رواية ذكريات مفقوده الفصل الثاني 2 بقلم ام زيزو
#البارت__2
*** #ذكريات_مفقوده ***
فقار:.
استلمنه النتائج واحنه بطونه توجعنه من الضحك درجاتنه كلها تسعينات وميات المرحله الي مافتحنه بيها كتاب وخلصناها تحشيش على الاساتذه والمدرسات وطفرات من الحايط
حمزه:. بعلي هاي الشهاده الي ترد الروح وترفع الراس تستحق اجومها واعلكها بالصاله هاا شتكول تستاهل لوما تستاهل
فقار:. ايي خالي تستاهل چا غير جايبيهن بتعبنه
وبيومها الضحكه والونسه متنوصف عدنه ورحنه للصف الخامس وهنا هو يريد علمي وانه اريد ادبي
بس قنعته وياي ادبي
.. ولك حمزاوي احنه وجوه علمي قابل راح نطلع دكاتره ولنوب نوصل للسادس ونلبس نضارات جعب استكان
بالعطله قررنه نشتغل سويه
اني بلاصل خلفه مال صبغ
وطلعت وياي حمزاوي وصرنه نلزم بيوت وشغل مستمر
اعلمه على الصبغ وصار هو يلزم جهه واني الزم جهه ومخلصين وقتنه تحشيش وضحك ماعدنه هم رغم مرات
بنص الضحكه واحس بعيون حمزه غصه حزن عيونه الصفر فاضحته
فقار اني واصبغ بدون مااباوع عليه حجيت
.. سولف
..شنو شسولف
.. احجي حمزاوي احس بخاطرك حجي تريد تحجي
.. تنهد ونزل الفرشه مال صبغ من ايده خلاها بالسطل وكعد بالكاع ضهره على الحايط وماد رجل وحاني الثانيه ايد مادها على رجله والثانيه يفرك براسه وعيونه صارت تلمع من الحزن
.. درت وجهي عليه من شفت وضعه ماعجبني حاله عقدت حواجبي تركت كلشي بيدي وكعدت بصفه
سولف خويه اسمعك
.. فقار امي مريضه وتعبانه حيل كلبها يوم على يوم يتعب اكثر
.. زين اخذتها الدكتور
.. هز راسه بتعب ايي اخذتها ماقبلت وكوه اخذتها يكول تحتاج عمليه عدها شريان مسدود وهالعمليه خطره ولازم خارج العراق ونسبه النجاح %30 **
.. چا خويه شمنتضر مااتطلعها وتسويلها العمليه بــَس كلي شنوو اليمنعك محتاج فلوس لاتشيل هم بــَس انوي وكلشي يجي لحد رجليك
.. مو بس مسأله فلوس فقار تشوف وضع البلد شلون مو مال سفر ملاك اوووووف ياا ملاك كاسره ضهري وين اعوفها
.. شسالفه حمزاوي افااا عليك جيبها يمنه والله امي تكيف عليها بقيها يم امي ولتشيل هم بأمان
.. لاا خويه صعبه هي متعلقه بأمي حيل وبيه تستغرب تخايل حته من ابويه تستغرب من تشوفه يجينه تظل بس تصرخ وتبجي وهو النذل يكرها يكول تكرهني ميكول متشوفني بأستمرار ميكول حارمها من حنان الاب
.. طبطبت على رجله
كلشي يهون خلي ناخذها الغير دكتور بالكت تكدر تسوي العمليه هنا بالعراق
.. ماادري هم فكرت بيها وهي معانده متقبل تروح تكول شوكت ما الله ياخذ امانته هاي مكتوب عليه محد يموت بغير يومه هذا تفكيرها وهاي قناعتها تعبت شسوي
