رواية جريمة قتل الفصل الرابع 4 بقلم جمانه السعيدي
حسام..... استمرت تجينا بين يوم ويوم كملت عشر جلسات
تعودت عليه وحبيته أتعجب على اليكول ماكو حب من النضره الأولى
هذا مو بس حب هذا جنون ماتفوت لحضه اذا ما افكر بيه
من تبعد عني اشتاقله حيل
وبيوم خابرتها حتى اروح اجيبه وكانت تبجي
حسام .... صباح الخير
منى..... صباح الخير
حسام ..... شبيج صوتج ماعاجبني شني تبجين
منى .... اي ابن عمي انقتل
حسام ..... انقتل
منى.... اي انقتل البارحه وهسه الدنيا مخبوصه اني مراح اكدر اجي
حسام .... البقيه بحياتكم
منى .... حياتك الباقيه
حسام..... براحتج
جمانه السعيدي
قررت اني لازم اروح للفاتحه حتى اتعرف على اهله وخاصتا اخوها مرتضى
عسى هاي الصدفه تخلينا نقرب من بعض ونكون اصدقاء
وفعلا خابرت منى وأخذت منها العنوان
هي بلبدايه ماقبلت بس اني صممت
ورحت ثاني يوم
دخلت وسلمت وبقيت اسئل على مرتضى
الحد مآ وصلت اله
حالته يرثى لها شكله تعبان ومبهذل حالته حاله طبعا حقه
ضايج على ابن عمه
سلم عليه وهو مامركز حتى ما سئلني انت منو
حقهم يفقدون التركيز
لان سمعت الولد المقتول ولد شاب عمرا ٢٥ ومزوج قبل أربع اشهر
والكل تحمد باخلاقه
لاكينه مقتول بسيارته باب اهله مقتول بمسدس كاتم
خطيه ابو واخوانه فاقدين علي
الحزن هاد حيلهم هد
رجعت للبيت واني ضايج لان كم يوم يله اكدر اشوفه
بعد ماتعودت عليها
بليل خابرتها
حسام ... هلو منى شلونج
منى .... الحمد لله احسن
حسام..... مبينه تعبانه
منى .... راسي يوجعني كولش اليوم انفجعنا ولد شاب وعريس راح من عدنا بلمح البصر
حسام .... ما عرفو منو قتله
منى.... لا محد عرف القاتل
حسام.... ديري بالج على نفسج
...الله كريم
...يمته ترجعين للدوام
...اخذت اجازه اسبوع
...الحجيه تسئل عليج
...سلملي عليه مشتاقتله
....بس هي مشتاقتله
....حسام ولله تعبانه وكوه احجي مع السلامه
...براحتج
جمانه السعيدي
بقيت يوميه اتصل عليها حتى اطمن
ارتاح نفسيا من اسمع صوته
وبعد مرور اسبوع اتصلت عليه بليل وكالت باجر تعال اخذني حتى اسوي جلسة علاج للحجيه
طرت من الفرح عبالك صار سنه مشايفه مو اسبوع واحد
رحت للمنصور وشتريتله فستان اسود يخبل وباقه ورد حمره
ثاني كعدت الصبح كلي نشاط وانتضر لحضه لحضه
آريد الوقت يمر ماكو
بلتسعه ونص طلعت من بيتنا ورحت عليهم
اتصلت عليه وطلعتلي
لابسه بنطرون قماش اسود وبدي اسود ورافعه شعرها كبايه
ومنزله خصل وخاله مكياج خفيف
بس شطالعه تجنن
عيني عليه منا لمن وصلت للسياره وصعدت وسلمت
منى صباح الخير
حسام صباح الخيرات شلونج
....الحمد لله
...اني ماشايف وحده حتى وهي حزينه تخبل
منى ... ابتسمت شكرا عيونك الحلوووه
وصلنا للبيت وحضنت امي وتبوس بيه وامي حيل فرحت بيها
