رواية مأوي الزهور الفصل الخامس 5 بقلم ياسه

رواية مأوي الزهور الفصل الخامس 5 بقلم ياسه

بعض الارواح شديدة الإنتقاء

لا يقلقها طول الوحدة 

بقدر ما يزعجها فكرة أن تخطيء في الاختيار

هي أمينه على أصالتها لا تفتح بابها لآي عابر 

ولا يرضيها ابداً رفقـة من لا يتناسق مع أصالتها

أرواح عتيقـة غريـبـة زمانها 

فريدة من نوعها نقية في معدنها 

.. حرامات الدمع صاحبني بالليل 

وحرامات على عيني اصير دمعات 

چلبلك بواحد باله مرتاح 

انه واحد متت من الحرامات ..

................................... 

إمتنان :- انتهى كل شيء ماكو مهرب من قدري قدري اللي فتح اول أبوابة عمي ، عمي اللي شمرني هنا وتركني اواجهه وحوش بشريـة عمي اللي ما فكر شلون راح اعيش وشلون راح اكمل حياتي وشلون راح يعاملوني .. 

طلعت من الغرفـة واني احاول احافظ على اخر براءة عندي طلعت واني متمنيه لهنا وبس لهنا وتنتهي كل هاي المهزلة 

خلصت الطريق لازمة طرف ملابسي من جهه الصدر قوي وأبچي عثرت وگعت حاولت اگوم ما گدرت بقيت بمكاني وراسي بين رجليـة ابچي مسلوبة الارادة انتهيت وضعت بهاي الدنيا 

القذرة إذا وصال أنتحرت وخلصت أني مو

بـ جرائتها حتى أنتحر واخلص ولا بقوتها واتحمل هذا الوضع 

مدة طويلة واني أبچي وحدي محد يسمعني غير ربي متأكدة يسمعني ويشوفني متأكدة ما يتركني لحد ما مرت عليه لحظة واحس وسوسوت الشيطان صارت قريبة من مسمعي جنت اسمعه يگولي وينه ربج ليش ما يخلصج وينه عنج رفعت راسي للسماء سريع وحجيت بصوت مليان قهر بصوت طالع من نص گلبي 

إمتنان :- يارب وحدك من نجيت أمنا العذراء وطهرتها من كل التهم وحدك من زكيتها وزرعت الامان بداخلها خلصني منهم ابعدهم عني وابعدني عنهم ليش ما تساعدني ليششش مو أني ضعيفة وانتَ القوي مو اني مسلوبة الارادة وما اگدر عليهم وانتَ وحدك اللي تگدر عليهم خلصني منهم خلصني 

رجعت دخلت راسي بين رجلية واني منهار تماماً واول ما نزلت راسي اجاني صوت من السماء صوت أمن روحي وهدأ رجفتي صوت وكـأنه رسالة ربانية الي من بعد ما ناجيته الصوت جان صوت أذان الفجر من الجامع القريب عن المأوى وهو يــأذن ويگول بصوته الحنون ... إن الله وملائكتة يصلون على النبي يا أيها الذين أمنوا صلوا عليـة وسلموا تسليما.. اللهم صل على محمد وآل محمد ... الله أكبر الله أكبر ... 

گمت من مكاني ورفعت أيدي للسماء واحجي ويا ربي ، تسمعني اكيد و راح تساعدني راح تنتقم منهم انتَ حنون على عبادك ما تقبل أحد يأذيهم وهم أذوني يارب ،، رجعت خليت إيديه على وجهي وبچيت قوي والجامع بعده مستمر بالأذان ما دخلت لحد ما انتهى الأذان ورجع الهدوء ملئ المكان ويا ما دخلت من الباب تلاگت وياي زكــية جاية عليه بس شافتني ضحكت وگــالت  

                                          

              

                    

زكيـة :- هلا بالعروس مبروك 

إمتنان :- ما راح اسامحج 

زكــية :- لا عفيه سامحيني حبابة اموت اذا ما تسامحيني أمووت .. ولي لج بلا لغوة يلا روحي انطمري والصبح عود أسبحي 

