رواية فصيله لاخو حبيبي الفصل الثالث 3 بقلم ارسلان الجاف

رواية فصيله لاخو حبيبي الفصل الثالث 3 بقلم ارسلان الجاف

مساء الخير داده شونكم اخباركم واسف قصيره وجاي اتاخر عليكم لاكن سبب انتو لان تفاعل يخلي واحد ينام اصلا

لا تنسون لايك وكومنت حبايب

(عروس بثوب الاسود)

ام سلام ظلت تلطم وجها بقوة:يمه بنتي تصير فصلية..ابو سلام شوف حل والله اموت ولا يصير بيهم شي..ملاك شلون تروح فصلية

ملاك : سمعتهم ودخلت تبجي:اني....فصلية..لا لا بابا فدوة حاجيهم خليهم ياخذون فصل فلوس..ماما انا اكون فصلية..بابا فدوة حاجيهم شلون اروح فصلية ماترضونها..ولازمة ابوها وترجف..وتبجي بحركة....ابو سلام مايكدر يغير رأيهم..يردون لو فصلية لو دم...ملاك بس تبجي وتندعي ماعدها غير هالشي وماتكدر تخلي اخوها ينقتل وتصير دم بلا نهاية وتتقاتل العشيرتين..دموعها خلصت وتفكر بكيان وسلام واهلها ولمنو راح تروح فصلية وشراح تكون حياتها...وصل الخبر لكل اهلهم ملاك راح تكون فصلية لبيت 

الشيخ فهد...

كيان بس يندعي من كل كلبه ماتكون ملاك الفصلية بس يكول اذا الي مستعد احطها بكلبي وعيوني...

ابو سلام راح زار ابنه وكله...

ابو سلام راح لأبنه بالسجن..

سلام من وره القضبان يصرخ بغضب:لا والف لا ملاك ماتصير فصلية..يابه طلعني من هنا خليهم يقتلوني ولا ياخذون ملاك فصلية..مستحيل اقبل..ويصرخ حيل..طلعني من هنا..خليهم يجون ياخذون دمي..اختي ماتروح فصلية

ابو سلام بحزن:بس يابه انته راح تموت وراح تصير دم بلا نهاية ويصير عداوة وتقاتل ودم ينهدر

سلام بغضب:اني اريد اموت مو مهم اني جنت اروح للموت برجليه بكل يوم..كلهم موافق ياخذون قصاص ابنهم بالدم مني وبعد مالهم شي عدنه

ابو سلام:يابه انته ابني الوحيد ماكدر اقدمك للموت

سلام دموعه نزلت:ملاك هم بنتك..يبه تعرف الفصلية شيسون بيها يذلوها حتى لو مالها ذنب بشي...اني ردت ازفها لزوجها معززه مكرمة مو فصلية بسببي

ابو سلام:لا يابه همه ناس طيبين وانته عاشرت ولدهم وكيان درة مالت الله

سلام:راح تكون فصلية لكيان

ابو سلام:ماعرف همه يقررون يمكن لشيخهم او لكيان والله ماعرف..ماعرف شسوي بهالمصيبة

سلام شوي هدأ:شيخهم فهد اخو كيان الكبير وانسان طيب ماشفت منه شي..بس مع ذلك اني رافض تصير فصلية

ابو سلام:همه قررو وانتهى الموضوع..يعز عليه بنتي تصير فصلية بس مانريد تصير دم بلا نهاية....سلام رافض رفضا تام تصير ملاك فصلية بس مايكدر يسوي شي وهو محبوس بين هالقضبان...

بالليل بيت الشيخ فهد...

الام بعصبية:مانريد بتهم فصلية اريد تاخذون بثار اخوكم

فهد :يمه هذا القرار الشيوخ وبعد مامنه رجعه بعد.. كلبي محروك على اخوي بس هم ماتردين تصير دم وكل يوم ثار وقتل ماريد يصير على كيان وزيون شي

امهم بعصبية:مستحيل اتنازل عن دم ابني همه قتلوه..واذا اجت بتهم تذلوها وتعذبوها خل يموت قهر ويحترك كلبهم مثل ما حركو كلوبنه

كيان كام بعصبية:يمه الولد مجان يقصد يقتله وتره بت العالم بشر مثل بناتج ترضين عليهم هيج..وطلع من يمهم....

بيت ابو سلام...

ملاك بغرفتها تبجي بحركة:شهل المصيبة الي اجت ياربي تحلها ماريد اروح فصلية لشخص ماعرفه..وكيان وحبي اله راح اكون أله لو لشخص ثاني..ياربي ساعدني والله اموت اذا اصير لغير كيان ودراستي واحلامي اهلي وحياتي..شنو مصيري..ياربي بحق حبيبك محمد هونها عليه وانطيني الصبر...وخلصت دموعها وهي تبجي..تتمنى هذا حلم وتصحه منه...وغفت ومخدتها غركانة بدموعها...وامها مو احسن من حالها وابوها كذلك...ريفان ماتعرف شصار وشلون هيج طاحو بهل المصيبة....مر اسبوع...وملاك ماتنام عيونها ابدا الا قليل ولا اهلها...عقلها راح ينشل من التفكير والبجي ماتعرف شنو مصيرها وكيان وسلام كل تفكيرها..حتى الماي والاكل صار مر بلسانها...

