روايه ماسة النوح الفصل التاسع والثلاثون بقلم ريتاج محمد
#ماسة_النوح_ال_٣٩
:ماشي ينوح
وربي ان ما مموتهالك مبقاش انا جيجي
وراحت للاسانسير العام وركبتة بغيظ
وكانت محشورة فية حشرة بنت لزينة
▪︎ ▪︎ ▪︎ ▪︎ ▪︎ ▪︎
عند ماسة كانت راكبة الاسانسير
وصلت عند الطابق المطلوب
وخرجت من الاسانسير
راحت عند مكتب نوح وفتحتة من غير ما تخبط
نوح بعصبية من غير ما يرفع راسة:هو انا مش قولت لأمك يحيوان انك متدخلش كدا زي البهايم مرة تانية ؟!
ماسة باحراج :احم...ا انا مكنتش اقصد
بمجرد ما سمع صوتها رفع راسه بسرعة وقام وقف وقال:ماسه!!!
انتي بتعملي ايه هنا ؟....ا اقصد يعني انتي جيتي لية ...
ماسة ببسمة:هو ليه الي جيت لية ...جيت للشغل عادي
نوح:بس انتي تعبانة...
ماسة:لا انا بخير الحمد لله
نوح ابتسم وقال:طب طالما
كدة يبقى يلا بقى على شغلك
ماسة هزت راسها وخرجت من المكتب ف طريقها قابلت جيجي العقربة
جيجي وهي رافعة راسها بتكبر وغيرة:انتي يابتاعة انتي بتعملي ايه هنا؟
ماسة وهي بتهز راسها بمعني نعم:افندم؟
جيجي:ايه طرشة كمان ! بقولك بتعملي اي عندك جوة
ماسة بقرف وهي بتبصلها من فوق لتحت:ونتي مالك معلش ؟
جيجي:لا دنتي قليلة ادب كمان
ماسة:اة انا قليلة الادب مع الجواميس
جيجي :دنتي متربيتيش بقى طب اهو وراحت لطشاها بالقلم !!!🙂🙂
ماسة متحركتش مجرد بس طبقت شفتيها الاتنين على بعض ببرود
وبعدها لفت وخدت بعضها وعلى مكتب نوح
فتحت الباب من غير ما تخبط كان نوح بيعمل مكالمة قفل المكالمة وبصلها برفعة حاجب
ماسة راحتلة بسرعة وحطت صباعها على المكتب بعصبية مكبوتة وهو بصلها اوي
فقالت وهي بتتصنع الهدوء:قدامك ٣ دقايق ط حقي يا همرمطلك بكرامت امها الارض واساوي وشها بالاسفلت دلوقت
نوح بصلها وقام وقف وقال بهدوء وهو بيحاول ميضحكش من طريقتها:طب هو ايه الي حصل طب عشان كل العصبية دي
ماسة وهي بتشاور على الباب:في في بتاعة برا كلمتي بطريقة مش حلوة
و ...وضربتني بالقلم كدهو
نوح بجدية:ماسة انتي بتتكلمي جد ؟
ماسة بانفعال:يعني ههزر
نوح:اولا صوتك ميعلاش
ثانيا تعالى ورايا كدة
مشيت وراة بصمت
مشي هو ولسة بيفتح الباب لقى جيجي قدامة
جيجي ببسمة خبيثة:نوح عامل ايه يا..
نوح بمقاطعة:اعتذريلها!!
جيجي:نعم
نوح ببرود:اعتذريلها!! ايه صعبة
جيجي بعصبية:انت اكيد اتجننت ..انت عايزني انا جيجي اعتذر للبتاعة دي
نوح ببرود: ..خلصتي !؟ ...اعتذريلها يلا
وبلاش تجُري معايا شكل عشان انا قلبتي وحشة
جيجي بعيظ وهي بتصر على سنانها:مستحيل يانوح دنا لو هموت كدة مستحيل اعتذرلها
نوح بزعيق وصوت جهوري:مش عايز كُتر كلام قولت اعتذريلها يلااااااا
جيجي خافت وقال لماسة بغل:انا آسفة ،وبصت لنوح وهي بتقول وبتشاور على ماسة:خليك فاكر انك فضلت دي عليا يا نوح
ومتزعلش بقى من الي هيحصل وخرجت بره وهي بتدب بكعبها ف الارض
ماسة براحة:والله ريحتلي بالي انا كان هاين عليا اجبها من شعرها
نوح ببسمة:خلاص بقى مش مهم المهم انها اعتذرت
☆☆☆☆☆☆☆☆☆☆☆☆☆☆☆☆
عند رؤى كانت ف الجامعة
وقاعدة على البنش
لقت ولد جة وقعد جنبها ولزق
رؤى:🤨؟؟؟؟
الولد:في حاجة
رؤى اتاخرت شوية وقالت:هو حضرتك لازق كدة لية مش فاهمة ..من قلة الأماكن ولا ايه؟
الولد واسمة رامز بتناحة:اممم
واتاخر عليها
رؤى اتاخرت تاني وهي بتمسح وشها بضيق وهي عايزة تجيبي من زمارة رقبتة لقتة بيقرب اكتر
رؤى بزعيق:لا دة كدة قلة أدب اوي بقى ...هو اي القرف الي انت فيها دي ..
