رواية سائق القصر الفصل الرابع 4 بقلم جمانه السعيدي
معتز...ركضت وراها بسرعه اريد الحك بيه
ماكوووو
كمت اصيح اوكفي اوكفي وين رايحه
بس ماردت عليه ابد وكانما ماتسمعني ركضت اسرع
كدرت اوصل يمه لزمته من زندها وكتله اوكفي وين رايحه
نرجس...عوفني عوفني معليك بيه
معتز...تسحب ايدها مني واني لازمه حيل لابسه تراك اسود
بي رقم ابيض من صدرها
تريد تخلص ايدها مني ماكووو
نرجس...عوفني انت شتريد مني روح للمشغلينك كلهم
نرجس راح تنتحر حتى تخلص منكم
معتز...لزمته من ايدها الثانيه يعني كل ايد لازم بيه وحده من ادبها
نرجس...عوفني عوفني تريد تخلص نفسه مني
معتز...مستحيل اعوفج انتي مخبله شلون اعوفج وانتي بهاي الحاله
شوفي نفسج شصار بيج
نرجس....مايهمني راح اخلص واخلصهم مني
معتز...لا تحجين هيج حرام عليج
كامت تبجي بصوت عالي اريد اخلص من هاي العيشه
اريد اروح ورا امي وابوي
ليش مااخذوني وياهم
معتز...استغفر الله ياربي
نرجس....اعرف انت جاسوس عليه عرفت من اول يوم دخلت للقصر اطمن ماكو شي تنقله الهم
بس خبر انتحاري اني بعد ماارجع الهذا المكان
اريد اروح ورا امي وابوي
معتز...اهدءي خل نمشي اني وياج
نرجس...وين نمشي عوفني
معتز...اي نمشي ونحجي لو تقنعيني لو اقنعج
نرجس...لا تقنعني ولا اقنعك انت مالك دخل بيه اني اريد انهي هاي الحياة الي ماشفت بيه يوم واحد راحه من ماتو اهلي لليوم
والنوب ربطوا مصيري بهمام السكير
معتز....انتي شلون تردين تنتحرين
نرجس...مسحت دموعي مستغربه من سواله هااااا
معتز...شلون تردين تنتحرين حتى اني وياج نشوف طريقه
سهله وسريعه هنا عفت اديها ونزلت اديه
نرجس...انذهلت من كلامه شتقصد
معتز....يعني تشمرين نفسج بدجله اني اساعدج انطيج دفعه
لو تردين ادعمج سياره خل انشوف سياره كشخه
مو ادعمج سايبه
يعني اذا دعمتج سايبه مو حلوه بحقج
لو تردين سم
باوعت للساعه هسه الساعه ثنتين وربع اكيد المحلات الي تبيع السم معزله
لازم تاجيلن الانتحار البارجر
نرجس....انت عاقل لو مخبل
معتز...ليش مخبل انتي مو تردين تنتحرين اريد اساعدج
من اول يوم اشتغلت عدكم
استاذ طلال كال انت تكون تحت امر نرجس
يعني اني كل يوم اوصلج وارجعج وهسه اتعاجز من هاي الشغله البسيطه
نرجس ...عفته ومشيت واني امسح بدموعي
معتز.....مشيت بصفه بس قبل لا تموتين اني زعلان عليج
نرجس ...التفتت علي مستغربه من كلامه
معتز....اسئليني ليش
جمانه السعيدي
نرجس...ليش
معتز...اوكفي خل انزع حذاءي حتى نمشي ثنينه حفاي
تعرفين الي يمشي حافي يتخلص من الطاقه السلبيه
يله.مووكت علم نفس بما ان انتي سئلتيني ليش
لان انتي تكولين عليه جاسوس
اشفتيني كدامج امشي وراج طول النهار كل شويه اطلعلج
من مكان
اني رجال فقير ابوي يشتغل حدقجي واني اشتغل ويااا
من حصلت
هذا العمل بي راتب زين حبيت اشتغل حتى احسن وضعي المادي
ترا اني مو شويه محسوبج خريج حاسبات
نرجس...وليش تشتغل سايق
معتز....من كامت تاخذ وتنطي وياي بلكلام يعني هدءت شويه وبدت تنسى فكرت الانتحار
هااا ليش اشتغل سايق عدلت ياخة قميصي
بلحقيقه عرضو عليه اكون رئيس وزراء بس حسيت هاي الشغله مو شي يعني اني معتز خريج معهد محاسبه
تالي عمري اشتغل رئيس وزراء
نرجس...لا طبعا قليله بحقك
معتز...مو بلله اني استاهل منصب احسن
قررت اشتغل سايق عدكم منا لمن الكا منصب احسن
يعني انتي شايفه الشغل بلعراق ضال
نص شباب العراق طلعو للخارج
والبقيه لو استشهدو بلحرب لو بلسجن لو مجانيين
طبعا نمشي ونحجي
نرجس...اني شدخلني بهاي المواضيع عوفني مالك شغل بيه
معتز...لا بس اريد اشوف وين ترحين يمكن طريقنا واحد
مشت وهي ساكته واني امشي بصفه
واكول بكلبي احتركو اهلك همام طلعت من يمك زعلانه
ولا فكرت تلحكه لو تشوف وين رايحه
حقه اذا تكول عليك حيوان بشرفي الحيوان احسن منك
نرجس....انت ليش تمشي وياي
معتز... مو كلنا طريقنا واحد تعاي منا هاي زباله خاف بيه
كزاز وانتي حافيه
