رواية كشف المستور الفصل الثاني 2 بقلم جمانه السعيدي
ماكدرت اتحمل الوضع
الحياة بيتهم مو حلوه اريد اعيش ويا بابا
بدا التقديم للمتوسطه وكلت الخالي كال قدمي
بعدين ردت حجه اشوف بابا
...خالو اريد اشتري ملابس اريد اروح البابا اجيب فلوس
...انسي بابا فهمتي اني انطيج فلوس وشتري ويه بناتي
سكتت بعد شسوي بس ولله ما ابطل لازم انهزم واروح اعيش ويا بابا
فعلا زوجت خالي راحت تشتري ملابس الجهالها للمدرسه
وجابتلي وياها صدريه وقميص وحذاء وجنطه بس كلهن من العاديات ارخص شي
وملابس بناتها كله من الراقيه وجابتلهن حتى طواكه وقراريص وقرطاسيه وحافضة اقلام ومعطرات
وحارت شجيب الهن
بدا الدوام داومت بلبدايه عادي
بس فكرت اطلع من بيت خالي شاغله بالي
اليل والنهار افكر شلون اكدر ارجع اعيش وبا بابا
جمانه السعيدي
وبيوم قررت اطلع الدرس الاخير واروح اشوف بابا
سويت نفسي مريضه وكلت للمديره هذا بيتنا قريب
طلعت وياي الفراشه وصلنا كتله ارجعي وصلت هي رجعت
واني طكيته ركضه للمحل اقصد المحل الي يشتغل بي بابا
هو مو حيل بعيد
هو شافني ونشغ
...هاااا هبه بابا شبكني وضل يشم بيه واني طكيت من البجي
يريد يسكتني ماكووو
...فدوه بابا خل ابقه يمك
...حبيبتي خوالج شرانيين وراح ياذوني وياذوج ارجعي
راح الكه حل اكيد حتى ارجعي وياااي
واني اجيب مشيه واجي عليهم واخذج
...بابا ولله اكرهم مايعاملوني مثل اطفالهم
...ميخالف بابا اصبري تهون
بلكوه قنعني ارجع
حاضنته وابجي اريد ابقه يمه
رجعت للبيت واني عيوني مورمه من البجي شافتني زوجت خالي وكالت هاي شبيج عيونج مورمه
...لا مابيه ناسيه كتابي والمدرسه ضربتني
...حيل بيج مدري بيش ملتهيه يله بدلي بسرعه وتعاي تغدي حتى تنضفين المطبخ
واكو فراش وصخ اريدج تغسلينه
رحت بدلت اكلت شويه ولله ماليه نفس بلاكل وبديت اشتغل
جمانه السعيدي
قررت اشرد واروح اكعد يم بابا بعد ما ابقه يمهم ابد
ثاني يوم بديت تنفيذ الخطه
كل يوم اخذ كم حاجه من حاجاتي بلجنطه واني رايحه للمدرسه واحاول اطلع بسرعه من المدرسه واخليهم يم بابا بلمحل
ويوميه مطلعه حجه يوم عندي اضافي يوم المدرسه اخرتنا عدنا امتحان
الحد ما اجه اليوم الي قررت بي بعد ما ارجع ابد هاي هيه
وبيومها ما رحت للمدرسه
طلعت كبل على بابا
هو شافني وحضني كال اخاف عليج
...بابا لاتخاف مايصير بيه اكثر من الي صار واذا اجوني ما اروح وياهم ابد
بيومها بابا عزل المحل ورحنا اسوكنا اني ويا ورجعنا للبيت
بس دخلت شميت ريحت امي بلبيت
وذكرتها بكل ركن وكمت ابجي
...ابو هبه بابا لاتبجين لوتشوفين حالي وحدي لا انتي ولا امج يمي
ثنيينجن عفتني كلبي خلص من الوحده
همزين رجعتي البيتج حبيبتي
مسحت ادموعي وبدلت وبديت انضف
وبابا طبخ دجاج وتمن وتغدينا الساعه ثنتين اندكت الباب قوي كلش
طلع بابا لكا خالي يرعد ويصيح وانت اخذته ونته شلون تسوي هيج
لكن بابا وكفله وكاله ماتاخذها ابد اله تقتلني هنا يله تمد ايدك على هبه
التمت الناس على صوتهم العالي وخالي يهدد والناس تتفرج
بعدين الجوارين ادخلت
وكامو يحجون على خالي انت شتريد منها
بنته وهو حر بيها
خالي كال خوش خليها يمك بس بعد لاتجي ولاتدخل بيتنا ابد واحنا لانعرفها ولاتعرفنا
راح خالي وبابا دخل للبيت عصبي وضايج
بس اني كلش فرحت راح ابقه يم بابا
راتب ماما جان طالع وبابا كال هذا الراتب اللج والي اشتغلهن اني اسوك بيهن
وفعلا كلما يستلم ينطينيا واني اجمع
ورحت اشتريت ملابس جديده وحذاء حلو وجنطه على الموديل وعطور وملابس داخليه
والاهم من ذني كلهن جنت بالي مرتاح وسعيده ويا بابا
وفعلا خوالي بعد لاسئلو عليه ولا اجونا
نجحت للثاني وبلعطله بابا اخذني ورحنا الماما نزورها
الصراحه تكسرت العبره بصدري صحيح جنت اسمع هي بلنجف بس مامتوقعه هيج كبر وتراب وشمس حاده
مجرد مانزلت عيني على كبرها
صرخت وبجيت بس شيفيد
اتمنيت تحاجيني تسئلني معقوله اني هبه حبيبته
اكعد يمها واكوم ماتحجي وياي ولاتكولي
شلونج شسوا بيج الوكت وين صرتي
مليت من البجي وكمت
امي ماتحاجيني
بعدين رحنا زرنا ورجعنا البغداد
جمانه السعيدي
بابا من يطلع يوصيني اقفل الباب وما افتحه الاي احد
وشترالي موبايل صرصور حتى اخابره اذا صار شي
اني جنت ابقا نايمه للعشره يله اكعد واحنا منطقتنا زينه امان مابيه شي يخوف
نجحت من الثاني وصلت للثالث متوسط
هنا صرت انثى بمعنى الكلمه اني عيوني جوزيات وسط موكلش كبار وجهي بيضوي حنطاويه رشيقه
شعري تمري سرح واصل نص ضهري شكد جانت امي تعتني بي وتخليله حنه وزيوت حتى يطول ويثخن
واهم شي عندي جاذبيه مو طبيعيه بحيث الي يشوفني يضل بس يباوع عليه
سواء نساء او رجال
بلثالث اجوني خطابه خوش ناس وضعهم المادي متوسط
وبابا اجا فاتحني بلموضوع
بدل ماتدور وتبحث علي الروايات خليها علي تليفونك وحمل تطبيقنا