إمتنان :- مو بكيفج تحددين شوكت انام وشوكت اسبح سمعيني زين ما دام جبرتيني على هذا الطريق منا وجاي راح تشوفين مني شيء بعمرج

ما شايفته 

تقربت عليه ضربتني راشدي لزمت وجهي وعيوني بعيونها اتحدها ورديت 

إمتنان :- راح ارجعها لج كلها وعد راح اندمج 

حاولت تضربني مرة ثانيـة دفعتها وطلعت اركض وهي تركض وراي رجعت للغرفة الموجود بيها اللي ما يسمى فتحت الباب ودخلت جان يلبس بقميصة فز من شافني 

قاسم :- شكو 

إمتنان :- قبل شوية گلت كل شيء تردينه يصير واني راح احميج واحافظ عليج 

قاسم :- اي صح 

إمتنان :- لعد نفذ كلامك واخذ لي حقي من زكــية 

ابتسم وهو يمسح على شواربه المقززه وراها گال

قاسم :- شسوتلج  

إمتنان :- ضربتني 

فتح الباب وطلع واني وراه لگينا زكيــة واگفه يم الباب تستمع علينا 

قاسم :- شنو الموضوع

زكيـة :- يا موضوع وهي لسانها شطوله وتوگف وياي طول بطول وتهددني 

قاسم :- يحق لها زوجتي غير 

زكيـة :- اي دخيلك عاد عاشت اللحظة وصدگتها روح البيتك عيني انتهى شغلك وياها يلا من رخصتك استاذ

حجت هيج وجرتني من وره من شعري و لفته على ايدها وضربتني گدامه وهو شنو سوه دار وجه ودخل للغرفه وسد الباب وراه .. اخذتني تسحب بيه من شعري لحد ما وصلنا قريب من القاعة مالتنا گرصتني من بطني قوي وگــالت 

زكـية :- تردين تتقوين عليه ادوسج وادوس اكبر شارب يطلع وراج اني زكـية خاف ما تعرفيني 

فتحت باب القاعة ودفعتني بداخلها قوي ورجعت سدت الباب گامت مَرح من مكانها وتباوع لي تعديتها ورحت على سريري اجت وراي وهي واگفة گالت 

مَرح :- اگص إيديه ثنينهن واشمرهن للچلاب اذا ما صار مصيرج مثل مصير وصال ونهايتج الموت 

إمتنان :- ساعديني 

مَرح :- خل اساعد روحي اول ما تشوفين بس احجي كلمة وحدة انتكتل انواع الكتل 

إمتنان :- لعد ابقى هيج 

مَرح :- لا طول الوقت اللي رحتِ بيه واني افكر بخطة اخلصج منهم واخر شيء لگيت حل صح شي مقزز ومتعب بس يجيب نتيجه 

إمتنان :- شنو 

مرح :- گلتِ هذا الكلب شنو اسمه

-- قاسم 

            

              

                    

-- قندرة افضل هذا حتى حرام يتسمى 

-- عوفج من الكلام هذا واحجي المهم 

-- اول شيء لازم نعرف شغله واسمه الكامل وحالته المادية وراها نبلش بالخطة

-- وليش نهتم بوضعه اني اريد اخلص منه مو اتعرف عليه 

اجت گعدت بصفي وهي تگول 

مَرح :- إمتنان ادخلي بحياته وتعرفي على اهله وعلى شغلة وشوفي لي شنو يشتغل حتى نگدر نطيح حظ زكيـة اذا بقيتي هيج تروحين وترجعين مثل الجارية نهايتج الموت مثل وصال 

إمتنان :- شلون اعرف هيج تفاصيل 

-- ماكو اسهل منها تقربي منه ولا تگولين اعيع ويع اول شيء زوجج هذا يعني حلال وثاني شيء حياتج مرتبطة بيه مو بس حياتج حياة كل البنات 

