحدهن خطيه
حسام طفيت السياره ونزلت وقررت احجي لان بعد ما اكدر اتحمل ابد مستحيل الشي الي كاعد يصير وياي
دخلت للبيت وهي اجت وراي حبيبي ليش نزلت
...اسمعي منى اني مزوجج مو مزوج اهلج ترا الموضوع زاد على حده
احبج واحترمج وانتي زوجتي على عيني وراسي
بس هاي حياتنا ونريد نعيشها بحريه
اني ما اكدر اخذ راحتي بيتي
ومن هسه قرري لو اني لو اهلج
اني ما اكلج قاطعيهم لو اتركيهم بس الج يوم بلاسبوع ترحين تبقين يمهم
فهمتي لو لا
جمانه السعيدي
عفته وطلعت رحت الامي واني اغلي غلي
معقوله اهلها راح يبقون لازكين بينا طول العمر
منى ياربي هذا شبي عصبي
ام منى اوي شني خبصنا خبص وسواها هوسه
علمود شنو خاف نطلع وياكم ويعشينا على حسابه نمونه خو مو نمونه
بعدين ليش مايريدنا بيته شو عايفج طول النهار وحدج بلبيت تحجين ويه الحياطين مزين انونسج
وهو شدعوه هلكد بخيل علمود اللكمه الي ناكلها بيته
منى معليج بي هسه يهدء ويرجع اني اعرف شلون ارجعه
غصبا عليه يصرف علينا هذا الخير كله المن يريده
راح تبقون وياي منا لمن يشتريلكم بيت محترم
حسام رحت يم امي تعشيت وبتت يمهم بس ماكتلهم اكو مشكله بينا اني ومنى
كتلهم راحت تبات يم اهلها واني اجيت ابات يم امي
بليلتها ماكدرت انام ابد
احبها ولله احبها مو بيدي بس الي كاعد يصير وياي شي مو طبيعي
كل بشر وله طاقة تحمل واني هاي طاقتي وياهم
ثاني يوم رحت للشغل بدون ما اتصل عليها
للعشره منى اتصلت عليه
ما اكذب كلبي طار من الفرحه لان اشتاقيتلها حيل
شلت التليفون ومآ حجيت
منى الوووو حبيبي وكلبي وعيوني وحياتي ليش عايفني
البارحه مانمت ولاعيوني غمضن واليوم مصخنه وراسي بوجعني لان ما اكدر اغمض عيوني وانت ماكو
شلون انام واغفه اذا ما اخلي راسي على صدرك
اذا ماتجي للغدا اني اجي للشغل واسوي مظاهرات
حسام اهم شي اهلج يطلعون من حياتنه
منى اكيد حبيبي بس انت ارجع اني ما اتحمل بعدك ابد
حسام خلاص اني جاي للغدا انتضريني
طلعت ب١٢ من الشغل ورحت اشتريت حلويات وكرزات
واشتربتلها عطر وثوب نوم
ورحت للبيت
دخلت البيت نضيف والعطر يجنن وهي طلعتلي لابسه ثوب نوم اسود تور قصير كولش والشعر مسرحته
اني شفتها شمرت العلاليك وحضنتها وبقيت ابوس بيها
حسام اي هيج وينج من زمان اليوم اني عريس
منى لاتخجلني يعني انت يوميه موعريس
حسام لاولله من ورا اهلج محروم من الوناسه الحلوووه
منى ماعلينا احنا ولد اليوم واني راح اسوي اي شي انت تريده بس بعد لاتعوفني
البارحه مانمت بقيت كاعده للصبح ما اعرف انام وانت بعيد عليه
حسام جيبي العلاليك بيهن هديه اللج
منى فتحتهن الله يخبل والعطر فد شي
بقينا يومين هيج حسيت نفسي توني معرس ولاعبالك صار ٨ اشهر مزوجين
ثالث يوم رجعت بليل سمعت صوت مرتضى بيتنا ويصيح بصوت عالي
اسمعه يصيح على منى ويكلها
....ترحين تقنعيها فهمتي هذا الحجي مايصرفلي ولله ترا اسوي بيها سوايه ما صايره
رنا اليه ومحد ياخذها غيري
دخلت سلمت عليهم هو بس شافني رد السلام من ورا خشمه وطلع مر بلمطبخ واخذ اثنيين علاليك كوه شالهن وطلع
حسام خير شكوووو شبي مرتضى
منى مابي شي
حسام احجي يجوز اكدر اساعدكم
منى يريدني اروح اخطبله رنا
حسام اي بيها الخير وليش ماترحين لازم تفرحين اخوج الوحيد راح يزوج
منى مووو انت مافاهم القصه
حسام فهميني
منى رنا ماتريده وتكرها وتتخبل منه
حسام رنا هاي اقاربكم
منى هااا اي بت عمي زوجت علي هذا الي انقتل قبل فتره
حسام وشني قحط نسوان اله رنا
منى مو هو يحبها من زمان قبل لاتتزوج
حسام وهي ليش ماتقبل بي
منى تحب زوجها وماتقبل تزوج غيره
حسام خل يصبر عليها خل تعدي هاي الازمه ويجوز تغير رائيها زين انتي شنو دخلج بلموضوع
منى يكول قنعيها روحي اثري عحسام خل يصبر عليها خل تعدي هاي الازمه ويجوز تغير رائيها زين انتي شنو دخلج بلموضوع
منى يكول قنعيها روحي اثري عليها
حسام اذا هي ما موافقه شني بلكوووه قابل
منى انت ماتعرف مرتضى عصبي ومآ يتفاهم
حسام زين يله حضري العشى بين ما ابدل
جمانه السعيدي
منى ماطابخه عشى
حسام ليش
منى ماعدنا مسواك
حسام امس اسوكت
منى مو اهلي ثلاجتهم فارغه وماعدهم مسواك خابروني
واني كتلهم تعالو اخذ المسواك العندي
حسام استغفر الله وهسه
منى هسه نطلب اكل جاهز حبيبي فدوه لاضوج اهلي معتمدين عليه من زمان
اني احللهم كل مشاكلهم واسد عازتهم
بلكت ينصلح حالهم
ترا مراح يبقون هيج طول العمر
حسام اللهم طولك ياروح
منى لاضوج حبيبي الخاطري
ثاني يوم راحت منى تقنع رنا تقبل تتزوج مرتضى وكان الرد قاسي لويبقى مرتضى اخر رجل بلعالم ما اريده ولايتعب نفسه ولايحاول
اني بعد علي مستحيل اي رجال يدخل حياتي لامرتضى ولا غيره
هو اسبوع واحد ورجعو اهل منى الوضعهم القديم ساكنين بيتي ومحتلينه
احجي ومآ يفيد ابد وياهم الكلام
الحد مآ سافر صادق هو وزوجته لإيران يغيرون جو
ورحنا اني ومنى كعدنا يم امي
منا لمن يجون همزين اهلها ما لحكونا هناك
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