رامز بصلها وقال:هو انا جيت جنبي
انا بقعد عالحتة الي بتريحني
رؤى:اقعد فيها براحتك بعيد عني عشان انا مسجلة خطر
رامز بغمزة:اموت انا ف الخطر
رؤى خبطت عالبنش وقالت:والله لو مبعدت لتشوف مني تصرف مش لطيف
رامز ببسمة:احب اشوف اوي
رؤى بصتلة وهي هتتشل
واتاخرت تاني وحطت شنطتها فاصل بينهم عشان لو قرب ......وبعد شوية كان المدرج كلة اتملا
والدكتور دخل وكان كبير فالسن
وقعد بيشرح المحاضرة وفنص المحاضرة
رامز حط ايدة على ايد رؤى
رؤى مرة واحدة قامت وقالت بانفعال :معلش يادكتور لحظة
الدكتور فالمايك:في أيه يابنتي ؟
رؤى بانفعال لطيف :لو سمحت يادكتور الولد دة<وهي بتشاور على رامز> عمال بتضايق فيا من قبل المحاضرة وكان بيقرب من قعدتة جنبي جامد وانا ابعد وهو يقرب
ودلوقتي يادكتور لمس ايدي خلية يتفضل من جنبي لان الي بيعملة دا ميصحش خالص احنا فجامعة محترمة ومجلس علم مش قلة أدب
الدكتور احترمها وبص لرامز وزعقلة فالمايك قدام كل الموجودين وأنهى كلامة وهو بيقول:وابقى تعلالي بعد المحاضرة على مكتبي ياجون سينا وانا اوريك ازاي تلمس ايديها
قون يلا من جنبها غور فالاخر
معلش يابنتي الزمن بقى معفن أشكال زبالة
...
رامز اتحرج جامد لان عيون الكل كانت علية
فقام وبدل مايروح ورا .
راح عند الباب وقال باحراج :انا خارج
الدكتور بصوت عالي فالمايك:فداهية
....
رامز خرج وهو مكسوف ومحروج
فطلع موبايلة وكلم حد وقال:يابن ال******* بقى تقولي قرب منها هتحبك قرب منها هتحبك ...اديني قربت منها طلع ********** فالمحاضرة واتهزقت واتطردت وشكل هيتعملي فصل بسببك
....:ههههههه اي ياعم هو انت قريت منها ازاي
انا كان قصدي تشوفها ماشية تناديها وتاخد منها محاضرة
احتاجت حاجة تساعدها انت فهمت اية يابني
رامز:فهمت اية ،فهمت خ** اقفل يلعن ابو الي مشي ورا كلام عيل تاني
وقفل
☆☆☆☆☆☆☆☆☆☆☆☆☆☆☆
عند سليم كان فالشغل
ف جه واحد وقالة:مستر سليم !! مستر عمر بيقولك انة عندة مقابلة مهمة مع استاذ عزت بس مش هيعرف يحضرها فبيقولك احضرها انت
سليم بعملية:طيب هتبقى مع مين وفين وبخصوص اية؟
.....:هتبقى مع استاذ عزت ...فين فكان المفروض فكافية
بس للاسف هو مش هيعرف يجي فهتروحلة مكان شغلة وبخصوص اية فهو المشترك معاكوا فالمشروع الجديد
سليم:طيب طيب ...بس فية مكان شغلة
....:كلية*****
سليم:كلية!!
لية هو شغال ايه؟
...:هو يبقى عميد الكلية
سليم وهو بيبص ف الساعة:طيب بي لسة بدري!
....:لا يفندم المفروض المقابلة تبتدي ١ ودلوقتي الساعة ١٠ ...والطريق هياخد منها بالظبط حوالي ساعتين ساعتين ونص بالكتير فيادوب تتحرك يافندم دلوقت
سليم بتافاف :طيب..يارب بس عمر يبقى يفتكر الجمايل
ومشي ركب عربيتة وفتح اللوكيشن على الكلية وشغل اغاني واتحرك
.........
بعد مدة كان سليم وصل الكلية ركن فالباركينج
وهو بيتجول بانظارة على الكلية وهو بيصفر
لقى شوية بنات واقفين ويبقوا علية وبيهمسوا فحط ايدة فجيب البنطلون والايد التاني رجع شعرة على ورا
وكان ماشي فوق بنن وهي كانت بتبصلة بهيام
سليم بعملية:لو سمحتي فين مكتب عميد الكلية ؟
البنت باعجاب وصفتلة مكانة وقالت بعفوية:هو انت عميد جديد ولا ايه أصل اول مرة اشوفك
سليم :اشوفك؟؟...عمتا لا انا مش عميد ولا حاجة ومشي من قدامها
..............
عند رؤى كانت خرجت من المحاضرة التانية وكانت قاعدة مع صاحباتها واستأذنت منهم تروح تجيب حاجة تشربها
واشترت ايس كوفي وجت تروحلهم وكانت مركزة ف الفون
خبطت فواحد والايس كوفي كلة اتدلق عليه
رؤى باسف حقيقي ورقة:انا آسفة جدا والله مكنتش اقصد و
☆☆☆☆☆☆☆☆
عند سليم كان ماشي
وفي بنت خبطت فيه والايس كوفي اتدلق علية
البنت برقة_انا آسفة جدا واله مكنتش اقصد و..
سليم بسرحان فجمالها قال ببسمة:خلاص مفيش حاجة
رؤى من غير ماتبصلة بسرعة
فتحت شنطتها وطلعت مناديل كلينكس و....