-- وگولي عرفت هذول التفاصيل شنو راح استفاد 

-- اول شي خلي يحبج ويامن لج ويحجي كل شيء عن اهله وشغله واذا عرفتي شغله شنو واهله وين تگدرين تلزمينه من ايده التوجعه وغصباً عليه يطيح حظ زكيـة 

-- يمعودة عبالي خطة بيها حظ تهزميني بيها 

-- ميفيد تنهزمين ليزموج وتنكتلين وترجعين جارية ماكو شيء يتغير هيج ناس مثل قاسم يحبون النسوان المطيعات اذا جريتي عدل وياه ونفذتي طلباتة صدگيني تخلصين وتخلصينا وياج 

-- ما اگدر مَرح ما اگدر كل شيء بيه مقزز كل شيء بيه تلعب نفسي منه اكرهه واكره نفسي وكل اللي حواليه ما اريد اروح له ولا اريد اشوفه ولا اشوف زكيـة لو بـ إيدي اكتلهم واخلص الناس من شرهم 

-- راح نكتلهم ونخلص منهم والله العظيم بس بعقل راح ياخذون عقابهم بس لازم نشتغل عدل 

من باجر تبدين بالخطة وتتقربين من عنده وتصير رقم واحد بحياته اني متأكدة عنده منصب عالي ومن خلاله زكيـة مسيطره على الوضع والله

بـ أشارة وحدة يگدر يمحي زكية والخلف زكية بس شغلي عقلج 

-- ما اگدر مَرح ما اگدر 

-- تگدرين صدگي تگدرين وهاي ايدي بـ إيدج ما اعوفج وياج للنهاية وراح انفلش هذا المأوى على راسهم وراس اكبر واحد بيهم 

-- صدگ مَرح نسيت اسألج زكيـة مزوجة وعندها اطفال مو 

-- اي عندها ولد وبنية تؤوم وزوجها متوفي صار هواي اني من اجيت هنا جانت حزينة على زوجها بوقتها 

-- يعني مو الشيخ زوجها 

-- يا شيخ 

-- هذا العقد لنا 

-- لا ارملة ممتزوجة 

-- اشو حظنها وراحوا سوى بوقتها 

-- عادي جداً شنو تتوقعين من وحدة مثل زكيـة بس تدرين عشتِ لگيتِ شيء ثاني بخصوصها شنو اسمه هذا الشيخ وشلون العلاقه بينا وبين قاسم 

            

              

                    

-- اتوقع اصدقاء لان علاقتهم مو علاقة عادية 

-- حلوو 

-- شنو الحلو بالموضوع 

-- بس انسيطر على قاسم احجي لج ارتاحي هسه وأطمني بالج راح تخلصين وعد 

-- لا تعوفيني عفيه 

-- للموت وياج والله راح اخلصج واخلص كل البنات الباقيات بس اريد مساعدتج لازم تساعديني وتساعدين نفسج 

-- تمام إذا الكلام اللي تحجينه يجيب نتيجة راح اجبر نفسي واتحمل في سبيل اخلص 

-- هذا هو هسه نامي وارتاحي والصباح رباح تصبحين على خير 

-- وأنتِ بخير 

رجعت هي السريرها واني تمددت بمكاني غطيت وجهي وشبعت بچي لحد ما تعبت ونمت وثاني يوم هم غبت ما رحت للمدرسة خلصتها بمكاني ودموعي ما ناوية تبطل وكل ما تصير فرصة اگوم اخذ فره بالمكان بلكي اگدر انهزم بس ماكو اي فرصة ماكو كل المكانات مقفله وصعب اخطي خطوة بعيد عن عيونهم .. ومن انتهى الدوام ورجعوا البنات من المدرسة رجعت مَرح قلقه وتاكل بـ اظافرها و رنا عيونها حمر دم باجية لحد ما ماله 