بدت بلجلسه وكلامه الحلووو خله امي حيل تستجيب للعلاج بسرعه
ومن رجعته انطيته الهديه وحيل فرحت بيه
منى .... شكرا جزيلا ليش تعبت نفسك وياي
حسام .. ماكو اي تعب تعبج راحه
منى .. انت أطيب واحسن انسان التقيت بي
حسام .... انتي احلى فرصه حصلت عليه بحياتي
منى شكرا جزيلا
جمانه السعيدي
حسام..... ممكن اطلب منج طلب بس لاتفهميني غلط
ولاتتوقعين اني جبتلج هاي الهديه حتى توافقين
على طلبي
منى .... اكيد اطلب اي شي يعجبك
حسام ... ممكن اشوفج اكثر ونتعرف على بعضنا لان الصراحه انتي حيل عجبتيني
واني ما اريد اضلمج اريد نكعد ويه بعض ونتعرف واحد على الثاني
وانتي حره توافقين او ترفضين هذا شي راجع اللج
منى .... موافقه بس اريد ارتب وقتي
اني اخويه حيل عصبي واذا عرف راح ياذيني
وانت هم ياذيك
حسام.... موافق رتبي وقتج واني حاضر
بقينا اكثر شي على المكالمات واشوفه وقت تجي الامي
واني يوميه اتعلق بيه اكثر واكثر
الحد مآ كمت ما اشوف وحده غيرها بلدنيا
وبدينا نطلع اني وياها
وكل مره تعجبني اكثر واتعلق بيها اكثر
فات شهرين على تعارفنا
واني اتعلقت بيها حيل ومآ اتخيل حياتي بدونه ابد
إلى أن يوم طلعنا اني وياها وكعدنا بمطعم طلبنا اكل وبدينا انسولف
ما احس آله اخوها فوك راسنا
راسا بدون مقدمات لزمها من شعرها وسحبها
مرتضى ... هااا حقيره هذا الدوام اليوم الزم خفر بمكان صديقتي ساعتين هذا الخفر
تضحكين عليه انتي وهذا التحفه
منى... خل افهمك
مرتضى... شتفهميني
حسام .... ترا انت فاهم الموضوع غلط منى انسانه محترمه
واحنا كبار بما فيه الكفايه ومستحيل نسوي شي غلط
مرتضى.... اس ولا كلمه انت حسابك وياي بعدين
خوش تعرف تسفط حجي
ضحكت عليها بهذا الكلام
جمانه السعيدي
حسام حاولت اخلصه من ايده بس ماكدرت
عصبي ولازم شعرها حيل
لازم ايدا واريد اخلصه منه
التفت عليه وضربني بوكس بوجهي بس شني فلش وجهي تفليش
سحبه وطلعه برا والناس بلمطعم التمت علينا
عاف شعرها ولزمها من ايدها
وطلع اجر تكسي وهي تبجي وتناشغ وكل شويه تلتفت عليه
صعد هو وياها ومشت السياره
واني ضليت واكف بمكاني مذهول
لان هو دخل علينا فجئه واني ماجنت حاسب احسابي الكل هاي الهوسه
رجعت للبيت وحاولت اتصل عليه وجهازها مغلق
يمكن خمسين مره اتصلت وبدون فايده
قررت اروح الهم للبيت بعدين كلت باجر بلكت يهدء شويه
خاف اروح هسه وبعده عصبي
الدرس الثاني ( موكل الأشياء الي تشوفه حقيقه ممكن يكول تمثيل متقن والهدف منه توكع بلفخ )
ثاني يوم رحت عليهم بليل دكيت الباب وبنيه زغير طلعت
وكتلها اريد مرتضى
دخلت واني بقيت بلباب
شويه وطلع عليه
جمانه السعيدي
حسام ... السلام عليكم
مرتضى.... انت
حسام ... رد السلام ترا السلام ل لله
مرتضى.... وللك عين جاي
حسام .... انت ما اضيف خل ندخل ونحجي
