رواية عذابي الأزلي الفصل الثاني 2 بقلم الزهيرية
كن حذراً
فالعقرب الذي لدغك في يوم من الأيام
لن يغيره الزمن ليصبح حمامة السلام
مينا/ مرات في مرحلة من عمرنه نكون ما نفهم الي يصير بينه ويا ريت لو كل عمرنه نظل نجهل الي يدور حولنه بيوم الي جيرانه ام رفعت دخلت علينه ولگتنه وحدنه تخبلت وهي چان همها توصل خبر لامي حتى تجي علينه وبوقتها هي راحت جابت اكل من بيتهم واجتي وحتى قوري الچاي جابته
وگعدت يمنه سوي النه لفات جبن وچاي وتنطينه وهي تستفسر من اختي فرح على سبب خلاف أمي وأبويه وحتى تسال شلون عايشين وشنو نطبخ احنه بأعمارنه نشوفها اسئلة بريئة بس فيما بعد عرفنه انه اكو ناس تستفسر عن أحوال بيتك حتى يتصيد فرص بالماء العكر وللعصر يله اجتي امي وبوقتها حضنت اخواني وظلت تبوس بيهم والله لليوم تحز بگلبي حتى بالكذب ما سالتنه وگالت / شلونجن
وبوقتها چانت تحچي ويه ام رفعت على اخوانها شلون منعوها حتى من انه تسال على اطفالها وانه هي تفكيرها ويانه بس ما تگدر تكسر كلمة اخوانها وبوقتها ام رفعت تحجي ويه امي وعينها على اختي فرح وبقت امي يمنه ومر اسبوع ومصرف امي من أخوانها
وبدت حالة التذمر من خوالي انه شلون لو طول ابويه بالسجن انتي شلون قابل نصرف عليج وعلى جهالج طول العمر بس حمد لله أبوية ما كمل شي وطلع بكفالة لآن اعتبروا الحادثة سكر وعربدة وهو من اجى وشاف امي بالبيت ما حچى شي بس گام يجاهل وجود امي وحتى ما ياكل بالبيت وهو ينطيها على گد مصرف البيت وهو ينگط عليها بالمصرف تنگط بس هي چانت ما تهتم إذا انطاها واذا ما انطى او قصر بالمصرف لان هي هاي الفترة الي گعدت بيها ويه خوالي مشتريه مشتمل ومأجرته وتستلم بي ايجار بس وين تروح بفلوس الايجار الله اليعلم ومرت 4 سنوات واني صرت بالخامس ابتدائي اما اخواتي تقى وفرح ابويه بطلهن من المدرسة لان حمدلله نامن نومة بالخامس نومة أهل الكهف وطول هاي السنوات الأربع ابويه هجر امي بالفراش هي تنام بغرفة وهو ينام بغرفة
وبس بعدها صارت تشكي لأم رفعت على زوجي هاجرني واني مرة واريد حقي واريد اشعر بأنوثتي واني اشك قيس مزوج عليه
وبيوم امي چانت بالمطبخ واحنه يمها گاعدين ومخلية النه اكل ناكل واجتي آم رفعت وبلغت امي انه شلون عرفت وحدة عراف شغله بالمكان ويخلي اكبر واحد محبس بايدچ تعالي خلي اخذج اله حتى يشوف ألج حل ويه قيس زوجچ
وظلت امي تستفسر منها عن العراف وام رفعت تحچي بطولات العراف انه حتى نسوان تارسات باب والحايط مال العراف حنة وبعدها اتفقت ويه ام رفعت وراحت واحنه التفت علينه وهي توصي بينه انه ما نحجي بسمعنا وخصوصاً گدام أبويه
وبالفعل ثاني يوم بعد ما طلع أبويه راح لشغله وأبوية يشتغل فيترچي مال سيارات وهو ماهر بشغله ويحصل خير من الله بس هو صارف فلوسه كله على الشرب والنسوان واني إلي معجبني امي شنو شافت منه وهيچ تحبه وتموت عليه وبحيث تروح سوي سحورة يم السحارين حتى بس يتقرب عليها وهي من راحت ووياها ام رفعت ومن رجعن گعدن بالصالة يتناقشن وهن سدن باب الصاله عليهن بس يبقى الفضول مال الجهال انه يصنطون على الكبار
ونسمع ام رفعت / يمعودة مو احسن ما يطير من ايدج هسه تاخذه النسوان منج وابقي انتي ومو بعيد يطردج انتي وجهالج بره البيت