إمتنان :- شكو ليش خايفة وشبيها رنا

مَرح :- اليوم انكتل ما بيها مجال 

-- ليش شسويتِ خوفتيني 

-- ضربت رنا بالمدرسة والمديرة دزت خبر على الزكية

-- ليش تضربينها شمسويتلج مَرح ترى ازعل منج رنا حبابة ومظلومة حالها من حالنا

-- تستاهل الكتله خل تولي مصاحبة وحدة خفيفة والف مرة اگول لها خل تولي

-- المفروض تحجين وياها بهدوء 

-- ميفيد الحجي وياها ما ترد 

عفتها و رحت على رنا بس شافتني دارت وجهها

إمتنان :- حبيبتي الحلوة ليش باجيه منو وياج 

رنا :- اعتقد عرفتِ مَرح ما تضم عنج شيء صديقتج

إمتنان :- وانتِ هم صديقتي اريد اسمع منج مثل ما سمعت منها 

رنا :- بنية صديقتي بـالصف نگعد بـالفرصة سوى وهاي مَرح بس تشوفني وياها تتعارك وياه البنية وتطردها واليوم من ما قبلت عليها ضربتني بنص الساحة موتتني موت الحقيرة

إمتنان :- غير تخاف عليج 

-- من شنو تخاف صديقتي هاي

-- مَرح تگول خفيفة ومو مريحة 

-- لا حبابة والله انتِ اصلاً تعرفينها 

-- شنو اسمها

-- سمر 

-- ها صح اعرفها 

-- حبابة مو 

-- لا مو حبابة اكثر من مرة تتعارك ويا باقي الطالبات ومن نطلع عيونها تفتر ع الولد اللي لازمين باب المدرسة بعدين اني ومَرح وبنين وزينب كل احنا وياج بـالمدرسة اعتقد نكفي ونوفي ما يحتاج صديقات بعد 

            

              

                    

-- هي ممأذيتني بشيء وجاي نقرأ اني وياها المواد بـالفرصة 

بعدنا نحجي ودخلت زكيـة سحبت مَرح من شعرها وگعتها بـالگاع ودفرتها بطنها ورجعت جرتها مرة ثانية من شعرها وضربتها بـالگاع وراها اجت على رنا ونفس الوضع راشديات استلمتها مَرح گامت من مكانها ودفعت زكيـة هنا زكيـة تخبلت صاحت على شيماء وكريم اجوا سحبوها من عندنا وهي مستمره تغلط عليهم وما تقبل تسكت 

صوتها وهي ترد عليهم جان يوصل الباب الشارع بـالمقابل نظرات الحقد والغل والكراهيه من قبلهم سحبوها من بينا للمكان المخصص للعقاب جانوا يسحبون بيها قوي وهي تدافع عن نفسها وتحاول تخلص نفسها من بين إيديهم ثواني بسيطة وصوت الضرب بدأ يوصل يمنا وصوت عياطها وهي تتألم بقى يزرف بگلبي گعدت بـالگاع وإيدي على أذاني ما اريد اسمع كافي نريد نعيش كافي يدفنون بينا يومية ما اريد اسمع صوت البچي اريد اسمع صوت الضحك ولو يوم واحد كافي نبچي كافي لازم نعيش 

كل البنات بقت تبچي تعبنا بعد هذا حدنا الى متى نبقى عايشين بهذا الرعب الى متى يبقى هذا حالنا هسه اجت تعبانة من المدرسة ولا ماكله شيء ولا شاربة وحتى الذنب اللي مسويته ما يستاهل كل هذا الضرب 

من بعد ما نهوها من الضرب جابوها يسحبون بيها سحب ما بقي بيها نفس شمروها بـالگاع وطلعوا الكل يشوف والكل يسمع بس الكل شياطين ساكتين عن الحق محد منهم يعترض محد يگول بس هذول أيتام لا تأذونهم ما عندهم احد ولا مأذيات احد رحموهن كافي 

رحت على مَرح واگعه بـالگاع تون من الوجع اجوا البنات وياية شلناها شيل ونومناها على فراشها اجت رنا حظنتها وتبچي بصوت عالي هي تبچي واحنا نبچي وياها 

