رواية الأرملة السوداء الفصل الثالث 3 بقلم جمانه السعيدي
هشام علاقتنا اني وياها حيل قوة
واني مدللها دلال اسحب فلوس وانطيها
فوك الراتب الي تأخذه من المحل
هاي السوالف كله مايدري بيه همام
ما اعرف ليش يكره ويموت من وجودها وقربه مني
اعترفتله اني احبه وهي هم تبادلني نفس المشاعر
شفت تليفونها حيل تعبان اشتريتها تليفون حديث
واشتريت كفر على اول حرف من اسمها
وأخذته اله هديه
حيل فرحت بي وجانت ما مصدكه
حضنتني من الفرحه وباستني بخدي
بعدين دنكت وكالت اني اسفه مو قصدي ما كدرت اسيطر على مشاعري
ساعته الفرحه الي لكلبي اكبر من الدنيا كله
ورا اسبوعين تقريبا
اجت ضايجه حيل
جمانه السعيدي
هشام هااا شكووو شبيج ابوج رجع يضربج
رواء لا بابا من انت كمت تنطيني فلوس وانطي بطل يضربني ودوم يحمد بيك وباخلاقك
هشام لعد شكوووو احجي
رواء مستحيه منك حيل
هشام ليش مستحيه
رواء تليفوني انباك مني رحت اشتري شوية غراض من السوبر ماركة للبيت
وخليته على الميز جاي اشتري والتهيت شويه وبعدين ما لكيته
اني اسفه
هشام بس هاي وضايجه وتتاسفين حبيبتي فداج الف تليفون اني اجيبلج غيره
واحسن منه اني كم رواء عندي
رواء تسلم حبيبي الغالي
جمانه السعيدي
هشام رجعت اشتريت تليفون ثاني أحدث موديل وانطيته اله هديه
كدرت اتسيطر عليه وتخليني انفذ كل طلباته
وبدون ما افكر لحضه مجرد تطلب اي شي اني راسا انفذ اله
كنت منتضر السنه تخلص
حتى اكدر اتقدمله ونزوج
بعد ماعندي صبر ابد
رغم هي كل الوقت كبالي وبليل نبقى نحجي بلتليفون
للصبح
بس اريدها تكون يمي اني وياها يجمعنا مكان واحد
كملت السنه و قررت افتح الموضوع مره ثانيه ويه همام وامي
همام بابا خلي عقلك براسك هاي البنيه لا من مستوانا
ولانفس تربيتنا
تعرف احنا منو وسمعتنا شنوووو
هشام ترا ولله عيب تتعالى على الناس شبيه بنيه حبابه
واخلاقه عاليه وعاجبتني
واني اريدها
همام جيب اسمها الثلاثي وعنوانه اني اريد اروح اسئل عنها
هشام هنا خفت خاف يعرف ابوها يشرب وصاحب مشاكل
ويعطل هاي الزواجه
هشام رديت علي وكتله اني سئلت عليه
وعاجبتني واريدها واذا بيه عيب اني اتحمله
زعلت اسبوع ما احجي ويه همام وامي
اريد ااثر عليهم حتى يوافقون
بعدها رحت وقررت افاتحه بموضوع الزواج
واذا اهلي ما قبلووو قابل اني زغير
اطالب بحصتي واستقل عنهم واخذ حبيبتي
ثاني يوم كتله اني عندي موضوع مهم وياج
وعازمج على الغدا
من طلعنا همام ضل يباوع عليه وخزرني
همام تعال ابو حسن أبو حسن رجال متوسط بلعمر يشتغل عدنا من زمان واحنا حيل نثق بي
ابو حسن تفضل اامرني
همام اريدك من باجر اتابع رواء وتعرفلي كلشي عنه
ابو حسن انشاء الله ولله ياعمي اني كلبي ما مرتاح اله ابد
همام اريدك اجيبلي كل المعلومات الي تخصها
هشام وصلنا للمطعم وكعدنا طلبنا الاكل وبدينا نحجي
هشام اني اريد افاتحج بموضوع كلش مهم
