رواية ذكريات مفقوده الفصل الرابع 4 بقلم ام زيزو
وهمست بصوت ناصي
.. شلون بيه من ياخذج حمزه واني يومين بقيتي يمي وتعلقت بيج احسج صرتي جزء مني ومن يومي احسج صدك انتي بنتي ملاكي الهادء فصعوني الصغيرون
فتحت عيونها وهي تتماطل على الفراش خليت راسي بركبتها الحركه الي تخليها تتهستر من الضحك من اداعب ركبتها بلحيتي وهي تغار وتخرب ضحك
حضنتها ورحت للمغسله غسلت وجهه وخليتها تدخل للحمام ورجعت وكلتها وشربتها الحليب
فتحت شعرها رطبته وبديت امشطلها متت على شعرها على نعومته وشقاره امشطلها برخاوة ايدي اخــّّـّّاف تتاذه
كل مااحاول اسويلها ضفيره بس ما تضبط ويايه واستحي اكل لامي علميني لان كلش عاجبني اضفرلها شعرها
غديتها وبدلتلها ملابسها الضهر نمنه اني وياها الغرفه ضلمه ودافيه مخليها على ايدي وغفت حضنتها الكلبي ونمت
فزيت على صوت التليفون راساً سويته صامت حته لتفز شفت حمزه يتصل
جاوبته
... الووو هاا حمزاوي
... حبيبي فقار راح اجي على ملاك اخذها خويه ممنون منك تعبتك وياي صار ثلاث ايام
من كال راح اجي اخذها حسيت غصه بكلبي لان تعلقت بيها وتعلمت على وجودها بحياتي بس هي اول وتالي راح ياخذها كلت يله همزين قريبين يوميه اروح اشوفها
فزيت على صوت حمزه وهو يصيح الووووو فقار تسمعني
... هااا حمزه اي اي اسمعك
... يله خويه نص ساعه واني يمك لان اني هسه بلبيت اجيت لميت غراضي وغراض ملاك حته اخذها واروح
... شنوووو وين تاخذها وتروح
... فقار راح نبقه اني وملاك بيت ابويه اني لاطايق ابويه ولا مرته بــَس مضطر علمود ملاك بعدها صغيره ولازم احد يهتم بيها واني خوما اعوف شغلي واكعد
... بس حمزه راح تصير بعيد عليه بهيج حاله شلون
... شنوو السالفه شبيك المن اخترعو السيارات لعد
... زين شلون ملاك راح تتأقلم وي مرت ابوك وخاف مرت ابوك تاذيها وهي عدها جهال موو
... هي صح حقيره ومنبعها سكط بس اني عرفت شنو نقطه ضعفهم هي وابويه واخليهم يمشون ويايه مثل الساعه وتدير بالها على ملاك وتعبدها عباده انطيها
... شلون مافهمتك
... الفلوس حبيبي الفلوس كلشي تسوي ومرت ابوي تبيع حته ابوي علمود الفلوس
... هااا هيج جا خوش واذا ملاك تستغرب وتخاف منهم
... ابقه وياها كم يوم لحد ماتتعود شسوي لعد فقار ماعندي غير حل
... حمزه بقيها يمنه والله انخليها بعيونه وندير بالنه عليها
... والله ادري ماتقصرون بعد روحي روحك خويي ماانسه وكفتك وياي
يله اني راح اطلع من البيت جايكم ولك كلبي متفرفح عليها وعلي
فقار ..
سديت الخط وجبت علاكه لميت بيها ملابسها وغراضها
روحي خانكتني واني واكف افرك براسي واباوع عليها هي ونايمه
اجتي امي
كالت حمزه بلباب
.. اي يمه اجه ياخذ ملاك
عفتها نايمه وطلعت دخلته للاستقبال اجتي امي جابت جاي واخذت من خاطره
حمزه ... لعد وين ملوكه
امي ... نايمه بعدها هسه اجيبها الك
جابتها امي خلتها بحضنه وطلعت
حمزه حضنها حيل ودموعه تجري يناشغ وهو يحجي وياها
... باباتي ملاكي يروحي انتي فدووه الريحتج الاحبها ولج مشتاقلج مابقالي احد بس انتي
على صوته ودموعه الي نزلت على ركبتها فزت من شافته بقت صافنه بوجه للحضات وراساً حضنته وهو ضامها الصدره حيل وكأنما صارله سنه مفاركها مو ثلاث ايام
امي جابت علاكتها وياها من جابتها
كام حمزه هو وشايلها وشال العلاكه يريد يروح وكفته
مديت ايدي الها
حته اخذها بحضني اودعها باوعت عليه بس ماكو اي ردت فعل منها باقيه حاضنه حمزه
حسيت روحي فشلت ومتريدين بـٍعد اريـد انزل ايدي ومحسيت اله شمرت نفسها عليه
حضنتها وابوس براسها واشم شعرها
انطيتها اله وصلته للباب وراح
رجعت طبيت احس مكانها وحشه يخنك بقيت اتفرج تلفزيون الهي نفسي حته ما الي واهس اطلع
طبيت للغرفه اريد اخذ ملابس حته اسبح وشفت لعابتها باقيه نسيت اخليها وي الملابس لان جانت حاضنتها من نايمه
اخذت اللعابه اتذكرها شلون تلعب بشعرها وتخليها بحضنها
خليتها على السرير واخذت ملابس سبحت وطلعت
رحت للحجي اشوف شنوو الامور صار كم يوم ما مارله
بعدها رحت لمخلد للمحل بقيت يمه لحد ما عزلنه ورجعنه لليل اريد انام واشم ريحة ملاك بكل مكان بالغرفه اخذت اللعابه مالتها خليتها على صدري وغمضت عيوني شكد اشتاقيتلها بعمري ممتعلق بشخص لهل درجه هالفصعون الصغيرون اخذت كل حبي قصص وروايات عراقية كرار صلاح وتفكيري
شنهي اول تالي اني اتعلق بشخص واني كلبي اموته اصلاً مادري لَيــِْش تعلقت بهالطفله وصرت احسها بنتي ومارست وياها دور الابوه
ورا اسبوع من روحة ملاك رجع حمزه للشغل صفى بيتهم وسلمه لابو الايجار واستقر بيت ابوه
بقيت بليل من ارجع افتح شعر اللعابه واحاول اتعلم اسوي ضفيره يوميه لحد ما حسيت نفسي ضبطتها فرحت كون هــًـًســًه ملوكه هنا واسوي شعرها ضفيره
دزيتلها اللعابه مالتها وي حمزه ويوميه اسأله عليها يكول زينه تأقلمت على البيت
ودام اورق فلوس لمرت ابويه مداريه ملاك
فقار ... اهاااا خوش وانت شنوو نص يوميتك مطيرها على مرت ابوك
المهم علمود سالفه خوالك والورث عندي شغل هالايام واروح لغير محافضه اجانه تبليغ اكو مقر مال جريذيه لازم نروح نقضي عليهم واذا رديت سالم انشالله شغلتك مكضيه
حمزه ... هز راسه فقار انت متعرف من يا نوع خوالي
واخاف ادخلك بمشاكل ما منها اول ولا تالي
فقار ... عقدت حواجبي شنوو قابل من يا نوع
حمزه ... ناس قذرين شرابة عرك وهتليه ونكسين
فقار ... ابتسمت بــَس هاي سهله يمعود شبيك مايصعب احد على ابو غضب راح اعاملهم بأسلوب ابو غضب لاعبالك بسلوب فقار الكلبه رهيف
حمزه ... ماادري والله المهم اذا هالشي خطوره عليك بروح الحسين كلشي ولا تنمس شعرايه منك انعل ابو الورث اهم شي عندي انت ولك وعلي مابقالي احد غيرك انت وملاك بــَس
فقار ... شبيك حمزاوي شو مصعب الامور كلها ولك انه لاامريكان ولا ارهاب كدرو عليه تخاف عليه من خوالك
حمزه ... ادري بيك اسد وتاخذ حقي من حلك السبع واني شاد ضهري بيك بس اذا صار بيك شي بسببي وحق العباس اكتل روحي وراك
فقار ... خاب دنجب يكتل روحه واذا انه متت وانت متت جا وملاك عدمن تبقه
حمزه ... ابتسم ملاك اووووف ياا ملاك اتمنه ميصير بيه شي لحد مااكبرها وأمن عليها اذا متت ملاك تضيع لااب حنون ولا مرت اب ترحم
فقار ... لاتكلبها مناحه ولك من شوكت العار يموت يله رايح انه للحجي عدنه اجتماع وانت عزل واخذ الدراجه مااحتاجه ع لاقل تروح وترجع بيها أحـسًٓـن ما تخلص يومياتك على مرت ابوك وعلى الكراوي
عفته وطلعت
الحجي ... ابو غضب هااا شلونها المعنويات
فقار ... عالي العال حجي
الحجي ... فقار انت بعدك صغير اذا تحب بلاها هالروحه لان المكان الي راح نروح بي والجماعه الي راح نداهمهم متتصور شكد خطرين
فقار ... افاااا عليك حجي وانه من شوكت خفت من هالجريذيه وحق العباس افنيهم فني اخليهم ما يعرفون يمينهم من شمالهم
الحجي ... ابد ماعندي شك بهالشي واصلاً انت ايدي اليمنه
طبطب على ضهري
يله بطل حضر روحك بليل طالعين انشالله
فقار ... انـ شـاء الـلّه انه اروح وبليل ملتقانه انشالله
رجعت للبيت حضرت روحي طبت امي كالعاده العيون حمر ومغوركه بالدموع
امي ... هااا يمه هم راح تروح للموت برجليك
فقار ... واردلج مثل كل مره
امي ... ولك يمه موو كافي والله كلبي راح يوكف من وراك ولك يمه كافي لاتروح بعد واسحب نفسك من هالجماعه كلهم
فقار ... يمه شبيج شنهي جبان انه واسحب نفسي هالجماعه شغلتهم تمشي بدمي مااعوفها لحد ما يجيبوني الج شهيد
امي ... يمه فدووه اروحلك كف منهم والتهي بشغلك وشوف حياتك حالك حال الشباب تزوج وصير اب وعيش حياة هادئه بدون سلاح ورعب وخوف وموت وقلقل
فقار ... يله يمه انه تاخرت
بستها من راسها يمه انتي بــَس ابقي راضيه عليه وادعيلي وانه مايصير بيه شي انه متقوى بدعائج اليه من فدووه اروح للتراب الي تمشين
عليه كليلي راضيه عليه وخليني اروح وانه مرتاح
امي ... يمه شبيدي بعد روح يمه الله ينصركم على اعدائكم راضيه عليك يمه
فتحت شيلتها وكالت
الزهره تحفظك يمه وتردك اليه سالم
حضنتها حيل وبست راسها وايدها وطلعت جان الوقت متاخر وابوي واخواني نايمين
..........،،،،،، بعد اسبوع
رجعنه لاهلنه بس رجعنه ب8 شهداء و5 مصابين وانه واحد من بين ال
بدل ماتدور وتبحث علي الروايات خليها علي تليفونك وحمل تطبيقنا