.. لا تهتم اليوم اني جايكم للبيت واحجي وياها سهله انشالله
خلصنه شغل رجعت للبيت سبحت ونمت وبليل رحت لبيت حمزه
طبيت بلاستقبال واجتي ام حمزه قدمتلنه جاي ورادت تطلع
.. خالتي بس من رخصتج اريد احجي وياج
.. خير يمه محتاج شي
كعدت بالجهه المقابيلي باوعت على حمزه هز راسه بتعب مهموم وكام طلع
فقار.. انتي الله شاهد بمثابه امي لذالك راح احجي وياج بصفتي ابنج مو صديق ابنج
ام حمزه.. والله يايمه وانت بمعزة حمزاوي انت اخو وليدي الوحيد وسنده وحزام ضهره
فقار.. يمه حمزه كلش تعبان واحس مهموم الدنيه كلها على ضهره واني مابيدي شي اسوي الخويي واشوفه مرتاح
ام حمزه.. لَيــِْش يمه اسم الله شبي حمزاوي
فقار .. اهدئي مابي شي بس بي انتي
يمه حمزه شايل همج علمود العمليه ويريد يطلعج للخارج حته تسوينها
باوعت عليها تنهدت ونزلت راسها تباوع على الارض
ام حمزه.. يمه الاعمار بيد الله ومحد يموت ناقص عمر والي تيبس ورقته وتسقط من الشجره بعد ما ممكن ترجع للشجره وتخضر وتنمو
واني ورقتي قربت تيبس يايمه العمليه نسبة النجاح اقل من %30. وهم العمليه بالخارج مكلفه حيل عدا تكاليف السفر وحمزه يايدوب ملحك على عيشتنه يايمه اول وتالي اني ميته نسبه موتي اكبر من نسبه قصص وروايات عراقية كرار صلاح ابقه عايشه خلي اموت وبالي مطمن احسن مااموت ومغركه ابني بالديون كاافي عليه راح اعوف اخته بركبته ماريد ازيد همومه يايمه ياريت تفتهمني وتفهم حمزه خليني اعيش اخر ايام حياتي واني اشمع عيوني بشوفته وبشوفة اخته خليني احاول اكبرها قدر المستطاع وشوكت ما مكتبولي اودع هاي الدنيه هاي هي لا اعتراض على حكمه
فقار.. هي تحجي واني كلبي يعصرني كملت حجيها واستأذنت وطلعت خليت ايدي على راسي افرك براسي شفت حمزه طب وبيده جكاره رفعت راسي عليه وعقدت حواجبي مستغرب هااي من شوكت تدخن
حمزه.. ابتسم بطارف شفته وهز راسه وسحب نفس قوي من الجكاره
.. مومهم من شوكت ادخن بــَس المهم شنوو السبب الي خلاني ادخن
.. هزيت راسي واني مفتهم قصده
.. حمزه امك ماتقبل تسوي عمليه وهي مؤمنه بقضاء الله ًكلمن يعيش بيومه ويموت بيومه والله ياخويه اتمنيتها بس تقنع بس من خلال كلامها امك مستحيل تقنع
.. هاي هي ابو سيوفي ماقصرت خويه اخلي عيني بعين الله والله كريم
.. طبطبت على كتفه انت قوي ضلعي لا تبين نفسك ضعيف كدام الوالده لان نصف العلاج هي الحاله النفسيه لا تزيد هم فوك همها ومتعرف باجر الله شكاتبلنه وبيا طريقه راح نموت
..ونعم بالله
.. يله اني اتوكل وباجر انشالله ب7. امر عليك
.. انـ شـاء الـلّه بالسلامه.
فقار..
