رواية جحيم اهلي الفصل الرابع 4 بقلم جمانه السعيدي
ضليت اباوع علي واني مصدومه
حتى ماما تفاجئت من شافته وكالت يااااا هو هذا العريس
احس جمدت بمكاني من الصدمه
احس رجليه واديه ثلجن وهو كاعد ومبتسم ويريد ياكلني بعيونه اكل
بدا الشيخ يعقد النه واني مصدومه وابد مامصدكه
الشيخ بنتي انتي موافقه
سكتت ما جاوبته
امي ردت بمكاني اي موافقه شيخنا
الشيخ خلي هي اجاوب انتي اسكتي
رجع سئلني بابا انتي موافقه لو احد جابرج
سكتت واني اباوع على ماما وبابا
رجع سئلني بنتي انتي راضيه
امي كرصتني وخزرتني واشرتلي كولي اي
كوه نطقت الكلمه الساني مربوط وما يرضا ينطق
كلت نعم وانت وكيلي
جمانه السعيدي
امه واخته كامن يهلهلن بس اني جنت اسمع صوت صريخ
صريخ على روحي الشيعوها وهي عدله
فصلت ورحت بعالم ثاني عالم اضلم ما اندل بي اي شي
وعيت على صوت امه واخته تباركلي
كملت المهزله قصدي الحفله وكلهم طلعو من بيتنه
انطو مهر خمس ملايين البابا
بس طلعو بدو اهلي يتعاركون على المهر كل واحد يصيح تنطوني لو اخربها
واخوي الجبير سوا روحه تخربط ومايكدر وهو يمثل يريد حصه من المهر
المهم كلمن اخذ حصه وبقالي شي قليل
ابد ماهمتني الفلوس الي توزعت على روحي وهي عدله
طلع بابا واخوي وراحو جابو منه سياره اخر مديل بلقسط
بعد نسيبهم لازم يقطونه زين
كمت ابجي واصيح ما اريده ما ازوجه امي كامت تغلط عليه شني تردين تطلكين بعد صار رجلج
بقيت كاعده وابجي
لليل اخذت موبايل بابا ورحت خابرته
....الووووو اني دنيا
...اهلا وسهلا ياهلا بهلصوت
...اريد اكلك شي
...كولي الفلوس قليله ادزلج بعد
....لا اني ما موافقه على هذا الزواج واريد انهي كلشي
...لا مايصير احنا بعد ازوجنا وانتي بعدج زغيره وخايفه
هسه بس نزوج تتعلمين عليه وتحبيني
...بعمري ما راح احبك واني ابد ما مستعده الهاي الخطوه واريد تطلكني
...لاتكولين هاي الكلمه مره ثانيه واني اوعدج راح اغير فكرتج عني
وسد التليفون
ماجنت متوقعه هذا رده ابد خيب امالي
جمانه السعيدي
ورا يومين اجت اخته وامه واخذني اشتري جهاز عرسي
ابد ما اختاريت اي شي ولا اليه نفس اشتري او اجهز العرسي
اشترن كلشي على ذوقهن واني بس اتفرج ما ادخلت ابد
حددو يوم الزفه وحجزولي صالون
رحنا للصالون اني وامي واختي الازغر مني
بيومها اشتغلتني ام الصالون وطلعتني شي ثاني
واني هم حلوووه وملامحي بارزه
رجعت من الصالون التمن عليه الجوارين وكلها تصيح شني هذا الجمال
سبحانه الخالق المبدع حرامات بعدها زغيره
ليش انطيتوها الواحد مزوج
اجت الزفه ورحنا للقريه وصلنا دخلوني الغرفتي
جانت حلوه ومرتبه بس اني جنت ما مرتاحه ابد
زفو خوانه وجماعته
دخل وسد الباب واني كلبي انقبض
كعد بصفي على الجربايه
...شلونج
...الحمد لله
...مبروك يا احلى عروسه
...الله يبارك بيك
..عجبتج الغرفه
..اي حلوه عاشت ايدك
...تدرين من اول يوم شفتج حبيتج ودخلتي كلبي
بدده ينزع ملابسه ونزعني البدله
اخذ حقه مني واني مغمضه ودايره وجهي
جنت احسه مثل الحيوان ينهش بلحمي
اخذني بعنف وما انطاني مجال ابد
حسيت بوجع فضيع اريده يخلص ويبتعد عني
حتى روحي كرهته بسببه
ثاني يوم طلع للشغل زوجته عد اهله هي واطفاله
للامانه امه واخته حبني حيل ويعاملني خوش معامله
جمانه السعيدي
كلما يدخل للغرفه ويقفل الباب كلبي ينقبض
مثل واحد وياخذونه للاعدام
اكرها واكره قربه مني كوه متحملته
يوم السابع كال يله كومي اخبزي بتنور الطين
كتله ما اعرف بلتنور الطين بعدين احنا ماكان هذا اتفاقنه من البدايه
شنو اتفاقنا عيوني تكعدين ونهفي عليج كومي احسلج
لاهسه اشوفج شي ماشايفته ابد
سحلني واخذني للتنور
لكيت زوجت حماي تخبز
كالت انتي اوكفي واني اخبز اعرفج مدلله وماتعرفين تخبزين بتنور الطين
هو طلع وشافني واكفه وتخبل عليه غلط ورزايل
ماتخبزين شبيج ثوله واكفه مثل الصنم
ثاني يوم اكو معجانه يخلون بيها اكل للحيوانات شالها
وخلاها على راسي اله تاخذينه للحيوانات
اني كتله ولله اخاف
شني تخافين تتعايرين انتي
سحبني وكتلني وكال غصبن عليج تاخذينه للحيوانات
وديت المعجانه ورجعت كعدت بغرفتي وابجي
طلع ورجع يريد ينام وياي لا اعتذر ولاصالحني
كمت ادفع بي واصيح وخر ما احبك اني اكرهك
دفعني على الجربايه واخذ الي يريده بلغصب
حسيته وحش مو بشر مستحيل يكون بشر ابد
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
