رواية حب بعد الطلاق الفصل الرابع 4 بقلم جمانه السعيدي
من لحضة دخل العطر غرفتي وبدا يستعمله مصطفى واحنا بدت المشاكل بينا
بديت اختنك من يقرب مني اكرها واكره دخلته للبيت
وهو على ادنى الاسباب يتنرفز ويصير عصبي
ويبدي يغلط ويسب واني ما اتحمل اي تصرف منه
يعني اذا القميص مامكوي يتعارك
واذا طلب شي وتاخرت يصير عصبي
واني من اشوفه كاعد اروح انام
وهو اذا اني كاعده يطفي التلفزيون ويصيح اريد انام
مرات اصفن واشوف الاسباب تافهه بس ما اكدر اسيطر على نفسي
من اروح الاهلي ودي ما ارجع اكو شي بلغرفه يخنكني من ادخل
من اشكي الامي تكول عادي كل المزوجين اتصير مشاكل بينهم
هسه تتعودين على الوضع
بس اني حالتي بلنازل كمت اكره حتى عطره ومن يحجي وياي ابد ما اباوع بوجه
بدت مشاكلنا تطلع برا الغرفه ولكل عرف بيها
واشوف نضرات الشماته بوجه تغريد
صار اربع اشهر زواج واحنا واحد مايتحمل الثاني
يوم رحت على اهلي
امي...شلونكم
سما... شلوني اكبر غلطه هذا الزواج يمكن اني استعجلت
امي...لايمه مصطفى خوش ولد يجوز مضغوط من الشغل
سما...كولي مل مني شني منتضرني على الزله
اقل شي تصير مشكله
امي...ليش ماتسوون طفل
سما...هو بكيفي ما جاي يصير
امي...اني اخذج للدكتوره تشوفج
سما...ما اروح
امي...لاترحين الطفل يغير حياتكم ويخليه مستقره اكثر
الرجال اذا عندا اطفال تصير عندا مسوليه وبعد يبطل مشاكل
سما...ما ادري خاف اتورط بجهال ووضعنا مايصير احسن
امي...لا انشاء الله خير خابري مصطفى كلليه امي تاخذني للدكتوره
سما...الو مصطفى شلونك
مصطفى...الحمد لله شكو
...اروح اني وامي دكتوره نسائيه
...خير شبيج
....لاماكو شي على موضوع الاطفال
...بكيفج تحتاجين فلوس ادزلج
...لا عندي
جمانه السعيدي
رحنا العصر للعياده والدكتوره اكدت ماكو شي يمنع الحمل
بس طلبت مني مصطفى يراجع يم دكتور اختصاص خاف المشكله منه
اجا بليل اخذني ورجعنا البيتنا
صعدت الغرفتي وهو صعد وراي
مصطفى...شكالتلج الدكتوره
....مابيه شي تكول خل رجلج يراجع
..وشبيه اني واراجع
...مابيك شي بس نتاكد
...عود بعدين
ضليت اللح على هذا الموضوع الحد ما راح الاحسن دكتور بغداد واكدله ان فحوصاته كله سليمه
بقينا محتارين اني ويااا التحليلات كله اوكي ليش مايصير حمل
بدت المشاكل تكثر بس اني امي تقنع بيه وتصبرني
المشكله من اطلع من البيت اشتاقله ومن ارجع اكرهه
مصطفى....اول زواجي كلش فرحت ب سما وفعلا كانت مثل ما اني اريد
وحتى اهلي حبوها
لان هي فعلا تنحب انسانه حبابه وعاقله ومتفهمه
بس ماادري شنو صار
مجرد ما ادخل البيت تبدي تبدي المشاكل
مرات نتعارك عركه قويه بس من اصفن اشوف السبب تافه مايسوه هاي العركه
بدت ادور جهال واني فرحت كلت يجوز الاطفال تغير وضعنا
بس كل تحاليلانا سليمه وماكو اطفال
مرات احس نفسي مشتاقلها وودي ارجع للبيت واحضنه
بس مجرد ماتصير كدامي
اضوج واصير عصبي حيل
جمانه السعيدي
صار سنه زواج واحنا حالنه من سى الى اسوء
بلعكس كمت ما اصعد للغرفه ابد انام جوه
وهي ماتحاول تسئلني مكيفه بهذا الوضع
سما رحت الاهلي وقررت اطلك لان مصطفى صار لايطاق
ولاعبالك زوجته
من نلتقي نتعارك وهاملني فد مره وماله شغل بيه ابد
بس مثل كل مره امي ماتقبل ابد وتكوم تحجي عليه
ارجعي ويجوز عدا مشاكل واصبري عليه
حتى طفل ماصار عندي يسليني ويطلعني من هذا الملل
فد يوم شفت اعلان شغل بشركه وقررت افاتحه بلموضوع
اريد اطلع من هذا الجو
لمن اجا وفتحت ويا الموضوع وهو كب عليه شناقصج
تردين اطلعين بكيفج
ما اداومين واذا داومتي اكسر رجلج
اني ماسكتت حجايه مني وحجايه منه وكبت العيطه
لزمني موتني تموت
اجت عمتي ونسرين خلصني من ايدا
بس عافني فتحت الكنتور وسحبت رداء منه لبسته فوك التراك وبنعال مالحكت البس شحاطتي
وطلعت اركض اجرت تكسي ومن وصلني الاهلي نزلت دكيت الباب طلعلي سجاد
واني ابجي كتله انطي السايق الاجره
انطا السايق اجرته ورجع شبيج منو سو بيج هيج
كعدت وكمت ابجي مصطفى كتلني
بعد ما ارجعله موتني تموت
سجاد طلع واني امي ونور وزوجت علي التمن عليه يهدئني
امي...سوده عليه يمه شمسوي بيج الله يكسر ايده
نور...لو مجرم مايضربو هيج انتي شسويتي
سما.. ماسويت شي هو منتضرني على الغلطه
حياتي ويا جحيم بعد ما ارجعله لو تذبحوني
كومني حتى اغسل وجهي اباوع بلمرايه وجهي ازرك وايدي حيل توجعني
مصطفى كتلت سما كتله انفجرت عليه بس لزمني امي واختي
خلصنها من ايدي شردت
وامي كامت تحجي عليه ليش ويه البنيه شسوت
هلمسكينه النهار كله تشتغل وانت بس تدخل للبيت تتعارك وياها عبالك متحلف الها
مصطفى...خليه تولي ترادد والسانها شطوله اني اعلمها
سجاد...اني شفت سما مزوركه واني تخبلت صعدت سياره ورحت البيت مصطفى وضليت اكسر بلباب
لمن طلعلي اول ماشفته ضربته بوكس بوجها
وكع بلكاع رجعت سحبته وضربته هو يضربني واني اضربه
سجاد.. حقير اطلع مراجلك على اختي
مصطفى.. انعل ابوك لابو أختك هاي الساقطه عبالي ادميه وملفيها ابيتي
سجاد...ماكو ساقط غيرك اني اعلمك
التمت الناس عليهم وفرغتهم بلكوه وثنيينهم وجوهم كله دم
سجاد راح بلغ على مصطفى
ومصطفى بلغ على سجاد
لزموهم اثنيينهم ودخلوهم سجن
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
