رواية حظ عاثر الفصل الواحد و الثلاثون والاخير بقلم ليل ادم
حماده: سعيد شكلي كده حلو حاسس اني نمره أول مره البس بدله
سعيد: ياعم مين سمعك أنا كمان اول مره البس بدله
ادهم : اي ياجماعه خلاص ولا لسه
حماده: وكتاب الله وجهه ياعم اي الشياكه دي ياعم
ادهم : حلوه مش كده
سعيد: وكتاب الله معموله عشانك اي ده ياعم
حماده: خود يا قريبي
ادهم : اي ده يا حماده
حماده: لسه قابض جمعيه خلي معاك الفلوس دي
ادهم : ياض مش انتا رايح تقرأ فاتحه
حماده: لا منا كنت داخل أنا وسعيد ب نفر كل واحد فينا نص سعيد قالي ادي النص اللي معاك ل ادهم وخد النص بتاعي هات بيه خاتم
ادهم : لا ياعم خلي فلوسك معاك أن شاء الله هتمشي كده كده الحمد لله مش محتاج فلوس في حاجه تانيه أنا كده تمام
سعيد: وكتاب الله ابدا خلي الفلوس معاك وبعدين هيا دي فلوس دول خمس الاف جنيه
ادهم: ياعم سعيد دي فلوس ولاده مراتك
سعيد: ياعم أنا ربنا كرمني وقدرت افتح القهوه بتاعت أبويه تاني والدنيا هتمشي احسن من الأول
باب الغرفه بيخبط
سعيد: ادخل
أم سعيد: واد يا ادهم اسمع كلام اخوك سعيد أنا معايا اربع آلاف جنيه شايلهم لما مرات اخوك سعيد تولد
ادهم : والله ما عارف أقول اي
أم سعيد: تقول اي يا عبيط دنتا زاي سعيد عندي ويمكن اغلا كمان والواد حماده المجنون ده زاي سعيد
ادهم: ربنا يخليكم ليا يارب يا خالتي
باب الشقه بيخبط
سعيد: مين
جمال: افتح هو حد يعرفكم غيري
سعيد: لا طبعا ياعنتيل اتفضل
جمال : الواد ادهم فين
سعيد: جوه
جمال : ادهم
ادهم : اي يا عنتيل
جمال: خود تعاله عايزك
ادهم : بعد اذنكم اي يا عنتيل
جمال : تعالي بقولك ( وخد ادهم على فوق عند باب شقته )
ادهم : اي الشنط دي كلها في اي
جمال : دي حاجات حطها في الثلاجه عندك علشان أنا عارف أن الدنيا جت معاك في الاخر ونشفت نزلت الصبح اشتريت الحاجات دي من غير ما حد يعرف افتح الباب بقا وانجز
ادهم : ياعم دي حجات كتير اوي
جمال : بالهنا والشفا عليكم
ادهم : اي ده يا عنتيل
جمال : دا كاچو ياض لازوم السهر والليل الطويل
ادهم: مش بقولك عنتيل
جمال : امسك
ادهم : اي ده
جمال : خلي معاك الفلوس دي
ادهم : لا والله معايا الحمد لله لسه الواد حماده مديني فلوس والله
جمال: أنا مالي ومال حماده و مياده خود ياض
ادهم : ياعم جمال
باب شقه ادهم بيخبط
جمال: امسك شيل الفلوس في جيبك قبل ما حد يدخل بقا ( وحط الفلوس في جيب ادهم )
ادهم : مين
أم أيمن: أنا يا حبيبي
ادهم : تعالي يا خالتي
أم أيمن: يابن من الصبح عماله اتصل عليك
ادهم : التليفون تحت عند امي
أم أيمن: طب خود اقولك
ادهم : مالك في حاجه ولا اي
أم أيمن: خلي الألف جنيه دي معاك تنفعك في اسبوع الاجازه
ادهم : هو في اي يا جدعان هو حد قال إني جعان اوي كده
أم أيمن: هو يا هبل انتا مستني حد يقول انتا معاك ولا لا دنتا نازل من الدكتور علي أيدي أنا شوفتك قبل امك
جمال : مش بقولك وليه خنشوره
أم أيمن: انتا هنا يا منيل
