رواية يا بعد كل معاناتي الفصل الرابع 4 بقلم زينب ماجد
لكيت شاحنه جبيره مسكفه بقماش صعدت وطفرت بيها جانت بيها كارتونات مال حلويات او بضائع نا اعرف شنو هيه منتبهتلها كمت اكمز علكارتونات ادورلي مكان بينهن ختلت بيه
كعدت بقيت ابجي وكل شوي ارفع راسي اباوع خاف اجه بس ماكو اباوع نفسي اني بالبيجامه والتيشيرت ياربي شهلفضيحه وشهلمصيبه شلون راح اخلص
كمت ابجي واحجي عله ماما وبابا العافوني بهلوضع اني تاليتي هيج ليش ربي ليش وين اروح هسه وين انطي وجهي لا عندي عمام بيهم خير واروحلهم ولا عندي خوال
كمت ابجي الى ان تعبت ونمت ابد بعد ما حسيت عله روحي من التعب
زيہزؤُ.. ها علي كملت اكل لو بعدك 😒
علي.. ليش شرايده مني ☹
زيہزؤُ..محضرتلك مصيبه 😋
علي.. لا يا الله هوه اني عايز مصايب 😠
زيہزؤُ..دكمل ابو كرش😒 وعرف عَ ـًنٌ نفسك خل المتابعين يتعرفون عليك 😊
علي.. يا متابعين ولج😦 وين ناويه ادخليني بيا مصيبه 😐 ولج زينب انتي كتاباتج كلها بلاوي واني رجال مو بتاع مشاكل فكي مني😪
زيہزؤُ..تعرف😠 لو اخلي الطاوه🍳 تشوف شغلها وياك😒
علي.. امرنه لله عمي راح انعرف بعد الكاتبه وامرت نكدر نكول ❌لّـٍْـŃØـٍْـاّ❌ 😑
مرحبا اني اسمي علي عمري 32 سنه خريج معهد اداره واقتصاد ولان ماكو تعيينات كمت اشتغل بالكمارك واطلع بشحنات بضائع بر لمختلف الدول
متزوج وعندي طفل واحد بس حياتي ما مستقره ويه زوجتي وناوي هليومين اطلكها بس ارجع من هلشحنه
جنت طالع لتركيا بر وعله طريق ديالى وكفت مشي لان الشاحنات بعد ال10 بليل تتوقف مشيها لل5 الصبح يله تمشي
فاني عفتها ورحت لمطعم قريب اتعشيت ودخلت حمام سبحت شلون ما جان وطلعت وانوب رحت كافيه اخذتلي نركيله
وجانت باديه مباراة ريال مدريد فريقي المفضل 😎 ويه اليوفانتس الساعه 1 بليل واللعبه حاميه والكوفي كله مليان والصراخ كايم
واني ومندمج ويه المباراة ومحتركه اعصابي بس الحمدلله واخيرا فازو ارتاحيييييت 😧
رحت للشاحنه مالتي بعد ساعتين ويفك الحضر وامشي..
اخذت جكاره ورثت تمددت بالسياره وفتحت فيس وكمت اشارك وانشر عل المباراة اللي صارت ونحلل والبرشلونيين المضغوطين يصيحون الحكم فوزكم😒
واني محترك دمي واتعارك واحلل بلعبه تكول ابوي الفايز😢
للخمسه مشت السيارات مشيت بقيت لل9 الصبح وصلت حدود تركيا بعد المعاملات والهوسه مال الحدود كملت ودخلت تركيا بحوالي الساعه 10
كمت امشي والجو بارد حلو وره ساعه حسيت اكو طكطكه بالكارتونات وكفت السياره باوعت ماكو شي كملت مشي لشويه وهم حسيت بطكطكه
وكفت السياره ونزلت صعدت فوك الشاحنه اكلب بالبضاعه والكالك بنيه مكلبه الكارتونات وخاتبه بينهن ونايمه
هرعت هاي شلون اجت هنا قبل شويه فتشوه الشاحنه بالحدود التركيه ومحد كال اكو شخص وياي زين هاي شوكت صعدت
واني ابد ما وكفت بتركيا حته تصعد معقوله صاعده بالحدود وصحت بيها هيييي كعدي منو انتي كمزت واتغطي بنفسها وتكولي انته منو
شهد.. بعد ما نمت ابد ما حسيت عله نفسي من التعب واني نايمه بين الكارتونات كلش بالٲخير وخاتله بوسطهن حته محد يشوفني ما كعدت غير عله صوت رجال
كمزت واباوع النفسي بالتيشيرت كدامه كمت اغطي بروحي وكتله منو انته
علي.. لا وانوب تحجي عراقي😦 ولج شوكت صعدتي وشلوون 😯
شهد.. م م م ما ما اعرف البارحه بليل صعدت
علي.. البارحه 😰 هاي شلون ورطه يربي شجابج هنا انزلي بسرعه بسرعه 😠نترت بيها
شهد.. خفت منه لما صاح بيه كمزت نزلت بسرعه كتله اني وين
علي.. احنه عله حدود تركيا
شهد.. شلووووون 😳😳😳شجابني التركيا 😦اني من اديالى
علي.. صعدتي لما وكفت بليل بطريق اديالى مو
شهد.. ما اعرف يمكن عفيه والله اخاف رجعني
علي.. لا والله رجعني لا وانوب داخله الحدود وبدون جواز هسه يعتبروج جايه تهريب ويكمشوج اروح اتورط بيج عله ابو اني اهرب ناس ولي مني يابه ولي
شهد.. لتغلط اخويه وبعدين مملزوم تساعدني تره الخلقني ما ينساني هه والله يا الله هم معتبر نفسك عراقي وشايل غيرت بلدنا
علي.. لا والله اني الموعراقي مو هه .. علاساس انتي اللي تمثلين العراقيات وين عدنه مره مصلخه تطلع بالشررع تالي الليل وتكمز علسيارات ياااااا عراقيه ياااا اصيله
شهد.. شكرا علاهانه مقصرت دموعي بقن ينزلن مني بدون وعي عفته وكمت امشي واتغطى بروحي حته نعال ملابسه وين اروح انوب دوله غريبه يارب دخيلك لا تتركني ابتعدت عنه مترات وصاح عليه
علي.. رغم احسها مصيبه وابتلي بيها بس غيرتي ما تسمحلي اترك بنت بلدي تايها بشوارع غريبه بغض النضر عن هيه منو او شنو ومنين صحت عليه يبنت الناس تعالي فهميني سالفتج وين رايحه حته حذاء ملابسه دتعاي يا خويه تعاي شلون ورطه يربي
شهد.. ما رديت عليه بقيت امشي وابجي
علي.. اصيح عليها ما ترد ويطبج طوب وفوكاها هيه ام الراهي خل اروح شعليه بيها اذا هيه ممهتمه لروحها😪
ردت اصعد بس ما اكدر واجبي كرجل لازم اساعدها حته لو اوصلها لاي مكان اامن بيها عليها واروح ركضت وراها ولزمتها من ايدها…
لمتابعة باقي الرواية زوروا قناتنا على التليجرام من هنا
