رواية انتقامك وانتقامي رد الدين الفصل الرابع 4 بقلم تولين جراح
ساكون ٱقرب اليك من انفاسك ان احتجتني
جراح
........................................................
جراح
طلعت من الديوان وانه اعاين على راجح وهوه يحجي ويه وليده زعبان
" رفع راسه وشافني اتقدم اتجاهي "
راجح : هلا جراح
_هلا خويه ، اليوم ماكوو شعجب
راجح : تدري يخوي انه والديوان موش صحبه لجن لخاطر ابوي اكعد بي
_ اعرف بيك انتَ من دون اخوتي ما تحب سوالف الشيوخ ، صدك كولي شني اخر اخبارك ويه الغضب العندك
"جاوبني بضحكه"
راجح: بلبل طلايبها ما تخلص يا كاتلها يا كاتلتني
_ههههههه هيج واصله الأمور
راجح: وأكثر يخوي حيل تعبت وياها جبتها من الصغر مشلول حالي زوجتها وكلت تعقل ما عقلت كلت تخلف وتستجن ماكو هيه هيه
_الله يهدي سركم ، يله انه اروح اريح شويه ، ثيمالله
راجح: الله وياك
دشيت للبيت وانه اسمع مصايح إبتهال وامي
_شكوو شهل سوت العالي ، انتِ ولجج شلون ترفعين حسج على امي
إبتهال: انه ما سويت شيء امك تحاسبني على تربيه ولدي والله شنهو ضربينه
الشيخه جمار: وانعنع ضلوعج بعد ، ولج إبتهالوو اجي اكسر العصه عليج اذا اسمع بيج طاكه واحد من الوليدات سمعتي يو لا
إبتهال: اطكهم واكسر رأسهم بعد انه امهم واعرف شلون اربيهم
"صحت بصوت عالي حتى اخلص من هل طلابه "
_ كافيي صياححح ونصييي حسجج لا اجي اطيح حضج
التفتت على امي وانه اكول
_يمه شنهي الصاير وشبيهم ابتهال ويه الوليدات
الشيخة جمار: كتلت أسر جيف طلع يلعب ودمر نفسه
"نداريت عليها وسألتها"
_صدك هل حجي ؟
ابتهال:اي انه طكيتهم لان هيج يعلمون ويدمرون نفسهم
جراح بعصبيه : وانه ميت مره كايلج ولدي ما ينطكون
وهسه دشي حجرتج
زفرت بتعب واني اصبر نفسي ،دشيت وراها للحجره
_ابتهال تعاي تكربي
ضربت على مكان بصفي تكعد بي
"كعدت بصفي وهيه تكول"
ابتهال: هاا جراح هم تريد تغثني
حاولت احجي بهدوء كلت الها
_انتي ام ولدي ونصي الثاني لازم نتفاهم مو صح
ابتهال: صح
_لجن من الولد يسوون شيء يضوجج ويغثج تعاي ليه وانه اغسل شراعهم بس مو مال طكيهم وهمه كبرو ما عادو هذوليج الصغار صخر صار ١٠ سنين وجبل ٩ وأيسر ٨ وأسر ٧ يعني كلهم صارو واعين انتي كعدي وياهم وعاتبيهم همه من ذات نفسهم يجون يستسمحون منج ، موو صح كلامي ؟
ابتهال: اي صح ،انه ،راح اسوي هيج وياهم منا وجاي
"حضنتها من اجتافها واني اكول الها"
_ عفيه هيج اريدنج بارك الله بيج ، وهسه اريد جاي من ايديج الحلوه
إبتهال: تدلل هسه اجيبلك
كامت ابتهال واني زفرت بتعب
جاي احاول بكل طاقه عندي اشغل نفسي والتفت لعايلتي وانسه او اتناسه طيره بغداد
فزيت من صفنتي على صوت ابتهال وهيه تنطيني الجاي
_عشتي حبيبه
وهيج مرت الايام وانه احاول اشغل نفسي بكلشي وما افكر بطيره بغداد
جاعدين على العشه ونسمع حس عالي ولنه راجح وحرمته بلبل نازلين
وبلبل لابسه عبايتها وجنطتها بيدها
حجه ابوي
_ شنهي يراجح شصاير بينكم وليش حرمتك محضره نفسها
راجح: يابه مليت وانه إداري واعلم واقنع بس بدون فايده تعبت منها
_ شنهي القصه تحجه حتى نفهم عليكم
راجح: يابه اريد هدمه بيها خير ماكو اريد اكله زينه ماكو ارجع من الشغل تعبان تتلكاني بل طلايب
تعبت منها
بلبل : اني التعبت منك تتحكم بيه وتشك لا تخليني البس براحتي لا تخليني اتزورك براحتي كلشي عندك لا وعيب وميصير انتَ شكاك تعبني تحكمك بيه اخر شيء تريد البس بوشيه وانه ما البسها اذا ما عاجبك طلكني
هد عليها وانه لزمته
راجح : ولجج تردين تتطلكين حلم ابليس بالجنه اخليج معلكه وما اطلكج ، امشي اوديج لهلج امشيييي
اخر كلمه كالها بصيحه وهل شيء اول مره راجح يسوي وياها من كد حبه الها حتى اسمها داكه بجتفه اول ما شب
وداها لهلها ورد جانت عايفه زعبان جان بعمر وليدي صخر
مرت الايام والاشهر وانه بغداد ما واصل الها
بيوم اجاني ابوي وهوه يكول
_ بويه جراح عدنه كعده بغداد وأريدك وياي تمشي
"غمضت عيني وتنفست الصعداء وجاوبته غصب عني : صار يابه
صحت لابتهال حتى تحضر الي اغراضي
وثاني يوم من الصبح رحنه لبغداد وصلنه ساعه ١١ الصبح كلبي احسه متلهف على شوفتها
جراح: يابه انه ساعه وارد رايح اشوف صاحبي وارجع
احس ابوي يعرف انه رايح عليمن جاوبني وكال
_روح بويه روح لجن الروح ما تصبر بدون راعيها
ما عرفت شنهي اجاوبه غير ترخصت منه وكمت
وصلت كبال بيتهم احس نفسي هسه ياله حييت جنت ميت وبس فكره انه.وياها نتنفس نفس الهوه رجع الروح بداخلي
بقيت واكف لمده كبال بيتها ، مديت ايدي اطلع جكارة وما الكه ولا وحده دخنتهن كلهن عاينت بنهايه الفرع شفت محل مفتح كمت تمشيت عليه اشتريت وانه امشي منزل انضاري على الجكارة وانضرب ببنت عاينت ليها والكاها رهف وكعت باحضاني وبس كلمه
مات بقت ترن بأذني
صرت احاول اصحي بيها بس ما منها فايده التمو علينه الجيران وانه اصيح
جراح: جيبوووو ماييي
انطنتي جارتهم بس ما صحت صارت تنفض بنفسها وطلعت رغوه بيضه منها وحراره جسمها تجوي
شلتها بين احضاني
ودخلتها للسياة ما كدرت اسوق انشدهت
انطيت السويج لرجال وخليته يسوق واني وره
ورهف بحضني صرت ارجف احس راح اخسرها
هناه عرفت انه عاشكها لحد الموت
صرت احجي وياها بهمس
جراح : طيرتي حبيبتي لا تعوفيني ولج انه احبنج ينطيج كلبج تعوفيني وانه ما معترفلج بحبي
فدوه اغديلج كعدي لا تخوفيني عليج بنيتي رهف رهفه كلبي ياا شبابي الضايع عايني عليه .
وصلنه للمستشفى فتحت الباب بسرعه وانه شايلها واصيح
جراح: ويينكم ساعدوني ، طيرتي راحح تروح منيي
صرت اصيح بعلو حسي اجو الممرضين والدكاترة اخذوها مني واني منهار
بعد مرور ساعه
كاعد كبال الباب وانه منتضر الدكاتره يطلعون
طلع الدكتور وهوه يكول
_الحمدلله على السلامه المريضه حاليا احنى كدرنه نسيطر على الوضع بس يؤسفني أخبرك انو المريضه
شكل عدها السكر بسبب الصدمه الي تعرضت والها.
وكف الزمن وانه اشوف طيرتي مريضه وهيه بهل عمر هل مرض يهد الحيل شلون راح تتحمله
سمعت حس عالي نداريت واشوف ابوها وامها جايين باتجاهي
"حجه بانهيار "
ابو رهف: انت جبت بنتي هنا الله يخليك كالو اهل المنطقه رجال غريب اخذها للمستشفى
_اهدء عمي اهدء اي انه جبت بنت حضرتك
هسه هيه بهل غرفه
دخلو الها يركضون اتمنيت انه واحد من اهله
وادخل اشوفها
بعد مده طلع ابوها وهوه يشكر مني
ابو رهف: ما اعرف شلون اشكر حضرتك على انقاذك البنتي
جراح: لا عمي شهل حجي هذا واجبي وانه اشوف البنت متخربطه بالشارع
بعدنه جاي نحجي وسمعنه حس صريخ طالع من الغرفه ......
..........................
أنا مُنهكه ولا أستطيع التفكير بأي شيء.
أُمنيتي الوحيدة لازلتُ أبحث عنها بين الأشلاء والحُطام المتبقي مني أثر ماجرى
رهف
...........................
رهف
ضياع ، خوف ، تعب ، انهيار ، هلع ، حطام
صار وياي شيء كبرني فوك عمري عمرين
صرت عجوز بعمر الستين سنه
معقول هذا الصار وياي بعمري ما فكرت هل شيء
يصير بيه طول عمري جنت عايشه بضل اهلي
جنت اشوف الدنيه كلها ورديه
ما جنت اعرف الدنيه يا ابيض يا أسود
واني صرت سجينه ألون الاسود كلشي بحياتي تحول
لسواد بعد ما جان لون وردي
كعدت واني اشوف سقف ابيض كدامي
صارت ذاكرتي تسترجع كلشي
حسيت أنفاس حذيفه بعدها بركبتي
احس لمساته بعدها بيه جسمي كزبر واني اذكر كل هل اشياء
صحيت اكثر واني اذكر الدم الطفر عليه
صرت ابجي واصرخ بهستيريا
حاولت ماما تلزمني حسيت رجفه سرت بجسمي
"بقيت اصرخ واكول "
رهف : دم دم ولكم ماتتتتت دم على وجهيييي ماتت اني مجرمه وخرييييي لا تلزميني لااااااا لاااا
ما صرت احس بالأمان ويه اهلي
انفتح الباب ودخلو بابا والشخص الجاابني للمستشفى
اي نفسه جنت واعيه عليه من شالني واسمعه يحجي وياي صارت روحي بي
"باوعت عليه ودموعي تنزل واني اكول اله "
رهف: حباب تعال احميني منهم ما اريدهم أريدك انتَ تعال فدوه
مديت ايدي اله بس هوه بقى ثابت بمكانه ما تحرك
دخل الدكتور على صراخي صرت انفض واني اصيح
_عوفونيي تعال لا تخليهم يلمسوني راح يأذوني مثله حباب تعال
حسيت بروده سرت بجسمي
جسمي رخه عيوني بقت باتجاها احس صارت روحي بي
كعدت بعد مده واني هادئه ما بدر مني اي شي فقط عيوني تتحرك
بقيت ساكته طول الوقت حاولت امي تحجي وياي
بس فشلت بهل شيء
ثاني سمحو النه بالخروج واني الليل كله ما كدرت انام واذا اغمض عيني افز مخروعه والأحداث تجي كبالي
طلعت وعيوني دور على شخص واحد بس
ما لكيته
"بعد مرور إيام على الحادث "
نايمه على سريري والغرفه ضلمه احس صار هذا جوي
اجو بيت العم سامي بعد ما سمعو بمرضي
رفضت الخروج من الغرفه ولا اقابل احد
بقت دك على الباب نيفين بس بدون جدوى
صرت إنسانه محطمه بدون هدف عايشه جسد
بدون روح شمعه وانطفت هيج صرت
نفتح الباب وصوت بابا وهوه يكول
_اميرتي باباتي يله كومي اكلي
"جاوبته بصوت مشحرج "
_بابا ما أريد اكل أريد أنام
ابو رهف: ولج بابه شبيج بس فهميني شوصلج لهل حاله شصار وياج وخلاج هيج
رهف: بابا ما أريد احجي عوفني حباب خليني لوحدي
ابو رهف: سمعي خلصت الاجازه مالتج باجر تداومين فهمتي لو لا ، أسس ما أريد اي اعتراض
عافني وطلع واني رجعت نمت كعدت ثاني يوم على صوت ماما وهيه تكعدني
ام رهف: يله رهوفه حبيبتي بابا ينتضرج حتى يوصلج للمدرسة هذن ملابسج يله كومي
رهف: ماما كلت ما أريد اداوم ليش جبروني
ام رهف: رهفففف كافي دلع ويله كومي
رهف: مامااا كلت ما اروح للمدرسة ولا لأي مكان عوفونييي بحالييي
هناه ولأول مره أشاهد انهيار امي صارت تبجي وتضرب على صدرها وكالت بصراخ ممزوج ببجي
ام رهف : ولجججج عبالججج فرحانين انتي هيججج ما تعرفيننن ابوجج يبجي عليججج مثل الطفل ولجج يمه كوليلي شبيج شوصلج لهل حاله مووو راححح نموت لا ليلنه ليل ولا نهارنه نهار بسس نفكر بيجج شوداج للشارع ليششش هيججج منووو شننو نهبطتي وشكل عندج السكر كوليلي مووو راحح اموت من التفكير
اباوع على ماما ودموعي تنزل بصمت
حسيت راح اخسر اهلي كافي خسرت صحتي
ما أريد اخسرهم همه هم
نزلت بمستوى امي وحضنتها واني اكول
رهف: كافي ماما كافي اني اسفة والله اني اسفة
هاي هيه ترديني اداوم هاي كايمه شوفي وين ملابسي
اي هذن ملابسي
جنت افتر بالغرفه بتشتت بس اريدها تسكت
كامت حضنتني وضلت تبجي واني ابجي وياها
ام رهف: ماما حبيبتي لمصلحتج والله نريدج ترجعين رهف القديمه بنيتي الفراشه الكلها طاقه وايجابيه
ابتسمت بوجه امي ورحت ابدل
جاوبتها بكلي واني اكول
رهف: صعب حيلل صعب ارجع مثل قبل الصار وياي مستحيل بيوم انساه
نزلت واني لابسه ملابس المدرسه رفعو رأسهم وارتسمت ابتسامه فرح على وجوهم
ابو رهف: تعاي باباتي اكلي
كعدت وصرت انقش بالأكل
خلصنه ريوك وبابا وصلني للمدرسة
ومرت الايام واني اي فرحه بروحي ماكو
مستواي الدراسي نزل صرت مهمله إلى أبعد درجه
بعد ما جنت روحي بالدراسه.
مثل كل يوم اكعد الصبح ابدل بكل كسل
بدلت ونزلت
رهف: ماما لعد بابا وين
ان رهف: ابوج اليوم ما يكدر يوصلج صار عنده شغل روحي لوحدج تكدرين لو اني اوديج ؟
رهف: تمام اني اروح ، يله بيباي
ام رهف: الله وياج ماما
جان الجو حلوو بي نسمه هوه بارده صرت امشي ببطى ومحد بالشارع غير كم طالبه
حسيت شخص يمشي وراي
جاهلت الموضوع وكملت طريقي
ضنيت طلاب جاي يمشون
فرغ الشارع من الطلاب لان مدرستهم أقرب من مدرستي جانت ابتدائية
نداريت وياريت ما نداريت شفت حذيفه كبالي
ارتعبت ورجعت ليوره واني اكله بهلع
رهف: حذيفه اذا ما توخر مني ألم الناس عليك
حذيفه: رهف خلي احجي وياج فدوه والله الصار وياج جان غلط واعرف بس بوقتها جنت سكران
رهف: ما اريد اسمع منك اي شيء بس عوفني بحالي
حاول ابتعد عنه بس هوه اسرع مني ومسك ايدي يحاول يسحبني لداخل السيارة
فقدت اخر ذره امل عندي انو اتخلص منه
صرت اضرب بي واني ابجي وأريد شخص يساعدني ماكوو
غمضت عيني وما اجه بالي غير بس البطل مالتي اي سميته البطل نفس الجان بخيالي واني طفله
يجي ينقذني من الاشرار
فتحت عيوني على سحبه ايد حذيفه مني وصيحته
باوعت واني اشوفه اي هوه اجه ينقذني نايم فوك حذيفه ويضرب بي
.
.
.
.
. يتــبـ؏
هسه بده وكت الجد البدايه جانت تعريف عن حياة رهف وجراح البارت الجاي تبدي الاحداث النار
.
لا تنسون التصويت +التعليق بين الفقرات جميلاتي
قراءة ممتعة، دمتم برعاية الرحمن وحفظة
في ميزان حسناتكم
﴿إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
«اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ»🍃