جمال: منيل يا ترعه المفهومية
أم أيمن: ( بتغمز ل ادهم علشان يخبي الفلوس)
جمال: بتغمزي للواد ليه يا نصابه من عارف انك سارقه مني الف جنيه بس طالما طلعتي رجوله كده خلاص يابت يا حبيبه حلال عليكي
أم أيمن: حبيبي يا عنتيل مفيش كمان الف جنيه أنا عارفه انك مولع الدنيا بلاش تكدب
جمال: خودي الف جنيه اهي اي خدمه يا خنشوره انتي
أم أيمن: عنتيل عنتيل يعني
جمال : شوفت ياض يا ادهم علشان تعرف بس الست تعشق الفلوس زاي عنيها
أم أيمن: قصدك اي يا جمال
جمال : أنا قولت الست انتي ست
أم أيمن: أما أنا اي يا جمال
جمال: ست ستات مصر كلها
أم أيمن: استاذ تثبيت يا منيل يخربيتك بحبك
ادهم: لا أنا مليش مراره على شغل رد قلبي ده بينا علشان تأخرنا
أم أيمن : انزل على امك بقا عماله تعيط تحت وام سعيد لما صدقت حد يعيط قصادها علشان تولع الدنيا
ادهم : طب أنا نازل اقفل الباب وراك يا عنتيل
جمال : تيجي نجرب شقه الود ادهم يمكن يكون فيها الدواء
أم أيمن: بلا وكسه هتقعد تقشط شمال ويمين والشقه جديده حرام عليك ياله يا اخويا
جمال: بتقفلي نفسي عن الدنيا وليه جربانه
في جانب آخر
ادهم : اي يا حبيبتي بس مالك
الأم: مفيش مخنوقه شويه ياله خلينا ننهي الليله السوده دي
ادهم: أنا جعان طيب عندك أكل اي
الأم : ( بتضحك وهيا بتبكي ) قرنبيط تاكل
ادهم : ( بيضحك ) وعايزني اقعد معاكي بقولك تعبت نفسي اشوف حجات محمره حاجات مشويه
الأم : هتتجوز علشان كرشك يا حمار
ادهم. : اه اه أنا حمار
جمال : خلاص بقا يا فاتن دا قاعد في الدور اللي فوق دماغك وبعدين محنا كلنا معاكي
الأم : خلاص والله مفيش حاجه
أم سعيد: العيال بتكبر يا فاتن ( وبتعيط )
جمال: ايمان نهار أبوكي اسود مش كل ما تسكت تفتحيها فينا تاني قومي اغسلي وشك انتي وهيا خلينا نروح الواد أتأخر
ادهم : اه صحيح ياله
بعد الوصول إلى القاعة
جمال : الفرح نايم اوي ياض يا حماده اي الناس الكئيبه دي
حماده: اه والله ياعم الناس دي مش بتعرف تفرح
جمال: معاك حاجه بس بصراحه
حماده: معايا حبيبك اللي بيجيب من ابو أخر
جمال : لا متقولش
حماده: وربنا معايا شريط دريميلي أتنين ملي
جمال: حلو اوي هات واحده
حماده: واحده مين تعالي معايا المطبخ علشان بعمل قصه موت
جمال : بتعمل اي تعالى
حماده: شايف العصير اللي في البرميل الازاز ده
جمال : ده برميل يابن الجهله
حماده: المهم يعني
جمال: المهم
حماده: أنا هفتح شريط الدريملي في البرميل ده وقلب قلب قلب الناس تشرب الفرح يخرب وخرب يا دنيا عمار يا دماغي
جمال : والله فكره ياله قبل ما حد يدخل
حماده: اقفل الباب محدش يدخل طيب
جمال : روح حماده اوعا يكون في ملين ده كمان الله يحرقك
حماده: لا وربنا دريملي اتنين ملي على أبوه خلاص افتح
جمال : خلصت
حماده: اه ياله
بعد مرور عشر دقائق
جمال دخل البوفيه
جمال : هو في اي ياجدعان الناس عايزه حتا تشرب عصير
عامل البوفيه : كل حاجه ليها ميعاد يا استاذ
جمال : ياعم ونعما بالله بس دا عصير في اي
حازم : في اي في اي
عامله البوفيه: الاستاذ عايز العصير ينزل الوقتي للناس
حازم : خلاص يبقا ينزل اتفضل انزل لكل الناس بالعصير
عامل البوفيه: تمام مفيش مانع
جمال : هات كوبايه أنا الاول هات كوبايه ل استاذ حازم كمان
عامل البوفيه: اتفضل
جمال : قربع يا حازم بيه دي هتبقى ليله عنب
حازم: هات تسلم ايدك
جمال : تسلم ايد حماده قصدك
حازم: نعم
جمال : لا سلام أنا الوقتي هات واحده تانيه ياض يا محمد
عامل البوفيه: اتفضل اسمي احمد
جمال : هو أنا هعملك بطاقه قربع انتا كمان دور العصير ده مفيش منه تاني
بعد مرور نص ساعة
رحاب : ادهم أنا حاسه أن الجو نار
ادهم : أنا حاسس اني عايز اقوم امسح القاعه وربنا
حماده علبه قام خد الميكرفون من القاعه
حماده: ( بصوت عالي) اخويا ادهم الف مبروووك الدريملي اتنين ملي يتحدث وصاحبه في غيبوبه شغلي يابني لسه ناوي على الرحيل
جمال وسعيد وباقي الفرقه حريم ورجاله طالعوا على مسرح القاعه وبدأت الليله
خد ادهم رحاب ونزل يرقص مع أهله وفجأة القاعه كلها بقيت ترقص رقص جنوني حتا عمال القاعه دخلت وسط المعازيم
ادهم : انتا عملت اي يابن المجنونه
حماده: الفرح كله برقع دريملي اتنين ملي خراب يا دنيا عمار يا دماغي
جمال : متيجي نروح البيت يا وليه شكلها ليله غبره
أم أيمن: ياراجل اسكت جسمي نار ارقص معايا يا عنتيل
جمال: ارقصي ياقلب العنتيل
غاده: (اقتربت من رحاب ) أنا مش قادره حاسه اني عايز اضحك وارقص بس
حماده علبه: بقولك وخده شريط دريميلي صنع ايدي
غاده: يعني اي
حماده: يعني محدش ماشي من هنا النهارده
من كتر الهيبره تقريبا كل حاجه في القاعه اتكسرت ومحدش دريان ب حاجه استمر الفرح لحد اذان الفجر
بعد الرجوع الى المنزل البيت كله طلع شقه ادهم
ادهم : هو مش المفروض الناس دي كلها تنزل علشان في حاجه هتحصل يا عنتيل
جمال: ياعم هو في حد غريب اتعامل عادي
حماده علبه: صحيح دنتا دماغك صغيره اوي يا أدهم
ادهم : ( بيضحك ضحك هستيري) يعني دا طبيعي صح
رحاب: أنا مش قادره اقوم من على الكنبه
جمال.: شوفت خليها بكره بقا علشان وربنا ما حد فينا قادر ينزل ولا يطلع
أم أيمن: شكلك في الاخر هتطلع عنتيل يا ادهم ( وبتضحك)
جمال: احترمي لسان أهلك يا بنت الجزمه
حماده: ياله علشان يبقا منزل عناتيل مصر الأول
أم سعيد: نام واسكت بقا يا ادهم
ادهم : وكتاب الله ما مفرحني إلا أنك ضحكتي يا ام سعيد
سعيد: هيا امل مراتي فين
حماده: ينهار اسود
الكل : اي
حماده: قالتلي في القاعه اقف على باب الحمام لحد يدخل وقفلت عليها الباب ومشينا وسبنها هناك
سعيد: ( بيضحك ضحك هستيري) طب وبعدين هنعمل اي يا عنتيل
جمال: الصباح ليه عنين بقا يا سعيد وبعدين يعني هو انتا كنت خلاص يعني
أم أيمن: العيال كلها طلعت عنتيل
(وبتضحك)
جمال: كنتي دخلتي الحمام معاها انتي كمان يا خنشوره كنت خلصت منك شويه
تمت
بدل ماتدور وتبحث علي الروايات خليها علي تليفونك وحمل تطبيقنا
