رواية بين الحب والأسر الفصل الثلاثون 30 والأخير بقلم أمل مهدي
وسام.....
اهدي على كيفج فهميني شكو
هبه....... ياسر ماكو
وسام...... بالي راح ايجوز متعاركين
مزاعلين..... بس ماكو
خوفتني كلبي رجف
ياسر اخوي مو صديقي
ما اتحمل يصيرله شي
.... اهدي وفهميني من اشوكت ماكو
طلعنه الصبح سويه وصلني المدرسه وراح للمحل
كل مره من يوصل يطمني يكول هو وصل
هلمره ما خابر هسه
دكيت عليه مغلق
وسام..... انتظري يجوز يفتحه فد اشويه
.... لا مو عوايده يغلقه واذا على الشحن اني شاحنته الموبايله
عفيه اتصرف... اني ادري انت بالاردن.... بس ما اعرف شسوي
وكامت تبجي
وسام.... ماشي انت ارتاحي واني اشوف شسوي
سديته منه واني عقلي انشده
اني بعيد شاكدر اسوي
اخ يا ياسر ادعي الله بس يحفظك
دكيت على حسام
وفهمته يروح للمحل يسال عنه
عسى المانع خير
حسام...
رحت على المحل معزل
سالت جاري
حسام.... ابو حسنين ما شفت ياسر
ابو حسنين..... اليوم ما اجه
ولا شفته
حسام.... لا بربك
وين راح واكف اباب المحل وادك مبايله مغلق
حسام....اخابر وسام... لا هذا بعيد
شيكدر يسوي
خابرت ابو علي السواله الباج مال الدخول
الو شلونك ابو علي
..... هله هله يابه اشلونك حسام
.... اكلك تذكر الولد شريك وسام السويتله الباج
.... اي اذكر اشبي
...... يمعود الولد ماكو من الصبح
..... شنو يعني
.... انت مو ابسيطرة الجسر شوفلي الموضوع
بلكت شايفي اسمه مار عليهم لان هو
يوميه يجي
.... ماشي اسالهم واخابرك
حسام مسافة الطريق رجعت المحلي
ودك عليه ابو علي
..... كول ابو علي
..... صايره مشكله بينه وبين واحد مو من ربعنه
.... يعني اصاير وهسه هو وين
..... تعال واني وياك اروح بلكن انحله
حسام.... قلقت اشصار يعني
اخذت ابو علي ورحنه للسيطره
واحد مرتكب عليه ورفض يدخله يكله الباج مزور وكلمه من ياسر
وكلمه من ذاك متعاركين
وبما انه عرفه صايغ ولهجته تختلف
شالو وين مندري
حسام... جن اجنوني ذوله حتى ابوعلي يكول ما نعرفهم اشلون نتعامل وياهم
مندري....
حسام.... وسام حرك التليفون عليه
واني ما اجاوبه اخر شي
.... الو وسام ياسر منعرف محبوس مخطوف وحجيتله كل الصار
وسام.... عقلي طار وكمت اتخيل ياسر الكا مقتول
فتره مرت على العراقين كثر بيه القتل ومندري منو وليش
يقتل...
صاحب المنصب ينقتل وصاحب الشهاده ينقتل والطالب ينقتل
وكلهم يموتون تحت المسميات الطائفيه والدينيه
فقدنه هوايه والخوف تملك كلوب الناس اعتكفت العالم عن اعماله ودراسته
بحيث الشوارع فرغت من وجود الناس
هبه كل ساعه متصله اب وسام
ما عدهه غيره يساعده
اخوهه زغير وما عنده معارف
صارت ٤ العصر واي خبر ماكو
وقرر وسام يرجع وحجز على اول طياره
سراب.... الوحده بليل دخل علينه وسام
اتفاجات... حضنته مشتاقتله
هلو حبيبي اشو ما كلت جاي
وسام.... مصيبه يا سراب
سراب.... لزمت صدري يا ستار
بيه شي خالتي
وسام.... باوعلي رغم التعب لا
ياسر ماكو
راح مستعجل على المكتبه يدور بيه
سراب....
شدور...
