رواية سائق القصر الفصل الثاني 2 بقلم جمانه السعيدي
معتز.....رجعت للبيت دخلت والخدامه انطتني
ورقه بيه المسواك الي محتاجي للبيت وياهن ضرف بي فلوس
ولو هاي مو شغلتي اني مااتسوك للبيت المسواك على الوالد
اني اعرف بس اشتري حلويات كرزات
المهم رحت اسوكت ورجعت دخلت المسواك
بس شافته تالي الخدامه كامت تعيب
....هذا مسواك موزين انتي مايعرف يتسوك
معتز....عبريه هلمره بعدني جديد على المسواك
جبت قائمه بلمسواك
اتسوكت بكل الفلوس كلشي مابقيت منهن
لكيت اكو جاي حار على الطباخ صبيت بلكوب وطلعت لكيت ابوي بعده يشتغل بالحديقه
انطيته كوب الجاي ورجعت جبت واحد غيره
تالي...انت لا توسخ مواعين اغسل مواعين جاي
معتز...تدللين
طلعت برا كعدت نشرب جاي اني والوالد
معتز... ماتعرف شنو قصة جنتهم مبينه حزينه حيل
ابوي...هاي بت عمهم ابوها مات قبل فتره هو وامه بحادث
وعمها زوجها الابنه وجابه هنا تسكن وياهم
لان مابقاله اي احد بلدنيا غير بيت عمه
معتز...ليش هلكد حزينه
ابوي...التفت وقرب عليه وكال الله يساعدها ابن عمه
واحد دايح سكير لا شغل ولا عمل وكل خير مابي
بس عمه فرضه عليه
عمه طماع نرجس اتصير صاحبت الشركه وعدها بعد عقارات وملاك
عمه طمع بفلوسه وزوجه غصب الابنه
معتز...وليش تقبل مو من حقه يجبرها على شي
ابوي...هي جانت تحت تأثير الصدمه وحزينه على ابوها وامه وماتعرف هاي الدنيا شبيه مابيه
وخايفه وحدها
هو استغل كل هاي الضروف وزوجه الابنه
معتز....ولله خطيه ماتستاهل
ابوي...ابوها مات قبل أربع اشهر بس طلع الاربعين عمه زوجه الابنه وجابه هنا
معتز....اكول شايله هم الدنيا فوك راسه ولله خطيه
ابوي...مسكينه مابيده اي شي
معتز...بس هي شتدرس اني ماكدرت اسئله
ابوي. هندسه معماريه
معتز...بس تتخرج تكدر تاخذ كلشي ودير حلاله بايدها
ولا هاي المنيه
جمانه السعيدي
بعدنا نسوالف طلع من البيت واحد
شحاله اسمر كصير يمشي مدري شلون
ابوي...هذا همام زوج نرجس
معتز....لا ولله نرجس جنه كلوب هذا زوجه
ابوي...لا شغل ولا عمل بس سكران ٢٤ ساعه
معتز...هذا لو عندي حتى تالي الخدامه ماانطيه اله ياربي
شنو هذا شكل لون حقه نرجس حزينه ومكسوره
فوك مصيبة فقد ابوها وامه
النوب هذا هسه اني انطيته كل الحق تلبس اسود وتحزن
بس شوفت همام اجيب الهم والغم
اني ضجت من يمي
ابوي...الله يساعدها ويصبرها
رجعت الكوابه وغسلتهن خفت من تالي تحجي عليه
خلص ابوي شغل الساعه ١١ ونص رحت وصلته للبيت
وتغديت بيتنا وصليت ورجعت رحت للكليه حتى ارجع نرجس للبيت
شفت الطلاب بدو يطلعون وكفت يم السباره
الحد ماشفته طلعت ادور عليه
راسا رفعت ايدي اشرتله
اجت...ماحجت اي شي اني فتحت باب السياره وكتله
عليكم السلام
قبل لا تدخل للسياره رفعت راسه باوعت عليه جانت كلش قريبه مااعرف شصار بيه من شفته تباوع عليه
ومستغربه من كتله وعليكم السلام
ماحجت اي شي
دخلت للسياره واني طبكت الباب
شغلت السياره وطلعته من ازدحام السيارات باب الكليه
باوعت بلمرايه
شفته تباوع من الجام ياربي شكله شكد حزين
وصلنا نزلت قبله علما هي شالت جنطته اني فتحتله الباب
معتز....الحمد لله على السلامه
هم ماردت عليه
شالت جنطته ودخلت للبيت
بقيت واكف برا اجت الخدامه
تالي....انتي يريد كدا يعني غدا
معتز...لا شكرا اني متغدي
بقيت واكف برا ساعه ادخل بلحديقه ساعه اروح اخدر جاي
منا لليل
المغرب يله رجع استاذ طلال وهمام
بقيت برا بعدين تالي جابتلي عشى تعشيت
وكتله أسئليهم محتاجيني لو اروح
راحت ورجعت كالت
تالي....يكول استاد طلال يعوف السياره ويروح بيتهم
طبعا هي تحجي مكسر كلش بس اني افهم عليه
انطيت سويج السياره التالي ورجعت البيتنا
رجعت كلش تعبان لان النهار كله واكف على رجليه
سبحت ونمت
امي كعدتني الساعه بلسبعه الصبح حتى الحك ابدل واروح اوصل نرجس
غسلت وتريكت وبدلت ورحت
وصلت وأخذت المفتاح من تالي طلعت السياره برا ومسحت الجامه
شويه وطلعت نرجس
لابسه بنطرون اسود قماش قميص اسود رافعه نص من شعرها وعايفه نص
مااعرف ليش اني هلكد مركز وياها
يمكن لان عرفت قصته وحسيته مضلومه
ايجوز لان شكله كلش حزين
مااعرف قربت عليه فتحتله الباب
معتز... صباح الخير
ردت عليه وهي جاي تصعد بلسياره
نرجس...صباح الخير
كعدت وبعد ماحجينا اي شي منا لمن وصلت
وصلته نزلت وكتله اذا تحتاجين شي اتصلي عليه واجيج
هزت راسه ومشت
جمانه السعيدي
شكد اتمنى تحجي وياي وتأخذ وتنطي بلكلام
عاجبني احجي وياها
رجعت للبيت وتالي كالت
تالي....اني يروح وياك اليوم حتى ايجيب مسواك انت مايعرف يتسوك
معتز...بعد احسن خلصيني اني ماأحب شغلت المسواك ابد
رحنا للسوك نزلته وهي راحت جابت مسواك ورجعت عليه
صعدت ورجعنا للبيت
بعدين زوجت طلال كالت اريد اروح الوحده صديقتي
تاخذني وتبقى تنتضرني
معتز..تمام
اخذته وبقيت ساعه ونص منتضره
طلعت ورجعته للبيت
قبل لا ينتهي دوام الكليه بنص ساعه رحت انتضر نرجس حتى ارجعه للبيت
طلعت من الكليه واجت عليه بس وصلت كالت السلام عليكم
معتز ...ضحكت عليكم السلام
كلت بكلبي يالله كامت تسلم
مجرد اباوع عليه راحه نفسيه فضيعه اذا تحجي وياي شلون
لمتابعة باقي الرواية زوروا قناتنا على التليجرام من هنا