رواء اي كول جاي اسمعك
هشام اريد اتقدملج ونزوج اني بعد ما اكدر اتحمل اكثر
ردت افاتحج بموضوع زوجنا قبل هاي الفتره بس كنت منتضر تكمل سنه على وفاة ابوي
رواء سكتت وصفنت شويه
هشام ليش سكتي احجي انتي ما تحبيني
رواء شلون ما احبك اموت عليك انت احسن شي صار بحياتي كله
هشام ليش سكتي
رواء احس اهلك ما قابلين بيه
...مو مهم اهلي اني احبج حتلو نزوج ونسكن وحدنا
اني جبير واي شي يخص حياتي ممكن اقرره وحدي
رواء لا اني ما اريد ابعدك عن اهلك
هشام اذا اهلي يعترضون على هذا الزواج اني ابتعد عنهم
رواء الهلدرجه تحبني
هشام واكثر ما تتوقعين ومستحيل اتخلى عنج
رواء اكو موضوع كلش مهم انت ماتعرفه عني
اريد احجي الك
قبل لا تتقدملي
هشام مهما يكون هذا الموضوع اني متمسك بيج
ومراح اعوفج ابد
رواء اسمعني بلاول وبعدين احكم عليه
اني عمري ٢٥ مو عشرين سنه
هشام هههه هو هذا الموضوع واني عمري ٢٢ يعني مو فرق هواي
رواء لا انتضر خل اكمل مديت ايدي ولزمته من ايده ودنكت
جمانه السعيدي
هشام احجي جاي اسمعج
رواء اني مزوجه
هشام نزلت حواجبي شلون يعني مزوجه
رواء اني ماعندي اي احد بلدنيا اهلي ميتين كلهم وزوجي هذا عطف عليه ولمني من الشارع
وزوجني كنت مضطره اوافق علي
لان لا عندي مكان اسكن بي ولا احد من اقاربي يريدني
محد يرضه يتحمل مسوليتي
هشام وابوج موكلتي ابوي يسكر وياخذ كل فلوسي
....هو هذا زوجي اضطريت اكول ابوي
طلع انسان مو محترم ويشرب ويضربني بس مضطره اكمل وياااا
لان ماعندي مكان ثاني اروح اله
حتى عيشتي وعيشته بركبتي اني جاي اصرف علي
كمت ابجي
هشام لا تبجين وهسه شلون
رواء لا تخاف هو حيل طماع تكدر ترضي بمبلغ ويطلكني
ويعوفني
هو أهم شي عندا الفلوس
هو لا يعاشرني ولا يقربلي اهم شي عندا الفلوس
هشام زين اكدر اشوفه واتفاهم ويااااا
رواء اي باجر اني أخذلك موعد وياااا
هشام زين بس كون يقتنع اني ما عندي اي مانع
رواء انت رب العالمين دزك رحمه اليه
حتى تخلصني من هذا الضلم الي اني عايشه بي
هشام اوكي ولا يهمج سهله انشاء الله باجر موعدنا
اتغدينا ورجعنا للمحل
وهمام بس يخازر بينه وما عاجبه الوضع
هشام قررت أضم موضوع زواج رواء عن اهلي لان مستحيل راح يقبلون
اهلي وهي بنيه ما قابلين بيه
اله يعرفون مطلقه اكيد مراح يقبلون يتم هذا الزواج ابد
ثاني يوم حددتلي موعد وياااا زوجهه وطلعنا اني وياها من المحل ورحنا نلتقي بي بمكان عام
واحد شكله تعبان ومخربط عمره من ٣٨ إلى اربعين
بس شكله حيل مخربط
هشام بس كعدت وسلمت علي كتله شنو طلباتك وتعوف
رواء
....انت شوف هاي الحلوه شكد تسوه واني وياك ما نختلف ابد
هشام ٢٥ مليون كافي
...لا بحبحه شويه ترا ٢٥ كلش قليلات
هشام ٣٠ مليون
...لا من الاخر ٥٠ مليون واعوفه الك اشبع بيه
ترا اني راح اعوفلك مصدر معيشتي
رواء هي الي معيشتني