وسام... عندي كارت مال واحد بلكت
يساعدنه
اندكت الباب... طلع حسام جاينه
حسام.... ها بشر
وسام... هذا الكارت مال كاظم بلكت يساعدني
حسام.... الساعه وحده بليل الوقت متاخر
وسام... ما اكدر انتظر منا الباجر شنو يضمنلي يبقى عايش
دك على كاظم ما جاوب
نزلت اارقامه ٣ ودك عليهن
.... الو طلع نايم
وسام.... كاظم دخيلك
كاظم..... منو
وسام.... اني وسام صحصح دخيلك
وحاجيني
كاظم..... وسام منو
وسام..... لك وسام وياسر الجنه بالاسر سويه
كاظم..... ها عرفتك خير خويه
وسام.... ياسر من سيطرة الجسر شايلي
كاظم..... منو شاله ما عرفتو
وسام.... هو لو اعرف اروحلهم بنفسي
كاظم...... هسه اتصل وشوفلك الموضوع
وسام....... حجاهه بتوسل بالم
كاظم بحق الايام وذيج الصحبه اريده منك
وشما يكون الثمن
كاظم..... هسه خل اشوفه وين
وسام..... اني كاعد انتظرك
كاظم ماشي
سراب....
بعد المكالمه
اشوف وسام لازم راسه عيونه حمر
امبين نوم ما نايم
طلع حسام
كوم ارتاح وسام ناملك اشويه
وسام... انطيني براسيتول راسي راح ينفجر
سراب..... هاك اشرب
نزعت سترته متغير هدومك
وسام.... لا اباي لحظه يخابر عليه
كاظم واطلع
سراب... كعدت على القنفه وسحبت
راسه بحظني
خلي افرك راسك حتى ترتاح
ظليت افرك ابراسه الى ان شفته
ثكل نفسه وغفه بحضني
اباوعله وجهه تعبان
اني اعرف شكد يحب ياسر ومتاذي عليه
يارب الطف بينه وبالمسكين ياسر
وخلصه
ظليت على كعدتي بحدود الساعتين رجليه خدرت
بس ما ردت احركه اخاف يكعد وهو منايم
حتى غفيت على كعدتي
بجت روان اني فزيت وهو هم
كعد
سراب.... هاي مخده كمل نومتك
وسام.... صار الفجر داشوف كاظم اشسوه...
هبه.....
خلصت ليلتي بجي ياسر راح
كلنه خايفين من الوضع
اشلون لازم اتصل باخوانه هسه يكولون ليش ما كلتيلنه
اي احسن يجون يصرفون يدورون
دكيت على اخو سيف وفهمته
اتخبل كال جايين
للظهر دخلو عليه بالشقه سيف وهشام واختهم الجبيره كحلاد
خابرو على وسام
سيف... الو ابو سيدرا
وسام... اهلا سيف اشلونكم
سيف.... اشلونه يخوي احجيلي
منين نبدي اندور
وسام.... ابقو بمكانكم اني رجعت البارحه باليل
ومكلف ناس وعدوني خير
سسيف.... يعني عايش اصار ويا
وسام... حجيتله كلشي
اصبرو اشوف هذا صاحبنه شيسوي
منتظر تليفون منه
كاظم.... الو ابو كرار
.... هله كاظم بشرفك نايم وتكعدني
كاظم.... كوم اليوم احرككم حرك
..... خير ياستار
كاظم..... شمسوين بالسيطره اليوم هذا الماخذي ليش شمسوي
..... انه شعليه اجونه من الحزب****
كالو نوكف تفتيش بالسيطره
ساعه ما شين عدل
الا بعدين جلبولك بهذا الولد
وهو وكح يجادلهم ويتعارك وياهم
جرو وخذو
كاظم.... وليش ما كلتلي بكيفهم
ياخذو
منو تعرفه منهم
..... ابو الدهن اعرفه الباقين لا
كاظم.... منو ابو الدهن انوب
..... هذا الجان يبيع بانزين ودهن على الشارع العام جان وياهم
كاظم..... كوم بسرعه راح اجيك
مريت على السيطره اخذتلي دوريه ورحنه البيت ابو الدهن
دكيت الباب خسفته ما طلعو
دفرته وكع
وصحت ابو الدهن عليوي...
فتح الباب واجه يركض
ابو الدهن...... ابورقيه!!!! خير اامرني
كاظم...... جريته من زيكه نيمته بالكاع
خاب تشتغلون من ورايه اشيلون بالعالم بكيفكم
ابو الدهن..... شكو اصاير هدني ما مسوي شي
طلعو امه واولاده ومرته ناس تبجي وناس تترجه
كاظم..... كوم امشي وياي دليني على الولد وين وديتو
وحك علي لو الكا خرموش على
جلده الا اسحلكم بسيارتي
صايرين مسلبجيه كواويد لازمين الدرب على العالم
اخذو ابو الدهن ومشو
ابو الدهن.... هنا بهذا البيت
كاظم.... هذا انوب شنو مقر مالتهم
ابو الدهن..... اي
انه َما َلزمته للولد همه اثنينهم شبكو
واخذو جوه
كاظم..... انزلو
ابو الدهن دخيلك عوفني بالسياره
اخاف يعرفون اني دليتك
كاظم.... ماشي ابقه حسابي وياك بعدين صايرلي نجر الخنيث
نزلت وحمايتي وياي
دك التلفون... اباوع وسام
مو وكتك رفضته رجع دك
جاوبت
كاظم...... الو بعدين احجي وياك
وسام.... كلي عايش لو لا
كاظم..... دكول يا الله خليه عليه وما عليك انه اجيبه
وسام..... انت وين اريد اجيك
كاظم.... يا بويه شي جيبك
اصبرلي اكمل الشغله البيدي وخابرك تجيني
وسام...... انتظرك
دخل كاظم
تلكو حرس امسلحين اثنين ...
ممنوع منو انت
كاظم.... انتم مو جماعة قاسم الحافي
وخرو من وجهي... دفعهم وفات
دفر الباب برجله وفات
قاسم..... شكو صاح
كاظم.... جر المسدس حطه على راسه
كوم كواد مسويلك عصابه اشيل بالناس من يمته نلزم الدرب علي العالم
كول بعد محد يزور الامام الكاظم
على هاي دكتكم
قاسم.... يادرب على كيفك ابو رقيه
فهمني شكو
كاظم..... تسال شكو اليوم انعل والديك
طلعلي ياسر وين ضامه
قاسم... سكت...
كاظم.... وين ياسر احجي لا فلش راسك
قاسم.... تعدي عليه وكلت اادبه
كاظم..... جا مو انت معدل وتفتهم
وحك علي اذا ما قدمتك محاكمه
انه اطلع ناقص
وينه احجي
قاسم.... بالبستان
كاظم.... تردون اساومون عليه بفلوس
قاسم..... هذاصبيح رتبه هيج ولان الولد اتعارك ويا
كال ما اهده الا بدفتر
كاظم.... كوم وياي للبستان
دك وسام... الو اي انشالله لكيته
اي تعال نتلاكه بالتقاطع يله
وسام.... ركض للكنتور حط المسدس
بحزامه وشدة دولارات بجيبه
سراب.... فدوه وين رايح وسام
التفتله خايفه.. رجع
حضنه ديري بالج على البنات وقفلي البيبان
لازم نلكه ياسر لا تخافين ارجع
كاظم
اخذت قاسم وطلعنه للبستان
لاكيت وسام اشرتله يمشي ورايه
اني وياي دوريه بيه سته حرس وكلنه مسلحين
وصلنه البستان... دكيت هورن خبصتهم
فتح الباب الحرس نزلنه
دخلنه البستان حرس اثنين وتلكانه هذا الاسمه صبيح
مرتبك.... هله ابو رقيه اشجابك
جان خابرتلي واني اجيك
كاظم... ما حجه جفته ومطله بالكاع وداس بحذائه على راسه
الحرس مالته اثنين
رفعو السلاح على كاظم
وحرس كاظم هم جرو اسلاحهم
بوجه ذولاك
وسام.... اني واكف وتيهت وين صرنه ووين وصلنه تهديد وسلاح
وما تنعرف
كاظم صاح بيهم نزلو اسلاحهم
وين ياسر..... اصبيح
صبيح.... ما ادري
كاظم...... اذا َما طلعت الولد هسه
طلقه وذبك للجلاب مسلبجي حرامي احجي
واشر الربعه دخلو فتشو المكان
مالكو شي
احجي وين الولدوحط المسدس علي راسه
صبيح.... راح احجي اوكف
ابذيج الغرفه واشر على داخل البستان
وسام ركضت ويه الحرس
جانت مغربيه
والمكان اظلم فتحت الضوه مال الموبايل وصحت ياسر
ياسر.... هنا اني..
دفرو الباب الحرس ودخلت بيدي
اللايت
مربط رجليه واديه وبالكاع مطروح
غرغرت الدمعه بعيني
ما هان عليه اشوفه بهلحاله
يباوعلي مبتسم
واني اباوعله بقهر
وكانه عجزت الكلمات عن ترجمت كم المشاعر
الدنحس بيه بهلحظه
فكينه الحبل اني والحرس وكومته
وحضنته
كله واحنه ساكتين
مالكينه كلمه اتعبر عن احساسنه
بذيج اللحظه
لاحظت يعرج... ضاربيك على رجلك
ياسر... لا من سحلوني انضربت رجلي بحجاره
يله جريته من ايده وطلعته
كاظم.... ها خويه كول ضربوك ما دامه جوه رجلي
ياسر..... لا ما ضربوني بس مبايلي
وهويتي والمحفظه
كاظم...... صاح بسرعه انطو كل غراضه يله
يله وسام اخذ خويك وروح
وحك الامام علي اذا ما اذبكم
سجن انه ما اطلع ابو رقيه
الحرس مالته ضربوهم جامعه
وصعدهم بالسياره
وسام.... تقدمت حضنت كاظم
بيش اجازيك والله انت اصيل
وما دامك حقاني الله راح يوفقك
اامرني واني حاضر
كاظم..... ههههه اخذ صاحبك وروح
وشتحتاج بس تلفون الكاظميه كله
جوه ايدي اريد جريذي يخربط
ياسر..... باوعله ولله لو اشكرك منا الباجر ما يكفي معروفك
كاظم.. لا تشكر هذا شغلي وواجبي
صعدنه السياره
دك الموبايل... سيف
وسام... هاك ياسر جاوب
ياسر... الو... انه جاي
خويه ما بيه شي انتو وين
سيف... اباب الاَمام اختك موتت روحه وكاعده تطلبك من موسى الكاظم عليه السلام
ياسر... اني جاي
وسام.... خابر مرتك خطيه طمنه
ياسر.....
طلعنه للامام ذبينه السياره بالكراج
وتمشينه لاكيناهم
اصرو اخوانه بعد ما يبقي ابغداد
وما يرجعون الا ياسر وياهم
ياسر... اشلون اعوف شغلي
ما يصير بيتي ومرتي هيه هينه
وسام..... هينه اسمع كلام اخوانك وروح اني صعب عليه اافاركك
بس ما اتحمل يصيرلك شي
وزوجتك واخوهه انقلهم
ياسر... وشغلي اشلون
وسام...... التريده اني حاضر
انت فصل وانه البس
ياسر انت غالي عندي لا تهون الامور
بعد الشفته متاكد ايامنه الجايه صعبه
ياسر......
سيف ظل يمي يشيلني
وهشام وكحلاء رجعو اجرولي بيت
خلال اسبوع انتقلت للانبار
وعفت صاحبي وخوي الما فاركته طول ال١٩ سنه
تاريخ يربطنه ياما وياما عشنه ضروف ومواقف
الخبزه واللكمه نتقاسمه واحد
يعين الثاني ويشاركه بألمه وحزنه
وفرحه
وسام صديق واخ وعضيد وظهر
يسندني واسنده
وسام
ساعدته بنقل هبه واخوهه احمد
رغم يوميه نتخابر بس احس بفراغ
يوميه هاي الساعات النكعدهه سويه
اني وياسر بيه متعه وراحه اليه واله
حتى هو يشكي وضايج
اني وياسر واحد يفهم على الثاني من نظره
من بعد ما استقر ابيت وداومو هبه واحمد بده يتفرغ للتفكير بالعمل
وهنا فضينه الشراكه
ونطيته اكثر من حقه حتى يشتري محل
وفتح محل صياغه بسوك الذهب بمركز الانبار
واموره مشت والحمد لله
سامر.....
