رواية غيره قاتله الفصل الثالث 3 بقلم جمانه السعيدي
فاطمه..... لان نجحت وهي رسبت حقدت عليه حيل
رغم اني مالي دخل هي اهماله وصله الهاي المرحله
لو منتبه الدراسته اكثر جان نجحت
بس هي تحس نفسه محد اله سلطه عليه
وهي حرت التصرف
على العموم امي حيل فرحت بنجاحي وقررت تشتريلي هديه
اكو سوار كلش عاجبني فرفشه ودائما اكله اريد اشتري مثله
كانت عدها سلفه وستلمته وراحت جابت السوار بدون علمي تريده مفاجئه
السوار حلو وبي حرف F وبي عين زركه وبي طوبات ثنيين بيض وبي مكعب اسود شكله كلش حلووووو
طبعا الصايغ سائله على اسمي لان عندا سوارت بيهن احرف
جمانه السعيدي
امي...جبتلج هديه
فاطمه...اليه اني اليه هديه
امي...حقج تستغربين اعرف اني مقصره وياج حيل
بس ولله الضروف ماتساعد
اني لو عندي اله اصوغج ذهب من راسج الحد رجليج
فاطمه...بست ايدها تسلمين ياست الحبايب ولله مو قصدي انتي ماقصرت وياي ابد
مجرد وجودج بحياتي اكبر هديه الله يحفضك اليه
امي...وبحفظكم انتي وخوانج هاج هذا السوار
فاطمه...الله يخبل ولله نفسي بي من زمان حلووو بي حرف اسمي
امي.. الصايغ سئلني كتله اريد هديه الفاطمه نجحت كال راح انطيج بي اول حرف من اسمه
.تستاهلين تلبسينه بلفرح
فاطمه...حضنته وبسته تسلمين اليه
امي....تعرفين مرات اكول الف الحمد لله والشكر رب العالمين ساعدني على تربيتكم
وطلعتي انتي وخوانج مربايبن احسن تربيه
رغم احنا مرينا بضروف صعبه هواي
وخاصتا انتي تشوفين البنات تلبس اشكال وماتحجين ابد
حتى مصرفج توفرين منه
ولا يوم زعلتي على ملابس لو اكل لو اي شغله
فاطمه....اني تربيتج واعرف اذا عندج مراح تقصرين ابد
وداعتج بس اتخرج واتعين اله ادللج دلال ماله مثيل
امي....اي ولله تعبت من الخياط وبعد الحيل مو مثل الاول
مااكدر مثل قبل
فاطمه...ارتاحي لا تعبين نفسج ابد
امي....اني متعوده على التعب
للعصر اجت خالتي وسئلت امي على السلفه شنو اشترت بيه لان خالتي مشتركه وياها
امي...اشتريت سوار الفاطمه هم تريد تكشخ حاله حال البنات
خالتي...بلعافيه ليش لا فاطمه تستاهل
جمانه السعيدي
بس راحت خالتي ماحسيت غير سما فوك راسي
سما....شووو وين السوار الي اشترته خالتي اللج
فاطمه مديت ايدي وكتله هذا لان اني لابسته
سما...انزعي مراح اكله
نزعته راسا لبسته
سما...يعني مو كلش حلوووو اصلا موديله قديم
فاطمه...بس كلش عاجبني ولان من ست الحبايب يخبل
سما...اي درينا بيج نجحتي شدعوه هلكد شايله خشمج علينا
فاطمه...لا ماشايله خشمي بس السوار عاجبني
اخذته منه ورجعت لبسته
بعد فتره نزعته وخليته بلكنتور اريد اكشخ بي بلدوام
بعد شهر تقريبا بيوم اجت سما
سما....وينج فطوم اريد البدي الأحمر عندي طلعه وياا الحب
فاطمه...ايدي بيه عجين جنت الجن كباب عروك
افتحي الخانه وأخذي تلكي معلك
شويه وطلعت كالت اخذته وطلعت تركض وتصيح مستعجله
ماخذت ابالي ابد كملت ولا فكرت ادور على السوار
لان اني خالته بعلبه زغيره بلخانه وغرفتي محد يدخل بيه غيري اني وامي وخواني
قرب موعد الدوام وطلعت ملابسي اشوف شنو الي ينلبس
وشنو الي مااربده
وحددت اني شراح اشتري للدوام
فتحت العلبه ومالكيت السوار
طفرت كلبت الكنتور وماكووو
جمانه السعيدي
فاطمه....ماما انتي ضامه سواري
امي...لا ماضامته
فاطمه....ماكو مالكيته
امي...لا تخافين وبن يروح هسه نلكا قابل منو يدخل علينا
نزلنا كل الملابس وماخلينا شي مادورنا
اني كلش ضجت وامي ضاجت اكثر مني السوار جان سعرا بوقته مليون
اخر شي حركنا الكنتور من مكانه بس ماكووو
امي... لان شافتني ضايجه
.خلاص مامقسوم لا تضوجين اني اشتريلج غيره
فاطمه...بعدني ماشبعت لبس منه يعني وين راح
امي...اني هذا اكثر سوال محيرني وين راح
هاي الغرفه محد يدخله غيرنا وين راح
اجت خالتي وامي حجتله
خالتي....ايجوز خلته بغير مكان ونست دوري على راحتج وتلكي
فاطمه....ماكطعت الأمل كل يوم ادور وماكوووو
حتى بغير مكان بلغرفه دورت ومالكيته
جمانه السعيدي
بدا الدوووام وشتريت ملابس بسيطه لان الميزانيه ماتتحمل احنا اتلاثه بلمدرسه
وبديت اداوم
اما سما منتهى الاستهتار وهملت دراسته فد مره
وكل يوم ضاربه الدوووام
الحد ماجاها انذار بلفصل
وقررت انصحه لان راح يضيع مستقبله
فاطمه... باعي سما اني كل عمري حاسبتج اختي مو بت خالتي واريد انصحج عوفي هاي السوالف راح يضيع مستقبلج
سما....هااا انشاء الله تحولتي مصلح اجتماعي
فاطمه....لو وحده غريبه مراح احجي وياها ابد بس انتي اختي اني ماعندي خوات وانتي اختي واخاف عليج
سما....لا تخافين اني اعرف مصلحتي زين بس اطلعي من حياتي وانتي مو اختي انتي بت خالتي
فاطمه... زين انتبهي الدراستج ومن تخلصين كليه عادي سوي العلاقه الي ترديه
ترا خالتي خطيه تعبانه وتريد تشوفج بااعلى المراتب
سما....اهووووو ترا دوختيني مالج شغل بيه فهمتي لو لا
عوزي بس انتي تنصحيني
كولي كتلتني الغيره لان محد معبرج والشباب يركضون وراي
طلعي السم الي بداخلج انزعي قناع الانسانيه
لا تمثلين عليه اعرفج زين
فاطمه....براحتج اني حبيت اريح ضميري وانتي حره
واريد تعرفين اني مااغار منج والشباب الي تتباهين بيهم يضحكون عليج
يقضون وقت وبس
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