واذا ازوجته بعد اني لازم اشتغل واعتمد على نفسي
و٥٠ مليون يله اكدر افتح بيهن مشروع واعيش منه
جمانه السعيدي
هشام اتفقنا تروح وياي هسه وطلكه يم الشيخ وتستلم نص المبلغ
ومن اطلك بلمحكمه تستلم النص الثاني
...اتفقنا ماعندي اي مانع
طلع كدامي هو ورواء واني حاسبت على المشروبات
من يمشي كدامي شفت التليفون الي اشتريته الرواء بجيب بنطرون من ورا
الي هي كالت انباك مني
كلت ايجوز اخذه منه بالغصب وهي اضطرت تكذب وتكول انباك مني
سكتت وما حجيت ابد ما اريد احرجها
....وفعلا استلم ٥٠ مليون وطلك محمكه وشيخ
وصارت رواء حره طليقه
هشام اجرتله شقه تسكن بيه منا لمن تخلص العده
وبهذا الوقت اكون جهزت كلشي العرسنه
بعد اسبوع ابو حسن كدر يعرف رواء مزوجه ويعرف عنوان بيتهم
ووصل كل الأخبار الهمام
هشام بليل قررت افتح موضوع الزواج مره ثانيه
اني اريد اجهز كلشي لان راح ازوج قريبا
امي تزوج واحنا رافضين هذا الزواج
انت حتى ما عرفتنا على العروسه ولا على اهله
هشام ماعدها اهل ارتاحيتي اهله كلهم ميتين
همام كمل ليش سكتت
ازيدج من الشعر بيت الهانم الي يريد يزوجها مطلقه
امي شنو مطلقه تحجي صدك
همام اي ولله احجي صدك مزوجه واحد سكير مخربط
وابنج راح ساومه وطلكه
وهسه مسكنه بشقه ويصرف عليه
هشام انت شنو تجسس عليه
همام اخوي وتهمني مصلحتك اذا على اخوي ما اخاف اخاف عليمن
جمانه السعيدي
هشام اني جبير واعرف مصلحتي زين
ومن هسه اكلكم ثنينكم اذا ما توافقون على هاي الزواجه
اني اطلع وحدي اخذ بيت وازوج بي
همام لا انت اكيد تخبلت
هشام احسبه مثل ما تريد بس اني ما ازوج وحده غير رواء اذا وافقتوو او رفضتووو
همام اكيد مسويتلك سحر
احنا خوتنا اني وياك تخربه مره انت واعي شجاي تكووول
روح الله وياك اذا تبدل خوتنا اني وياك بمره
امي كافي لاتتعاركووون
اجلو الحجي بهذا الموضوع
وانت استاذ هشام من يمته تاخذ قرار بدون علمنا
لو تقرر هيج قرار مصيري
وتعوفنا وراك
احنا ما متعلمين كل واحد يقرر وحده
هشام اي شسويلكم اذا مليت من الحجي وانتم بعدكم رافضين وبدون سبب
امي اي حبيبي مايصير نجيب وحده من الشارع وادخله بيتنه انت اصلا ما تعرف اي شي عنها
غير اسمه والكلام الي وصلته الك هي
تعب نفسك شويه وروح اسئل عنه
لان الزواج مولعبه
خاف تدخل بيتنا وضيعنا وضيعك ويانه
هشام همه صار سنه من انتقلو البغداد
والجوارين كله تمدح بيهم
امي اي منيين انتقلوا وليش انتقلوووو
خاف شارده من مصيبه
وليش انت اصلا تاخذ وحده مطلقه
انت شاب وحلو وبعدك زغير وامورك الماديه تمام
اخذ وحده من عمرك ومستواك
هشام اني جاي احذركم اذا ما تم هذا الزواج برضاكم راح يتم غصبا عنكم
وافقو احسن وخلينا عايشين سوا
احسن ما تتشتت هاي العائله
وخلي يكون بعلمكم بس تخلص العده ازوج...
بدل ماتدور وتبحث علي الروايات خليها علي تليفونك وحمل تطبيقنا