من بعد رجعة وسام ظليت بحدود
الاسبوعين معالجه فيزياويه
وعلاج طبيعي
تحسنت هوايه افتخار كامت تمشي وحدهه بس بطيئه
عدهه ثكل في رجله وايدهه اليمين
بس احسن تحجي وتتحرك
سراب.... اقترحت نتلكاهه بحفله
حتي تفرح وتحس الكل مشتاقله
وفرحان بسلامته
اني واسيل وحسام ووسام وخالهم سعد وعائلته وعمامهم
زينه الهول بالنفاخ والنشرات وحضرنه كيك وشموع
وفاجاناهم من دخلو
وخصوصا من دخلت تمشي على رجليه مو على كرسي
فرحت اهوايه وهيه بنص احفادهه
واولادهه
اخذت روانه مني وبوسته وباعتله
افتخار.... هاي حلوه تشبهج
سراب.... حسيته متغيره اتجاهي
طول الكعده من التفت الكاهه تباوعلي ببتسامه
دائما ااؤمن انه ماكو حال يبقى على وضعه لابد بيوم يتغير
حتى الكلوب ممكن يتغير بيه الحب الى كره او الكره الى حب
كاعده افتخار ابين ولدهه
وسام حاضنه وحسام لازم ايدهه
وسامر كاعد بالكاع يم رجليه
والكل يضحكون هاي كانت اول صوره اخذه الهم بمبايلي الجديد
الجابليا وسام اسمه الدمعه
افتخار...... سراب تعاي
سراب... اجيت يمه جانت لابسه خاتَم كلش حلو عباره عن فراشه
نزعته من اصبعه ولبستنيا
وكالت هذا هديه كانت من عزيز
غالي عليه البسي انت تستاهلينه
اتفاجات
بس حسيت قدمتلي عربون صلح
بسته وحضنته
.... اشكرج خاله
من رجعت لليوم احسه تغيرت
صارت اهدا وتواضعت اكثر معاملته
الي تغيرت
وصرت اجيهم كل عصريه ومره اجيب كيك
مره معجنات ونكعت سويه
جاي
وسوالف رواء واسيل
الصارو حوامل اثنينهن
اما اني فما صار عندي حمل بعد روان
الله سبحانه وتعالى انطاني ذوله البنتين ملن عليه الدنيا اني ووسام
المازلنا عشاق لحد هاي اللحظه
متغير حبنه بالعكس زاد وفاض للحوالينه....
ياسر..... الو وسام
وسام.... هلو ضلعي اشلونك
ياسر.... وسام هبه بالمستشفى
راح يجي ولي العهد
وسام..... انشالله تكوم بالسلامه واحنه نحجي
اجتي اخته كالوله اجاك عمار
وسام..... الحمد لله علي سلامت هبه
ويتربه بعزك ياسر
ياسر..... فرحان وتمنيتك يمي
وسام... اجيك ايام تخلص وتروح
ولازم نتقابل
اكلك الرائد خابرك
ياسر..... اي
وسام.... عزمنه على عرس ابنه
ويكول كل واحد يحسب احسابه اسبوع يبقى يمي
ياسر.... اجي وجيب سيف وياي يريد يتعرف عليه
من كثر ما احجي بي وبيك
وسام.... انشالله نلتقي
رائد....
اشتريت تكسي واشتغل بيه
ماشيه امورنه
وريهام هاي اخر ايام حمله
طول هاي الفتره اني علي تواصل
مع ليث
نتخابر دائما
فتح شركه مال استيراد سيارات
بالاَمارات
وماشي
شغله
وهسه بدينه بمشروع يدزنه سيارات من الامارات بيه ضرر قليل
واني وعقيل فتحنه ورشه تصليح
ومعرض نعرض بي السيارات
بمساعدة ما هر ورافد
المعرض وورشه
ومعرض ماهر البلعرصات
ليث... ما قطع علاقته بينه ابد
رغم بعيد بس على تواصل مع حتى وسام
حددنه هذا الاسبوع زواج ماهر
اجر بيت بشارعنه واثثه
اجونه من تكريت ام مهدي وابراهيم وشيماء واولادهم
ام مهدي ابكل مناسبه حاضره ويه ام رائد
ابو ماهر... بالحنه ذبح عجل وسوه
عزيمه جبيره للمعازيم
بعد العشه رافد جايب فرقه حيت
حفلة الحنه اغاني وموسيقى
ركصو عليه الشباب
بنفس الوقت بالبيت حفلة شهد
مالت الحنه
كان يوم حلو الكل فرحان بي
ثاني يوم الزفه
طلعت السيارات من البيت للصالون
ورجعو للبيت
بسبب ضروف البلد وفقدان الامان الكل كام يختصر حفلات الاعراس
ويقيمه بالبيوت مكتفي بالاقارب والمعارف
يحضرون يفرحون وياهم
وسام......
