رواية فراق توم الفصل الرابع 4 بقلم جمانه السعيدي
علي ...دخلت للمستشفى وصلنا المصرف الدم
...دكتور هذا المتبرع
علي...السلام عليكم
...عليكم السلام
...تعرف فصيلة دمك
...اي فصيلة دمي +O
...متاكد
...اي بامدرسه اكثر من مره اني متبرع الأصدقائي
...ماشاء الله انت تلعب حديد
علي....لا بس هاي العضلات من الشغل
...توقعت تلعب حديد لان جسمك ماشاء الله
تفضل وياي
علي سحبو مني الدم وماشفت المريضه او ماكان يهمني اشوفه ابد
ماكان على بالي غير اقدم عمل إنساني وبس
خلصت
ام المريضه....شكرا جزيلا مااعرف شلون اجازبك
علي...تدللين خل انطيج رقم تليفوني واذا تحتاجيني اي شي بس اتصلي عليه
انطيته رقم التليفون وطلعت
وصلت للبيت متاخر
[جمانه السعيدي]
جدي....وين جنت دايح اكيد رحت تتونس وعايفني انتضرك
علي...استغفر الله ربي واتوب اليك
جدي...ومرض فوكاها ماراضي وين وليت كل هذا الوقت
علي... اتبرع بدم صارت كدامي حاله انسانيه وتبرعت بدم
جدي...اي وشكد اخذت فلوس
علي...يااا فلوس جدي كتلك حاله انسانيه
جدي...شنو يعني حاله انسانيه تعرف انت فصيلة دمك نادره
علي.. جدي ترا المرض والموت ماويااا لعب الإنسان الي يقدم خير يلكا
جدي....ضل بذني سوالفك المابيهن خير جيب العلاج
اريد واحد منكم شاطر ويصعدنا فوك ماكووو
ضلينا طول عمرنا عايشين بهاي الخرابه وماصرنا مثل الناس
علي...يعني شنسوي نبوك لو نشتغل بالمخدرات
جدي...وشبيه المخدرات الناس صعدت سيارات أحدث موديل وعايشه بقصور من ورا المخدرات
هي الدوله نفسها تشتغل بلمخدرات وانتم متعافين
جمانه السعيدي
علي....الله يكفينا شر المخدرات جدي انت ماعندك سالفه
اتريدنا نشتغل بلمخدرات الله يستر علينا من هاي الشغله
بعد هاي الحادثه بست اشهر اني اصلا نسيته اقصد حادثة تبرع بلدم الهاي البنيه الي اني ماشفته
اكو واحد اتصل عليه كال عندي مواد احتياطيه مال سيارات
عندي محل واريد اصفي تعال شوفها واحسبها الك بسعر مناسب
فعلا عفت ابوي بلمحل ورحت شفتهن
واتفقنا على السعر
قررت اروح اجيب سياره واجيب الفلوس حتى اشيلهن
بطريق الرجعه واني على دراجتي
اكو طريق شويه بعيد وماعلي هواي سيارات
اني دائما ارجع منه لان طريق مختصر ومابي ازدحام
من رجعت الدنيا جانت عصر يعني بعد شويه وتصير مغرب
شفت سياره واكفه واكفين يمه ثنيين يحاولون يصلحونه
طبكت الدراجه ونزلت
رجال جبير ووياا مره واكو وأكد واكف ويسولف عليهم
علي...السلام عليكم
.الكل...عليكم السلام
علي....شكووو اكدر اساعدكم
...مو سيارتنا سيارة هاي البنيه كاعده داخل السياره واحنا نحاول نساعدها بس الضاهر العطل الي بلسياره
يحتاج مصلح سيارات
وهاي المنطقه مابيه مصلح
جاي نكله تعاي ناخذج الاهلج وعوفي السياره ماتقبل
واحنا مانعرف نصلحه
جمانه السعيدي
علي...اي هسه اشوفه
لكيتهم فاتحين البنيد خليت ايدي بيه افحصها
الرجال الواكف...عمي انت مصلح
علي...انشاء الله
...خلاص احنا نترخص راح الوقت علينا وطريقنا طويل
علي.. الله وياكم
صعدو بلسياره وراحوووو
واني مدنك اصلحه واشوف العطل وين
مااسمع غير صوت ناعم
....انت تعرف تصلحه
علي...رفعت راسي ووحده عبالك لوحه فنيه ومرسومه رسم فد شي من الاخر
طوله تقريبا ١٦٠ عيونه عسلي وجه عبالك كزازه شعرها
الحد الكتف بس مااعرف اللون شنو عبالك خيوط حرير
علي....نعم
رهف...نعم الله عليك تعرف تصلحه لو جاي تضيع وقتي
وبس
علي...وشدعوه هلكد عصبيه ماجاي تشوفين اشتغل
رهف...القبلك هم حاولو بس محد يعرف يصلحه
علي...اعرف اصلحه بس محتاجه قطع غيار لازم اجيبله واجي
رهف...انت مصلح
علي...انشاء الله ونتي شنو جابج بهذا الطريق
رهف...اني اشتغل بشركة الكهرباء الجنوبيه تبعد منا الف متر صار شهر من بديت الشغل
واول يوم تصادف هيج شغله صعبه
علي...تبقين اروح اجيب قطع غيار واجي
رهف...صارت الدنيا ليل واخاف
علي...شلون شنو الحل
راسا اجاها اتصال
رهف...اي ماما شلون اعوف السياره واجي
حتى ماكو سيارات توصلني
امه...عوفيه وتعاي خل تولي لا تخوفيني عليج
علي...تعاي اوصلج بلدارجه البيتكم لان ماكو سيارات هنا
وحتى السياره الي تجي تعدي بسرعه
رهف...توصلني نزلت حواجبي شلون توصلني
علي...على الدراجه قابل شلون اوصلج بلطياره
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
