رواية جحيم اهلي الفصل الخامس 5 بقلم جمانه السعيدي
ورا عشر ايام زواج
عزمنا اخو امل شريجتي على العشه
اني ازغيره وما اعرف بحيل النسوان وتدابيرهن
امل جانت مشتغله عمل سحر وخالته بلاكل
عمل تفرقه بينا
منا اني ما اطيقه ونوب يسولي عمل تفرقه
على العموم من رجعت من العزيمه واني حالي تبدل
كمت اتقئ واحس نفسي تعبانه
يدخل للبيت نتعارك يطلع نتعارك
هو عصبي وماينحمل
وحتى مايقبل اخابر اهلي
كل اسبوعين اخابر مره وكوه علي اني ماعندي تليفون
اخابر من تليفونه
ينطنيا ويبقى كاعد يمي يسمعني شكول وشحجي وي اهلي
بدا وضعي يتخربط من ورا السحر
ما اكل ولا اكدر اشتغل وحتى نوم ما اكدر انام
وهو كل هذا ويجبرني على المعاشره
ابقه ادفع بي واصرخ بس مايفيد اله ياخذ حقه يله يفك مني
كمت اشوفه وحش مو بشر وزاد الكره قاطات
اتغير حالي ضعفت كلش وجهي اصفر
يوم عزمتنا اختي للعشى
شافتني وتخبلت ولج شبيج شو متغيره
صايره شحالج
كتله مابيه شي بس تعبانه
...زين ليش ماتخابرين اهلي يسئلون عليج
...مايقبل اخابرهم وحتى لو اخابر يكعد يمي ما اخذ راحتي بلكلام
هاي الفتره كله زوجته عد اهله زعلانه ماتقبل ترجع
مرات افكر بيه اكول شلون متحملته وخلفت منه اربعه ما ادري
ثاني يوم ورا عزيمة اختي
رجع المغرب اعيونه تطير شرار
شفته خفت كلت ياستار سصاير
ماقبل يتعشى
عمتى كالت يمه ليش ماتتعشى
...ما اشتهي وتعبان اريد انام
جمانه السعيدي
خلصنا عشى وغسلت المواعين ونضفت المطبخ ورحت الغرفتي
ثوبي تبلل ردت اغير فتحت الكنتور
جان لزمني من ايدي ودفعني للحايط
...شكايله الاختج ياحقيره تتشكين عليه
...ولله ما كايله شي
...حقيره طلعتج من الفكر والضيم وخليتج ادميه
من تردين تحجين عليه احجي يم واحد ماينقل الحجي
مو تحجين يم هذا الزباله
سحبني من شعري وشمرني على الجربايه
وجاب النعال تكرمون وضربني على حلكي خلاه يخر دم
هاي حتى تبطلين تحجين بعد فهمتي
ما اخليج تخابرين امج ام المشاكل اضل بس تحرض بيج عليه
وكل عاده اخذ حقه واني اصرخ عوفني اكرهك الله ينتقم منك ومن اهلي
وراها بيومين اجو اخواني يطمنون عليه
لان لايقبل اروح الهم ولايخليني اخابرهم
شكد جنت حاقده على اخواني بس فرحت من اجوني
شافوني وبقو واحد يباوع بوجه الثاني
جمانه السعيدي
ولج شبيج شصاير
حضنت اخوي وكمت ابجي واكله
فدوه اخذوني وياكم فدوه لاتعوفوني
شابكته وابجي
مسح ادموعي وكال اسكتي ابد مانعوفج ناخذج ويانه
دخل هو وسلم عليهم وكال روحي جيبي ماي الاخوانج
رحت جبتلهم ماي وهو بقه يسولف عليهم
رجعت هو طلع وهمه كالو احنا نروح
...اوكفو اجيب جنطتي واروح وياكم
...لا دنيا انتي ماتجين ويانا زوجج يكول كم يوم واني اجيبه
...لاتعوفوني هو شحجالكم اني تعبانه ما اريد ابقه هنا
عافوني وطلعو
بقيت ابجي مثل الجاهل المضيع اهله
تمرضت كلش
اخذتني عمتى للدكتوره
فحصتني وسوتلي تحاليل
وكالت هاي وضعه حيل تعبان
واذا صار عدها حمل هسه يطلع الطفل مشوه
كتبتلي علاج ومقويات ورجعت
بس ابد مافادني العلاج حالتي بلنازل وصرت اخوف وشكلي تعبان
وهو يدور عليه حجج
شني ماتلاكيني بلباب
شني ماتهلين بيه من اجي
انتي ليش ماتردني اني مدللج
احمدي ربج على هاي العيشه غيرج يتمناها وما يحصلها
لمتابعة باقي الرواية زوروا قناتنا على التليجرام من هنا
