رواية فصيله لاخو حبيبي الفصل الرابع 4 بقلم ارسلان الجاف
مساء الخير داده قسم بالله منوره تفاعلكم مالي خلك انزل والله لان تفاعلكم هابط وحقي شويه انطو حق تفاعلو لايك وكومنت
(وداعا يا حبي...وداعا ياكيان)
امينة:راح تكونين فصلية للشيخ فهد اخوي الكبير
ملاك انصدمت وخاب ظنها وحست بألم بكلبها وظلت دموعها تنزل وتمتمت ويه نفسها:يعني وداعا ياكيان وداعا ياحبي وراح تكون كبال عيوني طول الوقت وراح اكون فصلية لأخوك..ياربي ارحم كلبي الضعيف وضعف امري..وبجت بكل حركة وألم والي بكلبها ماينوصف (لا عايش اني ولا متت ما اعرف بداخلهم شحسبوني من سافرو مافكرو بيه ولا مرو عليه عافوووني 💔😔..محمد الحلفي)...
ملاك تكول بكلبها فوكاها متزوج...
ملاك وعيونها كلها دموع:هو عنده جهال
امينة:اي 3 بنات..انتي شكد عمرج
ملاك : بصوت مبحوح:18
امينة:اوووو بعدج صغيرة..لا تخافين اني راح اكون وياج..يالله اخليج شوي ويجيبون السيد ويعقدولكم...وطلعت..
ملاك بدموع كسيرة:ليش مو لكيان ليش.. آه يمه يبه وينكم..ياربي هذا مصيري كون تكدرني واتقبله..ياربي بحق حبيبك محمد واولاده الاطهار تشيل من كلبي كيان نهائيا...بقت كاعدة بالارض وحاضنة رجليها وهي بعبايتها...وتكول هاي هو خلص اني راح اصير ملك شخص ثاني غير كيان..الحمدلله ماعرفته وتعلقت بيه اكثر..ماتتخيلون شعور ملاك بهل اللحظة وكأنها تنتظر حبل مشنقتها لأنها راح تكون ملك شخص ثاني غير حبيبها والاصعب لأخوه...
تسمع اصواتهم بره بس ماتفهم شيكولون...
دخلت عليها مرة كبيرة بالعمر ومن حركة كلبها صارت عكس طبيعتها...
ام فهد:انتي يالفصلية..بسبب اخوج احترك كلبي وفقدت ابني...وضربتها كف قوي..راح تكونين خدامة بهل البيت ولا تعتبرين نفسج اكثر من هيج..وضربتها كف ثاني...
ملاك دموعها يصبن بحركة ولازمة شهكاتها:خالة مو ذنبي فقدتي ابنج هذا يومه
ام فهد ضربتها كف بقوة:الفصلية ماترادد ولا تفتح حلكها بشي كدام اسيادها
امينة دخلت وبسرعة راحت لأمها:يمه عوفي البنية مالها ذنب بشي
ام فهد:انتي مالج خص طلعي بره خليني ابرد كلبي منهم ببتهم
امينة:يمه انتي انسانة مؤمنة وحرام تظلمين المسكينة بشي مالها ذنب هي بحدها ضحية هالسالفة..يالله يمه تعالي وعوفيها والله مسكينة...وباست راس امها...احلفج بروح صلاح خليه يرتاح بقبره ولو عايش مستحيل يرضه بهيج شي
ام فهد بجت:يمه كلبي مفحم على اخوج..والثاني يريد يرجع للحشد شسويله كليلي
امينة:اي اعرف كل احنه كلوبنه محروكه على صلاح الله يرحمه بس مو هيج نسوي بالمسكينة..وتره كيان الي جاي يسويه جهاد فسبيل وطنه يعني لو استشهد راح تزفينه للجنة بنفسج
ام فهد:بعد ماكدر افقد واحد منهم ومستحيل اخليه يرجع للحشد ويروح مني ويحرك كلبي
امينة:اي صار كل احنه راح نحاجيه مايرجع لهناك ابدا..بس تعالي وعوفي هالمسكينة...وخذت امها وطلعت..
ملاك لازمة حلكها وبس دموعها تنزل...ولا يخلصن هالدموع.....
الغرفة مابيها غير جورباية صغيره مال شخص واحد وكبت جبير ومابيها بعد اي شي بس حمام..فراشها شتوي وصورة معلكه جبيرة وبيها ولد شاب شافته يشبه كيان شوي بس عيونه سود...ومكتوب عالصورة الله يرحمك...عرفت هاي الشاب الي مات وهاي غرفته وخافت وتكول ليش حاطيني بيها اكيد راح يسون بيه شي..وتكول بنفسها لو يموتوني ويخلصوني من هل الدنيا الي ظلمتني احسن لي...
مر الوقت بسنين على ملاك وبعد ساعة عقدولها على الشيخ فهد وهي من الرجفة الي بيها بالكوة جاوبت الشيخ وامينة لازمتها وتشجعها..هل الحجي هي وامينة واكفات من وره الباب...رجعتها امينة بغرفة صلاح طبعا هاي أوامر فهد يريدها بغرفة صلاح...وكل شوي تجيها مرة شكل وتكول هاي الفصلية ويتهامسون ويطلعون...وهي ماعدها غير الدموع...
دخلت عليها مره هم لابسة اسود بس لبسها ضيق ومخصر جسمها والحجاب حاطته بأهمال وطالع شعرها شوي صابغته اشقر وشكلها حلوة وطويلة...وهي سهر زوجة فهد وشافت ملاك حلوة وصغيرة ماتت قهر وغيرة..
سهر بدون نفس:يالفصلية..والله طلعتي حلوة ظنيت راح اطلعين وحدة جكمة..والله من سوء حظج صرتي على راسي فصلية بس وربج انتي مقامج خدامه لا اكثر ومستحيل يعله قدرج
ملاك فهمت هاي مرت الشيخ وتصير ضرتها سكتت ماجاوبت تذكرت امينة حذرتها منها...
سهر راحت الها:الا اشوه وجهج الحلو هذا.. ملاك ماخافت منها وتظاهرت بالقوة..سهر رادت تخربش وجها بأظافرها وملاك صدك خافت هل مرة بس انفتح الباب...
فهد صاح بعصبية:سهر
سهر تنهدت:من حظج نقذج...
ملاك شافت فهد بس ماهماها وتظاهرت بلا مبالات...(تره ملاك شخصيتها قوية بس الحال الي هيه بيه خلاها تنزل دموعها وتخاف)
فهد بهدوء:طلعي بره
سهر بعناد:ما اطلع وماراح اخليك تلمسها فهمت
فهد : بغضب:سههههررر
سهر خافت بس سوت نفسها ماخايفة:فهد والله ماكدر اتخيلك وياها ليش هيج..جنت تكدر تعترض على امر عمتي وتخليها تصير فصلية كيان
...ملاك تألمت من سمعت اسمه بس بعد فات الاوان صارت فصلية الشيخ فهد..والي فهمته من حجي سهر يعني امه مقرره هي تصير لفهد(امه كالت ازوج ابني وافرح بعرسه مو انطيه فصلية وكالت الفصلية تصير لفهد وهو يتصرف وياها)...
فهد بعصبية:سهر طلعي..ورفع راسه بثقة..عندي حساب طويل ويه الفصلية
سهر باوعت لملاك بحقد وطلعت ماتكدر تعترض على امر فهد...
فهد قفل الباب ونلاك هسة حست بالخوف اصلا اختنكت من الرعب من سمعت فهد يكول عنده حساب طويل وياها..دكات كلبها صارت بلعومها من الخوف وكامت وكفت..بس قوت نفسها وتكول شراح يصيرلي اسوء من انو اكون فصلية لأخو حبيبي ومو مهم ياريت يموتني ويريحني بس مستحيل مستحيل اسلم نفسي اله...
فهد سحب المفتاح وشمره:تعرفين هل الغرفة لمنو جانت..اظن عرفتي من الصورة المعلكه..خليتج هنا حتى يشهد عذابج على ايدي..اني ردت دم اخوج بس للأسف اجت هيج بس ولا يهمج راح اخليه يتمنه انو لو مات الف مرة ارحم اله من انو يشوف اخته مذلوله...ملاك بقت ساكته وكل جسمها يرجف وتكول يارب يقتلني ولا يلمسني...
فهد نزع العكال الي على شماغه:تعرفين شيخ فهد..سامعه بيه لو لا.. اذا ماتعرفينه خليني اعرفج عليه.. شخص قاسي وعصبي ودمه حار وماينسه حقه ابد واخوانه خط احمر..واخوج تعده هل الخط..ليش ساكته احجي
ملاك ماخلت دموعها تنزل وحجت بدون خوف:تعال موتني واخذ حق اخوك شتنتظر
فهد اقترب منها:لا تستعجلين موتج لأني اول اضوكج المر واحرك قلب اخوج الكلب
ملاك بكره:سوي الي تكدر عليه بس دير بالك تفكر تلمسني
فهد لزم وجها بقوة:مو انتي الي تقررين المسج لو لا انتي مجرد فصلية..لا تتحديني
ملاك برفض:لو تموت ما اسلمك نفسي
فهد نزع شماغه وشمر عكاله: نشوف يا فصليتي..لزمها ونزعها العباية والحجاب ولزمها من شعرها وشمرها على الارض وحتى زين ماتكسرت من الطيحة...
ملاك انرعبت سواها صدك هو رجال ماتكدرله يعني ياخذها غصبن عليها وماتكدر تمنعه قوتها لا شيء يمه..رادت تكوم لزمها بقوة...
ملاك برعب:وخر عني ماريدك..ماريدك
فهد بعصبية:راح اوريج قدرج مجرد فصلية وخادمة بين رجليه
ملاك تدفعه بقوة:حقير سافل اتركني
فهد ضربها كف بكل قوته حست نص وجها انشلع وذانها ظلت تصفر..بس ما استسلمت ورجعت تدفعه...لزم ايديها بيد وحدة قوي وومزق ملابسها الي عليها من زيجها...وهي تصرخ وتقاوم وهو كل ما تقاوم يضربها كف وجها ورم من الضرب...وصار يتقرب منها بلمسات وحشية و.....
بدل ماتدور وتبحث علي الروايات خليها علي تليفونك وحمل تطبيقنا
