رواية حظ عاثر الفصل الثلاثون بقلم ليل ادم
علي القهوه
جمال : هات ياض يا ايمن ٢٠٠ جنيه بتوعي
ايمن : ( مد ايده في جيبه طلع عشرين جنيه ) خود
جمال : اي ده يا حرامي في صفر ناقص
حماده: يعني شويه الدلع اللي حصلوا دول ميسوش عندك صفر
جمال : انتا حسابك معايا بعدين يابن الجزمه فين ياض يا صايع باقي الفلوس
ايمن : مفيش باقي يا دوب شربنا اتنين قهوه و اتنين مانجه
جمال: هو مين اللي شرب مانجه يابن المقشفه
حماده: الله ليه الغلط ده بس
جمال: اسكت انتا
ايمن : عايز اي يا جمال
جمال : عايز باقي فلوسي
ايمن : بقولك شربنا مانجه
جمال. : حماده علبه مش بيشرب مانجه
حماده. : ليه عندي حساسيه
جمال : اسكت ياض
ايمن : عايز اي يا جمال
جمال : الله هو الواد ده حمار ولا اي يا حماده
حماده: مش عارف
ايمن : مفيش باقي تاني يا جمال محدش قالك توذعني وانت مش واثق من نفسك
جمال : يابن المقشفه هيا بقيت كده
حماده: عيب عليك يا ايمن انتا بتكلم العنتيل
ايمن :(بيضحك) عنتيل إلا
جمال: مش بقولك واد ساقع ( وساب القهوه وخرج)
في جانب آخر
الأم: جميله عليك البدله يا دومه
أدهم: اه فعلاً حلوه مكنتش اعرف انها هتكون حلوه كده
الأم: اوعا الجواز يخدك مني يا ادهم وتطلع واطي
ادهم: اي بس الكلام ده يا فاتن انتي تعرفي عني كده
الأم: بيني وبينك ابني وتعملها
ادهم : لا مش عايز تقلقي من الموضوع ده
الأم: يا خوفي يا بدران
ادهم : خوفي اي دانا همسحك من الذاكره
الأم: مش بقولك ابني وتعملها
باب الشقه بيخبط
الأم: روح افتح روح
ادهم : اهدا ياللي على الباب
فتح الباب
ادهم : اي ده عم جمال
جمال : وسع كده عايز ادخل
الأم : في اي مالك يا جمال حبيبه فيها حاجه
جمال: هيا دي بيحصلها حاجه انت ياعم تنزل معايا ترجع فلوسي من جوز النصابين دول ماشي
أدهم: اهدا بس مش فاهم حاجه
جمال: ايمن خد مني ٢٠٠ جنيه جيت اقوله هاتها أداني ٢٠ جنيه
ادهم : طب ما تكتب صفر كمان وعيش يا عنتيل بعدين انتا مش سربت الواد بيهم ولا فشلت ف قولت تلم فلوسك
جمال.: سمعا ابنك يا فاتن
الأم: اهدا بس يا جمال دول عيالك
جمال : علشان كده مفيش عيل واحد منهم طالع متربي سلام
ادهم : خود بس يا عنتيل عايزك
جمال: عايز اي
ادهم : لا مش هنا تعالي معايا
جمال : بعد اذنك يا فاتن تعالي ياض يا دومه
ادهم : ( خد جمال الي غرفته )
جمال: مالك ياض عايز فلوس ولا اي
ادهم : أد الدنيا يا عنتيل بس انت عارف بقا كمان يومين هبقا عريس جديد وبيني وبينك مفيش احسن منك يا عنتيل مصر الأول اتكلم معاه في الموضوع ده
جمال: جدع انت كده ياض يا دومه
ادهم: لا معلش كل واحد ليه مكانه معروفه يعني
جمال : اسمع ياض يا دومه هديك العصاره اللي من الآخر
ادهم : سمع يا معلم
جمال : الست تحب الراجل القوي اللي عنده شخصية الطري ده واللي ماشي ورا أمه سيبك منه
ادهم : صح كلامك قول يا عنتيل قول
جمال : مينفعش مراتك تقف قصادك وصوتها يعلا مره صوتها مره أيدها الموضوع كبر بقيت راجل شيكاره سيبك من العيال اللي هيا بي بوي
أدهم: اي العيال بي بوي دول
جمال: اللي هو يقولك فيها لما تكلم ده وتهزر مع ده و تلبس مفتوح شويه ده عيل عر ولا بلاش
أدهم: ( بيضحك ) وكتاب الله عنتيل ياعم
جمال : نيجي بقا للدلع
ادهم : هو ده الكلام افتح قلبك يا عنتيل
جمال : عايزك منحرف من بعد ١٢ خليك في بيتك +🔞
هات ودنك ياض
ادهم : متتكلم يا عنتيل هو في حد معانا
جمال : امك نايمه على الباب اهي انتا مش شايف خيالها
ادهم : مش بقولك عنتيل خود ودني اهي يا عمهم
بعد اكتر من نص ساعة حديث
جمال : وصلت
ادهم : طبعاً وصلت يا عنتيل مصر الأول حبيبي
جمال: ياله اسيبك أنا بقا
ادهم : عم جمال بكره رايح علشان والد رحاب عايزني قبل كتب الكتاب تيجي معايا
جمال: طبعاً اجي انتا ابني ياض يا دومه
ادهم : بس بالله عليك بلاش شرب ولا برشام
جمال : متقلقش المرادي ثبات على مبدأ
ادهم : عم جمال
جمال : عايز امشي بقا هو أنا كل ما اطلع من الباب تنده
ادهم : سؤال في بالي نفسي اسأله ليك من عشرين سنه
جمال: ينهار اسود عشرين سنه وساكت
ادهم: تصدق
جمال : اسأل
ادهم : البيت ده كله بتاعك بس عمري ما شوفتك خدت من حد فينا جنيه إيجار ولا اتكلمت مع حد في حاجه ليه بتعمل كده
جمال : أنا مليش أهل يا ادهم اهلي كانت عباره عن امك و ابوك الله يرحمه و ابو سعيد بعد ما أبوك راح مفيش سنه كان أبو سعيد راح تفتكر هاخد ايجار من مين من امك اللي جوزها كان اخويا ولا ام سعيد اللي جوزها كان صاحبي ولا أسيبهم في الشارع ياض يا دومه أنا لما بقع بسند على ولادي انتا و ايمن و سعيد وحماده انتوا الفلوس يابني أنا لو كنت عايز أبقا حاجه كنت بقيت أنا اللي صرفته على دماغي وعلى نفسي يمشي الحاره دي كلها اللي باقي من عمرها من غير شغل تاكل وتشرب بس ومش هيخلص
ادهم : عنتيل وربنا ياعم بس يعني الورشه اللي تحت البيت دي معقول مكفيا معاك أصل أنا طول عمري اعرف انك مصاريفك كتير اوي
جمال : ياض أنا لو معايا مليون جنيه في جيبي امشي بيهم اسبوع ولو معايا ١٠٠ برضوه همشي بيها اسبوع فهمت حاجه
ادهم : بتتقضا قصدك
جمال : بالظبط كده امشي بقا ولا هتنده تاني
ادهم : لا كده تمام يا عنتيل
في اليوم التالي
والد العروسه : ألو
ادهم : ازيك يا استاذ حازم عامل اي
حازم : الحمد لله تمام أنا قولت أتصل اعمل تأكيد على الميعاد بتاعنا
ادهم : لا تمام جاي طبعاً
حازم : ياريت تجيب معاك كمان استاذ جمال واخوتك الشباب
ادهم : خير في حاجه ولا اي
حازم: لا مفيش بس علشان نكتب شويه حاجات كده مع بعض
ادهم : مفيش مانع اللي تشوفه
فعلاً خد ادهم جمال وسعيد وحماده وراح بيت رحاب
والد العروسه: منورين
جمال : بنورك يا استاذ حازم
حازم : لا ماشاء الله عم جمال النهارده احسن كتير
جمال : معلش المره اللي فاتت كنت تعبان بس شويه
حازم : ألف سلامة عليك
جمال : خير يا استاذ حازم ادهم قال حضرتك عايز الكل في حاجه
حازم: طبعاً يا ادهم كلامي هيكون مع جمال
جمال : من غير ما تسأل حد أنا معاك اتفضل
حازم : تمام تمام مفيش مانع بس أنا كنت عايز اعرف ادهم عنده شقه خاصه بيه لأن برضوه عريس جديد صعب يقعد مع أمه مش قصدي حاجه والله بس بنتي الوحيده و اكيد بضمن سعادتها
ادهم : بصراحه يا عمي
جمال : ( قطع كلام ادهم ) استنا يا ادهم
ادهم : ( بص ل جمال وهز رأسه)
جمال : مين قالك أن ادهم هيقعد مع أمه
حازم: أنا محدش قالي أن ادهم عنده شقه خاصه بي
جمال : لا عنده شقه خاصه بي طبعاً
ادهم : ( بص ل جمال ومستغرب لانه معندوش شقه )
حازم: طب تمام تمام معلش يا ادهم بس انت اكيد متفاهم اني بطمئن على بنتي
جمال : يا استاذ حازم دي بنتنا مش بنتك لوحدك عارف لو اللي متقدم ل بنتك حد من عيالي غير ادهم مكنتش وقفت معاه بس ده بالذات أنا معاه و وراه وانا مغمض عيني ولا هتجيلك يوم جعانه ولا مضروبه ولا حد قل أدبه عليها هيحطها فوق رأسه علشان احنا ولاد بلد طالعين من تحت ايد رجاله عنيها شبعانه عارفين يعني اي ست ويعني اي راجل
حازم: وأنا بعد كلامك ياعم جمال معنديش كلام أقوله وكل حاجه على ميعادها ياعم جمال
جمال: عند حضرتك اي حاجه تانيه عايز تتكلم فيها أنا معاك اتكلم
حازم: لا تمام مسألة المعيشة دي أنا عارف أن ادهم محامي مبتدئ ومعاه رحاب تقف جمبه ربنا معاهم
جمال: لا لالا يا حازم بيه فلوس بنت حضرتك ل نفسها إحنا معندناش ست تصرف جنيه في بيت جوزها طول ما لسه فيه الروح
حازم: مالك بس يا عم جمال وخدني سخن ليه كده
جمال : أصل عارف ابني اللي قصادك ده سعيد عنده مراته امل مدرسه
حازم: ماشاء الله
جمال: سعيد امل من يوم ما دخلت بيتك صرفت في جنيه
سعيد: لا طبعا هو ده ينفع
جمال: معنديش أنا كده يا حازم بيه احنا ولاد بلد ناس شعبية ممكن تشوفنا قليلين في عقلك بس لما تدخل وسطنا تشوفنا كبار في عينك اللي يقع نسنده واللي محتاج أهل إحنا أهله واللي محتاجه راجل كلنا أخوتها واللي محتاج يفرح نفرح على فرحته واللي عنده حزن نحزن على حزنه يا ويله شوف يا ويله اللي يفكر يرفع عينه في أهل بيتنا وخلي بالك أهل بيتي دول مش مراتي وبنتي لأ أهل بيتي دول مراتي وبنتي ومرات جاري وجار جاري وجار جار جار جاري بنته بنتي أمه أمي أخته أختي مراته تحرم عليا وعلي اكبر راجل في الشارع العالم كله اتغير كله راح وكله جه بس المنطقة ناسها عمرها ما تتغير يا حازم بيه علشان اللي أتعلمته من أبويا قولته ل أولادي و أولادي هيقولوا الكلام ده ل أولادهم علشان كده تشوفنا ناس بسيطة ودماغها تعبانه بس تدخل وسطنا تعرف أن العيش والملح ليهم قانون مش أكل وطفاسه تعرف يعني اي ابن بلد من الاخر
حماده: ( مال على سعيد) عنتيل بجد ياعم اي ده
سعيد: لا ما عمك جمال وقت الجد يسمعك ربع مفيش بعده
حازم: متعرفش كلامك ريح قلبي ازاي ياعم جمال والله ويعلم الله اني عمري ما شوفت حد منكم صغير او بسيط
جمال: يعني مفيش قلق
حازم : مفيش والله
جمال : نقوم إحنا نشوف اللي ورانا
حازم: ما نتوا قاعدين شويه
جمال: حلو كده علشان عريسنا يشوف نفسه ياله يا ولاد
أدهم: ياله بينا
ادهم : ( بعد الخروج من البيت)
ادهم : عنتيل
جمال : عايز اي ياض
ادهم : هات حضن كبير يا عنتيل
جمال: القميص أبيض يا ادهم بقا
ادهم : وربنا كنت عايز أسقف جوه من العظمه اي ياعم ده خليت راسي في السماء
حماده علبه: لا وكتاب الله عنتيل مصر الأول مش كدب اي ياعم الكلام الجامد ده جسمي قشعر منك
جمال: لا معلش حسيت أنه عايز يلغي الموضوع وانا عارف أن الواد بيحبها والبت بتحبه عرفته احنا اي
سعيد: يا جدعان مش دي القصه الوقتي عم جمال قال جوه أن ادهم عنده شقه
ادهم : اه صحيح هنعمل اي في دي
حماده علبه: أنا ممكن أخد امي نقعد مع امك لحد ما تظبط حالك وتشتري شقه
سعيد: فكره حلوه
جمال: طب ليه ما ادهم عنده شقه فعلاً ( وطلع من جيبه مفتاح) خود
ادهم. : اي ده
جمال: مفتاح الشقه اللي في الدور الاخير
حماده: اللي كنت عاملها علشان ابنك
جمال: اه
ادهم : طب ابنك لما يرجع من السفر هتعمل اي
جمال : ابني مين ياض انتا اهبل أنا معنديش عيال
سعيد والجميع بصدمه نعم
جمال: اه والله معنديش عيال
ادهم : ام عامل الشقه دي ليه
جمال : هقولك بس عارف لو الموضوع ده طلع بره يا علبه الكلب هقطع لسانك
حماده: لا وربنا أبدا يا عنتيل
جمال: أنا مش بخلف أصلا ياهبل علشان كده عملت الحوار ده علشان مش عايز يعرف عني عيب حتا لو كان أبويه
ادهم: يالهوي عليك يا عنتيل بقا كل العمر ده عايش وسطنا ومحدش يعرف عنك حاجة
جمال: لا أبوك كان عارف اطلع الشقه وخد اخواتك معاك روق على نفسك
حماده علبه: انتا مش عنتيل وبيت ربنا انتا انسان
ادهم : عنتيل حضن تاني على السريع معلش
جمال: ياعم القميص زفت أبيض
حماده علبه: لا معلش خلي الشياكه على جنب الوقتي
جمال : طب حضن جماعي خلينا ننجز كلنا
حماده: لالالا افتح بوقك الاول
جمال: عايز مني اي يخربيت امك
حماده: لا وربنا هحلي بوقك افتح بوقك يا بابا
جمال: اهو
حماده: اقفل بوقك يا بابا
جمال: يخربيت امك مرار السنين اسمها اي دي ياض
حماده: توب الرجوله معمول عموله على أد جسمك
جمال: ده اسمها ولا أسمها و عنوانها ❤️
بدل ماتدور وتبحث علي الروايات خليها علي تليفونك وحمل تطبيقنا