إمتنان :- كافي بچي ولكم كافي حرام حنموت حرام نريد نعيش حرام عليكم حرام 

صحنا بچينا زعلنا محد اهتم الوضعنا ولا احد خاف ربه بينا ساعة تقريباً واجت حنان جايبة السفرة هاي كل قوتهم حيوانات احنا يمهم ناكل وننظرب وننام فرشت السفرة بدون صوت اجيت عليها لميتها وشمرتها بوجهها 

حنان :- لحد تلومني ما بـ إيدي شيء عليكم

إمتنان :- منريد منج شيء منريد من اي احد يشتغل بهاي الدار منريد شيء بس عوفونا خلصونا من شركم 

حنان :- اذا انتِ تردين تسوين إضراب وما تقبلين تاخذين من عندنا شيء عوفي البنات ياكلن جوعانات هسه اجن من المدرسة وما ماكلات شيء من الصبح الهسه 

باوعت للبنات ما اگدر امنعهم شنو ذنبهم فوك الضيم يسون إضراب عن الاكل .. رجعت المكاني واني افكر شلون انتقم من زكية واخلص البنات من شرها بيومها لا اكلت ولا شربت ومن صار الليل واجت زكية عليه حتى اروح وياها ما قبلت اروح ضربتني أذتني سحبتني بكل قوتها بس ما گدرت عليه اخر شيء عافتني وراحت ربع ساعة

و رجعت نفس الشيء احس بشعري جاي تشيل بيه من الجذر من گد ما تسحبني منه قوي بچيت متأذية گعدوا البنات على صوتي أستغلتها فرصة حتى تجبرني اروح وياها سحبت سما من فراشها واخذتها وهي تگول 

            

              

                    

زكية :- سما بمكانج بسيطة اني الج 

درت وجهي منها واني احس روحي بدأت تطلع مستحيل توصل بيها الهذا الحد وحتى لو هي تسويها ما اعتقد هو يقبل ... لا تضعفين إمتنان ابقي على موقفج ما راح يقبل ولا يأذي هاي الطفلة مثل ما أذاني لا مستحيل يوصل الهذا الحد اخذتها وطلعت بيها وهي تبچي وتفرك بعيونها ما تعرف شنو الموضوع اول ما طلعت مَرح سندت نفسها واجت عليه تعيط شلون اقبل سما تروح شلون اجازف بيها ما اجاوب بس دموعي تنزل على خدي تحرك بروحي حرك 

مَرح تخبلت جنت على الاخير بقت تدفر بـالباب وتعيط كل صوت يرج المأوى رج دقايق بس وانفتح الباب ودخلت زكية بـ إيدها سما 

مَرح :- لج اموتج اليوم والله اموتج والله 

زكيـة باوعت لي وگالت 

زكية :- الصباح رباح اني الج بسيطة إمتنان اذا ما ربيتج وخليتج تمشين مثل ميل الساعة ما اطلع زكيـة بنت علوان 

مَرح :- انعل حتى علوان بنت الكلب بنت القندرة لج خافي ربج خافي ربج رحمينا 

رگضت عليها وبدأت تضرب بيها بكل قوتها العياط ملى المكان والدنيا لليل والصوت يطلع والبنات كلهم يعيطون من غير مَرح الجنت رسمي اجت شيماء وكريم وسلامة يركضن وراها دخل قاسم جر زكيـة من مَرح وحجى

قاسم :- شكووو هنااا 

زكيـة :- بنات الكلب بنات الزنا اني الجن عوفوني عليهن اربيهن بنات الشوارع 

مَرح :- محد غيرج بنت شارع وبنت كلب 

قاسم :- ليش هيج ضاربتها

زكية :- اريد أأدبها الله يخليك لا تتدخل بشغلي 

قاسم :- امشي اطلعي منا يلاااا 

طلعت زكية وراها الباقين وهو باوع على البنات وحجى وياهم 

قاسم :- كل وحدة بفراشها تنام يلاااا وانتِ ام اللسان اذا سمعت صوتج اكص اللسانج وربي وتاليها وياج هااا وتاليهااا 

مَرح :- الله ياخذكم يا مجرمين 

قاسم :- چب ولا صوت لا اللعب النطاق على ظهرج (....)

