رواية فراق توم الفصل الثالث 3 بقلم جمانه السعيدي
علي من هاي اللحظه بعد جدي ماعرف اي شي عن ابنه
الي باعه
وهنا قرر يببع حسن اقصد ابوي
بعد ماحصل مبلغ محترم من بيعة حسين
خله خبر بكل مكان بس ماكو اي احد اجا علي
الناس كانت مشغوله بأخبار الحرب والعالم مخبوص خبص
وكلمن يكول ياروحي
والناس الفقره مادور هيج شغلات اكثر شي الناس المترفه
والحالته الماديه زينه
جدي متعلم على الخدمه
قرر يزوج مدام حصل مبلغ محترم من بيعت حسين
بقه يخطب ويدور بين الناس
الحد ما وافقت على بيبتي هاي الي هسه عايشه ويانه
بيبي حليمه
طبعا احنا كلش نحبه
المهم كانت بنيه فايته قطار الزواج وشكله اقل من عادي
لذللك وافقت علي
بيبتي عدها راتب تقاعد مال ابوها هي تستلمه اقصد بيبي حليمه
وهذا اكثر سبب خله جدي يتمسك بيه
بس دخلت للبيت بدت تعتني بحسن وتهتم بي
وشترتله ملابس والبيت عدلته
وكامت تشتري الاشياء النقص الي بي
بس جدي بعده مصمم يبيع حسن
حلبمه. .خاف الله يارجال بعده طفل زغير
جدي.. انت شكو ابني واريد ابيعه انتي ماتعرفين اني شكد حصلت من بيعةاخووو
بس هذا فكر مجاي ينباع فكر على امه
حليمه.. عوفه يرد علينا الوحشه اندزه يشتريلنا
يطلع الزباله
بعدين هذا طفل زغير شمعرفنا الناس الي راح تاخذه
تعامله معامله زينه
اني مو زغيره ومااضن احبل واجيب
خلي مونسنا بلبيت
جدي ماقتنع بكلامه وبقه يدور واحد يشتري ابوي
الحد مامل وتعب ومحد اجا علي
جمانه السعيدي
بعمر اربع سنوات ونص طلعه للشارع يبيع علاليك
وماخاف علي ابد
بلعكس جان يحاسبه على الفلس
واذا يبيع اليوم دسته علاكه باجر يجيلله ثنيين
واذا باع ثنيين يجيب اتلاثه
ابوي سال المسوليه وهو زغير
يطلع الصبح ويبقى طول النهار بلشارع
ماكان اكو احد حنيين علي غير بيبي حليمه
جان تفكده اذا اتاخر حتى تروح ادور علي
اما جدي ماله شغل بي ابد
تحضرله الاكل واتشتريله ملابس من راتبه
واذا يتمرض تاخذه للمستشفى
تدهن ادي ورجلي لان يتجرحن من الشارع
بعدين جدي بدا يدور الحسن على عمل يحصل فلوس اكثر
اشتغل كل شغله تخطر على بالكم
يصبغ احذيه صانع يغسل مواعين يمسح ارضيه
الحد مااشتغل غسل وتشحيم ويه اسطه اسمه اسطه عبد
هذا الاسطه حيل حبه وحب امانته ومصداقية بلعمل
اما بلنسبه للمدرسه
جدي رفض رفض قاطع يدخل مدرسه
يريده يشتغل وبس
وهنا ضاعت على فرصة الدراسه نهائيا
اسطه عبد هلكد مامعجب بعمله وامانته انطا بنته زوجه اله
وهنا اجت امي حبيبتي نورت البيت
امي انسانه طيبه وتحملت كل الضروف الصعبه
ويه ابوي بلجبيره والزغيره
وأهم شي متحمله جدي
جمانه السعيدي
ابوي صمم كلنا نكمل تعليمنا مايريدنا مثله
لان هو خطيه لايعرف يقرا ولا يكتب ابد
هسه اهلي يلحون عليه على موضوع الزواج
بس اني رافض اريد ازوج وحدي بيت مستقل
بيتنا قديم ومايساعد ابد
مو مال ازوج بي وأهم شي اريد اسكن بعيد عن جدي
لان اني اكثر واحد مااتحمله
بيوم دزني ابوي اجيب علاج جدي من مستشفى الأمراض المزمنه
اني كل شهر اروح اجيب العلاج
لان المستشفى بعيد بنص بغداد وابوي مايثق يدز احد
غيري
لان مرات يتلاعبون بلعلاج
اذا يشوفون واحد مايددقق ياخذون من العلاج
بس اني ابقه ادقق عليهم
هيج علاجات ماتنوجد برا واذا انوجدت تكون غاليه
اني عندي دراجه اروح وارجع بيه للشغالات المهمه
طبعا اني اكدر اخذ سياره مستعمله
من ذني الي يجن اصلحهن مرات يعرضونهن للبيع
بس اني اشوف الحركه بلدراجه اسهل
خصوصا ويه ازدحامات بغداد
جمانه السعيدي
المهم اخذت العلاج وطلعت اكو مستشفى عام بصف هذا المستشفى
اني خال الدراجه بابه يم الحرس
طلعت منه وحده بعمر الأربعين او خمسه واربعين
شكله حلو ومرتبه مبينه من الطبقه الراقيه
اجت المجموعة شباب واكفين
اني واكف شويه عنهم بعدني مصاعد الدراجه
اسمعه تكلهم
اريدكم تساعدوني عندي حاله طارئه بنتي تعرضت الحادث ومحتاجين دم
فصيلة دمه + O وهاي الفصيله نادره
واريدكم تساعدوني
الكل اتردد والكل كال اني فصيلة دمي AاوB المره ترجف وتبجي
نزلت من الدراجه وكتله خاله اني فصيلة دمي +O
اني اجي وياج
...اي فدوه العينك الله يحفظك بنتي فصيلة دمه على ابوها فصيلة دمه نادره
وابوها هسه مسافر واني حايره شسوي
علي...ماصار شي تدللين تفضلي كدامي واني حاضر
حتلو اكثر من بطل دم
تدللين اني هم فصيلة دمي على ابوي
هاي الفصيله نادره وبصعوبه تتحصل
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
