رواية مأوي الزهور الفصل الثالث 3 بقلم ياسه

رواية مأوي الزهور الفصل الثالث 3 بقلم ياسه

اشعر بالضياع داخل روحي 

وكـانني في الفصل الأخير من الدنيا

متعبـه الى أبعد الدرجات

 ومرهقه بكـثرة من الخيبات 

تجربتي الاولى في هذه الحياة كانت تجربة قاسية 

ولـكن هنـاك نداء يخرج من إعماق روحـي لينادي 

  ( تـهـون شـمـا طـفـح مـيـزانـهـا تـهـون) 

 

...................................... 

إمتنان :- وصـال مشنوقه بـالبنكة ونفسها مگطوع وما باقي بيها أي روح شلون صعدت شلون شنقت نفسها شلون ماتت وكُل هذا صار وأني ما حسيت

وگعت بـالگاع على ركبي ما اگدر اسيطر على نفسي المنظر اللي شفته دخلني بصدمة مستحيل اطلع منها بيوم من الايام ما صار غير كم ساعة من اجت وگعدت يمي و شكت حالها شلون هيج تموت بهاي الطريقة لا لا لا بعدهي صغيرة بعده العمر گدامها مشافت شيء بحياتها ما عاشت أيام حلوة

البنات منهارات على الاخير الكُل يعيط الكُل يبچي الكُل مرعوب كُل إحنا صغار مو مال نشوف هيج منظر ولا نستاهل نعيش هيج رعب شنو ذنبنا نشوف هيج حدث مرعب وإحنا بهذا العمر

دخلن الموظفات كلهن مصدومات وياهن ست زكـية تباوع برعب بقت واگفه بمكانها حتى ما ترمش ما مستوعبه اللي جاي تشوفه مروا الدقايق علينا اذا اكول رعب شيء قليل هذا الوصف وراها طلعونا إحنا البنات برى القاعـة و قسمونا بين الغرف الباقية بهاي الاثناء المـأوى انملئ بالشرطة والجيش طوقوا المكان وصوتهم يوصل عندنا شلون يسألون ويحققون ويا سـت زكـية وباقي الموظفين ساعة تجر ساعة وإحنا نبچي ومتوزعين بين الغرف لحد ما اخذوا وصـال شلون نزلوها شلون طلعوها ما اعرف ولا شفتهم كُل اللي سمعته اخذوها وقسم من الجنود انسحبوا من المكان وقسم بقوا بداخل المـأوى وبـالشارع متوزعيـن

صار الظهر وإحنا بعدنا نبچي خوف ورعب لا اكل ولا شرب حالتنا تبچي العدو سمعت صوت أذان الظهر وراها صوت سما تبچي قوي گاعدة بمكاني واباوع الها ما اگدر اگوم واشوفها ولا اگدر اتحرك من مكاني بچت بچت لحد ما تعبت يلا اجت حنان

حنان :- ليش تبچين كافي سكتي يلا حبيبتي لا تخافين كافي

سمـا :- جوعانة 

باوعت الها ميته قهر شنو ذنبها هاي الطفلة ليش هيج يصير بيها ليش تعيش هذا الشعور وهذا الموقف رجعت حنان باستها وتگول لها 

حنان :- يا سودة عليه حقج ما ماكله شيء وصار الظهر نسيت ونستني المصيبة هاي 

غطت وجهها بحجابها وگامت تبچي هي تبچي وإحنا نبچي وياها شويـة ومسحت وجهها وگامت من مكانها وتگول 

حنان :- راح اسوي اكل واجي لا تبچين بعد كافي سكتي

راحت اسوي الاكل وسما سكتت وايدها على بطنها الظاهر بطنها توجعها من الجوع بعدني اباوع الها وجان يجيني صوت مَرح وهي تعيط بكُل صوتها وتگول

مَرح:- هيييي هيييي موتتتها هييي هاي المجرمة موتتتها وصااال أنتحرت بسببها بسببهاا مجرمةةة

