رواية جحيم اهلي الفصل الثالث 3 بقلم جمانه السعيدي
بقيت اداوم بلمدرسه بس كوه على امي
وعلي يوكف براس الشارع ويباوع عليه من بعيد من اشوفه احس كلبي يطير من مكانه
جنت احسه صادق وياي وحبه حقيقي
اليوم الي ما اشوفه اتعمد افوت يم بابهم بلكت يطلع واشوفه
مو بيدي كلبي ياخذني اله بلهفه
نجحت للثالث وبدت العطله واني ماخلصانه من مضايقات اخواني وتحرشهم بيه
يوم محد بلبيت بس اني واخواتي الازغر مني طلعن يشترن
جان يرجع اخوي الجبير ولكاني وحدي بلبيت
كام يدور حجه عليه
دنيا ليش ماغاسله ملابسي
...انت ماكتلي
...شنو ماكتلج حقيره يعني شني اسوي اعلان ليش ماتغسليهن
قبل ملابسج
.....واني شمدريني فوك شغل البيت انوب انت تتامر عليه
...ماعاجبج اني اعلمج
حصرني على الحايط وبحجت يضربني جان يرفع ثوبي
اني انزله وهو يرفعه
واصرخ ومحد يسمعني
وهو بيد يضرب وبيد يرفع ثوبي
تهسترت واصرخ وادعي ربي يستر عليه ويخلصني من ايده
حيوان ماكو بكلبه اي رحمه لاولله الحيوان احسن منه
الحد ما رجعن خواتي وشافنه وفكني من ايده
كعدت بلكاع وكمت املخ بروحي
ياربي وين اروح ماليه غيرك تخلصني من هذا العذاب
جمانه السعيدي
امي ابد ما دايره بال
كلما اشكيله ماتسمعني ولاتلكالي حل
بعدين هي طول النهار بره البيت شراح تكدر تسويلي
وراها بكم يوم لكينا بابا واكع ومايحرك ايده ورجله وحلكه اعوج
نقلنا للمستشفى والدكتور اكد النا ضاربته جلطه
صحيح بابا يشرب ويكبسل وابد مايصرف علينا
بس جان حنيين علينا وخاصة البنات
جان يفضلنا على الولد
بقينا انداري بلبيت امي بطلت تروح للشغل حتى تهتم بي
رغم قسوته وياها بس ابد ماعافته
خلال شهر اتحسن بابا وصار احسن بس ابد مابطل شرب
بديت اداوم ثالث متوسط جان عمري بوكته ١٧سنه
يوم جاي اخبز
دخل بابا باوعلي وابتسم حسيت اكو شي يريد يكوله
جمانه السعيدي
...بابا اذا خلصتي خبز تعاي اريد احجي وياج
...صار هسه اخلص واجي
خلصت ورحت يمه ها بابا كول
..دنيا بابا اجوي عليج خطابه واني انطيتهم كلمه
...بس اني ما اريد ازوج اريد اكمل دراسه
...لابابا تزوجين هي البنيه اول وتالي تتزوج المدرسه شسوين بيه
بعدين اني اشرط عليهم تكملين شكلتي
...لا مااريد ما ازوج ابد
طلعت وصاح على ماما تقنعني
.امي ..ولج دنيا ليش ما تقبلين تكسرين كلام ابوج
...ما اريد هي كوه
...ابن عم ابوج متقدملج تاجر وخير من الله عنده يبيع ويشتري بلسيارات وعنده كيعان
...ولله لو يملك الدنيا ما اريده بعدين ذوله وين جانو احنا ما شايفيهم ومانحجي وياهم من زمان
...هسه صار صلح ويردون يجون يشوفونج
راح احجيلكم قصة الصلح هاي
ذوله بيت عم بابا من زمان مشاكل وماكو علاقه بينا وبينهم ابد سامعين بابا عنده بنات رايحين العمي مصالحي وطالبين وحده من عدنا
عمي اجا قنع بابا وقررو اثنينهم تكون دنيا ثمن هذا الصلح
مومهم تكون مقتنعه او مامقتنعه المهم ترجع العلاقه بينهم
واني حياتي للجحيم
سعيده مو سعيده مافكرو بحياتي ابد اهم شي كلام بابا يمشي وحتى لايكولون كلامه ماماشي على عيال بيته
جمانه السعيدي
ثاني يوم اجت اخته وامه تشوفني
وامي صممت اطلع عليهم
وفعلا طلعت وكتلهن اني ما موافقه وطلعت
راحن وبابا استلمني
تردين تكسرين كلامي يكولون كلامه ماماشي على عياله
تزوجي وغصب عليج فهمتي
ثاني يوم رجعت اخته تقنعني
طبعا همه عايشين بلريف
كالت انتي مالج دخل بلحلال والزرع انتي عليج البيت وبس
وشطلبين وتامرين احنا حاضرين
امي بدت تهدد بيه اذا رفضتي ماكو مدرسه بعد
ولاعبالج تاخذين صاحبج كطنه وشلعيه من اذنج ابطلج من المدرسه واشغلج خدامه بلبيت
واخلي الرايح والجاي يكفخ بيج بس ترفضين فهمتي
ياربي ماليه لاحول ولاقوه انت سندي بهاي الدنيا وماليه غيرك ابد
اضطريت اوافق مجبوره واني ابد ماشايفته
حددنا يوم المهر واجت امه واخته ودخل ولد شاب حلو
كلت همزين شكله حلو
كالت اخته مو هذا العريس العريس بعدا ما جاي
شويه ودخل يمه شفته واجيت انجلط
هو هذا العريس معقوله
واحد اسمر طويل اكرع عمره ٣٧سنه مزوج وعنده اربع جهال
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