انوار/ لج عيني يريد البنات شلون سوه بيهن شي شلون
شحچي شگول
ام رفعت / هو يريد وحده من بناتج نازلة عليها الدورة والثانية ما نازلة عليها الدروة اخي فرح ومينا حتى يسويلج مال رزق ومحبة ومشاكلج كلها تنحل شبيج
وامي بين إلي متردده وبين الموافقة يعني متذبذبة ما تعرف شتريد وبعدها ايام حسمت امرها واجتي عليه وعلى فرح وگالت اريد باجر تجن ويايه لعراف حتى أبوجن يرجع النه والمشاكل تنتهي واني چنت مثل الثولة بس أهز براسي بس فرح چانت لسان
جاوبت امي
فرح / وين تردين تاخذينه للسحارين حتى أبويه يرجعلج ألج مو النه حمدلله أحنه انتي وابويه إذا موجودين واذا ما موجودين نفس الوضع اني ما آروح المن تردين تاخذين اخذي ما يهمني
وفرح عافت امي وراحت دخلت للغرفة وخلت امي تغلط وتفشر عليها وعلى ثاني يوم اجتي آم المصايب ام رفعت واخذتنه ورحنه على بيت العراف
طبعاً اني ككاتبة الزهيرية اعتذر منكم على جرائة الكلام الي راح اگوله بس لازم اوضح الكم دنائة الي ما يسمى بالعرافين اعذروني
مينا/ ومن وصلنه ودخلنه لبيته طبعاً البيت چان مرعب بشكل ويخوف من رسومات مال حيوانات راس حيوان وجسم حيوان ثاني واضافتناً إلى البخور الي يخنگ دخلنه يم واحد ويمكن شكل ابليس احلى منه وهو مخلي سبحة بيده بحيث كل خرزة من خرز السبحة بگد برتقالة وخلي العثويلة مال الدخان تعمي وگال العراف / اطلعن بره وحتى من سمعن صياح وعياط لا دخلن ابد لا يتلبسوچن فهمتن
وطلعت ام رفعت وامي وبقينه اني وتقى اختي واني بذاك الوقت عمري 11 سنة وتقى عمرها 13 سنه واحنه بحكم عمرنه ما نفهم واجى هذا ابو السبحة اتقرب علينه بعد ما ذب السبحة اتقرب بالبداية على تقى صار يتلمس بصدرها ويعصر وجرها عليه وظل يسوي أشياء تلعب النفس واني خنست يم الحايط وتقى تعيط وبعدها شفته ذبها بالگاع وصار فوگها شسوه ما اعرف بصراحة احنه ما شايفين عضو ذكري بالغ لرجل بس بعدها عاف تقى ورجع عليه جرني قوي وذبني بالگاع وبحكم عقلي الي مو فاهم هذا شنو بس غريزة الخوف عندي خلتني اعيط واصرخ وهو نيمني على بطني وحسيت صار وجع قوي عني من الخلف
بعدها صار دگ قوي على الباب وامي صيح /عوفهن عمي خلي ينگبر قيس ما أريده افتح الباب لو اطلع هسه بالشارع اعيط وألم الناس عليك
والظاهر عند امي راحت السكرة واجت الفكرة بس بعد فوات الوقت ومن صار الدگ قوي على الباب عافني وراح فتح الباب ودخلت امي ومن شافتنه تخبلت وخصوصاً تقى لان اسمع أم رفعت تگول / شنو هذا الدم ما فهمت شي واجتي امي تتفحص بيه من جوه وتگله / هسه أروح اشتكي عليك
وهو يجاوبها/ روحي اشتكي هذا عندي كافة الأدلة والإثباتات الي تثبت انه آنتي جبتيهن وتردين اسويلچ عمل محبة ورزق وحل المشاكل وهذا ما يصير الا على بنات باكرات وخاف عبالج هسه ما تردين العمل لا تدفعين الحساب كله لو اني افضچ فهمتي
وآمي وام رفعت وهنه يلبسن بينه وامي تگله / لو تموت فلس ما ادفع والعمل اخذه الك ما اريده
وهو يجاوبها/ شوفي جيبي الحساب كله لو اروح على زوجچ واگله على كل شي صار وبعد انتوا بينكم تحلوها
وطلعنه من عنده واني وتقى گوه نمشي ورجعنه للبيت وامي بسرعة دخلتنه للغرفه وهي توصي بينه انه ما نطلع من الغرفه ابد ولا تحچن بالصار ابد
بس هذا الموضوع ما عبر على فرح ابد ومن عرفت تخبلت وبليل تقى صخنت وامي گاعدة يمها وسويلها كمادات وتنطي الي ولتقى حب وكبسول مال شنو ما نعرف والي تخلي مرهم عصارة بمكان الوجع مالتي واني كل ما اريد اعيط امي تخلي ايدها على حلگي وتگلي ولج اسكتي لا يسمع ابوچ
وبذيچ الليلة الي الله اليعلم بيها شلون چانت كل ما أغفى اشوف العراف واگعد مفزوعة واعيط ودخل ابويه وشاف وضعي وگال / هاي يمكن متلبسها جني لازم نراجع بيها سادة
وللصبح ام رفعت وامي أخذن تقى وراحن بس وين راحن الله اليعلم
ريان / الليلة الي شفنه بيها أبويه چانت اخر مرة نشوفه بيها ومأساة ذيچ الليلة عالقة بدماغي ابد ما تروح آتمنى لو أنساها و ما أذكرها ابد ليلة چانت الاصعب على آمي تلوب بالبيت وتدعي وبعدين تروح تتوضى وتجي تصلي لما طلع الصبح هي مثل السمچة المزهورة
ندگ بابنه خلت ربطتها على راسها وطلعت تركض واحنه وراها وچان أبو معتز ومن شافنه ظل ساكت ما يعرف منين يبدي كلامه وامي بدت الكلام
إبتسام/ گلي ابو معتز عدموا طه گلي حتى اطين راسي
وچان جواب ابو معتز وهو طلع ورقه وگال / اي عدموا هذا قرار اعدمه وكلشي لا سوون لا فاتحة ولا كل شي بأمر من الدولة وحتى بعد لا جيبون سيرته بعد
هنا امي ظلت تصرخ صيح / ربي كون مثل ما سوه بهذا المسكين طه يصير بي ربي من گلب محروگ ربي ارحم روحه وادخلها بجنتك
وامي گامت تهلهل وصيح / ربي راح يمك مظلوم مو ظالم اخذ حقه انت على كل شي قدير
وبذاك اليوم حتى الناس كلها عرفت بس ماكو احد اجى عزانه وامي طول الوقت مخليه ورقة الإعدام على وجهه وتبچي وظل هذا الحزن بگلبنه بس امي چانت ونعم الام مرأة بألف رجال وشگد خوالي وخالاتي يقنعون بيها تعوفنه يم عمامي وتزوج بس هي چانت عدها جملة وحدة وما تكرر غيرها وهي / يحرم عليه أي رجال بعد طه
وشگد اجوي ناس عليها بس هي ما تقبل بكل واحد وبعد إعدام أبوية مشت الايام بينه وبعد ب 3 ونص سقط نظام صدام واني في وقتها چان عمري 17 وكلها اشهر واصير 18 وچنت سادس علمي اما كمال چان مخلص سادس اعدادي وجاب مجموع كلش زين يأهله يدخل طب بس هو چان حلمه يصير ضابط وبوقتها قدم على الكلية العسكرية بس نرفض طلبه لكون أبويه معدوم سياسي
لهذا قدم على الطب ونقبل في حين هو كاره الطب بس دخله لخاطر امي واني من سقط النظام چان بعدنه امتحانات النهائية ما ممتحنين وچان السقوط مرعب وامريكان وامي تخاف علينه لهذا ما رحنه ابد إلى اي دوام وبقينه على السنة الي بعدها يله كملنه دراسة واني رجعت عدت السادس اعدادي وامي في ذاك الوقت الله رحمها لان من سقط النظام راتبها صار بالدولار
وبقينه إلى سنة 2004 يلة رجعت للمدرسة وبوقتها جبت معدل زين تأهلت ادخل قسم الأدلة الجنائية وبديت اداوم جامعة وبعد سنتين من السقوط لنظام صدام حسين بدت تصفيات للحزبيين اول واحد نقتل چان ابو معتز الله يرحمه والشهادة لله چان انسان درة مال الله لان حتى من چان بالحزب ابد ما أذى احد اما ليش قتلوا ما اعرف
واكو بدوام ويه آمي جماعة گالوا لامي انتي زوجچ معدوم روحي قدمي على مؤسسة الشهداء السياسين إذا عندچ ورقة حكم الإعدام مالته وبوقتها امي بالفعل راحت وقدمت على معاملة وبالفعل طلعت وعوضونه ب 350 مليون اضافةً إلى راتب لامي وكل احنه أولاده وبناته سووا رواتب النه حتى امي صار عدها راتب ثاني غير راتبها وهنا امي قررت تبيع بيتنه وتكمل من التعويض ونشتري بيت چبير وبالفعل اشترينه بيت چبير وبمنطقة توب وبدت الطائفية