فشر عليها و اجى عليه لف شعري على أيده وسحبني من عنده بس حاولت ابعده ضربني على وجهي قوي واخذني من شعري من القاعة لحد الباب الرئيسي والكل جان يتفرج على المنظر ما عدا الشفت الصباح ما موجودين يعني حنان و بنية موظفة وياها اسمها نور و الحارس الثاني اللي لحد الان ما اعرف اسمه شنو لان كريم ماخذ الجو من عنده 

وصلني يم الباب الرئيسي و سحب شعري بحركة قوية وگفتي بيها على طولي وراها طلع بيه للغرف دخلني وقفل الباب بيومها الضرب اللي ضربنياه المجرمين ما يضربوهم هيج ضرب الكفرة ما يضربوهم هيج ما بقى مكان بجسمي ما ضربه بحزامه لا نفس ولا روح ولا قوة ولا كلمة إذا اگول انتهيت قليلة وراها تقرب لي بـ ابشع صورة متت بين إيدية وما رحم حالي ولا خاف ربه بيه وراها اغمى عليه وما حسيت بشيء ثاني ومن صحيت لگيته گاعد مقابيلي ويدخن بس شافني فتحت تقرب عليه وبدأ بكلامة

            

              

                    

قاسم :- من الاول ما ردت اوصل وياج الهاي المرحلة من الاول ما ردتج تجربين وجهي الثاني وداعتج الهسه ما شايفة وجهي الثاني وما اتمنى تشوفي بيوم من الايام گتلج من الاول محد يطيح حظه غيرج سوالف الشرف لا تبعينهن عليه لان محد يخسر غيرج 

-- ابقي ساكته وابقي عاندي لحد ما تموتين حالج حال الچلب 

إمتنان :- لا تتوقع بيوم تحصل من عندي شيء برضاتي ولا تتوقع يوم اخليك ترتاح اكرهك لدرجة اتمنى اقطعك وصل وصل بـ إيدي هاي

قاسم :- هههه اوف متوحشة

إمتنان :- الله ياخذك انتِ وهاي الكلبة 

قاسم :- اذا المشكلة بزكيـة اني اتصرف وياها بس جري عدل انتِ

-- انتِ المشكلة الاكبر لو ما انتِ ونذالتك ما توصل زكية الهذا الحال 

-- اهوو بيدنا بالخرط اللي ماله معنى

حاولت اگوم البس ملابسي ما گدرت اصلاً ماكو مكان بية اگدر احركة جر هو البدي لبسنياه 

وراها گــال 

قاسم :- من هاي الساعة زكيـة ما تتقرب منج ولا تتدخل بيج واذا حاولت تفرض عليج شيء بس انطيني خبر واذا أذتج لو سمعتج كلمة وحدة عيونها اشلعها بعد شتردين طلبي واني أنفذ خادم للحلوين 

ما رديت عليه احس معدتي تفور اريد اتقيأ من گد ما لعبانة نفسي منه ومن نفسي ومن كل الموجودين وراها اذكرت كلام مَرح من گالت سيطري عليه حتى نخلص من زكيـة بسرعة گلت له 

إمتنان :- مو بس أني ما تتقرب مني ومن كل البنات وبـ الأخص مَرح 

قاسم :- مًرح وكحة واذا بقت هيج تطلعكم من الطريق 

-- على اساس ما طلعنا من الطريق البارحة وصال واليوم اني وقبل شوية سما كل احنا جاي تطلعونا من الطريق انتَ وياها 

-- بلا خبال شنو سما من كل عقلج هاي جاهل مستحيل اوصل يمها 

-- عادي بعد سنه سنتين تكبر وتصير عادي موو حالها من حالي وحال اللي قبلي بعدين منو المو جاهل ليش اني شگد عمري يا مريض شگد عمري هاا