مرتضى.... ولله لو ما واكف ابابي جان عرفت شسوي بيك
حسام .... حضنته وبسته ولله اني قصدي خير
مرتضى.... تفضل
حسام ..... دخلت جوه بيت كلش بسيط واثاث ماكو بس فراش ارضيه
كعدت وهو كعد مقابيلي
وصاح جيبو ماي وجاي
حسام .... الله بلخير
مرتضى.... الله بلخير والعافيه
حسام .... اريد ابدي وياك من البدايه واني انسان معروف عني الصدق واسئل عني
اختك انسانه شريفه ومؤدبه واني ماشفت منها شي مزين
اتعرفت عليها بلمستشفى ساعدت امي
عجبتني اخلاقه وتربيته
مرتضى.... اي اذا عجبتك ليش ما اجيت من الباب ماخذها للمطعم ابن الاصول يدك الباب مو ياخذها ويفرج العالم عليه
حسام .... ولله حقك بس ردت نتعرف على بعض يجوز اني ما اعجبه او اني وياها مانتفق ساعته واحد يعوف الثاني واحنا على البر قبل لا نرتبط
مرتضى ... وهسه انت شتريد
حسام..... اني جاي اطلب ايدها ومستعد الكل طلباتكم
وهذا دليل على ان اختك انسانه شريفه واني ما جنت اضحك عليه اذا هي وافقت بهذا الزواج راح اكون اني اسعد انسان بلدنيا
مرتضى بس اريد وقت افكر واسئل عليك ساعته يجيك الجواب ومنا لمن نرجعلك خبر
تبتعد عنه نهائي لامكالمات ولا تحاول تشوفه
اليوم ماخليته اداوم بسببك
ولازم تقبل باي قرار يجي من عدنا وتحترمه
حسام اكيد اني احترم قرارك وعذرني مره ثانيه
منى ماله ذنب اني لحيت عليه
بس ولله ماعندي وياها شي مزين
وخلي ابالك اني شاريه ومراح استسلم بسهوله
طلعت واني كلي امل يوافق ومايحرمني منها
بس شني كاعد على نار
لا اكدر احجي وياها ولا اكدر اشوفه
ماصبرت ثاني يوم رحت كبل للمستشفى وبقيت بسيارتي
اخوها جابها بتكسي نزلها وراح
للحضه قررت انزل واحجي وياها
بس بعدين تراجعت لان اني انطيته كلمه وخاف يوصله خبر ويعاند وياي بلزايد
ثاني يوم اجتني مكالمه من رقم غريب
جمانه السعيدي
حسام ... الووووو
منى .... هلو حسام
حسام ... هله يروح حسام هله يكلب حسام انتي زينه طمنيني عليج
منى .... اي زينه لاتخاف عليه طمني على الحجيه
حسام .... تسئل عليج
منى.... راح ادز بنيه صديقتي تكمل الجلسات منا لمن ربك يفرجها
حسام.... خوما ضربج او اذاج
منى .... موتني تموت واخذ تليفوني ومنعني من الطلعه
وهو يوصلني ويرجعني هذا رقم صديقتي اتواصل وياك بي
حسام .... خابريني لاتتاخرين عليه تعودت عليج ما اكدر بدونج
منى.... انشاء الله كلما تصيرلي فرصه اخابرك
حسام .... زين هو فتح موضوع الخطبه كدام امج
منى .... اي سمعتهم يحجون راح يسئل عليك حتى يتاكد منك ولله كريم حبيبي لاتعوفني
حسام .... شكلتي عيديه مره ثانيه
منى..... اي حبيبي
حسام.... انتي حبيبتي وعيوني وكلبي ولج اموت عليج
منى .... يله مع سلامه وسلملي على الحجيه
حسام .... الله وياج حبيبتي
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
