رواية جريمة قتل الفصل الثالث 3 بقلم جمانه السعيدي
حسام... بقيت انتضر نص ساعه ووصلت صديقته
وبدت بجلسة العلاج الطبيعي
واني فكري كله يمه
واخاف اخوها يرفضني
البنيه خلصت وماقبلت تاخذ الأجور كالت منى انطتني
ضلت بين يوم ويوم تخابرني من صديقته
واني كاعد على نار منتضر اخوها يرجعلي خبر
مرن عشر ايام بس عبالك عشر سنيين
إلى أن يوم تفاجئت الصبح اخوها دخل عليه للمجمع مالتي
اني فرحت حيل واستقبلته احسن استقبال
وهو كاعد وعيونه تفتر بلمحل
مرتضى .... بلنسبه للموضوع الي اجيتني بي اني ماعندي مانع
حسام .... ولله تحجي صدك
مرتضى.... بس عندي شروط تنفذهن
حسام .... اني حاضر الاي شي تامر بي
مرتضى.... مو هنا الحجي تجينا للبيت ونتفق
حسام .... صار يمته تحب اجيكم
مرتضى.... اليله تعال ونتفق
حسام..... انشاء الله بليل اجيب اخوي واجيكم
مرتضى..... ننتضرك
ماتصدكون فرحتي شكبرها وومامصدك
بس طلع اتصلت على صديقته وكتلها خليها تخابرني بأسرع وقت ردت افرحه
بقيت لازم التليفون وانتضر
رجعت اتصلت كالت العصر تتصل بيك من تجي للدوام
العصر اتصلت
حسام.... هلو حبيبتي البشاره اخوج وافق
منى .... صدوك الله يبشرك بلخير
حسام .... يعني ماتعرفين
منى.... لا ما اعرف هسه سمعت منك لان هو من يوم المشكله الي هسه ميحجي وياي
حسام .... حبيبتي مابقه شي واطلعج من هذا السجن
بشرفي اله ادللج دلال ما صاير واعوضج كلشي انحرمتي منه
منى .... خايفه
حسام .... من شنو خايفه
منى.... خاف يطلب طلبات منك صعبه
حسام..... صدك تحجين خل يطلب اي شي كلشي لعيونج يرخص ياغاليه
منى .... تسلم حبيبي
حسام ..... اويلي انتي حبيبتي وعيوني وعمري
لليل اخذت اخوي صادق ورحنا البيتهم
استقبلنا مرتضى وامه اجت كعدت يمنا
جابولنا جاي وماي
صادق .... احنا جايين نطلب ايد بتكم المصون وشطلبون احنا حاضرين
مرتضى .... احنا نشرف بيكم بس احنا عدنا شروط اذا توافقون بيهن اهلا وسهلا واذا ماتوافقون
بكيفكم
صادق..... تفضل احجي احنا نسمع
مرتضى..... اولا بيت وحده منى ماتكعد ويه العيال
حسام ..... بس صادق بيته موجود ويريد ينتقل واني وياها نكعد ويه امي
مرتضى ..... لا بيت وحدها ومن البدايه
صادق..... ميخالف موافقين احنا اهم شي عدنا سعادتهم
مرتضى ..... الشرط الثاني راتبها النا كلشي ماتخذون منه
حسام .... اني بعد الزواج اريدها تترك الوضيفه
مرتضى..... عادي تترك الوضيفه وانت تدفع النا الراتب الي تستلمه هي من جيبك ماعدنا مانع
صادق .... بسيطه ميخالف
حسام ..... شنو بسيطه
صادق..... انت ماللك دخل
مرتضى..... المهر ٥٠ حاضر و١٠٠ غايب
حسام.... ترا هواي لان انت تريد بيت وحدها
مرتضى.... ترا اني مراح اخلي ربع بجيبي كله المنى
واي شي المنى يعني الك
انت موتكول شطلبون اني حاضر
حسام .... بس طلباتكم تعجيزيه
مرتضى..... هذا الي عدنا انت تريدها نفذ شروطنا واخذها
صادق ..... انطينا وقت نفكر ونرجعلكم خبر
طلعنا من بيتهم واني كلش ضايج صحيح هي تستاهل
بس هذا بيع وشرا هاي صفقه