هاج البسي حذائي خاف رجلج تنجرج
جمانه السعيدي
نرجس...مااريد منك شي
معتز...تكدرين تشتكين على همام وتكولين جاي يضربني ويعنفني وهاي الشكوى راح تكون سلاح قوي بايدج اذا ردتي تطلبين الطلاك
نرجس....تحجي صدك
معتز...اكيد احجي صدك اولا راح يسحلونه ويادبونه
ثانيا اذا طلبتي الطلاك القانون يكون بصفج
نرجس...اي اريد اشتكي علي لان هو ضربني
معتز...يله نروح المركز الشرطه
نرجس...بس اروح هيج لابسه تراك وشعري مخربط وحافيه
معتز....ولله ماكو صالون مفتح بهلوقت حتى نحجزلج
تسوين تسريحه بابا شماكنتي مبهذله وشكلج تعبان
راح يصدكون كلامج
نرجس...انت تشوف هيج
معتز....تردين رائي انتي الي مثلج ماتفكر تنتحر وتضيع عليه الدنيا والاخره
بلعكس اوكف بوجهم واخذ كل حقوقي واطردهم برا
انتي من كل عقلج تنتحرين وتعوفيلهم الجمل بما حمل
هما هذا الشي الي يردو تبتعدين عنهم للابد
ويكعدون يصرفون بحلالج براحتهم
يعني انتي جاي تفتحيلهم الطريق حتى يحققون أحلامهم بسرعه
اني منج اوكفلهم مثل الخنجر واراويهم نجوم الضهر
واخلي واحد مثل همام يفكر الف مره قبل لا يمد ايده عليه
جاي يسكر بفلوسج
ويصرفهن على صاحاباته
وانتي طالعه من البيت تبجين واريد انتحر
نرجس خلص اروح اشتكي علي
معتز...شو بله لزمت شعرها وكفشته
نرجس...شجاي تسوي
معتز....شنو رائيج اضربج بوكس على عينج حتى همام يبات اسبوع بلسجن
نرجس....لا شكرا خاف افقد عيني للابد
معتز...قبل شويه تردين تنتحرين وهسه خاف افقد عيني للابد
نرجس...اي انتحر يعني اموت
مو عايشه وعيني عوره
معتز...يله امشينا نروح نشتكي
انطيته حذائي لبسته وبقينا نمشي بلكوه لكينا سياره
وطلعنا المركز الشرطه
جمانه السعيدي
بلباب كتله انطيني حذائي
نرجس... ليش
معتز....اكرصي خدج حيل خل يصير ازرك وادخلي عيطي
كولي اجا سكران وموتني تموت وطردني بلشارع
نرجس....يااا خاف ماادبرها
معتز....هي علم ومادبريها ادخلي اني وياج
ولو يمكن راح افقد وظيفتي من وراج بس ميخالف
دخلنا على الضابط
نرجس ...اريد اشتكي على زوجي همام طلال
الضابط...شبي شكلج هيج
نرجس... ضربني وطردني بلشارع حافيه وملابس البيت
حضرت الضابط سكير ويدور بنات
ومايعرف ليله من نهاره
اريدكم تقبضون علي وتادبونه لان عمي ماعرف يربي
الضابط...هو ابن عمج
نرجس...اي ابن عمي وغصبوني على هاي الزواجه
الضابط...اكتبي العنوان هنا وانتضري برا
التفت عليه الضابط وكال انت منو
معتز.....اني السايق حضرت الضابط اجيت وياا ست نرجس
لان ماكدرت اعوفه وحدها بهليل
الضابط...تمام هسه ندز ونجيب المدعو همام
طلعنا كعدنا برا والشرطه راحت اجيب همام
تقريبا ٤٥ دقيقه واجو جايبينه يمشي وياهم ومايدري بنفسه مطوخ بلشرب حيل
استجوبه الضابط حجيه خريط هنا هنا هناك هناك
خلو بلسجن واحنا رجعنا للبيت
اني ونرجس
نرجس.. ارجع للبيت
معتز...اي ارجعي واوكفي بعين اكبر واحد محد اله عندج شي يدرون ابنهم عار ومامنه فايده ليش يورطونج ويااا
نرجس....شكرا تعبتك وياي
معتز.. ماكو اي تعب اني بلخدمه
هي دخلت واني رجعت للبيت
طبعا بليلته همام بات بلسجن
لان طلال..مسافر الغير محافظه وامه اجت متيها دنياها
مدري شاربه همام خلص ليلته بلسجن
ثاني يوم اجيت الصبح للقصر
وبقيت انتضر نرجس تطلع
الساعه ١١ نزلت
نرجس.. صباح الخير
معتز...صباح الخيرات
نرجس.. عمي اتصل عليه مدري منيين عرف ويكول شلون ادخلين همام السجن
معتز... خل يتأدب لا تخافين ابد ترا خوفج هو الي شجعهم ياكلون حلالج
نرجس... اذا كال تنازلي
معتز... خل همام يكتب تعهد بعد مايمد ايده عليج يله تتنازلين
نرجس...اي هذا الكلام المضبوط
معتز....اني يمكن اشتغل جاسوس عندج
نرجس... اعذرني ولله ادمرت دمار وكمت مااثق باي احد
معتز...خلاص اقبل اعتذارج بس ترحين وياي بيتنا وضوكين طبخ الوالده
نرجس... هااا خل افكر بس مو اليوم خل تنحل هاي الازمه
معتز... موافق
لمتابعة باقي الرواية زوروا قناتنا على التليجرام من هنا
