رواية رقم سبعه الفصل الثاني 2 بقلم جمانه السعيدي
بدت مرحله جديده بحياة عمتي كلشي جان مختلف بلنسبه الها الاكل والبس وطريقة الحياة
لكن هي كدرت تتاقلم وي الوضع الجديد وكان حب عمار هو الي ساندها
بس هذا الوضع ماكان عاجب عهود كانت مستكثره كلشي على الهام
ودائما تحاول تقلل من قيمتها كدام عيالها
اذا تطبخ تقلد على الطبخ
او تجي بلخفيه عنها وتزود الملح او تفتح بطل الزيت وتخلي على الجدر
كان كلشي صعب على الهام
ومتاكده عهود ورا هاي الشغلات
وتضطر ترجع تطبخ من جديد
بعدين قررت تبقى بلمطبخ تراقب الطبخ حتى لاتضطر تطبخ جديد
لمن شافت عهود نفسها ماتكدر تخرب الاكل
لكت حيله جديده
جمانه السعيدي
الهام كاعدا بلمطبخ تراقب الطبخ
وعهود صعدت الغرفة الهام خربت جرجف الجربايه
فتحت الكنتور وطشرت الملابس
وجابت صبغ الاظافر ورشته على السجاده
عمار كان ويه الوالد عنده شركة سفر وسياحه ويساعدا بلشغل
دخل للمطبخ
عمار...هلو حبيبتي شني هاي ريحة الطبخ تخبل جوعتني اكثر ما اني جوعان
الهام....بس غير ملابسك وهسه اجهز الاكل
اقتربت منه وهمست اصعد غير ملابسك اني ما اكدر اصعد وياك اخاف من المخربين يخربون الاكل
عمار...اي حبيبتي هسه ابدل وانزل
قرب على الهام وطبع بوسه بخده وهمس مشتاقلج مووووت
ابتسمت وردت اني اكثر
صعد عمار للغرفه ولكاها مكلوبه كلاب
عمار...الهام...الهام...تعاي هاي شبيها غرفتنا
عهود....اجت على صوت عمار يااا هاي شبيها غرفتكم عبالك عبوه مفجوره بيها
عذرها عيني مامتعوده على الترتيب
جانت كاعدا بخرابه وجبتها راسا للعز حقه
عمار...رجا ءء انتي مالج دخل بلموضوع روحي الغرفتج جهاللج يبجون
طبعا عهود عدها ولد اثنيين واحد اربع سنوات والثاني سنتين امجد ومعتز
الهام...اي جايه هسه عمه عينج على الطباخ دقيقه وراجعه
العمه...اي حبيبتي روحي اني راح احضر الزلاطه
الهام صعدت للغرفه وتفاجئت بلهوسه الكنتور مفتوح والملابس مطشره وجرجف الجربايه مخربط
وصبغ اظافر فوك الزوليه مخربها
جمانه السعيدي
الهام....ياااا عزا هاي شصاير بلغرفه
عمار...انتي اليوم مامنظفه
الهام شلون مامنظفه انت تعقلها كلشي رتبت وعدلت ونزلت اطبخ
عمار...لعد شكوووو شصار
الهام..ولله ما اعرف اكيد اكو واحد سبب هذا الدمار
عمار...لاتضوجين حبيبتي خل نرتبها اني وياج
ونطلع الزوليه برا
الهام...ماكو غير الي ابالي اكيد هي سبب هاي المصيبه
عمار...لاتخلين عقلج وياها هاي وحدا غياره ومريضه نفسيا
اذاتنزلين بعد جوا اقفلي غرفتج لاتعوفيها مفتوحه ابد
رجعت الملابس للكنتور وطلعت الزوليه برا جان اسمع عهود تحجي طبعا متعمده تسمعني
عهود...طبعا بت فكر وماشايفه وشافت حتى صبغ الاظافر كابته على الزوليه
هي هاي حصيره هواي عليها
الهام...قررت ما اسكت الها دكيت باب غرفته طلعتلي
عهود...هاا شكوووو شصاير
الهام....انتي شتريدين مني اني بيش اذيتج
عهود...عشتو شريد منج مثلا
الهام...بس حبيت اكولج لاتعبين نفسج وياي لان بالي طويل ومستحيل وحدا مثلج توصل مستواي ابد
وهاي حركات الزعاطيط بطليها لان ما لايكه على وحدا مثلج
