رواية فراق توم الفصل الثاني 2 بقلم جمانه السعيدي
كلما يتقدم الحمل عليه تتعب اكثر
وماكنت تتغذا بطريقه صحيحه ووتعب حيل من الشغل
منا لمن وصلت للولاده
كان الشهر الاخير اصعب شهر عليه
قبل ماكو سنوار ولا اكو كشف على الطفل
كانت حاسه بطنه حيل جبيره
وحجمه مامعقول
بس هي ماعدها خبره ابد ولا تعرف اي شي عن الحمل
بلعكس كانت تحاول تلبس ملابس عريضه
حتى تخفي حمله
لان كانت تستحي حيل منه
منا لمن دخلت بشهره
وبعد ماتكدر
جمانه السعيدي
طلبت من جدي ياخذها البيت اهله حتى اجيب
رغم هي داخله بشهره يومين وبس
كانت ضامه كم فلس من ورا جدي للولاده لان مايخلي عليه فلوس
ياخذهن اول باول
قبل الولاده بلبيوت ماكو مستشفى
حتلو حامل بتوم اجيبه الجده بلبيت
راحت الاهله بلربف يومين وحصره الطلق وجابت
جابت توم ولد كلش حلوين
بس هي صحته موزينه وتعبانه حيل
بقت اسبوع بعد الولاده واجا عليه جدي حتى ترجع
لاتتوقعون ميت على الاطفال
بس يريد فلوس ويريد ناس تخدمه
مايريد يتعب نفسه ابد
رجعت وياااا للبيت رغم هي جانت حيل تعبانه من الولاده
بس لازم ترجع
اجا عليه زوجها لازم ترجع وياااا
جمانه السعيدي
رجعت للبيت كانت المسوليه عليه جبيره
توم اطفال ومحد يساعدها عليهم
وماكو اكل يادوب على الكد وجدي كل شويه يتعارك وياها
ارجعي للشغل
كانت ترد علي وجهالي شلون
جدي...اخذيهم وياج قابل تردين توجعين راسي بيهم
كانت الجوارين تترحم عليهم بلاكل
او الملابس الزياده
وهو ولا هامه الموضوع ولا يمه
اهم شي يطلع يتونس
طبعا اذا احتاج فلوس يروح يشتغل اي شي بس على كد الفلوس الي محتاجه
لو يتقرض من جماعته
جماعته نفس اخلاقه ماكو فرق ابد
صار عمر التوم حسن وحسين ست اشهر
كانت الحاله حيل ماتساعد
اضطرت بيبتي ادور شغل لان كتله الجوع هي وجهاله
كانت تختار شغل تخلصه بسرعه حتى لا تتأخر عليهم
بهاي الفتره كانت تعاني من نزف
بس ابد ماحاولت تعالج نفسه لان ماعدها فلوس
اهم شي جهاله أدبر الهم حليب
لو شوربت تمن حتى يكبرون بسرعه
تشتغل اي شي يعني اذا وحده عدها باجه لو كراعين عادي تنضفهن اله بلبيت
واذا وحده تريد تخبزله بفلوس
اي شغل بس كون سريع حتى لا تعوفهم وحدهم
كانت مريضه ومحد يعرف حالته
المرض يزيد عليه والتعب وهي متحمله وصابره وساكته
تريد الحياة بس تمشي
وجهاله يكبرون
الحد ماصار أعمارهم سنتين هنا وكعت حيل
وكامت ماتكدر تتحرك ابد
كانت تبجي مو من الألم تبجي خاف تفارك اطفاله
وبعد مااشوفهم
رغم حالته الصعبه ماجان جدي يحاول يعالجه ابد
منتضره تكوم وتشتغل
الحد ماماتت
جمانه السعيدي
اتخيلو ماتت والحد الان محد يعرف شنو سبب وفاته
اني حسب اعتقادي
صار عدها سرطان وماتت
اخذوها اهل الخير دفونها ومحد عرف شنو سبب وفاته
وبقه جدي وحسن وحسين بلبيت وحدهم
نسوان الجوارين تترحم على ذوله الاطفال
بس الجوارين إلى متى اضل تساعدهم
الناس قبل عوز وضيم هذا الحجي قبل حرب ايران
بسنه تقريبا اوسنتين
الحد ماجدي جزع كلش منهم حتى يضربهم
واذا اي واحد منهم كعد بليل جوعان
يعيط علي ويخلي يرجع اينام وهو جوعان
بيوم اجا واحد من اصدقائه وشاف حالته البيت وصخ والجهال يبجوون وجدي عصبي حيل
اقترح علي يبيع واحد منهم
جدي...تحجي صدك يعني اكدر ابيعهم واحصل فلوس
صديقه...طبعا اكو ناس شبعانه وماعدها اطفال
بيعهم عليهم هم تحصل فلوس وهم راسك يبرد من هاي الهوسه بعدين انت حتى إذا تريد تزوج محد تقبل بيك
لان عندك ثنيبن اطفال زغار
جدي.. اي ولله تسوي فضل تخلصني منهم ثنيينهم
بدا صديق جدي ينشر الخبر بين الناس وخاصه بين قابلات الولاده لان الناس توصيهن دائما على اطفال
جدي عبالك كاعد على نار
كل شويه وسئله هااا ماكوووو
شهر كامل يله لكه ناس
ناس كلش شبعانيين وامورهم تمام
الرجال استاذ فيزيا بأكبر جامعه بغداد وزوجته استاذه جامعيه
يردون طفل مامجهول النسب
يعني مو لقيط والا يكدرون تبنون من دار الايتام
ومايردون طفل حيل زغير يعني يردون عمر سنتين شايل نفسه شويه
اتفق وياهم يجون للبيت واختاروا واحد من الاخوه
فعلا اجووو
اول مادخلو للبيت نفسهم اشمئزت من الريحه والوصخ
والجهال حالته تصعب على الكافر
جدي... اهلا وسهلا ذوله ثنيينهم اخذوهم
...لا انريد واحد وبس مانريد ثنيين
جدي...ليش اخذوهم واني وياكم مانختلف
..لا انربد واحد بس تتنازل عنا وبعمرك مراح اطالب بي واحنا راح نسجله باسمنا
جدي....عليمن اطالبكم بي اصلا اكيف لو تخلصوني منهم ثنيينهم
اختارو حسين وبقا حسن الي هو ابوي حاليا
خلال يومين كملو اوراقه وصار باسمهم رسميا
وغيرو اسمه من حسين إلى يوسف
هنا بدأت الناس تحجي بحرب ايران والوضع بدا يتازم
والحرب على الابواب
قررو استاذ ميثاق هو وزوجته وحسين اقصد يوسف يسافرون خارج العراق ويستقرون هناك
لان الوضع مايبشر بخير
بدل ماتدور وتبحث علي الروايات خليها علي تليفونك وحمل تطبيقنا