مرت الايام واني اشوف اخوي ورفيق دربي يوم على يوم الهم يزيد بكلبه خلصت العطله وبلشنه بمرحله جديده بالدراسه
مجرد نروح ونرجع ماكو واهس لا للدراسه ولا لشي وشهر على شهر درجتانه من سيئ لأسوء
ورا نص السنه حمزه قرر يترك الدراسه ويظل يشتغل بليل وبالنهار بعد ماجان يشتغل بس باليل علمود الدراسه
كملت المشاور وحدي شكد عندي اصدقاء وياي بس احس المدرسه تخنك ووحيد بدون حمزه ولو صرار ابويه علمود الدرسه جان تركتها بنفس اليوم الي ترك بيها حمزه
خلصت الخامس وهم بالعطله اشتغلت صبغ بدت احداث جيش الامام المهدي (عج) 2004
نص ربعنه انضمو بجيش الامام واني هم حالي من حالهم صرنه نستهدف الامريكان وكبت الطائفيه ولان منطقتنه اغلب الساكنين بيها شيعه
السنه ظلت تطلع ونص البيوت فرغت الي باع برخص التراب والي قفل بيته وراح لغير محافضه يم اقاربهم
بيوم رجعت للبيت لكيت عبوسي اخوي كاعد بلباب والدمعه بطارف عينه صحته وطوبته جوه
هزيت راسي هاا ولك عبيس شبيك كالب الخلقه منو وياك هم اكلت كتله من نرجس
نزلت دموعه ويمسح بيهن خانكته العبره هز راسه لااا ما كتلتني بــَس راح يبيعون بيتهم ويروحون وبعد مااشوفها ويامن العب بعد
امي.. اي يمه خطيه الصبح جانت يمي ام نرجس المسكينه ترجف تكول لكينه ورقه تهديد لازم خلال اسبوع يعوفون بيتهم ويطلعون وهسه تكول بيش ماجان نبيعه ونطلع
.. هزيت راسي خير انـ شـاء الـلّه
كعدت بمستوى عباس
لزمته من كتفه عبوسي انت متريد نرجس تروح من بيتهم
.. باوعلي وابتسم هز راسه ايي ماريدها تروح
.. غمزتله شنوو ولك عبيس خاف تحبها
.. اي هي مرات تكتلني بس اني احبها لان اكثر وحده تلعب ويايه واذا ازاعلها تخلي كل جهال الفرع ميلعبون ويايه
.. ضحكت بصوت ولك صدك من كال البزون يحب خناكه ولايهمك مراح اخليها تروح وتعوفك بس هاا اذا بيوم شفتك تبجي وتكلي نرجس كتلتني ترى اشيلهم من المنطقه ولك اغم لا من هــًـًســًه تخلي النسوان يدمغن بيك
.. ضحك
ميخالف خلي تكتلني بس كون تبقه ابيتهم
طلعت ودكيت الباب على بيتهم من ورا الباب امها تصيح منوو
خطيه حته يخافون يفتحون الباب
صحت خويه اني فقار ابو نرجس موجود
.. اي موجود هسه اصيحه الك
طلع الرجال ويتلفت بالشارع منا ومنا. اجه سلم عليه
.. شنوو السالفه خويه سمعت تريدون تبيعون البيت خيركم
.. تنهد بحسره وكال تًٓعْال فقار ندخل جوه
صاح سو طريق وطبيت وراه كعدنه بلاستقبال قدملي جاي
بده يحجي على التهديد والرجال مبينه عليه الخوفه والرهبه وبده يهج اليوم قبل باجر
.. شوف خويه البيت ماينباع وتبقون ابيتكم معززين مكرمين وانتم بحمايتي اطمن محد يدوسلك على طرف
.. فقار يمعود شتحجي لا تزعل مني بــَس هاي بسبب الطائفيه الناس ماترحم صارلنه عمر وياكم فد يوم حسستني اني سني وانت شيعي وبينه فرق لو اني حسستك بهالشي واني شعندي هو بــَس هالابنيه والولد وزوجتي حامل واخاف عليهم خلي اطلع اروح يم اهل زوجتي لديالى والله كريم
.. وحق هو علي ماتطلع واذا خطيت خطوه خارج البيت اني الي اكتلك تلم عيالك وتكعد ابيتك وبالنسبه للتهديد هاي ورقه شككها وذبها وانسى امرها هاي يمي معليك بــَس امن وطمن عائلتك انت بس ثق بالله وثم بيه ونام مرتاح
.. والله ماادري شكلك طبعاً مو هينه عليه اعوف بيتي ومحلي وحلالي وانتم اهلي وناسي واروح بعيد بس دام هيج هاي هيه انت كلك ثقه انـ شـاء الـلّه
.. كمت يله خويه انه اروح اشوفك بـﺨـيـﺮّ انشالله
تقرب يمي وحضني وهو يتشكر مني
.. والله مااعرف شلون اردلك هالفضل اوكفلك بيوم عرسك انـ شـاء الـلّه
..طبطبت على ضهره اخوي انت ابو نرجس صدك جذب انعل ابو الطائفيه الي تبهذل حالك وحال عائلتك
وصلني للباب وهو طب انه بوجهي طلعت للمكان الي نلتم بي وهو بيت مال واحد من جماعتنه مسوينه مقر النه كل الي بالمنطقه منضمين لجيش الامام هنا يلتقي وكل خميس ورا المغرب نسوي اجتماع بيومها جان خميس والكل ملتم
وكلمن يحجي الي عنده وتخطيطات بخصوص القواعد الامريكيه
سالت الولد منو منكم ذاب ورقه تهديد لفلان بيت بفلان فرع
محد حجه بقيت اباوع عليهم واعيد السؤال واحد من الحضور ميطلع عمره 15 سنه كال ليش بشنو يقربولك اني ذبيتها الهم ومهله بس هالاسبوع اذا ما فرغوه اتصرف وياهم
.. وكفت كدامه وسحبته من ياخذه
هيوووو انت بكيفك تتصرف ومنو خولك
.. محد خولني واتصرف بالي يعجبني
ضربته بوكسي على خشمه نفر الدم على ملابسي
وطحتله بوكسيات والكل يحاول يسحبه مني
.. ولك انتتتت بكيفك تتصرف ولكككك من شوكت احنه نرعب الناس الابرياء من شوكت احنه نهدد بالناس الي مالها ذنب ولك كو** اذا شفتك هنا بعد اله اخلي دمك بطولك
جرو من ايدي والمسؤل مالتنه حجي جعفر
صاح بالولد طلعو بره وماريد اشوفه هنا بعد هذا
اخذو من كدامي وطلعو
حجي جعفر.. اكعد فقار وفهمني شنوو السالفه شمسوي هَََـٰـّذْٓا الاغبر
فقار.. حجي احنه من شوكت نهدد ناس فقره على كد حالهم ونرعبهم يعني ابو نرجس جاري صارله عمر والرجال فقير ماخذ دربه وراجع بدربه وعنده اطفال اثنين وزوجته حامل
يجي هذا السا** يشمرلهم تهديد وخلال اسبوع يفرغون البيت
حجي جعفر.. باوع على الشباب وصاح بيهم
اسمعو اي واحد يتصرف بيكم من كيفه موته على ايدي تصير فاهمين احنه هدفنه نحمي منطقتنه ونحمي ناسها مو حته نزرع الرعب والخوف بكلبهم وممنوع توصل تهديدات لاي بيت عدا الي اني اعرفهم واني امرت توصلهم فقط لان هذلوه عدهم سوابق وعدهم شغلات اذا يبقون بالمنطقه يشكلون خطر عليها وعلى اهلها
اما بقيه الناس من اي طائفه كانت شيعه سنه مسيح صابئه محد يندك بيهم مفهوووووم
الكل كال مفهوم حجي صار هاي هيه
الناس صارت تتحسر على الغاز النسوان ظلت تخبز بالتنور الطين حته امي جابت تنور طين وخلته بالسطح
رغم هذا وفرنه الغاز للمنطقه واني جنت افتر على البيوت واخذ منهم القناني واترسلهم غاز
خلصت العطله وبلش دوام المدارس وبسبب سوء الوضع اختطاف وطائفيه وانفجارات
اغلب الناس بطلت بناتها وبلاخص طلاب المتوسطه والاعداديه
ووفرنالهم حمايه اباب كل مدرسه خلينه اثنين من الشباب يوكفون حمايه
اني صرت سادس اتفقت وي المدير فقط بلامتحانات اداوم نص السنه ونهايه السنه
واني اصلاً مافاتح الكتاب ولا ادري شمكتوب بي
بهالفتره حمزه يشتغل بمعمل مال ببسي والعصر يشتغل بأسواق
صرت قليل اشوفه مره جنت هستوني منفذ عمليه على قاعده مال امريكان وضربناهم هاونات بقينه ثلاث ايام انخطط للعمليه وشلون نستهدفهم وكدرنه نسيطر على الوضع من رجعت للبيت طبيت سبحت وتغديت
احس كلبي طاك على حمزه بليل رحتله للبيت
اعرف وقت رجعته سيرت يمه وشربنه جاي
..حمزاوي شخبار الوالده
.. تنهد وكال تعبانه فقار امي فد نوب تعبانه حته النفس كوه صارت تجره
.. حاولت قدر المستطاع اواسي ولو احس شما احجي وياه مااكدر اواسي ولاطالع بيدي شي اسويله
بهالاثناء انفتح الباب وطبت اخته تركض وشمرت نفسها بحضنه وهي تصيح ابا ابا
عقدت حواجبي ابتسمت
هاي شنوو تكلك بابا لو فهمتها غلط
حمزه.. ابتسم وهو مخليها بحضنه ويتأمل ملامحها البريئه
اي تصيحلي بابا اول كلمه لفضتها هي بابا وماكو اب كدام عينها غيري ومن عدها وبقت تصيحلي كله بابا
.. اخذتها من حضنه الشعر ذهب وواصل نص ضهرها والعيون صفر جنهن شمس ومن تبتسم تبرز غمازات بخدودها اثنينهن
بستها من خدها عقجت وجهه وبرطمت شفتها وبجت وهي تختل بحضن حمزه
.. هااي ليش ولج شسويتلج هي بوسـّﮧ
.. اي عيني احنه بوستنه غاليه شنهي ولك هو ياهو اليجي يبوس هذا الخد
وهو يبوس بخدها وبركبتها وهي طكت من الضحك
اني صافن عليهم واشوف الحنيه بعيون حمزه والحب الحمزه بعيون ملاك وكأنما فعلاً هو ابوها مْْو اخوها
رفع راسه شافني صافن عليهم
ضربني بجتفي وكال هااا ولك وين وصلت
هزيت راسي لاا ماكوو شي بس حلوو شعور واحد عنده اخت مو صح
حمزه.. ضحك وكال والله يااخي اني ممجربه والشعور الحلووو والي يجنن هو من تحس عندك طفله وتسمع منها كلمه بابا وتنتضرك يم الباب شوكت ترجع من الشغل ومتنام اله تنيمها على ايدك هذا احساسي وي ملاك ما حسيت وياها احساس الاخوه ماادري يجوز بسبب فارق العمر الي بينه او يجوز لان هي ماحست بوجود ابوها اصلاً ولان شايفتني اني ابوها بالمختصر يا ابو سيوفي شعور الابوبه حلووو بس للي يستحقه طبعاً
فقار.. جا څــوش اني هم الوالده ناويه السنه التجي تزوجني حالفه عليه تزوجني اكلت كلبي تريدلها ابنيه بلبيت والله ازهر ممقصر وياها حته مواعين يغسل المسكين بــَس شسويلها السوسن قافله اله تزوجني
حمزه.. عليك الله يله څــوش لعد شفتلك بنت الحلال لو راح تذبها ورا الوالده قصص وروايات عراقية كرار صلاح
فقار.. اكو وحده هي مخليتها ابالها حته بعدني ماشايفها بــَس تكول خوش ابنيه وفقيره وبعد ماادري آلُـِْلُـه كريم
كرصت ملاك من خدها وكلت
هسه لو ملوكه جبيره جان مو اخذتها وصرت نسيبك
حمزه.. خاب دكوووم ياخذ ملوكه ولك هاي بنيتي ماازوجها ابد ملاكي هيج تبقه يمي وكدام عيني ماانطيها ولا افاركها يوم
صارت امتحانات نص السنه واني طبيت امتحن حته جدول ماعندي تجيني الاسئله ورا شويه يوصلي الحل مجرد انقل واسال باجر شنو عدنه امتحان واطلع
وبأمتحانات النهائيه كذالك طبو جماعتي لان يعرفون اني بهاي القاعه يجيبولي لاسئله محلوله اكمل حل وانطيها لكل القاعه يحلون
خلصت لامتحانات
وا اسبوع بدينه نتحضر المداهمه على مقر للامريكان
وصرنه نجتمع بيت الحجي نهار بليل نتحضر للمداهمه
ورا اسبوع وصل العتاد والاسلحه اني جان اختصاصي بهاي المداهمه على البيكيسي
بقينه الليل كله كاعدين ورا صلاه الفجر نتحرك
صليت لبست ملابسي المعتاد عليها كله اسود ودرع ولفيت الشماغ على راسي والطرف مالته اغطي بي وجهي بس عيوني تبين حضرت سلاحي ولفيت شريط العتاد على متوني وانطلقنه 5 سيارات
بيومها 5 من جماعتنه استشهدو و3 مصابين
بعد ما خلصنه الدفن رجعت للبيت لان صار كم يوم مبتعد عن اهلي
اتلكتني امي تبجي وتضرب على صدرها
.. ولك يمه فقار تريد تموتني انت ولك والله تعبتني ولك عوف هذا الطريق تاليته لو موت لو سجن ولك يمه اذا صار بيك شي شسوي بروحي اني فدووه اروحلك عوف هذا الدرب وكمل دراستك لاتشلع كلبي فدووه يمه
.. بست راسها واحاول اطمنها
يمه لاتخافين ابنج اسد اذا متت شهيد اريدج ترفعين راسج بيه وتفتخرين انتي ام شهيد
.. ولك يمه اريد ازوجك وافرح بيك واشوف جهالك مو افرح باستشهادك
.. حاولت الطف جو وياها
كرصتها من خدها
يله سوسو وين لاكيتها من يكولن عليج ام الشهيد فقار
بس تخايلي شحلاتها هيج وارفع راسي بكل فخر
.. ولك كلاوجي هو شهيد يعني تموت وين ترفع راسك بـعد
.. اييي هيج اضحكي من فدووه اروحن العيونج الحلوات يماااي شلوون عيون شهل خررب عشيرتك ابوي على هالوصله هاي
.. ياا ولك صخام شني يـعـنـي وصله تقصد وصله مسح اني
.. ضحكت بصوت لاا يمه قصدي حلوووه وشحلاتج ابوي عنده بخت بهيج مو حقهن عماتي الزركات يكرهنج چا وين لاكيات هيج بياض وخدود جنهن تفاح النبي
.. امشي امشي كلاوجي كل مره تقشمرني بهاي سوالفك يله طب اسبح بين ما اسويلك غده
سبحت. تغديت وبليل التميت وي اخوتي صار هواي ما كاعد وياهم
.. ازهر بروح الحسين ما تسويلنه جاي مهيل من ايدج الحلوه
ازهر.. وسم اختك انه وتكلي ايدج
امي.. يمه خلي يولي هذا الدا** يغار منك
فقار .. چا عليمن بعد ماكله كلبي علمود تزوجيني وتريدين وحده تعينج بلبيت مو عندج ازهر حبيب كلبج
مخلد .. ايي وعلي ماتزوج وهيج تجيبلنه قروده صغار نتونس عليهم بلبيت
فقار.. هاا كو** مانزوجك انت ناخذله قرده وتخلفلك قروده
مخلد.. اخر شي افكر بي هو الزواج
فقار.. امممم دخلي يكبن عندك وتسكن الحمام تجي تتوسل بينه زوجوني
ابوي.. والله لو تبقه عليه ازوجكم ثلاثتكم بيوم واحد انت وازهر ومخلد عرس واحد وافض منكم احسن ماباقين هـًُّـيًُْـچ بلبيت بس ديوجه بدون دجاجات
عباس.. بويه واني لعد
فقار.. ضحكت ولك هاا عبيس حته انت تريد تزوج
عباس.. قابل اني وحد هم حالي حالكم
امي.. ولك عبوسي كل عمرك 8. سنوات تلحك على شلعان الكلب يمه
فقار.. كمت نفضت ملابسي من كشور الحب
باوعت لامي
چا من انتي تدرين بيه شلعان الكلب شكوو تريدين تورطيني
يله انه رايح الحمزه بليل ارجع
امي.. يمه مو تتأخر فدووه الطولك لايظل بالي عليك
.. انشالله يمه قبل ال10 راد
فقار..
دكيت الباب واسمع طكطكه ورا الباب صحت حمزززه
سمعت صوت ناصي وكوه ينفهم
ملاك.. عمو بابا نايم
فقار.. هاي انتي تطكطكين ورا الباب ولج جنج فاره
ملاكًى.. باب ما ينفتح
فقار.. شوو وخري اني افتحه
مديت ايدي وفتحت السرقي
بس شافتني راحت تركض جوه
اني ماخذ على بيتهم يعني عادي اطب للبيت لان ادري ماعدهم بنات بلبيت وامه اعتبرها امي منطيني الرخصه اطبلهم وكأني واحد من اهل البيت
وصلت يم باب المطبخ صحت يا الله خالتي يمه ام حمزاوي وينج
.. هاا يمه فقار تعال وليدي تفضل
.. طبيت لكيتها متمدده على سرير ابو نفر بالهول وشكلها كلش تعبان ومبين عليها المرض بستها من راسها كلتلها حمزه وينه لعد
.. بغرفته يمه روحله
.. فتحت الباب طبيت لكيت ملاك مطشره ملاعيب بالكاع تلعب من شافتني راحت تركض رفعت البطانيه مال حمزه وحشرت نفسها يمه وغطت وجهه
ابتسمت على سوالفها وتذكرت مخلد من كال تزوج وجيبلنه قروده
حمزه فتح عيونه كعد على حركة ملاك
حمزه.. سلاماً قولاً من ربً رحيم
فقار.. هااا شبيك كو** اشايف جني
حمزه.. بـٍْعد ملاك من حضنه وكعد يطك بركبته ويحجي
حشى الجني منك
فقار.. ٱڱڵـك اختك شبيها تخاف مني
حمزه.. مو حقها من تخاف هو انت شايف وجهك بالمرايه
فقار.. شبيه جني العافيه
حمزه.. يااعافيه الخاطر الاسلام دشوف لحيتك شطولها
فقار.. ابتسمت وكمت اباوع على روحي بالمرايه اخذت مشط امشط بشعري وبلحيتي
درت وجهي اباوع على ملاك خاتله بضهر حمزه تمد راسها تباوع وترجع تختل رحت قريب عليها
ملوكه تجين وياي للاسواق اشتريلج
.. تهز براسها بمعنى لا ومجلبه بتيشيرت حمزه حيل
.. چا براحتج انتي الخسرانه عبالي اشتريلج جبس وعصير وكيكه
.. بصوت ناصي وبي رعبه خوف بابا يجيبلي
حمزه.. حولها بحضنه ويبوس بيها حيل ويشاقيها وهي تضحك وتبرز غمازاتها
.. روحه البابا شعندي غيرج كليله ولي ماريد منك الله ليعوزني عليك
.. بابا عيب
.. يمه بنيتي التعرف العيب
شفت ولك شلون تعبان على تربيتها
فقار.. صافن عليهم
ابتسمت ولك والله لايكلك دور الاب
.. چا هو الاب الي يخلف الي يربي وملاكي من عمرها يوم ربت بحضني
نزلها وكلها يله روحي يم امي
فقار.. شخبار شغلك
حمزه.. لعبان نفس تعب بتعب عفت الاسواق بقيت بس بالمعمل
اي بشر استلمت النتيجه
فقار.. عقدت حاجبي تدري ناسيها
حمزه.. لابربك ولك من شوكت استلموها
فقار.. ايي بعلي ناسيها باجر اروح للمدرسه
حمزه.. الك نيه تكمل جامعه
فقار.. لاا خويه هي مال جامعه والوالده داكه رجل تريد هالايام تخطبلي
حمزه.. بيها الخير انـ شـاء الـلّه
فقار.. اخبار صحة الوالده
حمزه.. جر نفس وخلى ايده على راسه مثل متشوف وضعها من سيئ لأسوء
فقار.. الله كريم خويه دكوم يله خلي نطلع شويه نغير جو نشرب نركيله يله راح انتضرك بلباب
حمزه .. هــًـًســًه بــَس ابدل واجيك
ثاني يوم صباحاً
فقار..