وبوقتها اني وأخوية دوامنه في بغداد إلى ما خلصت الطائفية المقيته الي راحوا بيها عمي وولده اثنينهم وفي سنة 2008 تخرجت وحمد لله وإخوتي التؤام جنى كلية صيدلة ونور محاماة وبدور كلية هندسة واني اجى تعيني مركزي وتعينت وحمدلله وعندي راتبي الثاني مال السجناء السياسيين واشتريت سيارة حديثة
وطبعا بدأ عدنه موال مال امي أريدكم تتزوجون وتخلفون حتى اشوف أحفادي قبل ما اموت وسبحان الله اني وكمال ما نريد نزوج
كمال / عيني اني ما اريد ازوج بعدني ما لگيت بنت الحلال خلي ريان يزوج ويخلف درزن وأشبعي بخلفته
ريان/ شنو لا حباب هذا دورك لا تحاول حتى اعتبر نفسي بدون اخلاق إذا زوجت قبل اخوية الچبير حبيبي كمال اني بعدك ازوج نحافظ على السره
كمال / انت خبل شنو سره صمون لا حبيبي ريان دوري الك
ودائما من ينفتح موضوع الزواج اني وكمال واحد يذب الكرة بملعب الثاني
ابتسام/ عيني انتوا تتعازمون منو يزوج قبل منو اني اشوف انه تأخذون من الگرايب احسن من الغربة ما نعرفهم همه شنو
ريان / يا گرايب الي من صار موضوع ابويه وكتلنه الضيم ماكو واحد اجى دگ الباب علينه وگال أشوفهم عايشين ميتين هسه من تعدل الحال يجون يعرضون بناتهم يمچ لو اموت ما آخذ مرة لا من اهلچ ولا من اهل ابويه شوفي كمال إذا يريد خلي هو ياخذ
كمال/ يمة هذا الموضوع فتحتي هسه نترجاچ لا تفتحي بعد ويانه وخلي الي بالگلب مضوم واخذيها قاعدة لاناخذ من گرايب ولا الگرايب ياخذون من عدنه
وامي سدت موضوع انه نزوج من گرايبنه بس موضوع الزواج عامةً هي تلح بي وهوايه
وآني بحكم دوامي مرات أتواجد بالمستشفى ومرة چنت رايح دى اجيب الي من الكفتريا عصير واي شي أكله فتت من يم الطوارئ واكو ولد شاب مو شافني لابس بالطو ابيض عباله اني دكتور اجى يركض عليه ويريد يجر ايدي ويبوسها بس اني سحبتها وهو يتوسل بيه اجى اشوف اخو شبي
وطبعاً لساني طلعله شعر واني افهم بي انه اني مو دكتور اختصاص بس ما يقبل إلا اجي اشوف اخو سلمت امري لله ورحت ويا اجيت افتح بعيونه اريد افهم شبي ما فهمت اخيرها اريد أتنصل من عنده
گتله / هسه يجي الاخصائي ويشوفه
وبالفعل هاي چانت نيتي ومن دى اريد اروح من يمهم اجتي وحدة منقبة والله بدون مبالغه مطلعة بس عيونها بس شنو من عيون تجنن صدگ عيون المها لون عيونها سمائي وكبار بحيث ظليت صافن على عيونها وهي كذلك ظلت صافنة عليه
بحيث ما اريد أبتعد عنهم وما اگدر ابقى يمهم لهذا گتله للولد الي حچى ويايه/ ابقى انت هنا يم اخوك خاف صير بي شمره واريد واحد من طرفك يجي ويايه حتى احچي ويه الاخصائي ويجي ويا على مريضكم
گال / والله دكتور ربعنه بعدهم ما جايين بس هاي البت خلي تروح وياك وهي اجيب وياها الاخصائي
ريان / يله تعالي ويايه
وبالفعل اني امشي وهي تمشي ويايه بس اني عيوني متركزة على عيونها الي سحرتني واول سؤال سالته الها شسمچ
وچان جوابها / اسمي ملاذ
تحية لكم من القلب آلى آلقلب
دمتم في آمان الله وحفظه
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