گمت من مكاني سريع طلعت من الغرفة اباوع شفت مَرح تتهدد على ست زكـية تريد تكتلها وثنين من الجنود لازمينها صح مَرح ضعيفة بس بيومها ثنينهم يردون يلزمونها ما گدروا عليها اللي يشوفها ما يگول هاي الهيكل العظمي هيج تطلع بيها قوة يا قوتها ويا شجاعتها ... ست زكية بقت تعلي بصوتها وترد عليها قوي تريد تضيع عليهم وتاخذهم بصوتها العالي بس مَرح ما ناوية تسكت ولا تخاف بقت مستمرة بـ أتهامها لست زكيـة لحد ما واحد من الضباط اعتقد عميد ما اعرف رائد لان اني ما اعرف بالرتب بس شكلة ضابط كبير وكُل الموجودين رتبهم من بعدة گال

بصوت حـاد

-- اخذوهن ثنين والباقين ممنوع يطلعون من الدار لحد ما ينتهي التحقيق وياهم

سحبوا مَرح و بعدها ست زكيـة طلعوهن برى الدار وباقي الموظفين رجعوا دخلوهم بغرفة ست زكـية اعتقد يحققون وياهم عن الموضوع ، اما حنان و بعد وياها وحدة من العاملات جانوا بالمطبخ يحظرون بالغده ما دخلوا وياهم بس كملن الغده ونقلنه النا رجعوا اخذوهن حالهن حال الباقين للتحقيق بداخل غرفة زكيـة

الغده جان سريع عبارة عن تمن ابيض وروبة وشوربة عدس اكو بنات تقربن ياكلن لان جوعانات من الصبح الهسه مماكلات واكو بس شربن شوربة واكو ما وصلن يم السفرة اصلاً واني جنت وحدة منهم .... رجعت اباوع على سما گعت تاكل سريع جانت ميته من الجوع اباوع لها وارجع اباوع على باب الغرفة بالي يم مَرح وين اخذوها وين مشوا بيها شنو صار بحالها شنو راح يسون بيها 

مر الوقت علينا وإحنا بعدنا بهاي الغرف متوزعين وراها سحبونا وحدة بعد وحدة يحققون وياها 

ومن وصل اليه السرة اخذوني بغرفة ست زكـية دخلت جان اكو ضابط گاعد على مكتب زكـية و يمه واحد ثاني گاعد بالكرسي اللي بصفه سألوني عن وصال وشنو اعرف عنها وشلون جانت تصرفاتها وهم متعاركة وياه احد لو اكو شيء غريب صاير وياها 

خفت احجي شيء ويروحون يسجوني وبنفس الوقت اريد اگول لهم اي اكو اشياء مخفية جانت تصير وحذرتني منهم وجانت تخاف منهم كُل هذا الكلام جنت اريد اگوله واعترف بيه بس خفت كُلش خفت عمري صغير وعقلي صغير وتفكيري محدود فكرت اذا حجيت راح يسجوني واحتمال ست زكية تاخذني وتشنقني مثل وصال بقيت ساكته ما ارد ومن وطلبوا مني مرة ثانية اجاوب جاوبت ما اعرف شيء

انتهى التحقيق وانسحبوا الجنود من المكان ورجعنا إحنا للقاعة دخلنا نباوع المكان الحادث ونبچي خوف وقهر استمر انهيارنا لحد اخر لليل من بعدها كُل وحدة بينا راحت السريرها

و من بعد يوم طويل مليان خوف استسلمنا للنوم على مصير محد يعلم بيه غير الرب يا ترى راح يكون مصيرنا مثل وصال انتحار او مثل مَرح السجن 

مرت الساعات والايام علينا الحزن بكُل زاوية بـداخل المأوى محد يحچي محد يشتهي ياكل محد اله نفس عيش أصعب الأيام جانت الشرطة كُل شوية جايين والمكان صاير مرعب علينا  

ولا ست زكية ولا مَرح رجعوا للدار أسبوع كامل هم ماكو وكُل ما نسأل حنان عليهم تگول ما اعرف 

هنا حسيت خلص مَرح راحت وضاع عمرها بالسجن لحد ما خلص الأسبوع و رجعت مَرح شكد ما جانت ضعيفة وشكلها مرعب هسه صايرة اضعف وشكلها يبچي لا تحجي ويا احد ولا تگعد يم احد ولا تشارك احد انعزلت انعزال تام حتى بوقت الاكل جانت تاخذ ماعونها وتگعد وحدها تاكل شگد حاولت اتقرب منها واحچي وياها واخفف عنها بس ما فاد ولا تجاوبت وياي ولا تتقبل اي وحده بينا أحسها صارت مريضه بـمرض نفسي من گد ما تصفن ومرات تبقى تعيط وتروح على سرير وصال تشمر نفسها عليه وتنهار جنت اروح لها اتوسل بيها بس اريدها تحچي وكُل ما اروح تطردني 

إمتنان :- ما راح تحجيلي شيء 

مَرح :- شنو الي تردينه عوفيني بحالي روحي روحي

إمتنان :- شلون اعوفج واروح وانتِ هذا حالج وهذا وضعج 

مَرح :- شبي وضعي ها شبي روحي إمتنان روحي 

إمتنان :- شنو الي صار وياج وشلون خلصتي ايامج وشلون طلعتي احجي اسمعج فضفضي ارتاحي لج بس فهميني شلون انتحرت جنتي تعرفين انتِ 

مَرح :- عوفيني إمتنان عوفيني عوفييييني عوفينيييي لج شنو احجي شنوووو مجرمين قتله قتتتتتله الله ياخذهم الله ياخذههههههم 

بقت تعيط بصوت عالي وتضرب برجلها بالگاع قوي رجعت ليوره خايفه من ردت فعله انجنت رسمي انفتح الباب ودخلت ست زكيـة وهاي اول مره اشوفها من يوم الحادث لليوم باوعت على مَرح ورجعت باوعت علينا بنظرات سريعة وراها گالت 

      ( اخذوها منا ) 

تقدم الحارس ويا ثنين من الموظفات سحبوا مَرح من بيناتنا و هي ما بقي عندها عقل مجنونة رسمي اخذوها بعيد عنا وراها بدينا نسمع صوت التعذيب جانوا يضربونها ضرب مستحيل احد يتحمله بحيث إحنا بغير مكان ونسمعهم وهي تصيح كُل صوت ولا الثاني بحيث نهوها نهي وكُل هذا الضرب اللي انضربته وهي بعدهي مستمرة تغلط عليهم ما تخاف منهم ولا تسكت عنهم 

البنات كُل وحدة رجعت بمكانها ومغطيه نفسها خايفات منهم واني عيون راحت على سما مغمضه عيونها قوي وايديها على إذانها وتبچي .. رحت عليها سحبتها بحظني ضمت وجهها بحظني وتبچي بدون صوت 

إمتنان :- كافي حبيبتي كافي لا تبچين 

سما :- كتلوها كتلوها 

إمتنان :- بس كافي حبيبتي انتِ كافي لا تخافين

سما :- لا يكتلوني مثلها ما سويت شيء اني عاقلة عاقلة 

إمتنان :- حبيبتي الحلوة محد يحجي وياج ولا احد يضربج انتِ حلوة وحبابة كافي اني يمج لا تخافين 

سما :- لا تعوفيني 

إمتنان :- ما اعوفج يمج ما اعوفج 

حجيت هيج وبچيت ما تحملت اصبر اكثر صعب اللي جاي اشوفه صعب ما اتحمل اكثر وين اني وين هذا الضيم وين أني وين هذا الرعب الهنا وبس من بعد كُل الدلال اللي عشته هيج يصير بحالي هيج اشوف وهيج اعيش لا ما اتحمل ما اتحمل لهنا وانتهى صبري 

مر وقت وراها جابوا مَرح يسحلون بيها عبالك جثة باقية بس النفس يصعد وينزل خلوها بـالگاع وطلعوا گمنا عليها منظرها يخوف وجهها صاير قطعه زركة من گد الضرب تساعدنا عليها اني والبنات وشلناها بسريرها جانت تون بوجع ومنين ما انطخها تعيط 

زينب :- شنسوي لها يمكن مكسرين اعظامها 

نسرين :- هاي منا صايرة سودة حتى مو زركة تعالن شوفن 

حسناء :- ليش ضربوها فوگ ما جانت بـالسجن يضربونها والله حرام عليهم

كوثر :- هيج راح يسون بينا كُل إحنا بس وحدة من عندنا تعترض عليهم

رنا :- كلش خايفة اني ما اريد انضرب مثلها 

جنت الم بشعر مَرح واسمع لهم واني منزله راسي وراها اجاني صوت سما تبچي ومن بعدها البنات كلهم بجوا بوقتها حسيت هذولي امانة برگبتي واني مسؤوله عنهم واجبي احميهم وادافع عنهم واجبي اساعدهم ، ليش حسيت ما اعرف ليش شفتهم أمانة عندي ما اعرف كل اللي اعرفه اخذت قرار و من هاي اللحظة اني راح اصير الهم ام واخت وصديقة حتى لو اصغر منهم حتى لو اكو اكبر بنات من عندي لازم اني اصير سند الهنّ مالهن احد بهاي الدنيا يحميهن غيري وصال گالت الي زكيـة وجماعتها چلاب وفعلاً چلاب وحتى الچلب اهون منهم 

لميت شعر مَرح وگمت وگفت وگفة وحجيت وياهن ما اعرف اوصف شعوري بهذيج اللحظة كُل شيء بيه جان يرجف جسمي صوتي كُل حاجة بيه جانت ترجف 

إمتنان :- كافي لا تبچون انتن قويات وبطلات كُل وحدة بيجن الها شخصية قوية خاصة بيها واجى الوقت الي تطلعون شخصيتكم القوية طلعوها وحافظوا على أنفسكم اوگفوا بوجه اكبر واحد لا تنطون حقكم الاحد ولا تقبلون احد يسلب منكم حياتكم صح عايشين بدار أيتام وما عندنا سند نعتمد عليه ويحمينا بس إحنا سند أنفسنا إحنا الدرع الـ أنفسنا كُل وحدة بينا من اليوم ومن هاي الثانية راح تغير من نفسها وتتجرد من خوفها وتوگف بوجه الظلم وصال راحت مظلومة ومَرح هذا حالها مظلومة شنو ننتظر هاا شنووو ننتظر دورنا نموت لو ننسجن لو ننظرب اذا حجينا كلمة جيبوا ايديكم يلا جيبوا ايديكم  

حچيت هيج ومديت ايدي الهم كلهن يباوعلن عليه متفاجأت رجعت حجيت مرة ثانية 

-- جيبن ايديجن تعالن نتواعد تعالن نصير ايد وحدة وما نقبل بــ أي ظلم جديد واللي يحاول يتقرب من اي وحدة ثانية من عندنا نوگف بوجهه وندخل بعينه 

اجوا البنات جابوا ايديهم فوگ ايدية واخذنا وعد نصير ايد وحدة ما نخاف و ما نقبل بالظلم وإذا احد تعرض النا الكُل يصير ضده ونوگفه عند حده

بقوا البنات يم مَرح شوية وراها كُل وحده انشغلت بحاجة بس اني بقيت يمها فتحت عيونها بتعب وحجت بصوت مبحوح 

مَرح :- ليش ما شهدتي على زكيـة ليش ما حجيتي شلون تاخذها يومية بالليل ليش سكتي واني تعرفين كُل شيء

فتحت عيوني مصدومة تعرف بيها جانت تروح بالليل وتعرف بزكيـة هي تاخذها وتعرف بيه اعرف بالموضوع 

مَرح :- تردين تصيرين قائد وانتِ جبانة تردين تصيرين قائد وانتِ اضعف وحدة هنا روحي قوي نفسج وعرفي شوكت تحجين وشوكت تسكتين وبهذاك الوقت صيري قائد گومي مناا گومي راجعي نفسج 

ما رديت ولا فتحت حلگي بكلمة وحدة گمت من مكاني واني ما اعرف ادافع عن نفسي وابرر موقفي گعدت بمكاني وعيوني عليها وكلماتها تتردد بـ إذاني كلمة كلمة .. كلامها صح ويني وينهم شلون اصير قوية واطلب من البنات يردن عليهم وما يخافون منهم واني اول وحدة خايفة اول وحدة ساكته عن الجريمة .. غمضت عيوني وتمددت بمكاني ايديه على گلبي واحجي بداخلي

إمتنان :- شنو يطلع بـ أيدي اذا حجيت ما راح يرحموني وما راح يسون شيء هاي زكيـة رجعت ورجعت اقوى من قبل لا تخاف ولا يهمها احد اذا حجيت او سكتت ما راح أأثر عليها بالعكس راح اني اتضرر واحتمال انضرب وانسجن بدون ما احصل اي شيء صح غلطت من ما اعترفت الهم بلي اعرفه وشايفته بس راح اخذ حق وصال وحق مَرح وحق كُل وحدة هنا 

وگعت دمعتي واني نايمة ونزلت على إذاني مسحتها وفريت نفسي نمت على جهتي اليسار واني ابرر النفسي وارجع اشد عليها واقويها 

مرت الايام هدوء ماكو شيء يُذكر زكيـة ما تقربت من البنات ولا من مَرح وكُل وحدة مشغولة بحاجه الهدوء سيد المكان مَرح ماخذه جانب السكته ما سمعت الها صوت بعد ولا حجت عليهم ولا تقربت منهم وكل ما جالها تضعف اكثر واكثر وتنعزل اكثر واكثر .. بهاي الايام علاقتي قوت بالبنات واكثر الوقت نتساعد بيناتنا ونتشارك المواضيع صارن قريبات عليه وبكُل شيء يستشيروني صح اكو اكبر مني واني اصغر منهم بس جنت دائماً صايره لهم ام عقل الكبير اللي ينصح والگلب الحنون اللي يحب والحظن الدافي اللي يحتوي 

من گد ما مشغولة بيهم والليل نهار اساعد بهاي واحجي وي هاي واگعد يم هاي نسيت حالي ونسيت عمي وبيبي ونسيت حتى الطلعة صار كُل همي البنات وحياتهم وعلاقتي بيهم 

من بعد وفاة وصال بشهرين تقريباً لحظت على زكية عيونها صار فتره علينا اكثر وقتها تراقب بينا وبحركاتنا وبكلامنا كُل شوية تجي تاخذ الها صفنة علينا وتروح كُل ظني جانت تراقبنا لان جنا هادئيين ومتساعدين بيناتنا بس هي لا جانت تصيد ضحية جديدة جانت تراقب حتى تختار البنية المناسبة من بينتنا مروا الشهرين والثلاث اشهر والاربعة وهي تراقب بحذر وتختار بعناية الى ان بيوم من الايام جان وقت ظهر وهسه مخلصين غده وغسل مواعين الغده وبهذا الوقت جنا متجهزين للعام الدراسي الجديد ونحظر مستلزمات المدرسية دخلت زكيــة علينا للقاعة وگفت ثواني وراها صاحت 

زكــية :- إمتنان 

رفعت راسي عليها ورديت 

إمتنان :- نعم 

زكيــة :- تعالي وياي 

إمتنان :- وين 

زكـية :- بدون أسئلة تعالي يلااا 

حجت هيج وراحت گدامي گمت من مكاني صارت بوجهي مَرح باوعت لي وحجت بهدوء وبصوت خافت 

مَرح :- ايااج تقبلين على كلامها ايااج تنطينها مجال إمتنان راح ترحين للهاويـة اذا سمعتي كلمة وحدة منها 

إمتنان :- شنو قصدج 

مَرح :- راح تاخذج للطريق القذر مثل الطريق اللي جانت تاخذ وصال اله اياااج يا إمتنان تقبلين بهاي القذارة الخاطر كائن من يكن لا تضحين بنفسج الخاطر احد ديري بالج 

كملت كلامها وابتعدت من طريقي ورجعت گعدت بسريرها درت وجهي اباوع لها وارجع اباوع للباب عقلي ياخذ وينطي ما اعرف عن شنو تحجي ولا اعرف زكـية شنو رايده مني ولا اني وين رايحة وشنو مضموم الي .. مشيت بخطوات بطيئة بخطوات ضايعه بخطوات نحو الجحيم لحد ما وصلت غرفتها دگيت الباب ودخلت جانت گاعدة على المكتب باوعت لي مبتسمه وگالت 

زكيـة :- هلاو ماما حبيبتي تعالي گعدي 

تقدمت گعدت على الكرسي اللي مقابيل مكتبها وهي گامت من مكانها واجت گعدت بلكرسي المقابيلي 

إمتنان :- نعم ست طلبتيني 

زكـية :- اي صح 

إمتنان :- تفضلي 

زكيــة :- صار فترة طويلة اراقب بيكم اريد اشوف وحدة منكم قوية اعتمد عليها بشغلي وبنفس الوقت تحافظ على البنات الباقيات ومن بعد مراقبة طويلة وتفكير اطول ما لگيت غيرج انتِ بطلة وشايلة هم البنات وتخافين عليهن الهذا السبب اختاريتج تصيرين شريكة وياي بالشغل ومسؤوله عن أمان البنات بنفس الوقت

إمتنان :- مافهمتج

زكــية :- نعقد صفقه اني وياج 

إمتنان :- صفقت ايش 

زكيـة :- اذا وافقتي راح تحصلين مقابل مادي ومقابل أداري يعني تصيرين مسؤوله عن باقي البنات وكلمتج متصير اثنين عليهم وعلى كُل العاملين هنا وبنفس الوقت تضمنين حياتج وحياة البنات الباقيات 

إمتنان :- ست مدا افهم على شنو تحجين ياريت تدخلين بالموضوع وتفهيمني بدون هاي المقدمات 

زكــية :- هههههه حلو تعجبيني وهذا اللي خلاني اختارج من بين الكُل متأكدة راح تجيبين راسة وراس الخلفة 

زكــية :- شوفي يا حلوة اكو واحد عنده خير من الله وكل شغلنا هو ماشي بيه يعني عيشتج وعيشتي عليه ولو ما هو ما استمريت برئاسة الدار الحد هذا اليوم كُل شيء نريدة يوفره لنا وكُل شيء نتمنى يحقق لنا حمايتنا كُل إحنا مرتبطة بيه صاير ستر وغطا علينا بس اكيد هذا كله مو بلاش اكيد اكو مقابل الحياة عبارة عن اخذ وعطا ومثل ما هو ينطي لازم ياخذ 

إمتنان :- وشنو ياخذ شنو المقابل 

زكـية :- انتِ 

إمتنان :- شلون يعني 

زكيـة :- فتحي عقلج وركزي زين وممنوع منعاً باتاً هذا الكلام يطلع خارج هاي الغرفة وصدگيني اذا طلعت كلمة وحدة من هذا الباب راح يصير مصيرج مثل مصير وصال ويجوز اكثر ولا من شاف ولا من دره 

بلعت ريكي احس بلعومي نشف ايديه رجفوا خليت وحدة بداخل وحدة احاول اسيطر على رجفتهم ورديت عليها واني الكلمة گوه تطلع من عندي 

إمتنان :- شنو اللي مطلوب مني 

زكـية :- ليالي سعيدة تنسعدين بيها وتسعدين 

إمتنان :- شنو يعني 

زكــية :- ههههه حقج متعرفين بس اوعدج راح تصيرين فد شيء بهذا الموضوع 

إمتنان :- ست مو وقت ضحك رجاءً لان جسمي ديرجف 

زكيــة :- ماشي عيوني ومن الأخير افوت لج بـالمفيد قصدي تصيرين زوجة جميلة رقيقة دلوعة رمانسية تنفذ كُل طلبات زوجها وهي مبتسمة بدون اعتراض وبـالمقابل هذا الزوج راح يكون امان وسند ودخل وفير من الفلوس 

احس انضربت صاعقة من كُل عقلها تحجي لو جاي تتشاقى وياي مستحيل تخبلت يمكن ، گمت من مكاني سريع اريد اطلع من الغرفه گامت وراي ولزمتني من إيدي قوي وفرتني عليها خازرتني 

زكــية :- ويييين بعدني ما خلصت كلامي 

إمتنان :- اي كلام هذا هاا اي كلام تخبلتي شنو وين اني وين الزواج اكيد تخبلتي 

ضربتني راشدي قوي لزمت وجهي واباوع الها ضايعة مني كُل الحروف مثل ما ضايعة اني بهذا المستنقع 

زكــية :- شوفي لج الامر محسوم والقرار ماخذيه ومنتهين من عنده عجبج ما عجبج غصباً عليج وعلى الخلفوج توافقين ديري بالج تگولين لا احط لج سم بالاكل واموتج وحق ربي وربج 

إمتنان :- بعدني صغيرة على الزواج واريد اكمل دراسة واصلاً اني اريد ارجع البيت اهلي 

زكيـة :- دراستج تكمليها وطلباتج كلها تتنفذ وبيت اهلج اذا صرتي مطيعة وحبابة راح ترجعين تعيشين بيه وسالفة صغيره بعدني وبعد وقت هاي انسيها لان انتِ مو صغيره ما شآء الله مرة كاملة مكملة

إمتنان :- لا ما اريد 

زكــية :- مو بكيفج غصباً عنج توافقين ورجليج فوگ راسج ما بقت عليه غيرج وتعترض 

تقربت عليه لزمتني من إذاني وجرتني عليها وحجت وهي تخنزر عليه 

زكــية :- بالليل اجي عليج اخذج تنظفين جسمج وتجهزين نفسج وباجر تعقدين نفس واحد ما اسمع واذا اعترضتي اقتلج مثل وصال وارجع اختار اعز وحدة على گلبج هناا هههه تدرين منو اخذها اخذ سما 

اول ما حجت هيج اذكرت كلام وصال من گالت تهددني بسما ولا تقبلين تاخذ وحدة منهن لو تعرفين تموتين رجع كلام مَرح يتردد بــ إذاني وهي تگول لا تسكتين وتوافقين على كلامها بقيت ساكته وبس اباوع لها دفعتني على الباب ورجعت تگول 

زكــية :- يلا ولي منا واتمنى من ربي اسمعج مطلعة كلمة وحدة بره هاي الغرفة وخلي بالج بـالليل اجي عليج وعود اعترضي بهذاك الوقت 

طلعت من الغرفه ركض اريد اسيطر على نفسي ما اگدر مستحيل الي يصير مستحيل اقبل اموت نفسي وما اقبل دخلت للقاعة ارگض جريت الغطاء وغطيت كُل جسمي حتى وجهي بسرعة انسحب الغطاء من عندي شفتها مَرح باوعت لي بقلق وگالت

مَرح :- شنو اللي صار 

ما ارد بس اباوع الها رجعت حجت 

مَرح :- اعرف شنو طلبت منج بس وعد ما اخليها تنفذ الي براسها إمتنان لا تخافين اني يمج 

بجيت وحجيت بصوت يرجف 

إمتنان :- ساعديني انهزم مَرح ما اريد ابقى هنا 

مَرح :- راح اهزمج بس احجي لي كُل الكلام بالاول 

گعدت گعدة وحجيت لها كُل اللي صار ما خفت من ردت فعل زكية اذا عرفت بيه حاجيه ولا خفت شلون راح تكون عقوبتي ولا خفت شلون راح تقتلني وشلون تعاقبني بـالبنات جان كُل همي انهزم من هذا المكان واخلص ما عليه بـ باقي التفاصيل 

مَرح :- يا قذرة يا بنت الحرام والله جنت اعرف روحات وصال بـتالي الليل هذا سببها تف عليها وعلى تربيتها السزز بنت السزز بسيطه اني الها 

إمتنان :- لا تگولين اني حجيت هددتني تقتلني 

مَرح :- لا تخافين ما اسويها هاي المرة اذا سوتها تروح اعدام بس تدرين اني شاكة هذا الكلب اللي تدور له على عروس هو مسؤول لو عنده منصب بحيث انسدت سالفه وصال بسرعة وحتى من اخذوني وحققوا وياي طلبوا مني ما اجيب طاري لان انعدم اذا حجيت هههه تخيلي گالوا اذا تحجين تتركب الجريمة براسج وترحين اعدام اعتقد واصل لو عنده معارف بالدولة لان واحد من الضباط جان دائماً يهددني اروح اعدام  

إمتنان :- وشلون هسه

مَرح :- بدون شلون انهزمي وأخلصي 

إمتنان :- تاخذ غيري اذا انهزمت 

مَرح :- ارجع اهزمها مثل ما راح اهزمج لو اعرف افرغ الدار كلها والله 

إمتنان :- گالت بـالليل تجي تاخذني ترتبني 

مَرح :- روحي وياها اليوم خليها تتطمأن من ناحيتج وباجر يحلها الف حلال بس وعد باجر تنامين بعيد عن هاي القذارة تنامين بمكان نظيف ما بيه زكيـة ولا اي احد قذر من جماعتها 

بيومها خلصنا النهار بطوله مَرح تفتر بالمكان ساعة تروح على الشباك ساعة تطلع بره القاعة تشوف الوضع وترجع تدخل وهي تطگطگ بـ أصابعها إحنا جنا نطلع بره القاعة بـالنهار عادي بس بوقت محدد مو على طول اليوم فهي استغلت كُل ثانية وكُل دقيقة وطلعت بيها تشوف الوضع واني باقيه بمكاني جسمي يرجف ورجليه ميته ما اگدر اتحرك من مكاني من الخوف لحد ما خلص اليوم وصار الليل والكُل نام وياريتهم ما ناموا جنت اتمنى يطول النهار وتبقى الشمس ما تغيب واول ما ناموا البنات اجتني مَرح لزمت ايدي ومسحت عليها وتگول 

مَرح :- صح الشردة منا صعبة وحاولت اكثر من مرة اشرد من قبل وانكمشت بس صدگيني راح اخلصج شوفي شوية وراح تجي زكية روحي وياها لا تعترضين وباجر انسويلها مفاجأة ونهزمج ماشي

إمتنان :- لا تعوفيني حبابة ما عندي غيرج خلصيني منهم 

مَرح :- ما اعوفج وراح تخلصين بس قوي نفسج هسه راح اروح المكاني خاف تجي وتلگاني يمج ومن ترجعين نحجي راح انتظرج ما انام 

گامت المكانها واني يا عيون تسكت من البچي ويا گلب يأمن ويهدى من دگاته نصف ساعة تقريباً وانفتح الباب ودخلت زكيـة احس خطواتها بنص روحي كُل خطوه تخطيها جاي تضيع عمر من عمري لحد ما وصلت يمي رفعت الغطاء وگالت

زكــية :- يلا يحلوة گومي 

بدون ما اعترضت گمت وياها هي تمشي واني وراها وعيوني على سرير مَرح لحد ما طلعنا من القاعة دخلنا على وحدة من الغرف انصدمت واني اشوف شيماء وحدة من موظفات الـمأوى والاقرب الزكيـة واحقر الخلق گاعده وبأيدها حلاوة جسم تمد بيها وهي تعلج 

زكيـة :- وصلت العروس ما اوصيج تعرفين شغلج 

شيماء :- لا توصين حريص ست روحي ارتاحي ومن اكمل اصيحج 

زكية طلعت وشيماء گامت قفلت الباب وراها ورجعت تباوع لي وتگول 

شيماء :- يلا يالعروس نزعي 

لزمت ملابسي قوي ورديت 

إمتنان :- شنو انزع احترمي نفسج 

شيماء :- ههههه لج سوالف الشرف بيعيهن على غيري ترى كلهن طاگات جواي يلااا فضيهاا ماعت الشيرررة 

ما قبلت انزع ملابسي ولا قبلت تتقرب مني راحت على الخزانة وطلعت منها جهاز اسود جابته واجت عليه بحركة سريعة قربته يمي وصعقتني بيه عطت وگعت بـالگاع من قوة الصعقة الكهربائية 

شيماء :- هاي مقبلات اذا ما سمعتي الكلام احطها بعيونج فضيها يلا 

تقربت عليه وجرت التشيرت مني وبدأت تسوي بجسمي العلوي وراها سحبت بجامتي ونظفت جسمي السفلي وهي تنظف مدت ايدها عليه بحركة مقرف فزيت ورجعت ليوره 

شيماء :- فدوة شگد حلوه متت بيج 

فتت عيوني على وسعهن لا لا لا مستحيل كارثة هاي كارثة مستحيل اللي جاي اسمعه مستحيل

شيماء :- احلى من وصال بالف مرة اوف 

إمتنان :- شدا تخربطين طايحة الحظ 

شيماء :- اموت على طيحان الحظ وياكم انتعاش تعالي شوية 

حجت هيج وتقربت من عندي دفرتها بطنها قوي وگمت من مكاني ركضت على الباب اريد انهزم ما لگيت المفتاح قافلته وشايلة المفتاح جابت الجهاز الكهربائي واجت وراي خلته على ظهري وصعقتني بيه من جديد رجعت وگعت بـالگاع تقربت من عندي تريد تلزمني رجعت دفرتها وبقيت اعيط بصوت عالي و على صوتي اتحركت يدت الباب واجانا صوت زكيـة

زكيـة :- شيمااااء فتحي الباب 

گامت شيماء فتحت لها الباب دخلت باوعت لي خاتله بالزاوية ولامه رجليه على جسمي استر نبفسي

زكيـة :- هاا شيماء رجعنا النفس السالفة

شيماء :- لج عيني تخبل تگطع يا وصا 

          الفصل الرابع من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال