رواية كشف المستور الفصل الثالث 3 بقلم جمانه السعيدي
ابو هبه بابا اجوني ناس عليج واني سئلت عليهم خوش ناس وانتي بكيفج اني ما اغصبج
الولد عمرا ٢٠ سنه ويشتغل خلفه بناء
وكل الي اسئله علي يمدح بي وباخلاقه وانتي بكيفج
هبه بابا بعدني زغيره واريد اكمل دراستي
ابو هبه بابا الفرصه الزينه تجي مره وحده واني كلش اخاف عليج انتي لاعندج اخ ولا عم ولاخال
اخاف الله ياخذ امانته وانتي وين تبقين
مادام الولد زين توكلي على الله او وافقي الله يرضا عليج
وباجر اخلي يجي تشوفي واذا ماقتنعتي بي ما اجبرج علي
جمانه السعيدي
ضليت متردده وكلام بابا خوفني
كلت خل اشوفه وبعدين اقرر
طبعا عقلي بوكته ماناضج وبعدني زغيره
ومااعرف الصح من الغلط
وفعلا اجو العصر هو وامه وابو دخلهم بابا بلاستقبال
اني لبست تنوره ضيكة وطويله سوده وقميص وردي فاتح وشال مشجر وخليت مكياج خفيف ودخلت سلمت عليهم
بلبدايه استحيت اباوع علي
كعدت ودنكت وبعدين امه بدت تحجي وتسولف حتى يروح التوتر
كامت تسولف على الحج وهي مسجله وتتمنى اسمها يطلع
بعدين بابا سئله الولد على عمله وشلون متعب هو بدا يحجي واني اجرءت ورفعت عيني اريد اشوفه
وهو راسا التفت عليه ومستمر بحجيه
اني خجلت ودنكت
بس ياسبحان الله ما اعرف اوصف احساسي بهذيج الحضه وكان صورته انطبعت بكلبي
بعدين رحت جبتلهم عصير وكيك خليت كدام امه وابو بلاول
بعدين اجيت اخلي كدامه جان يهمس
عجبتيني تخبلين
اني اديه كامن يرجفن اله شويه جان وكعت العصير
خليت وطلعت بس كلمته ترن ابالي
اسمعه كال البابا انطيني رقمك
وبابا ردله الرقم طلع وبقيت اباوع علي من ورا البردا
طويل واسمر لحيه خفيفه عضلات جسمه بارزه يمكن لان يشتغل يعني شخصيه وهيبه
فرحت بي كلش ودي اركض واصيح اي موافقه موافقه
بعدين بابا دخل كمت اجمع بلكلاصات وراهم ومواعين الكيك
جمانه السعيدي
ابو هبه هااا بابا شكلتي
هبه...بكيفك بابا انت ادرا بمصلحتي
لليل دك تليفون بابا شلته بابا هذا رقم غريب
...جيبي خاف يوسف
سويت نفسي ما اعرفه
هبه...منو يوسف
...هذا الولد الي اجه اليوم خطبج
...هااااا
ابو هبه....الو هله وليدي الله يسلمك يا ابني انطينا مجال لويش مستعجل يومين وارجعلك خبر
هبه...شراد
ابو هبه هذا مستعجل يكول كلشي حاضر ويريد يزوج بسرعه
اني ابتسمت ودنكت
وفعلا ورا يومين رجعنالهم خبر موافقين
واجت امه جايبه الذهب وجايبتلي فستان بصلي كلش حلو وكالت هذا ذوق يوسف
حجزولي صالون بيوم المهر وجابو ناس واجونا
بيومها يوسف كان لابس قاط نيلي وحالق طالع يخبل
عقدلنا الشيخ طبعا اني كلشي ما اعرف الجوارين ساعدني
شويه وكالو العريس اجا واني كلبي كام يدك على السريع
دخل والابتسامه ماليه وجها
لبسني الذهب وكلساع يسمعني حجايه
..حلو الفستان عليج شنو رائيج بذوقي
...حلو
...حلو وبس
سكتت
...شطالعه اليوم تخبلين
...شكرا
...ماترحين وياي
...وين
..البيتنا
...ياااااا
...شنو يااااا غير زوجتي بعد شني
...ليش مستعجل
...بشرفج الي يشوف هذا الجمال مايستعجل زين خلي ابوج يفرغ النا غرفه
...تحجي صدك
...لعد اتشاقه اليوم ما اروح ابات يمكم
الناس مخبوصه تهلهل وتركص وهو يغازل ويبوس
بعدين اهله راحو وهو ماقبل يروح
بابا كاله لازم تبقى يمنا للعشى وهو ماصدك لطش
بعدين بابا راح يجيب عشى جاهز وفواكه وببسي
واني دخلت بدلت لبست فستان اسود ربع ردن بي شغل وبي فتحه طويله من ورا
طلعت جان يصوفر اني استحيت
...يله ومن اكول ابات يمكم يعني ابات شني هاي شطالعه
اجا تقرب عليه وحضني وضل يبوس بيه
واني ادفع بي اخاف بابا يجي لان عندا مفتاح
...يمعود لايجي بابا
...واني شنو مسوي قابل جريمه انتي زوجتي
شويه واجا بابا هو كعد وسوا نفسه عاقل
ابو هبه بابا رتبي الاكل بين ما اصلي واجي
يله يوسف تعال انصلي اني وياك
...اي عمو يلله
رجعت احضر بلاكل اباوع بلمرايه مالت المطبخ واشوف ركبتي صايره حمره
ولله عيب لايشوفها بابا رحت جبت كريم وخليت عليها
خرب ابليسك يوسف هاي شمسوي بيه
كملنا عشى وكعد يسولف ويا بابا واني جبت الجاي
بعدين اتبادلنا الارقام حتى نتفق على موعد العقد بلمحكمه
وراح واني جنت كلش تعبانه رحت بدلت ونضفت المطبخ وتمددت
شويه وتصل عليه
...هلو هبه
...هلو يوسف
..اني زعلان
...ليش
جمانه السعيدي
...هسه بلجذب كولي بات يمنا ما صدكتي اطلع كبل قفلتي الباب
...تحجي صدك من اول يوم تريد تبات عدنا
...لعد اشاقه وياج انتي موخوش اضيفين
...شنو الضيافه بنضرك انام بحضنك
...اي شكو بيها
...يوسف ولله تعبانه اريد انام
...زعلت اطرديني
...لا ما اطردك بس ولله تعبانه بعدين باجر ماعندك شغل
...باجر ماخذ اجازه اكلج ابوج بيش الساعه يطلع للشغل
....ليش
...اجي نتريك اني وياج
...ما افتح الباب انت تخوف
...واهون عليج ابقه واكف بلباب
...لاتجي ولاتتعب ما افتح الباب
...زين اجي من يرجع ابوج واني اعلمج بسيطه
...يعني شسوي
...اله احضنج وابوسج كدام ابوج واريد اشوف شراح تسوين
...فنك اتحداك تسويها
...ايباخ علساس خايف خل اجي وشوفي
ثاني يوم اجا بليل وكال البابا اريد اوراق ومستمسكات هبه
حتى امشي بلعقد
بابا راح يجيبهن وهو طفر حضني اول شي عضني حيل من خدي وبعدي كام يبوس واني ادفع بي وما اكدرله
شويه وسمعنا بابا كح يمكن شافنه ورجع وكام يكح
بس اني متت من المستحه وشعري تخربط
راسا شلت صينية الجاي وشردت
بعد شلون اباوع بعيون بابا
شويه ودزلي رساله هااا شلوني موكتلج اعلمج وابوج شافج لو جاي الصبح جان نقذتي نفسج من هذا الموقف
لمتابعة باقي الرواية زوروا قناتنا على التليجرام من هنا