عهود...ياااا مستوا بت الفكر
الهام...ابوي فكر بس علمني الاخلاق ورباني تربيه صحيحه
وما علمني اخلي عقلي ويه وحدا جاهله مثلج
عمار نزلت واسمع الصياح صعدت ركض
عهود...منو الجاهله تعاي اعلمج مدت ايدها تريد تضربني وعمار صدها
راسا بدلت وكامت تبجي هي هي عمار زوجتك تغلط عليه
عمار...سحبت الهام وخليتها وراي لان عهود بلدوزر وبضربه وحدا تقضي عليها
عمار....باعي عهود الهام ماتغلط على احد بدون سبب
عهود...يعني اني طلعت غلطانه مو اكيد تصف وياها
عمار...لا وياها ولا وياج ما اريد مشاكل
لزمت الهام من ايدها ومشيت نزلت جوا
عمار...يمعوده ويامن تتعاركين بضربه وحدا توصلج للصين
ماشوفينها بكدج عشر مرات
الهام...اني ماردت اتعارك وياها بس هي استفزتني فوك مامخربه غرفتي وفراشي تكول عليه ماشايفه وفكر
عمار...عوفيها يمعوده كاتلته الغيره لان رفضت اختها
يله حضري الاكل لان كلش جعت
الهام...تدلل حبيبي
جمانه السعيدي
الهام حضرت الغدا وكعدنا ناكول اني وعمار وعمي وعمتي وعهود مانزلت ابد وزوجها مارجع بيومها
صعدت الغرفتي اني وعمار واسمعها تخابر زوجها وتشتكي مني وتغلط عليه وتسب فار دمي
عمار...لاتضوجين اني هسه اخذلج ثارج منها
دخلنا للغرفه وكام عمار يحشش ويسولف نكت واني ويااا كمنا نضحك بصوت عالي
وكلما اسكت يرجع يسولف نكته وياشرلي اضحكي بصوت عالي
مانسمع اله باب غرفتنا انضربت حيل وعهود تصيح شني ماناخذ راحتنا اليوم ضحكم واصل السابع جار
عمار...شتريدين مناخذ راحتنه حتى بغرفتنا لاحكتنا
تعاي نضحك عليج اقصد نضحك وياج
طكيناها بضحكه قويه اثنيناتنا
عهود...متت قهر كلشي خططتله خرب ياربي هاي الهام يمكن ساحره لعيالي كلهم يحبونها
ورجلها ميت عليها واني خالد حتى من اسولف ويا يضوج
حظ حظها كاعد بت الفكر
ورا يومين اجتمعنا كولنا على العشى ونسولف ونضحك
وعمار كل شويه يوكلني وعهود بعد شويه وتنفجر
جان كالت
عهود... الهام...عود ذكريني عندي ملابس ما اريدهن انطيجياهن دزيهن البنات اخوج يلبسنهن
الهام...بنات اخوي ماعايزات ابوهن مدللهن بعدين ملابسج يكفن الامل طه وبنات اخوي رشيقات مثلي
شوفي اخواتج وانطيهن بنات اخوي مامحتاجات ملابسج
كبستها كبسه عالميه
لان ما اسمحلها تقلل قيمتي او تعاملني وكانها احسن مني
عمار الله يحفضه اليه مامقصر عليه بشي ابد وكل فتره يجيبلي هديه ذهب
اكله ليش هداياك كله ذهب لو اجيبلي وردا كافي عليه منك
عمار...الذهب يستاهل الذهب
ابقى طول عمري احبج واجيبلج كلشي يا احلى هديه من رب العالمين
كلامه كان يعزز ثقتي بنفسي
ويخليني اتعلق بي حيل
ومن اروح البيت اهلي ياخذني بلسياره ويشتريلهم ملابس وهدايه ومسواك ويوصلني للباب وينزل وياي
يسلم عليهم ويبوس الجهال
ولاعاملني بيوم وكاني اقل منه او اهلي مستواهم اقل من مستوا اهله
ماكان منغص حياتي بس هلعهود الي شاده وياي شده
بس اني واكفتله ومراح اخليه تقلل مني
اوتحجي عليه
اني قويه بحب عمارر.....
بدل ماتدور وتبحث علي الروايات خليها علي تليفونك وحمل تطبيقنا
