رواية الاميرة والمغترب الفصل الثالث والثلاثون 33 بقلم الاء إسماعيل البشري
كان يجلس في تلك السيارة بمفرده يفكر في الحلول و يعرض سيناريوهات في رأسه لوضع خطة محكمة لإخراجها
غادر شكري و رفض هو أن يتركها بمفردها مع تلك العصابة التي لا تملك اي ذرة رحمة ..
مع أنه يجلس بعيدا عنها بأكثر من كيلومترين و لا يسعه فعل شيء الا أنه على الأقل يشعر بقربه منها و كأن في ذلك عزاء له
كان يلوم نفسه مرارا على اختطافها ،فكيف لدانيال أن يخرجها امام ناظريه دون ان يخرك ساكنا أو ينتبه حتى !
نظر الى تلك المباني بضيق و هو يفكر كيف له أن يخلصها من هذه المصيبة و فجأة رن هاتفه برقم غريب
أمسكه بتوجس و إجاب : الوو !
سحر بصوت خافت مرعوب: استاذ خالد !! انا سحر 😨
لم يصدق ما سمع ! أنه صوت صغيرته كما يسميها بينه و بين نفسه
خالد بذهول : سحر !!
سحر بهمس : انت سامعني !
خالد بهلع يحاول اخفاءه : ااا...ااه سامعك !
همست سحر بخوف : فيه واحد اسمه دانيال ستيفنز خطفني هابعثلك لوكيشن أرجوك ساعدني معنديش وقت كثير عشان اشرح
لم تنتظر اجابته و اقفلت الخط مسرعة ثم أرسلت إليه موقعها و حذفت الرسالة و اعادت الهاتف الى كم قميصها و هي تسمع خطوات اقترابه من الباب فاغمضت عينيها و مثٌلت الإغماء ثانية
فتح لوكاس الباب و دخل مسرعا
وضع كوب الماء على المنضدة و ساعدها على الأعتدال و راح يضربها ضربا خفيفا على وجهها كي تستفبق :
آنسة افيقي .. هييي يا فتاة !!
فتحت عينيها بتثاقل مصطنع فقال و هو يسقيها الماء : هذا ماء بسكر اشربيه و سأحضر لك طعاما بعد قليل..هيااا
شربت القليل ثم اعادها ثانية الى وسادتها بينما انزلقت يدها ثانية الى جيبه لإعادة هاتفه الى مكانه دون أن يشعر
خرج مسرعا ففتحت سحر عينيها و تنفست الصعداء و هي تتذكر لعبتها المفضلة في طفولتها حيث كانت في العاشرة من عمرها حين بدأت تتقن فعلا هوايتها المتمثلة في لعبة الخفة
فلاش
سحر : حنان تجي نلعب سوا ؟
حنان ببرود : امشي العبي بعيد عني انا مش بنت صغيرة عشان العب بعرايسك السخيفة دي
سحر : لا مش هنلعب بالعرايس أوعدك ...
- قلتلك العبي بعيد عني
سحر برجاء: و النبي يا حنان زهقانة و عايزة ألعب معاك 😓
حنان بتذمر: اوووف طيب طيب .. بس اوعي تقولي هنلعب لعبة الخفة تاني !!
سحر : و مالها لعبة الخفة ؟؟ دي مسلية جداااا 😁
حنان بتذمر : انتي يا بت انتي عايزة تطلعي حرامية مثلا !!
سحر : و ليه ما تقوليش لاعبة خفة مثلا !! 🙄
حنان : لإن الهواية بتاعتك دي مش بتشبه لعبة خفة ...ده اسمه نشل يا ماما نششششل !!!
- نشل او خفة ما تفرقش ...المهم انها مسلية اوي 😁
قالتها سحر و هي تقترب منها بعبث طفولي و فجأة وجدتها تمسك مشبكها بين يديها و هي تضحك
حنان بتعجب :الفيونكة بتاعتي ! اخذتيها من شعري ازاي ؟؟
سحر بضحكة طفولية : ما انتي قلتيها بلسانك قبل شوية ...دي هواية يا بنتي ...هوااااية يعني موهبة 🥰
هزت حنان راسها بيأس : خلاص بطلت ألعب و اخذت منها مشبكها و انصرفت
بقيت سحر خلفها و هي تهمس لنفسها : عارفة يا حنان انا اتعلمت خفة اليد دي أصلا ليه ؟؟ بسببك انتي .. ما انتي بتاخذي مني كل حاجة عاجباني و ماما بتوافقك و بتجي عليا انا في كل مرة بدل ما تقولك ده غلط .. زي الفيونكة دي مثلا ..اللي اشترتهالي ماما و انتي اخذتيها غصب. ...علمتيني اعتمد على نفسي عشان اخذ منك كل حاجة تخصني بإيدي 😞
عودة من الفلاش
تنهدت بعمق و همست : الحمد لله ربنا ستر و ما انتبهش أن تلفونه مش معاه...
فكرت قليلا في ما فعلت ثم همست لنفسها بضياع ؛ تلاقيه دلوقت مستغرب و بيقول ايه اللي بتقوله بنت المجنونة دي !! حد بيتصل بحد تاني في الوقت ده و يقوله أنه مخطوف ؟؟ أكيد مش هيصدقني و هيفتكرني بأتسلى آخر الليل ! 😓
لا اتسلى ايه ده انا باعثاله لوكيشن أكيد هيدور و يعرف اني بقوله الحقيقة
اووووف طب انا اتصلت بيه هو ليه ؟؟ ماكنت أتصل ببابا و هو يتصرف !! مش عارفة أصلا ليه هو الوحيد اللي خطر في دماغي ساعتها !! يمكن بسبب الحلم !! لالا أكيد مش ده السبب ...
مش عارفة ليه عندي احساس أن خالد هو الوحيد اللي يقدر يساعدني في الوضع ده ...يا رب تسترها معايا و تنجدني من الگلاب دول 😣
خفق قلبه بشدة و ارتعب لسماع صوتها الخائف ..ترددت مجموعة من الافكار بداخله ...
يا ترى جابت تلفون منين ؟! يا ترى حد لمسها!! لا لا ..لا سمح الله ...لا لا ما اعتقدش والا مكانتش هتقدر تتكلم اصلا من الصدمة ...طب ...طب تلفونها معاي اومال هي اتصلت بيا ازاي ؟؟
معقولة حافظة رقمي ! طب ازاي ؟؟ و اشمعنى انا !! تكونش؟؟ ... لا يا خالد فووق لنفسك بقى فوووق !! البنت مخطوفة أكيد مش هتفكر في حاجة من اللي في دماغك دول... و بعدين مشاعر ايه انت كمان !! دي بنت ف ثانوية عامة و انت عديت 33 سنة ..
لا هي أكيد حست انك هتقدر تساعدها زي ما ساعدتها اول مرة في الميناء مش اكثر ...ايوة هو ده التفسير الوحيد ...ماهي حتى لو اتصلت بمامتها مكانتش هتقدر تعملها حاجة ...عشان كدة محبتش تضيع الفرصة الوحيدة اللي جات في ايدها
طب و الحل يا خالد ؟ هتسيب بنتك بين ايدين الگلاب دول لحد امتى 😣 ؟؟ لالا انا لازم اتحرك حالا .
ادار السيارة و انطلق مسرعا لوجهته
في الصباح
كان ياسين يستعد للخروج كعادته
وقف أمام المرآة يسرح شعره الكثيف ثم رش عطره و فجأة نظر الى باب الشرفة و تذكر شيئا
فتحه و وقف بالشرفة يطالع الجو الصباحي الجميل و شرد قليلا في كلامهما بالأمس على العشاء
فلاش
ياسين بتساؤل : مش بتاكلي يعني ؟
اميرة بحرج: لا طبعا بآكل اهو
-بتاكلي ازاي و انتي عمالة بتدوري في الشوكة جوة الطبق ...شكلك متضايقة من حاجة ولا انا متهيئلي ؟
اميرة : لا مفيش حاجة .
كان ياسين يشعر بأن بها خطبا لكنها لا تريد أن تتكلم فحاول تغيير مجرى الحديث :
-امممم ...صينية البطاطس باللحمة طلعت خرافية ..تسلم اسمها ألبرتا 🙄😁
اندفعت اميرة بعفوية : ألبرتا قطعت البطاطس بس و حطتها بس البهارات و كل حاجة تانية انا اللي حض...
انتبهت لإندفاعها فقطعت جملتها بإحراج بينما اكمل ياسين حديثه بإبتسامته الرائعة : ما انا عارف ☺️ ...عشان كدة مكنتش هأفوت فرصة زي دي حتى لو اتعشيت الساعة 3 الصبح ☺️
ابتسمت بخجل و أكملت أكلها فأعاد سؤالها
- برضو مش عايزة تقولي فيه ايه ؟؟
- احم...كل الموضوع ان انا مخنوقة من القعدة بين اربع حيطان ..
- لو الاوضة مش مريحة اغيرهالك فيه اوض كثير انا بس اخترت دي عشان في الطابق الأرضي
أميرة بإندفاع : لالاا .... الاوضة شرحة و هواها جميل :بس برضو تفضل اوضة و انا مش متعودة عالخنقة و ..
انتبهت لإندفاعها فتراجعت نبرة صوتها ثانية و قالت بتفكير و هي تنظر الى صحنها و تعبث فيه بشوكتها ثانية
- محتاجة أشم هوا الطبيعة ...عارف نفسي ف ايه ؟؟
جاوبها و هو سرحان فيها : ايه ؟☺️
أميرة بشرود : نفسي اقعد تحت الشمس و الهوا يطير شعري... وحشني الشعور اوي من لما اتحجبت ما عملتهاش
ضحك ياسين قائلا: و ده اللي هو من امتى ؟
اميرة : عايز تعرف اتحجبت امتى صح ؟
ياسين بإبتسامة: بصراحة ايوة ..عندي فضول كبير اعرف امتى
اميرة بخجل: اقولك و ما تستغربش؟؟
- هأستغرب ليه ؟ قولي بس
اميرة : قبل ما تخبطني بيوم واحد
- لا و الله ؟؟؟
- اه و الله
ياسين : طب مادام كدة شدي حيلك و كلي كويس عشان عظمك يجبر بسرعة و بعدها تطلعي من قعدة البيت دي ماشي ؟
اميرة : حاضر ☺️
عودة من الفلاش
نزل الى الأسفل مسرعا و قد قرر شيئا .
في مقر العصابة
وصل دانيال في الصباح الى المقر و توجه الى غرفة سحر و هو يحمل صينية بها طعاما
- اخبرني لوكاس بما حدث ...لا نريد ان يتكرر ذلك الامر
سحر بلا مبالاة : عن اي أمر تتحدث !! 🙄
- فقدانك الوعي طبعا ..نريدك بصحة جيدة خذي كلي هذا
سحر بتهكم : اه طبعا 🙄 كي تاخذون اعضائي بدون اي مشاكل
ضحك دانيال : يا لك من ذكية ! هيا كلي طعامك لا أريد اي تحذلق
وضع الطعام و كان يهم بالإنصراف فاوقفته بجملتها
- لم يخبرك إذن عن الگلب الذي حاول إغتصا"بي 🙄
التفت إليها بدهشة فأكملت بثقة : طبعا لم يخبرك ....توقعتُ ذلك
كانت فاتن تتقلب طيلة الليل لا تستطيع النوم و دموعها تنزل بتلقائية
صالح : أهدي يا فاتن احنا محتاجين نفكر بهدوء عشان نلاقي حل مش معقول هتفضلي تعيطي طول الوقت !!
فاتن بإنهيار : يا برودك يا اخي !!! بنتك مخطوفة و يا عالم عملوا فيها ايه و انت ولا على بالك !!
صالح بضيق : ماهي بنتي زي ما هي بنتك و يمكن بحبها اكثر منك بس عايز الاقي حل مش اقعد ألطم !!
في ذلك الوقت رن هاتف فاتن
نظرت للرقم و كانت صدمتها شديدة: ده رقم سحر !!!
صالح بلهفة: طب ردي بسرعة ولا اقولك هاتي ارد انا
فاتن بمقاطعة : لا انا اللي هرد
أمسكت الهاتف بإرتباك و اجابت : الوووو سحررررر !!!
- الو مدام فاتن .
فاتن بتعجب : انت مين ؟؟!!
خالد : مدام فاتن انا خالد .
نظرت فاتن الى صالح بضياع و قالت : خالد ؟؟! تلفون بنتي بيعمل معاك ايه ؟؟!
خالد : مدام فاتن احنا لازم نتقابل و هأفهمك كل حاجة
توجه ياسين نحو المطبخ لإعداد الفطور و فجأة رن هاتفه فرد و وضعه على المكبر بينما يكسر البيض في المقلاة
ياسين : الو نانسي صباح الخير
- صباح الخير سيدي.. اتصلت لأذكرك بموعدك مع السيد جاكوب ...
قاطعها ياسين : نانسي انا لن آتي الى الموعد من فضلك اتصلي بالسيد جاكوب و حددي موعدا آخر
نانسي بتعجب : لكن سيدي!! من الممكن أن نخسر الصفقة فكما تعلم ...الكثيرون يترصدون هذه الفرصة للتعاقد معه !
ياسين بلا مبالاة و هو يخفق البيض : لا يهمني نانسي .. لو كان السيد جاكوب يريد التعاقد معنا سيقبل بتحديد موعد آخر ...و ان لم يستطع الانتظار فأنا لا يشرفني التعامل مع من يبيعنا عند اول فرصة ...الثقة اساس عملنا .
نانسي بإقتناع : معك حق سيدي ... حسنا سأتصل به
ياسين : اااه نانسي ...لا تنسي ايضا تذكير المحامي بضرورة تحضير عقود ارض الشمال ...سنتمم شراءها مع آخر الأسبوع .
- أمرك سيدي
بعد فترة انتهى من تحضير الفطور و وضعه على السفرة
نظر الى ساعته فوجدها تشير الى التاسعة
- زمانها صحيت
طرق الباب بلطف: أميرة
اميرة : اتفضل
- صباح الخير
- صباح النور ☺️
- جاهزة عشان نفطر ؟
نظرت الى الساعة امامها: هو انت مش متأخر كدة؟
ياسين : انا مليش مواعيد اروح وقت ما اشوف ان ده مناسب...يالا اتفضلي
دفع كرسيها الى الخارج و فور ان وصلا الى السفرة تركها و خرج مسرعا و هو يقول
-شوية بس و راجع.... تقدري تبتدي فطور انتي بالهناء ☺️
- اهااا خبار صاحبنا ايه يا منير ؟
- بصراحة يا باشا مش عايز اظهر في حياته الفترة دي ولا حمل مشكلة جديدة معاه
- طب و ليليان ؟؟
- ولا ليليان كمان ...بصراحة هي اليومين دول مشغولة بحد تاني
- اها قلتلي !! ليليان دي مش بتضيع وقت خالص
- خليها تهيص لها يومين ...هانت خلاص هنخلص منها الوا"طية
- خلينا في المهم
- أمرك يا باشا
- عايزك تهدي اللعب مع ياسين اليومين دول
منير بتساؤل : حاضر يا باشا .. طب على سيرة اللعب... انت ناوي على ايه يا باشا ؟؟اصل انا ملاحظ اننا من عملية المخازن الشمالية و احنا ما لاعبناش ياسين ..
المجهول بخبث : البركة في أميرة بقى !!
منير بتساؤل : مش فاهم يا باشا ؟؟
- احنا يا غبي كنا بنعمل كل ده ليه ؟؟ مش عشان يتشتت تركيزه ؟ و لما يفقد تركيزه هيغلط ... و ساعتها نتفوق عليه احنا .. بس اللي انا شايفه ان البنت اللي اسمها أميرة دي في اسبوع بس عملت فيه اللي ما عرفناش نعمله احنا من سنين ...
- برضو ما وصلتش الفكرة !
- مش مهم انت ركز على المطلوب منك و بس
- اللي هو ايه يا باشا
- تجمعلي اخبار عن الحرس بتوع ياسين واحد واحد
- عشان ايه يا باشا ؟؟
- هنحاول نشد واحد منهم لصفنا و نخليه يعمل لحسابنا
- ايوة يعني ليه ؟؟؟
المجهول بخبث : عشان نقدر نطلع المزة من القصر.
منير بتعجب : قلت نطلعها ؟؟؟ امتى ؟؟
المجهول بإبتسامة شريرة : في الوقت المناسب 🙂.
اقفل الخط و هو يتذكر مكالمته قبل قليل
- سيدي لقد عرفت كل المعلومات التي تبحث عنها
- رائع ارسلها حالا
فتح الملف و هو يقرأ بمتعة
مممم معلومات مثيرة ... اتهمتك خالتك بسرقة فلوسهم
البوليس الكندي كان بيدور عليكي ...رجل المافيا دانيال ستيفنز مكلف رجال يدوروا عليكي في كل مكان ؟؟
اهي دي معلومة تستاهل الفلوس بجد ... مادمتي مهمة اوي لليهو"دي اللي اسمه دانيال ده ف أكيد هيفرح جدا لو جات عصفورة و بلغته ان البنت اللي بيدور عليها مستخبية في قصر ياسين المنشاوي !! 😁
بدل ماتدور وتبحث علي الروايات خليها علي تليفونك وحمل تطبيقنا