نزلت بالكوة وحيل ماعدها وعايشة بتوتر تريد تنسي نفسها شوي ونزلت يم اهلها... بعدها ماكعدت سمعت ابوها اجاه اتصال وجهه تغير وبس كال ان شاء الله وسداه...

كلهم خافو شصاير... 

ام سلام تريد تبجي:شنو صار ابني بيه شي 

ابو سلام بحزن:اليوم يجون ياخذون ملاك

ملاك ظلت ترجف وتبجي:لا بابا لا..وشبكت ابوها حيل...لا تخليهم ياخذوني فدوة بابا لا ياخذوني..وتبجي بهستريا..

ابوها ظل يبجي:اهدي يابنتي انتي راح تنقذين اخوج وهواي ابرياء

ام سلام بجت بحرقة:حسبي الله والنعم الوكيل..ياربي اعرف هذا كله حكمة من عندك..تحفظ اولادي وتوفقهم...

ابوها حاجاها وهداها...

اجو ياخذونها...

ملاك نخبصت وبس ترجف ودموعها خلصن بكد البجي وعيونها ورمت...

اندك الباب وراح فتحه ابو ملاك...اجت مرة مو كلش جبيرة بالعمر...

المرة لابسة بوشية: سلام عليكم..وين الفصلية

ابو ملاك حس الدنيا تفتر بيه:وعليكم السلام..هي جاهزة لحظة...

ملاك لابسة عبايتها وجاهزة وامها مجهزة ملابسها...

ملاك التفتت لأهلها ودموعها تنزل:ماما بابا احبكم هواي..ريفان حبيبتي وباقي خواتي احبكم ...سلمولي على سلام وكلوله احبه..ومستعدة اضحي بحياتي لأجله الف مرة مو مرة...خواتها بجو وشبكوها كلهم..وامها وابوها كذلك.... المرة انقهرت عليهم من هل الموقف بالرغم واكفة بعيد...واجتها وخذتها ورفضت تاخذ ملابسها واغراضها تكول يردوها تجي بس بعبايتها وهمه يتكفلوها..انطتها بوشية ولبستهل الها وتهدي بيها ماتبجي...وخذتها وراحو يم سيارة وملاك كل روحها احتركت وكل احلامها وآمالها وحبها لحبيبها...

وماتتوقعون منو السايق...

المرة صعدتها وره وبين دموعها رفعت راسها تسحب نفس شافت عيونه بالمراية....وظلت تبجي اكثر بس بصمت حتى شهكاتها كتمتهن وظلت تهدي نفسها..وتكول راح اكون فصلية لحبيبي..اي اي كيان هو الي راح ينطوني اله....

صعدت المرة:يالله كيان امشي...مشه بدون أي كلمة...وطول الطريق ملاك تهدي نفسها وتندعي من الله يكون كيان زوجها...وصلو ونزلت المرة ونزلت ملاك...

كيان نزل بهدوء وماظن ابدا هاي ملاك ومايدري ويندعي صارله ايام انو ماتكون ملاك...لهسه ماشاف ملاك لان وجها مغطه...

المرة لزمت ايدها:شسمج

ملاك بصوت مبحوح ومتكطع: م م ملا...ك

كيان مانصدم وجان حاس ملاك راح تكون الفصلية...لزم كلبه لأن بده يوجعه..فتح الهم الباب وراح بسرعة وهو مقهور....

المرة دخلت ملاك غرفة كبيرة...وراحت...كعدت عالارض ودموعها ماتوكف وتردد كلمات..ياربي يكون كيان يارب يكون كيان...

اجت البنية الي جابتها وبيدها ماي:عطشانة او جوعانة

ملاك هزت راسها : لا ماريد شي

البنية.اني راح اصير حماتج..اخت الولد الي انقتل..اسمي امينة..كشفي وجهج حبيبتي

ملاك كشفت وجها وبأسف:آسفة على الي صار الله يرحمه والله اخوي يحبهم مجان متقصد..

امينة عجبها جمالها مساع مانتبهت الها عدل عيونها مسحوبة واسعة بس حمر من البجي وخدودها صايرات حمر وشفايفها شاحبه...

امينة بحزن:اي الله يرحم اموات الجميع

ملام بتوتر ترددت تسألها المن راح اكون فصلية...وظلت تبجي...

امينة:يابنتي كافي تبجين اخوي انسان طيب وكل اهلي طيبين بس هسة كلوبهم محروكه على صلاح الي ماتهنه بشبابه وراح هيج بسبب مزحة سخيفة

ملاك بدموع:واني شذنبي هيج اجي فصلية لرجال ما اعرفه

امينة:حبيبتي انتي نقذتي اخوج من انو ينقتل وهواي ابرياء..تكونين فصلية افضل منو يتقاتلون العشيرتين ويروح دم هواي شباب

ملاك سكتت ودموعها تنزل جمر على خدودها...

امينة:لا تخافين امي وكل خواتي طيبات والله بس ديري بالج من العكربه مرت اخوي الشيخ فهد..كلمة نسرة شويه عليها وانتي شكلج صغيرونة بعدج وهاذي شريره

ملاك بتوتر وتردد والدموع بعيونها:اكدر اعرف اني..المن راح اصير فصلية...

امينة: انتي راح تكونين فصلية.....

             الفصل الرابع من هنا 

لمتابعة باقي الرواية زوروا قناتنا على التليجرام من هنا