رواية همسة وجع الجزء الثاني الفصل الثاني بقلم اسماء العذب
2
#همسه_وجع
#الجزء_الثاني
صلوا علي النبي الغالي
♡_______________♡
مازن خلص كليته وخرج وراح عند الشركه اللي شغال فيها عمر...رن عليه وفي خلال دقايق كان عمر قدامه
عمر بتحفز :في ايه يا مازن جاي دلوقتي ليه ...مش المفروض هنروح بالليل
مازن:جاي ليك نفكر هنسلك وصل الامانه مم زفته الطين ازاي
عمر: وهو يعني لو اتكلمنا في البيت حرام
مازن بغيظ:عشان تقعد تقول يسطا دينامو..كل شويه وتعلي في صوتك لحد ما الكل يعرف اني رجعت للشغلانه الهباب دي تاني وابوك يطردني من البيت ...مش كده
عمر :ما انت اللي بتقعد تعصب فية وتقول افكار غبيه
مازن :سيبنا ليك انت الذكاء يا عم البشمحاسب...هاااااا فكر معايا هنسلك وصل الامانه ازاي بقي
عمر :يلا يا خويا نقعد في اي حته نفكر سوا ونشوف بقي هنعمل ايه مع العقربه اللي انت متجوزها ....
مشيو مع بعض لحد عربيه عمر وهو بيقول :لا بس احسن حاجه انك ظابط معاد مجيك علي معاد خروجي ...شاطر يامازن
مازن بسخرية: ميرسي يا ابيه
♡_______________♡
همسه كانت قاعده في البيت علي نار بالمعنى الحرفي وهي مستنيه الضيف واللي من خلاله هتحقق انتقامها ثواني وسمعت صوت جرس الباب
وخواسها كلها اتأهبت وبقت في وضع الاستعداد لمناقشة طويله عريضه...وخطط وتدابير وحكايات
باب اوضتها خبط وكانت وفاء وفاء ببسمة: همسه حبيبتي..ولاء صحبتك بره وعاوزه تشوفك
همسه ببسمه غريبه:دخليها يا ماما
وفاء خرجت وهمسه بصت علي عيالها اللي قاعدين في الارض بيرسموا
همسه بحب:معلش يا حبايبي ممكن تطلعو بره تكملوا رسم عشان عاوزه اتكلم مع طنط وفاء في موضوع
وبعد ما اخلص منها هجي اشوف الرسمه وارسم معاكم كمان ...ماشي
الاتنين ببسمه: ماشي يا ماما بعدها خرجوا وولاء دخلت وقفلت الباب وهي بتبص لهمسه بسكوت لحد ما قالت ولاء بحذر: همسه ..انتي كويسه قولتي انك عاوزني
همسه ببسمه شريرة: ايه يا لولو في ايه...مالك خايفه وقلقانه كده ...هو مش انا همسه حبيبتك وصحبتك ورفيقه كفاحك واللي اول ما الدنيا جت عليا كنتي اول انسان افكر فيها واروحلها
ولاء بلعت ريقها بتوتر وقالت:ايوه ط..طبعا يا همسه اناا كل دول وو.....
سكتت شويه بتحاول تستوعب اللي سمعته
ولاء بصدمة: انتي قولتي ايه؟؟
همسه ببرود :قلت ايه؟؟؟
ولاء: انتي قولتي ان الدنيا لما جت عليكي اول واحده فكرتي فيها كنت انا ....بس انتي ازاي عرفتي الكلام ده والكلام ده كان من سنين...إلا لو كنتي .....
بعدها بصتلها وهي بتحاول تستوعب اللي عرفته ولسه بتبص علي همسه بصدمه
همسه بخبث: ايه كنتي فكراني هفضل دماغي علي البلاطه كده كتير
بعدها بقت تضحك بصوت عالي ضحكه ابعد ما يكون عن السعيده ...
ضحكه
مليانه غل
وتوعد وغضب وغيظ و........وجع
وجع كان باين من خلال عيونها وولاء فهمت
لكن الغريب ان ولاء هي كمان معداش ثواني وبقت تضحك معاها ضحكه عاليه زيها ...لكن ضحكه ولاء كانت مليانه توعد وعيونها بتلمع بخبث اكبر
وهمسه عيونها كانت بتلمع بالانتقام
بعدها قربت ولاء منها وحضنتها بحب
وهي بطبطب عليها
ولاء: حمد الله على السلامة يا قلبي...رجعتي اسرع مما كنت أتوقع
همسه :المهم اني رجعت ورجوعي هيغير حاجات كتير اوي...وحقي هتاخد من كل اللي ظلمني وظلم عيالي معاه
ولاء: لا مش كده متخدش عالحامي...خلينا ناخدها واحده ..واحده
همسه: بالعكس لازم نضري الحديد وهو سخن ..ولازم نبتدي بأسرع وقت ..ومن بكره
ولاء بعدم استيعاب: ايوه وهتبتدي من مين فيهم
همسه بغل :ومين غيره ...دكتور الغبره ...هليه يدفع التمن غالي غالي اوي اوي ...بحق كل لحظه اتعذبتها انا ولوحدي هاخد حقي منه....وبحق كل كلمه مستني ومست عيالي ..هاخد حقي منه...ولحق هروبي من اهلي وبلدي زي اللي عامل عمله ...هاخد حقي منه
ولاء بمؤاذره: اتغيرتي كتير يا همسه...مبقتيش زي زمان ...ايام ما كنتي تحبي الخير للكل ولا تكرهي حد ابدا
همسه ببسمه وجع:اتغيرت كتير عشان اللي شفته كان كتير اوي ..اوي يا ولاء ...لكن دلوقتي رجعت وكله لازم يدوق من المر اللي شربته ...وينكوي بالنار اللي حرقتنىىى
ولاء: خايفه النار تطولك انتبه كمان يا همسه
همسه :ومين قلك انها مش طيلاني اساسا ...انا خلاص ميته بالحيا يا ولاء....انا نزلت مصر مخصوص عشان اخد حقي ...وأكيد بعد ما اخدت الحقيقه كلها هتنكشف وأهلي هيبصو عليا البصه اللي هربت منها ..عشان كده هكون لازم تمشي تاني ...بس المره دي رحله ذهاب بلا عوده
ولاء ببكاء: يا همسه تعالي ننسي كل ده وسيبك منهم ربنا هينتقم منهم ويحاسبهم....وانتي كملي انك لسه فاقده الذاكره..وعيشي حياه طبيعيه زي باقي البشر ...متخليش الكره يعمي علي عيونك ..والله ما يستاهلو حرقه قلبك وزعلك ده كله ...دول ارخص من كده بكتير
همسه بوجع:ياريت كان ينفع يا ولاء..ياريت كان ينفع ...لكن انا نار الانتقام طالتني ومش هرتاح غير لما كله يعرف الاحساس اللي حسيته ده
سكتت شويه ومسحت الدموع اللي نزلت غصب عنها وبعدين رسمت بسمه فاتره علس شفايفها وكملت:قوليلي انتي أخبار حياتك ايه...بما اني الذاكره رجعتي يبقي لازم اعرف عنك كل حاجه زي الاول ...هاااااا قولي ايه الجديد
ولاء بالامبالاه: ولااااااااا اي حاجه زي ما سيبتيني زي ما استلمتيني...الحاجه الوحيده اللي جدت اني اتخرجت واتعينت في مستشفى الدولي
همسه: طب كويس ..أومال انتي عاوزه ايه اكتر من كده
ولاء بتوتر: اصل ...اصل انا بصراحه معجبه بدكتور هناك وهو مش معبرني خالص ...ده حتي مش شايفني قدامه اصلا
همسه باهتمام: لاااااا ده انتي محتاجه قعده بقي
♡_______________♡
الليل جه وعمر ومازن راحو مكان السبق
نزلو من العربيه وعمر وقف جنب مازن وعيونه بتمر علي الكل وبيتفحص المكان حواليه
بقاله اسبوع بيجي هو ومازن بعد ما لقاش حى غير أنه يرجع يتسابق تاني وإلا هيتفضح ويتحبس
عشان كده قرر ان مازن يرجع يتسابق لحد ما يلاقي حل
عمر :هااا يسطا دينامو..عرفت هتعمل ايه
مازن بصراخ:اه عرفت هاجر نفسي في ام المكان النجس ده عشان ارتاح منك ومن الأشكال اللي هنا دي وارتاح من كلمه اسطا دينامو دي اللي قرفتوني بيها
عمر بتحذير: هش وطي صوتك يابني آدم انت ...ايه هتعرفهم احنا جايين نعمل ايه هنا والخطه تتكشف ...وساعتها انا مش هعرف اساعدك
مازن بحنق :خلاص يخويا متزلش فينا ...وسيبني بقي عشان اعمل اللي اتفقنا عليه بس يارب تنجح
عمر بثقة: هترجع وهتقول عمر قال وهتشوف
مازن اما نشوف
بعدها اتحرك ناحيه السبق واتساب ظ
في أول جوله والتانيه وكسب
لحد ما جت عنده وتكه وهي بتبارك ليه بطريقتها معاه وانها حضنته وباسته من خده
الغريب ان مازن كمان حضنها وقالها كلمتين في ودنها
وهيبصت عليه بشئ من الذهول وعدم التصديق
لكنها في النهاية هزت راسها ببسمه واسعه
عمر بيراقبهم من بعيد
عمر ببسمه:شكل الخطه هتنج يالا يا مازن...عشان تعرف بس افكار اخوك عمر
بعدها اتنهد بمرار وقال:عقبال ما الاقي خطه أصلح بيها اللي عملته مع سمر
باااااااااااااااااااااس