رواية غيره قاتله الفصل الرابع 4 بقلم جمانه السعيدي
فاطمه.....خلصت كليه وسما تخلص السنه بسنتين
اني خلصت وهي السنه وصلت مرحله ثالثه
وخالتي حالته بلويل لان سما جاي تتمرد عليه وابد ماتسمع كلامه
اما اني اريد اساعد امي
خصوصا اني كملت دراسه وتخرجت ولله الحمد
خطيه تعبت هواي وبعد ماتكدر
فاطمه...اريد اشتغل واساعدج لازم اشيل المسؤليه عنج
امي.. وشنو تشتغلين بسلا تخيطين اني مفاصلي كله تعبت من الخياط اشتغلي شي ثاني
فاطمه....اطلع ادور شغل برا اي شغله محترمه
امي...وين اطلعين هذا الوكت مو امان وانتي زغيره وحلوه
اخاف عليج
فاطمه.. ماعليه شي لا تخافين
امي....يكتلني الجوع ولا اعوفج تطلعين ويااا هاي الناس وحدج اني اعرفج واعرف اخلاقج بس هاي الناس ماله امان
فاطمه ....اكابلج واكعد شلون
امي...اي كابليني ولا اطلعين وتخليني بقلق عليج
فاطمه... زين شنو رائيج ادرس طلاب بلبيت
امي...اي خوش فكره على الاقل كدام عيني طول الوقت
من باجر كل النسوان الي يجن على الخياط اكللهن
فاطمه تنطي دروس انكليزي
حتلو تاخذين فلوس قليله بلبدايه ميخالف
فاطمه...بس لازم اشتري شغلات للتدريس
امي...مثل شنووو
فاطمه....اريد سبوره واقلام اللوان واوراق وبعد كم شغله
امي...اني اخذج باجر وشتري كلشي تحتاجينه انتي تعرفين احسن مني
فعلا ثاني يوم طلعنا للسوك واشترينا كلشي احتاجه
وامي بدت تحجي للنسوان على الدورات
وبدو الجهال يجووون
بلبدايه ثنيين بس وكنت طايره من الفرح بيهم
وبعدين بدا يزيد العدد كل يوم اكثر
دخلت خالتي وشافتني ادرس الطلاب
خالتي....فاطمه ادرس الطلاب
امي...اي ضايجه من كعدت البيت وهم تريد مصرف بنيه وكلشي تحتاج
خالتي....اي ولله سما مامخليه عليه فلس شكد تصرف
وين ذاك البخت تعقل مثل فاطمه
امي...الله يهديه اللج
بس طلعت خالتي اجت سما كالعاده تشوف اني شكاعد أسوي
سما.. هااا بيه الخير صرتي مدرسه
طبعا اني مدنكه ادرس بلطلاب حجيت واني مدنكه
فاطمه....اي
سما...وينج وين التدريس
فاطمه....شبي التدريس يخبل بعدين اني مدرسه
سما....شلون بهاي الدوخه
فاطمه...لا ولله حلووو
سما...تلكينهم عقولهم محجره ومايفتهمون وورطوج بيهم
فاطمه....الجهال كامو يباوعون عليه
...لا بلعكس كلش اذكياء ويفتهمون والمعلمات يكولن عليهم شطار
سما....اذا شطار ليش دخلو يدرسون عندج
فاطمه....حتى يزيدون معرفه
سما....اوووي انتي شكد بطرانه اطرديهم شلج بلهدوخه
فاطمه....الله على كلبي مثل العسل
سما....اني منج ارتاح ليش متعبه نفسج بعدج ماخلصتي كليه اشبعي نوم اطلعي تونسي
فاطمه....كعدت عدل.....امي تعبت سما من شيل المسوليه
واريد اساعدها
سما...خالتي متعوده على المسوليه توج يله حسيتي بيه
فاطمه...قبل جنت طالبه ومااكدر اشتغل بس هسه تخرجت
ولازم اشيل قسم من المسوليه وياها
جمانه السعيدي
سما....مو تعب عليج
فاطمه...ليش تعب بلبيت ومرتاحه واني احدد ساعات الدراسه كل تعب ماكوووو
مااخذت مني سما لا حق ولاباطل طلعت وهي ضايجه
مااعرف ليش خالتني بعقله
ومركزه وياي رغم طبعي مايشبه طبعه نهائيا
بس ليش تغار هيج مااعرف