-- لج انجبي هذا اللسان شطولة وتگول جاهل بعدين منا السنتين الله كريم عود نفكر بسما اذا ما جريتي عدل 

-- لا شافك الكريم شگد قذر 

بس حجيت هيج لوه شفتي قوي ورد 

-- لسانج ما يطول عليه اكصه الج واكص رگبتج وياه شوفي لج و روح ابوي كل ما تعترضين تاكلين مثل هاي الكتله واقوى وتنفذين اللي أريدة فوگ كتلتج جري عدل احسلج 

-- لو اني لو زكيـة 

-- شلون عيني ست شلون

-- لو اني لو زكية اختار 

-- ههههههه ضحكت واني ضايج ومنو انتِ اصلاً وتگعدين تتشرطين مو شفتيني حجيت وياي عبالج تحطين شروط براسي 

            

              

                    

-- حجيت اللي عندي واذا ما عجبك عادي اتحمل الضرب ما اني تعودت وصرت حالي حال الحيوان ما احس بشيء 

-- زكيـة مو مرتي وتخيريني بينج وبينها ترى مسؤولة الدار ومو يمي هذا الشيء 

-- كل شيء يمك وكل شيء تگدر تسوي 

سكت ما جاوب دقيقة وراها رد 

قاسم :- شوفي زكية راح تبقى هنا مديرة ما اگدر اطردها هسه يراد وكت بس ما راح تتقرب لا منج ولا من البنات بـالمقابل انتن جرن عدل ولا تتجاوزن عليها 

جريت باقي ملابسي واني ما باقي بيه عظم صاحي لبستهم وحاولت اگوم ما گدرت لزمني ورجع گعدني 

قاسم :- نامي هسه والصبح رجعي 

إمتنان :- لا ما اريد

قاسم :- نامي گتلج والصبح ولي 

ما جاوبت تمددت والالم من كل مكان بجسمي احسه وهو نفس الشيء تمدد على بطنه ونام 

واني اگول بگلبي نومة بدون گعدة يارب اخر مرة تشوف الضوء بعيونك 

الصبح من رجعت للقاعة جانن البنات كلهن نايمات ولا وحدة مداومة تفقدتهم وحده وحدة واني اسند بنفسي گوه لحد ما وصلت المَرح جانت نايمة والاثر كلش قوي بوجهها بستها بگصتها وغطيتها رجعت المكاني ونمت نومة عميقه ما حسيت لا على حركة ولا على صوت ولا على بشر لحد المغرب اني نايمة والغريب محد بيهم گعدني ولا احد حاول يتقرب من عندي 

مروا كم يوم والوضع هدوء وزكيـة ماكو لا تجي للدار ولا نشوفها سألنا عليها حنان گالت مريضة اخذت فترة استراحة البنات يرحون ويرجعون للمدرسة واني ومَرح مجازات ماخذين لنا اجازة مرضية على اساس بينا حصبة وميصير نداوم لان اذا داومنا الكل راح يعرف بينا مضروبين اسبوع كامل الهدوء والاستقرار مسيطرين على المكان 

وراها رجعت زكيـة ونفس الشيء لا تتقرب من عندنا ولا تأذينا 

قاسم بين يوم ويوم يطلبني ومرات يجي يومية استمر الوضع هيج الكل ارتاح وخلص الى اني بقيت ضحية تتمنى الموت بكل لحظة أكثر وحدة متأذية وأكثر وحدة مظلومة بهاي الدار اني جنت اشوف انواع العذاب من اروح له واذا بس اعترضت لو شكيت ولو امتنعت يضربني ضرب مستحيل احد يتحمله ما اعرف شلون اني اتحملته وبقيت عايشة وقاومت الى ان انتهت السنة الدراسية واني و كل البنات نجحنا وتأهلنا المرحلة جديدة حتى مَرح نجحت 

بهاي السنة ونص العشتها بـالمأوى ما شفت مسؤول اجى ولا جمعية خيرية اجت وشافتنا وسألت عنا الوضع جان تعبان والمسؤولين باقين يبوگون ويقتلون ويتعاركون على المناصب 

