رواية حب بعد الطلاق الفصل الثالث 3 بقلم جمانه السعيدي
كملنا كل التجهيزات وقبل العرس بكم يوم طلعت النتيجه ونجحت والحمد لله ومصطفى جابلي هدية النجاح
تراجي ناعمات على شكل مثلث كلوش حلوات
يوم العرس اجا مصطفى اخذني للصالون وراحت وياي سحر ونور خواتي
اني جنت صابغه بلمهر طلبت من ام الصالون تخصيل فوك اللون بس قليل طلع حلو ولايك على وجهي
كملنا ورجعت خابرت مصطفى اجت ويا امه ورحنا للمصور واخذنا صور اني ويا وبعدين اني ويا وامه واني وخواتي
رجعنا للبيت ساعه ورجع وصارت الزفه بس كلش حلوه
العرس جان بلفندق وصلونا للفندق والشباب رجعو وامي وام مصطفى صعدن ويانه للغرفه
شويه وجابلونا عشى
اجا اخوي الجبير واخذهن للبيت
بقينا اني ويا بين عليه التوتر لان بقينا وحدنا
هو حس بي متوتره وخايفه
لزم ايدي وكعدنا على الجربايه
رفع البركع وباسني بخدي
مصطفى....بدا يحجي وياي حتى يقل التوتر
تعرفين اني ماجنت حاب كلية الزراعه واول مانقبلت ضجت حيل كان عاجبني ادخل كلية صيدله او اعلام
بس كلية الزراعه مو على بالي
بلبدايه كله تحشش عليه
يكولون...تتخرج فلاح يدرس حتى يصير فلاح
واصدقائي يكولون اي نجيبك ترتب الحديقه
هذا الشي كان محبط اليه
بس من بديت ادرس عرفت الزراعه علم يعني هم دراسه صعبه وبيها اقسام قررت احب تخصصي حتى اكدر ابدع بي وفعلا صار اي شي يخص الزراعه يستهويني
وانشاء الله راح ترحين البيتنا وتشوفين حديقتنا شكد حلوه
وانتي شنو جان حلمج الي تحول معهد محاسبه لو انتي حابه هذا التخصص
سما....اني من زمان شاطره بلرياضيات واخذ درجه كامله
حبيت اكون مدرسة رياضيات حسيت المدرسه توالم شخصيتي اكثر
مصطفى....ليش قبلتي تزوجيني
سما...ما اعرف بس كلشي بيك يكول انت انسان زين
وبعد العشره تبين كلشي
جمانه السعيدي
مصطفى...انشاء الله ما اخيب ضنج اما اني من شفتج اول مره بلعرس واني حسيت لكيت الانسانه الي ادور عليه
بدون ما اكلمج حسيت اكو توافق بينا
ولمن تاخرتي بلرد عليه قررت اني اروح واحجي وياج حتى اقنعج وماترحين من ايدي
هسه يله نبدل ونتعشى لان اني جوعان اليوم ما اكلت من الصبح الهسه اكلت لفه على الماشي
يله تبدلين اساعدج
مصطفى بديت افتح البركع زين بسرعه انفتح
سما..وكفت ودرت ضهري فتح السحابه وباسني بجتفي
مشيت قريب الكنتور ونزلت البدله جوه ولبست سيت ابيض قصير
وهو نزع البدله ولبس برمودا وفانيله
كعدنا نتعشى وهو يوكلني يكول لاتستحين اكلي
اكلت قليل ابد ما احس بلجوع
يمكن احساس التوتر غلب عليه واني خايفه من الي يصير
يمكن لوماخذه فتره ومتعرفه علي اكثر
ماخفت هيج
تمدد على السرير واني رحت خليت عطر
وطفيت الضوه وصعدت على السرير
كعد ولزمني من وجهي وكال
مصطفى...تدرين انتي تشبهين ايناس طالب
سما...اي كله تكولي
مصطفى...بس انتي احلى وحده بعيني
جمانه السعيدي
خلصت اليله على خير وثاني يوم العصر رجعنا للبيت
طبعا اني هاي اول مره اشوف بيتهم بس ماما اجت قبلي
ووصفتلي البيت
تلكونا بلهلاهل والجكليت ولكينا اقاربهم موجودين عازميهم على العشى
سلمن عليه بس اكو وحده ماارتاحيت الها ابد بس تخزر بيه
وسلامها من ورا خشمها
عبالك كاتله ابوها
اسمها تغريد بعدين تعمدت تصير قريبه عليه تسولف ويه وحده جبيره بعدين عرفت هاي امها
وعرفت تغريد بت عمة مصطفى والي تحجي وياها امها يعني عمة مصطفى
كامت تحجي بصوت حتى تسمعني
تغريد...هي هاي خبصونا بيها تخبل وتخبل منيلها
بس شنسوي حضوظ كلمن وحضه
سما...حيل ضجت ومافتهمت هي ليش كارهتني مع اني اول مره اشوفها ماشفتها بلمهر قبل
تعشينا وصعدت الغرفتي اريد ارتاح دخلت للحمام سبحت وبدلت لبست برمودا سودا صدرها وردنها تور
شويه وصعد مصطفى هاي حبيبتي تعبتي
سما...شويه بس لان مانايمه زين راسي يوجعني
مصطفى...هسه اجيبلج بندول واجي
سما مشطت شعري وخليت عطر صعد مصطفى جايب بندول وبطل ماي
اخذت الحبايه وتمددت اجا هو رفع الغطا وتمدد واخذني بحضنه
سما...حبيبي...ممكن اسئل سوال
مصطفى....اي اكيد
سما...منو تغريد
مصطفى...ليش سوتلج شي ضوجتج
سما...دكول منو واني اكول شنو صار
مصطفى...راح احجي الصراحه لان اريدج تنتبهين منها زين
تغريد بت عمتي وهي البنيه الوحيده على اربع ولد بيتهم بشارعنا شويه كدام
من زمان عينها عليه هي وعمتي وحارت شنو سوت حتى اقبل بيها بس اني ماتعجبني ابد
احسها دلوعه ومغروره وخفيفه فما انطيتها وجه
لمن شفتج وقررت اخطبج هي وامها جانت مو هنا بايران
ورجعت امس بيوم العرس وزعلت وماحضرت العرس
واليوم الوالد الله يحفضه رايح عازمهن هي وامها وخوانها
هي مو اجت علمود العرس كتلها الفضول تريد تشوفج
شكد جانت تتحرش بيه عبالها تتقرب مني وتعجبني بس اني من اشوف حركاتها هاي اكرها بلزايد
تعرفين اجتني هسه شتكول
ما تتوقعين تكول عساك لاتتهنا ولله يحرك كلبك مثل ماحركت كلبي
سما....ياااا شني هاي الجرئه
مصطفى...بعدج ماشفتي شي منها ابد احذرج ديري بالج منها
طبعا مصطفى عندا اخت مزوجه وبيتها وحدها واخ مزوج وطالع واخت ازغر شي مامتزوجه تدرس كليه
تعامل مصطفى اللطيف وياي خلاني احبه واتعلق بي
كلما اشوف لهفته عليه من يجي من الدوام احبه اكثر
شلون يحاول يرضيني
وكلما يطلع يسئلني شنو تردين اجيبلج وياي
قررو يسون حفلة سبعه
وحجزت بلصالون واجرت بدله اخضر طوخ وتاج فضي
لمن رحت للصالون راحت وياي نورهان واختي نور
ونسرين اخت مصطفى بقت بلبيت تجهز شغلات الحفله
طلبنا كيكه جبيره
وقطع كيك زغار وعصير
نسرين كالت اصعد بغرفتج اتمكيج عوفيلي المكياج
رجعت لكيت اقاربهم كلهن ملتمات وجانت حفله تخبل
واجا مصطفى قطعنا الكيكه اني ويا وركصنا شويه
الكل فرحان ماعدا تغريد احسها تريد تاكلني
اني واكفه واجت داست رجلي متعمده وكالت العفو
شويه وكامت تعيب على مكياجي وتسريحتي كدام مصطفى
هو ماسكت كالها تخبل على عنادج
بعيني كمر واحلى من الكمر وحضني وباسن
وهي بعد شويه وتتخبل
خلصت الحفله وصعدت الغرفتي ابدل
دخلت وتفاجئت اكو بقعة على الفرشه مثل بقعة الزيت
دنكت عليها ريحته كريهه
سحبت الفرشه شمرته بلمرر وطلعت فرشه جديده
نزلت لكيت نسرين تسفط بلمواعين
سما نسرين منو غيرج دخل غرفتي
...اني وتغريد تمكيجنا بيها ليش اكو شي
..يمكن واكع دهن شعر على الفرشه
،... بس اني ما شفت شي
....لا حبيبتي لاتاخذين ابالج ايجوز وكع من تغريد بدون ما تدري
صعدت الغرفتي وعديت المو ضوع
بديت انزل واشتغل بلبيت ام مصطفى كلش زينه ماتدخل بشغلي ابد
اشتغل بكيفي وانام بكيفي
بس اني ما مقصره ابد بلشغل
فات شهرين وتغريد يوميه جايتنا
يمكن منتضره نتعارك او ابالها شي
ورا اربع أشهر من زواجنا نفذ صبرها استخدمت كل الحيل حتى تفرقنا
وما نجحت ابد
وبيوم جابت عطر هديه المصطفى
العطر ماركه وسعرا ٢٥ دولار
مصطفى استغرب منها
بعدين كالت هديه عيد ميلاد مصطفى
مصطفى بس بعد شهر ونص العيد ميلادي على العموم
شكرا جزيلا ورش شويه من العطر
عطره يخبل
المكان انترس عطر
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