اتصل عليه الرائد
... من زمان دااحضر الهاي اللمه
وسام.... احنه صرنه واحد بالشرق وواحد بالغرب
والله لو باخر الدنيه لازم تحضرون
وسام... والله اجي لعيونك والخاطرك
وراح اجيب ابو علي وياي هذا
اعرفكم عليه
الرائد... الدعوه مفتوحه اخوانكم
واهلكم واصدقائكم
الوكت اخذنه اريد اشوفكم ونذكر
ذيج الايام الاشكد ما بيه مراره
تحس بيه نفس عايشه وياك
ما تريد تنساها
وسام..... اجاني ياسر وسيف من الرمادي
وطلعنه كلنه وحسام للديوانيه
عجبني ازور عائلة المرحوم محمد
وصلنه العماره وبعده المجر الكبير
وطبينالهم الظهريه
تلكونه ولده ضيفونه بالاستقبال
تعرفنه عليهم كلهم رجال
ابو علي.... جا سراب وين
وسام التفتت لابو علي.. ابتسملي
وحط ايده على رجلي
عباس..... هسه اجيبه
دخلت سراب عمرهه ١٠ سنين
بيضه وحلوه
ابوعلي.... وسام تذكر المرحوم محمد من كال لو ارجع و خلف بنيه اسميه سراب
هاي حفيدته سموهه مثل ما راد
وسام.... صحته تعاي عمو
اتقدمت لاببسه حجاب وكصايبه شكر طالعات من جوه الحجاب
جنت لابس كلاده ذهب اية الكرسي
نزعته ولبستهيا هاي هديه الج لا تنزعيهه
ودعناهم وحنه نترحم على محمد
وطلعنه وهلمره للحله
تلكانه الرائد حسن ونتفاجا بكاظم
كدامنه
ما ظلينه اسبوع ٣ ايام بس من العمر الكعده بالبستان ووالترحاب والكرم اول يوم زواج ابنه عرفنه بخوانه
وعمامه ويومين بالمضيف
الرائد حسن.... تفضلو هاي جكاير
ياسر.... بس لا تتنهن مغشوش
ههههه
وسام.... بعدك تذكر
ياسر..... اشلون َ انساهن حمسني حمس بيومه واشرب مي مج مال البير وبعدني عطشان
الله لا يرده من ايام
وسام..... حلاته جمعتنه ولمتنه
كاظم..... كلكم تحملتو بس انه
ما تحملت وطلعت
الرائدحسن..... وهسه انت ويانه
وما ناسي اصلك ولا ربعك
واشر على ياسر
خلصنه الثلاث ايام ورجعنه
التاريخ نهاية ٢٠٠٥ / ١٢
سراب
كاعده يم افتخار ورواءواسيل
وبناتي يمي والولد يلعبون بالاتاري
دك تلفوني
وسام..... الو سراب
سراب... هلو حبيبي وين انت
اشو ليهسه ما جاي
وسام... محتاج فلوس خلي حسام يوصلج للبيت وجيبيلي
سراب... خير خو ماكو شي
وسام...... هسه دجيبي وبعدين اكلج
عوفي البنات لا تاخذيهن
سراب.... ماشي
اخذني حسام على البيت
فتحت الباب ودخلت
حسام..... ادخلي انت هسه اجيج
سراب.... يا وين راح
دخلت اسمع اغنية ام كلثوم مشتغله
بالاستقنال
شنو احد موجود بالبيت......!!!!
خفت بعدين كلت معقوله وسام
اهنا
فتحت الباب بحذر
والَمفاجأه.... سكتتني
وسام... واكف وكاشخ وبيده باقة ورد
اتقدم خطوتين ونطانياهن
هههه كل عام واحنه بالف خير وحب وسعاده
اني بس اباوع عليه كانه اول مره اشوفه
مبتسمه فرحانه.
...... اصدك ناسيه اليوم عيد زواجنه
...... اقترب مني حضني بوسني بين عيوني
ونزل
ميهم المهم.... نحتفل ونكون سويه
سحب ايدي وشغل ام كلثوم العشق
ولف ايديا حول خصري وصرنه
نتمايل ويه الاغنيه
ويغنيلي مثل قبل.....
كان لك معايا
اجمل حكايا... بالعمر كلو
سنين بحالهه... ما فات كمالهه
على على حب ابلو
سنين ومرت زي الثواني
بحبك انت
وان كنت اادر احب ثاني
احبك انت

ياسربعد ٢٠١٠ رجع البغداد وشتره
بيت بالسيديه فتح محل بالكاظميه
وصار عنده ٢ اولاد
الى هنا انتهت قصتنه اكيد احداث صارت هوايه من ٢٠٠٥ الي الان
بس كان الراي سرد هاي المرحله من عمرهم
والي هيه اهم مرحله الاسر والحب ومعاناتهم
(( النهايه))
تحيه مني انا الكاتبه امل مهدي
اتمنه تكون قضيتو وقت ممتع مع
ابطال قصتي
التقيكم قريبا بقصتي الجديده
/// من يحتوي قلبي///
تمت
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