هذا موعقد زواج ابد
كنت اعتقد من راح يسئل عليه ويعرف اخلاقي راح يكول احنا اشترينا رجال
صادق .... باوع حسام هاي طلباتهم مال ناس طماعين
والا الفلوس ممكن تختفي ويبقى الأصل الطيب
حسام .... هي كالت اخوي كلش صعب بس اني احبه
ومستحيل اتخيل نفسي ويه غيرها
صادق .... اذا تحبها خلاص ماكو مشكله
حسام .....شلون ماكو مشكله
صادق..... اني راح انطيك بيتي تزوج بي منا لمن تلكالك بيت
لو تبني قطعتك هذا شي خلصنا منا
والاثاث عليه كله تأخذه من محلاتنا
شبقى بقة بس المهر انطيهم خمسين مليون
وهنا وين رايحات اكيد تشتري بيهن ذهب وشغلات الكم
وهيج نحلت المشكله
حسام .... طفرت وبسته بخده وراسه وكتله
الله يحفضك اليه سند انت سندي بعد الله
راسا تليفوني دك رقم غريب
حسام .... الوووو
منى..... تحجي بصوت ناصي هلووو حسام
حسام..... هلو حبي اشتاقيتلج
منى .... اسفه حبيبي موكتلك اخوي صعب وطماع
اني ما اريد اضوجك ارفض لاتقبل وروح شوف نصيبك
حسام .... انتي نصيبي وقسمتي
منى .... الله لايوفقه دمر حياتي
حسام ..... لاتخافين اني راح اخلصج منه
منى .... شلون وهاي الطلبات التعجزيه
حسام ..... لاتعجيزيه ولاشي حضري نفسج ياعروسه
منى ..... تحجي صدك
حسام.... افه عليج اني رجال وعد كلمتي
منى..... ياحبيبي ياعيوني انت
ثاني يوم خابرت مرتضى وكتله اني موافق يمته نعقد
مرتضى نعقد بعد اسبوع وتسلمني الخمسين مليون والزواج بعد خمس اشهر لمن تكمل السنه لابن عمي لان زحمه نسوي عرس
حسام .... لا اني مراح اسوي عرس اخذها ونسافر اني وياها
ومن نرجع نسوي عرس بسيط ابيتنا
هااا شكلت اذا اقتنعت خابرني اني مستعجل
مرتضى .... موافق
حسام .... خلاص الأسبوع الجاي أعقد شيخ ومحكمه واخذها
مرتضى.... موافق بلخير عليك
حسام .... اسنعجلنا بلبيت كملنا ونقلنا الاثاث اله ورتبنا
امي صارت احسن بس ماترجع مثل قبل مستحيل
كاعده على كرسي متحرك
بس كلامه رجع مثل قبل واديها تحركهن
بس رجلها ماتحركه
امي .... ليش يمه تريد تزوج سكته
حسام .... ولله يايمه لو بيدي اسوي احلى عرس بس شسوي للضروف اول مانرجع من شهر العسل
اسوي عرس بسيط
امي.... يايمه ردت افرح بيك والنوب راح تسكن بعيد عليه
حسام..... يوميه يمج همزين منى تحبج وتحبينه
ويجوز بس بدايه الزواج ونرجع نعيش وياج
اني ما استغنى عنج ياست الحبايب
امي .... الله يوفقك ويسعدك
حسام حبيبتي ويحفضج اليه تعرفين ليش رب العالمين موفقني لان انتي راضيه عليه
خابرني مرتضى كال اشوف البيت خاف ناقص شي
وفعلا اجا وشافه وكلش عجبه
البناء حديث والأثاث أرقى شي
كملنا كلشي على السريع وما سوينا حفلة مهر لان زحمه من بيت عمهم
عقدالنا الشيخ وفرحتي كد الكون
جانت لابسه فستان وردي قصير والاكتاف مفتوحه ومسرحه شعرها ولابسه تاج فضي
طالعه تخبل مثل الاميرات
كعدت بصفه ولبسته حلقه اني اشتريتها اله
وبستها لازم ايدها
واباوع عليه ومامصدك حبيبتي صارت اليه
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