رحت للمدرسه استلمت النتيجه والمعدل 91 ماشاء الله هو اني ماادري شمكتوب بالكتب مهتميت بالنتيجه اصلاً ضحكت على روحي بيها
من امي قررت تخطبلي ابويه تبرعلي بمبلغ من ورث ابوه استلمه وضامهن كال الساعة الضيج
قررت افتح بيهن مشروع اعتمد على نفسي بعدين اخطب
كعدت وي ابوي نخطط شنو ممكن الشي الي ينجح ويانه ولان احنه منطقه شعبيه وسوكنه كلش حركه قويه بي قررت افتح محل مال البسه رجاليه شبابيه
استأجرت محل بموقع ممتاز واتفقت واتفقت وي ابو الجمله اختاريت الموديلات الي دارجه بالسوك وموسمهن
بين متوصل البضاعه رتبت ديكورات المحل والاضائه والواجهيه مالته
واشتريت موبايل
بلشت بالمحل
ربعي صرت بقله التقي بيهم
بس من تصير مداهمه على امريكان لو وكر مال ارهاب اني براس القائمه وياهم
لحد ما ضلو يلاحكونه
غيرنه المكان الي نجتمع بي وصرنه نلتقي بغير مكان واجتنه اخباريه الامريكان يريدون يوصلونه عرفونه بالشكل بس ميعرفون اسمائنه
صارت اتفقايه بينه بطلب من الحجي نغير اسمائنه يـعـنـي حته من نحجي بينه مننطق باسمائنه صرنه نعتمد على الالقاب
واني صار لقبي ابو غضب
مشت عليه ابو غضب
ورا فتره احتاجيت واحد وياي بالمحل
رحت الحمزه وفتحت الموضوع وياه
.. حمزاوي بالمعمل شكد يحسبولك
.. يوميتي 15
.. ࢪ࣪يَن تترك وتشتغل وياي بالمحل واحسبلك 20 شتكول
.. والله ماادري اني تعبت من شغل المعمل اذا تحتاجني بلمحل لَيــِْش لا شوكت تحب ابلش وياك
.. من باجر
.. ࢪ࣪يَن بس علمني على الاسعار وسهله
.. خوش شغله اسبوع ابقه وياك تتعلم كلشي
.. بــَس اذا ميصرفلك تحسبلي 20. حته لو 15 عادي
.. الشغل الحمدالله مْـإأڜْـي وعندي معاميل معليك بهاي السالفه وهو صار محلك تاخذ وتطلع
ثاني يوم بلش وياي حمزه بقيت اعلمه ع الاسعار والقطع
بسرعه استلم الشغل اعتمدت عليه وصار كأنما هو صاحب المحل الضهر اخذ الغده من البيت ونكعد نتغده اني وياه ونخلصها سوالف وتحشيش وتعرف على الولد الي ويايه بالسوك احس نفسيته تحسنت وتغير
ورا فتره
صار حريق بمحل قريب علينه مال بلاستك والدخان كلش قوي انتبهت الحمزه كوه يجر النفس ويكح حيل وفاتح حلكه
ركضت عليه
.. حمزه شبيك انطيته مي يشرب ونفس حالته اتخبلت عليه ع السريع عزلت المحل وصعدته وراي بالدراجه واخذته امشي سريع وصلت للمستشفى دخلته للطوارئ خلوله اوكسجين ياله حالته استقرت سوله تحاليل وفحوصات وبين عنده ربو
سجلوله علاج رحت اخذت العلاج من الصيدليه ورجعت اخذته وصلته البيتهم
حمزه.. فقار ماريد امي تعرف بيه ربو
فقار.. تنهدت وجريت نفس ماشي خويه بــَس منين اجاك
حمزه.. من ورا شغل المعمل يمكن من ورا الدخان مال مكاين
فقار.. حمزاوي حبيبي العلاج التزم بي فدووه اروحلك لاتهمل نفسك اذا مو الخاطر نفسك الخاطر امك واختك
حمزه. انشالله خويه
فقار.. يله انه اترخص وباجر لاتجي ابقه بلبيت ارتاح
رجعت للبيت وتفكيري كله بحمزه عفيه هالولد ماشاف راح بحياته عنده اب بس بلاسم وامه مريضه واخته الطفله الصغيره كاسره ضهره
ثاني يوم فتحت المحل والضهر عز
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