بعد اسبوع رحت البيت خالتي اجيب ملابسي من سما
دخلت بلبيت
خالتي... سما بلحمام
شفت صبوره معلكه بلهول وأوراق بلكاع
خالتي....اكعدي ولو سما تارسه المكان اوراق
فاطمه شسوي بهاي الأوراق والسبوره
خالتي... فتحت دوره تعلم الجهال بس محد اجاها لان الجهال ماتدخل جغرافيه تدخل انكليزي ورياضيات وعربي
بس اشترت هاي الشغلات وعافتهن
محد دخل عدها دورات عود اني رحت للجوارين ودكيت البيبان باب باب بس محد يقبل بلجغرافيه
فاطمه.. استغربت من كمية الغيره شكد تغار مني وتحب تقلدني رغم هي تصيح انتي تغارين مني
طلعت وشافتني راسا نزلت حواجبه
سما...هااا شكووو
فاطمه...اريد ملابسي
سما....طبعا اني جبت سبوره حتى ادرس عليه وهاي الاوراق اريد أشد حيلي واتخرج
فاطمه.. اي ببه الخير انشاء الله
اخذت ملابسي وطلعت من بيتهم
لان سما ماكدرت تحصل طلاب مثلي تجي يوميه بوقت الدرس
وتبقى تسولف وتحشش وتضحك
حتى الطلاب يملون ويرحون البيتهم
فاطمه....سما عندي حجي وياج
سما...شكوووو
فاطمه.. ممكن ماتجين بوقت الدرس لان الطلاب مجاي تفتهم منج
سما.... هاي شنو اطرديني
فاطمه....لا مااطردج بس هذا الوقت مو ملكي ملكهم
هم دافعين فلوسه تعاي الصبح لو بليل
سما....انتي تحجين صدك ولله مو صوجج صوجي اني مقدره وحده مثلج
بمكان مااطرديهم وتكعدين تسولفين وياي
اطرديني علمودهم
صدك الفلوس تغير النفوس صار عندج كم فلس وشفتي نفسج عليه
فاطمه....بس انتي قبل ماتجين كل يوم وبنفس هذا الوقت هسه شعجب
سما....اهووووو انتي منو بحالج موزين اجي اسولف وياج
فاطمه....زعلت وطلعت واني ابد ماحاولت اصالحه
تعبتني بتصرفاته
جمانه السعيدي
بقت فتره ماتحجي وياي
بهاي الفتره تعرفت على وحده
ابنه السانه ثكيل ويخاف وسمعت بطريقة تدريسي
وتريد ادرسه جميع مواد الاول
وكالت اي مبلغ تطلبي يجيج
البنيه تخبل ومثقفه حيل ومبينه من ملابسه كلش راقيه
اني الصراحه حيل فرحت
وبديت اعلمه على الكلمات والنطق الصح
رغم السانه شويه ثكيل بس يفتهم بسرعه
وشكله يخبل ونضيف ومرتب
شكد احب الوقت الي يجي بي
سيف حقق تقدم مو طبيعي وياي رغم بعض الأحرف مو مفهومه بس اني جنت كلش صبوره وياااا
ام سيف يوميه تجي توصله وتبقى كاعده لمن يخلص وتاخذه وتروح لان بيتهم بعيد وزوجها عسكري
محد متفرغله غيرها
ام سيف...مااعرف شلون اجازيج
فاطمه... ماسويت شي
ام سيف.. ..تدرين فقدت الامل الكل كال مستحيل يتعلم
فاطمه....بلعكس كلش ذكي وشاطر
ام سيف.. انتي زرعتي الامل بروحي
فاطمه....انت الي تنحبين انتي وسيوفي
ام سيف....هنياله الياخذج شكد عاقله وصبوره وحلوه
فاطمه....ابتسمت شكرا
ام سيف...احنا بيه اخوي يريد زوجه ولله انتي احسن انسان يتمناج
فاطمه....الله يحفظج
ام سيف. ...ولله احجي صدك باجر افتح ويااا الموضوع
وااكدلج بس يشوفج راح يلزك بيج لزكه
فاطمه...مو الهلدرجه
ام سيف...واكثر هو مهندس بلنفط ومتعين وراتبه خير من الله
طلعت ام سيف واني جنت كلش فرحانه بكلامه
كلت ايجوز اني فعلا قسمتي تجي عن طريق ام سيف
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