بوقتها الوضع بـالخارج جان من أسواء الاوضاع والظروف المر بيها بالعراق بوقتها جانت الطائفية والانحلال الامني والاخلاقي والقتل والسرقة والانفجارات والتسليب وكل شيء صعب وخطر جان بهاي الفترة كل هاي الاحداث اللي ذكرتها جانت عندي اهون من وضعي وحياتي بهذا المأوى بدينا انداوم من جديد واني وبنين وزينب رحنا للرابع أعدادي ومَرح و رنا للثاني متوسط وسما راحت للخامس أبتدائي من بعد دوامنا بشهر وصل لنا خبر اكو احد متقدم لـ بنية ويانا عايشة اسمها حنين كل اللي عرفنا الولد ارمل وعنده اطفال ايتام و وضعه المادي كلش تعبان وعايش بيت ايجار وعايشة وياه امه واخوات كبار بالعمر ممزوجات يعني حياة كسيفة بس اهون من حياة المأوى حنين جانت هسه داخله بعمر

18 سنة وتگدر تعقد بالمحكمة بدون ولي أمرها وبالاصل هي يتيمة وعايشة بدار أيتام فيرحبون بالموضوع على أساس يخلصونهن من عيشة اليتم 

أنخطبت حنين بدون اي مراسيم خطبة فقط عقد عليها سيد ومحكمة ورجعت للدار البنات اتجمعوا عليها يرتبون بيها وفرحانين بيها وراها سلامة تكفلت بالموضوع ونظفت جسمها وحفت وجهها وحواجبها و حنان اجت جايبه كيكة مكتوب بيها زواج سعيد وبيها شمعة وحدة من هاي الطوال على حسابها طبعاً.. باست حنين وانطتها الكيكة انجمعنا كلنا يمها حنان ادگ بالجدر وسلامة جانت تغني والبنات يركصون سوينا لها حنة صح بسيطة

وبـ امكانية اقل من القليل بس ما بـ إيدنا نسوي اكثر لو بيدنا جان سوينا لها حفلة حالها من حال البنات خلصت الحفلة وحنان وسلامة راحن الشغلهن زينب باوعت المَرح ضحكت وهي تگول  

زينب :- يلا مَرح سمعينا صوتج صار شگد ما سمعنا صوتج الحلو 

بنين :- يلااا مَرح يلااا مشتاقين 

حنين :- صدگ مشتاقين مَرح صار سنتين ما ادري شگد ما مغنية ليش ولج  

مَرح :- اعتزلت الغناء والطرب حولت على العزاء واللطم 

إمتنان :- شنو هاي مَرح تعرفين تغنين 

مَرح :- اكو شيء ما اعرفه اني اعجبج

إمتنان :- عاد حلو صوتج لو ازعاج للحواس 

مَرح :- امشي لج اصلاً حاتم العراقي ما يلحگني 

إمتنان :- تعرفين حاتم هم 

-- اكو عراقي ما يعرف حاتم 

-- لعد يلا سمعيناا

بدأت مَرح تغني ويا كل كلمة تگولها اكو غصة تطلع من نص گلبها كل اه گالتها جانت بيها الف معنى ما جانت مجرد اغنية تغنيها حتى تتونس بيها لا جانت تشرح حالها وحال كل وحدة بهذا المأوى صوتها جان عالمي وبيه بحه وحنينة كل الدنيا عمضت عيوني وسندت راسي على الحايط واني اسمعها لها شلون تغني وتـگول  

--غريب أنه غريب أنه --

--وأهلي نسوني يا بوية --

-- غريب أنه غريب أنه --

-- وأهلي نسوني يا يمة --

-- أمسى المسى وحنيت --

-- وإيدي على خدي يا يمة --

-- ما رايد معزيات حزني --

-- على گدي يا بوية --

               الفصل السادس من هنا 

لمتابعة باقي الرواية زوروا قناتنا على التليجرام من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال